رياجيل ضيعووو عمر البنات !!!

[Pippa]

السلام عليكم ،،،!



بنات اليوم بناقشكم بموضوع حيييل منتشر



لمّا واحد شهادته دبلوم أو ثانوي ويخطب بنت الأوادم ويوافقون عليه

وبعد الملجه يحس ويتذكر أنه شهادته مش ولابد ويروح يطير لـ مصر أو الأردن يكمّل دراسته !!

ويعلق البنت جم سنة وإلا إلي يتزوج واهوا يدرس ويخلي مرته بالكويت ،،،



الحين بعرف ليش مايكمل دراسته تالي يخطب ليش يضيع عمر البنت !!


أو يتزوج ويخليها بالكويت وتقعد جنها مو متزوجه !!


البنت وافقت عليك شهادتك جذي ليش يعني بعرف ليش يسووون جذي



الحين أنتوا برايكم البنت شلون تصرّف بهالحاله ؟؟

 

[Pippa]

,

وأخيرا ًنزل لول

اب

 

[A-b-c-]

صااااااجه وهذا رايي انا بعرف اذا الريال خاطره يكمل دراستة يكمل تالي يدرس ليش يعلق بنت الناس اهي ماتزوجت عشان تقعد بيت اهلها اهي تزوجت عشان تستقر بحياتها مو يلطعها جم سنه تالي يرد بعدين الشيطان شاطر وفي وايد ريايل يقولون بندرس ويروحون يخربطون بالله شذنبها بنت الناس

 

[فاقده ابوهاااا]

اشدعوه في جذي بالكويت
انا خابره هالشغلات تصير بره واذا صارت عندنا ياخذ مرته مثل ولد خالتي خذا زوجته امريكا وادرست بعد اهي معاه ويمكن صارلهم ٥سنين ويمكن اكثر مع بعض بس انه يهد زوجته والاخ يسافر الصراحه حد المصخره

يعني الزوجه ليش متزوجه علشان الريل يملج عليها وما تشوف رقعت ويهه الا بالسنه مره او يمكن يتحجج بالفلوس وما يردلها ، شي يبط الجبد الصراحه

 

[انونا]

عادي حبيبتي وراءه كل رجل عظيم امراه


مو غلط ان حب ان البنت ترفع راسها بريلها
مو غلط ان حب يطور من نفسه علشانها وعلشان عايلته


بس غلط ان يخلي زوجته ويسافر خل تروح معاه وبالعكس
راح الولد يتعلق بالبنت اكثر لان غربه راح تعرفهم على بعض وتفهمهم بعض

واغلب اهلي جذي ياخذون حريمهم ويسافرون ويكملون
ولا واهي تدرس معاه بعد اذا مو مكمله تكمل ا

 

[amnoor]

اي والله هاذي السالفه بدأت تلاحظ بالديره بكثره
الله يهديهم شنقول بعد
حضرتهم ما يحب عمره وما يحب مستقبله الا لو شاف هالمسكينه
نايم سنين وسبحان الله يصحى لما يملج

 

[جـــواهر]

ماحب التعليق كلللش

اذا بيحجزها قبل يملج يقولها يافلانه ترا احنا بنطول بالملجه
لاني ابي شهاده بهالوقت البنت تختار

او انه يتزوجها ويروح يقدم امتحاناته ويجي اذا كانت الدوله قريبه

والله مرت اخوي ماشاء الله عليهاااا صبرت على اخوي ٥ سنين

لين صااار دكتور يغيب بالسنوات بين لندن و امريكااا وهي الام والابو

لعياله بس وين تلاقين هالنمونه فبنات هالجيل

 

[اميره1980]

بالعكس زين يسوي
الحياة الحين صايرة صعبة و لازم يكمل دراسته هالشي وايد زين
اذا يبي يكمل دراسته بره الديرة ياخذها وياه تكون سنده بالحياة هناك

اعرف وحدة تزوجت و ريلها شهادته متوسطة و هي اللي حنت عليه علشان ياخذ الثانوية و بعدها درس بالجامعة بره الكويت و صار محامي الحين تبارك الرحمن

 

[kwait doll]

حتى اللي يملجون وينقعون البنت سنتين وثلاث على ما يبني وييمع فلوس صج مغثة واذا تكلمتي يقوولون على شنو مستعيله

 

[معلمة شيسمونه]

شوفي
في ناس تمصخها يعني يتزوجها توه مالهم جم شهر طار وراح يكمل دراسته

ويكون عارف بهالشي من قبل ؟؟

بس بقولج على رفيجتي
هذه مسكينه
ملجت .. على زوجها وهو يصير لها من اهلهم
كل ما يبون يتزوجون يموت شخص مهم بالعايله مره يدتهم مره خالهم مره ع مهم

وتاجل العرس 4 سنين
عقــــــــــب لما حددوه
قالها ابي اسافر ادرس 3 سنين .......

عاد تعالي شوفي شسوت

قامت تبجي وتقول طلقني وطس ادرس ما ابيك

لي سنين معلقه

وفعلا تنازل عن الموضوع .. رغم انه فيه مصلحتهم .. لكن البنت تعبت نفسيا وصبرت وايد
شغله ثانيه هم هو كان مفروض بالفتره اللي طافت يروح يدرس مو الحين ؟
وغير هذا هو ما يقدر ياخذها معاه .. يقولها انا ريال عادي انام اي مكان اكل اي شي يمشي الحال اما انتي ان رحتي معاي ملزوم اوفر لج سكن واكل واصرف عليج وانا ما اقدر هناك ؟؟

يعني موقفهم اثنينهم فيه نوع من الصحه

بس اللي صار البنت عندت وقالت يا انا يا دراستك
وترك الدراسه والله وقعد قبالها الله يوفقهم

بس ترىمو كل مره تضبط

 

[om al ghaleen]

فعلا شي يغث
حلو يكمل بعد فتره طويله علشان تكون الزوجه تستقر شويه
وتكون معتمده على نفسها
والاحسن ياخذها معاه ..

 

[Patcholli]

بالعكس شي حلو يمكن اهي خلته يتشجع انه يحسن مستواه التعليمي وين المشكله ؟؟؟

وخل زوجته تروح معاه

 

[الجوهرا]

اب اب اب اب

 

[مناير ...!]

المفروض تروح معاه

 

[sara 2009]

يكملون دراساتهم لانه يمكن تعايرو وسمعو تعليق كدر خاطرهم .. ترى الرجال يحب يكون كامل بعين حرمته

 

[سفييره الكويت]

يبون زياده معاشات حق سفاراتهم مع الربع وتغيير سيارات كل 6 اشهر وقروض كل شوي


هذي سوالف الشباب

مو مضيعهم الا التقليد الاعمى

شتسوين بعد صبري شوفي اخرتها شنو ييب دكتوراه من الهند ولا الفلبين لووووووووول هابين بجذي

عاد ياليت فرق المعاش وايد بيكون

الله يصبرج ياقلبي وموفقين ...

 

[Le chat]

علشان يكمل دراسته بالعلاوات الاجتماعيه بوق

 

[Cander]

بيني وبينج في بعض الحريم يرضون يعيشون جذي

بس بالاسم انا متزوجة وعندي ريل

 

[om Firas]

تروح معه وانتحل المشكله غير جذي ماايد ابدددد

 

[مموريز]

والله حرام عليهم اللي يسون بالبنات.....يعني ماجلت الدراسة الابعد الملكة...حلو ان الواحد يطور من نفسه وياخذله شهادة نرفع من مستواه الوظيفي,,,بس ظلم انه يروح وبخلي خطيبته...وش ذنبها عمرها يروح وهي تنتظر هالرجال يجي بالشهادة....لو صار شي بالخارج او مات لاقدر الله ’’’تصير ارملة وهي اصلا ماتزوجت فعليا....او شاف له شوفه غيرها وتركها ,,مين يعوض سنين عمرها اللي راحت......المفروض ياخذها معاه ويرتب اموره من الاساس على هالشي....
او بلى من الزواج لين ياسس نفسه..