ما احب زوجي ودي اتطلق مع العلم انه مطلقني مرتين بس وهدني مو راضي يسرحني من ذمته
مع بعض عايشين بنفس البيت لكن اكرهه اكره انفاسه مع العلم انه له مني بنت وولد
مممم احس العين صابتني عيزت يا بنات وانا اصده تخيلو حتى بالفراش اغمض عيوني عنه مع انه خوش ريال
مممممممممممم اكرهه يمكن لأني ما احس برجولته كثر ما احس بذكورته
والله والله اني ما عرف غيره ومالي الا هو وعيالي الاثنين لكن انعدام المصرف والطلب المتكرر مني له بتليه طلبات البيت ويقولي روحي دبري عمرج خلاه يطيح من عيني
يا جماعة وين اروح اذا انا ما اشتغل شتبيني اسوي ؟؟؟ اغلط !!
ياربي والله مو ذنبي انه زوجي حده مفهي
ما يحب شي كثر النوم والنوم والنوم والجنس
طيب يا بوفلان قوم يبيلنا ماجله دبري عمرج
ودنا السوق دبري عمرج
زين تعال نروح نزور ااهلي دبري عمرج
زين واهلك هم دبري عمرج
عفية مليت لو اتزوج واحد ثاني ابرك
اففففف مادري شقولكم
صار الطلاق عندي بهدف البحث عن ريال مسؤول
اكتب لكم وانا ميتة من البجي
ونادر ما اشكي لدرجة انه وربي وربي ابي سيارة بس عقب ما دعمت ما رضا
اطلع سيارة ثانية بس بزور امي وابوي بالعيد يقول روحي بتاكسي
امبيه شنو هالغارية اللي فيه
مممم شنو اسوي ولا رحت عند ابوي ردني وقال ابو عيالج لو يحط نعاله بحلجج
المشكلة اخر مرة رديت على ابوي شكيتله الحال طاح جلطة دماغية من حسرته علي
خواتي ترضونها على نفسكم ؟؟
ملاحظة : هو ماكان جذي قبل اربع سنوات
انا وهو 11 سنة زواج
وجدام الناس همه انه نمثل ويلملم فيني ويبوس جدام حريم اخونه ومحسسهم انه احنا نموت على بعض
وبليل كل واحد بدار او انه جنس بلا احساس من صوبي
واهله ما يجيبون الى قصة حبنا وحياتنا وبيتنا واحنا حشاكم صبح تبن وبليل تبن :0bee2e8d89:
ملييييييييييييييييييييت انطر منكم حل لمشكلتي
اقول قولي هذا واحمد الله على كل حال
