رياضيات وعلوم

[ورود الكويت]

بنات ابي اعرف مادة الرياضيات والعلوم ملوت ثانيه وثلاثه ابتدائي ماتحسون ان فيهم صعوبه على الاطفال ولا شرايكم

 

[May3a]

لووول والله مادري انا قعدت يم امي ادرس خواتي ومعصبه ليش غيروا المنهج صعب عليهم ومادري شنو

 

[عود ومسك]

ايه بصراحه انا اشوف انه الرياضيات مال ثانيه احس ان فيه صعوبه شوي يعني ماكانو يعطونا جذي

 

[أمواج البحر]

اممممم ما ادري ما حسيت انه فيهم صعوبه

بس يبيلهم مجابل شوي

 

[هدولى]

صح منهج ثالثه الرياضيات صعب والله مو شويه وايد ما ادرى ليش ؟ بس ما اقول الا الله يعين ,,

 

[q879]

ايه بصراحه انا اشوف انه الرياضيات مال ثانيه احس ان فيه صعوبه شوي يعني ماكانو يعطونا جذي

والله انج صاجه انا اليوم بدرس بنتي رياضيات كل بلغة العربية يعني ثانية ابتدائي ايعرفون يقرون انا بعرف من هذا الي كل يوم احط هالمناهج يعني اشفيه المناهج القديم بس ما نقول الا حسبي الله ونعم الوكيل

 

[ام فهووودي]

احس ان المنهج القديم احسن

 

[ســوســو]

لا فيه شوي صعوبه بس كله بـصووووووووب والانجليززي بصوووووووووب

وانا ادرس اخواني اللي بالمتوسط حاطيين لي رويشد ونبيل شعيل ؟؟ < شهالمصخره !!

شهالتعليم !!

والله يآزين الكتب الاماراتيه قبل مو هالكتب هذي :*(

 

[مبدعة]

يوم كانوا عالمناهج القديمة كل من يتذمر ان مناهجنا دون المستوى و يوم طوروها مو عاجبتكم

ترى المناهج القديمة كانت بمستوى الحضانة للاسف لو تسوين بحث بالموضوعات القديمة راح تلقين ان كل اللي يدرس من اولى لي 4 مستوى الحضانة و الروضة !! وما يتعدى حتى اولى ابتدائي !

بالعكس زين سووا بس المشكله الحين مو بالمنهج المشكله هل في مدرسين اكفاء يدرسون و يفهون الياهل شالطبخه ؟

 

[السنعة2]

والله صاجه المشكلة بالمدرسات حرام حطو المنهج بدون مايعطونهم دورات
وهم وايد ضايعين

 

[شوق ومها]

وايد وايد وايد وايد صعب

بصراحه انا شهادتي ثانويه ومو عارفه ولافاهمه شي

الرياضيات " شنو هالمربعات فيها ارقام زوجيه وفرديه وبعدين وين الشرح

بس مسائل

مثل الشي العلوم كله تجارب انزين وين الشرح

يعني خل يحطون شرح علشان نقدر ندرسهم


والله حدي ضايعه يعني لو ولدي غبي انسي ينجح

 

[م فطومه]

صعب صعب صعب

انا مدرسة موعارفة ادرس لا اكو خطة من قبل ولا ورشات والي كلوها المساكين الي راحوا ثالثة لان تراكم عليهم


اولى صعبببببببببببببببببببببب العلوم المفاهيم والمصطلحات صعبة

اما الرياضيات اول الدروس الى اهيا النمط صعبة شوي بس الحين لا نفس اول كلة رموز الاعداد

(((انا ادرس علوم ورياضيات)))

 

[أم حمني المزيون]

المفروض يقررون المناهج الجديدة لصف أ ولى فقط ويكملون معاهم ..لأن مو معقولة بنتي بثانية ماخذت النمط السنة اللي طافت والسنة معطينها شي ما تأسست عليه بأولى ..وحدة تقول بنتي بأولى ماشية أوكيه بالرياضيات لأنه من البداية الدروس مشروحة ومبسطة بس اللي بثانية ضايعة...لأنها كانت ماخذه طريقة المنهج السابق ولا كان فيه نمط ولا تمثيل بياني حتى بنتي تسألني يعني شنو تمثيل بياني؟؟صح بتفهم الدرس عقب معاناة بس ترى المسميات:النمط والتمثيل البياني واااايد كبيرة علي 7سنوات !!وطبعا آنا اللي أتعب وأشرح بالبيت لأن بنتي تييني ولا شي تقول حلت معانا الأبلة!! ونفس ما قلتوا لا في الكتاب شرح ولا شي ...الله المستعاااااان.....داوموا اسبوعين وتعبنا شبنسوي باجي السنة....!!!

 

[بدوية اصيلة]

هلا اختى نفس مشكلة وياى احس المنهج اصعب من اول كنت الاول بدرس لبناتى الحين يبت لهم مدرسة رياضيات وعلوم وافتكيت الله يعينا على عيالنا والدروس

 

[غير كل الناس]

صعب ويعتمد علي القراءه يعني اذا القراءه مو ذاك الزود راح فيها الطفل

والادهي والامر مناهج النجليزي بالمتوسطه

 

[وافية*]

المناهج واللة حلوة مافيها شي وبالعكس ممتعة حيييييييييل بس الصعوبة لانة مافي تاسيس ولاخلفية علمية عند الطلبة يعني قمة التخبط شمستعجلين علية خل يغيرون منهج اولى وبعدين السنة اللي وراها يكملون على ثانية وبعدها ثالثة بالتدريج
والمصيبة ان وقت الحصة مايمدي تعطين شي
واحنا كل ماسالناهم عن شي قالو عادي هالسنة تجربة؟؟؟مساكين واللة هالطلبة صايرين فيران تجارب حسبي اللة عاللي كان السبب

 

[الحراير]

المناهج واللة حلوة مافيها شي وبالعكس ممتعة حيييييييييل بس الصعوبة لانة مافي تاسيس ولاخلفية علمية عند الطلبة يعني قمة التخبط شمستعجلين علية خل يغيرون منهج اولى وبعدين السنة اللي وراها يكملون على ثانية وبعدها ثالثة بالتدريج
والمصيبة ان وقت الحصة مايمدي تعطين شي
واحنا كل ماسالناهم عن شي قالو عادي هالسنة تجربة؟؟؟مساكين واللة هالطلبة صايرين فيران تجارب حسبي اللة عاللي كان السبب

اي والله صايرين فيران تجارب والله ولدي حاطتله مدرسة رياضيات وهو بثالثه ابتدائي والله علي ايامنا مانعرف المدرسين الخصوصين وامهاتنا مايدرسونه ومشاءالله وننجح