رويال حياة ؟؟؟؟؟؟؟؟؟؟؟؟؟؟؟

[kaify q8ya]

السلام عليكم و رحمة الله و بركاته

اشلونكم كروشات و امهات و بنات

هذا اول موضوع لي بهالقسم و ابي فزعتكم لا هنتوا

أنا الحين بالثامن و اراجع عند الدكتوره امل عبدالعزيز بمستشفى السلام

لكن اللي صار ان كذا مره اروح طوارئ السلام و تصيرلي مواقف خايسه

مره مع الممرضات و مره مع الدكتوره مالت الطوارئ

عاد اخر موقف صار ان الدكتوره صرخت علي طبعا دكتورة الطوارئ أهي هنديه من هالموقف زوجي شاش و قالي
ربي و ربج واحد بهالمستشفى ما تولدين انسي و عيزت و أنا أحاول معاه بس ماكو فايده

المهم استقريت على رويال حياة



ولكن .............



مادري حق اي دكتوره اروح !!!!!!!!

ما عليكم امر ابيكم تساعدوني بليييييييييز

أنا اول رمضان ادخل التاسع فابي اراجع الحين برويال ساعدوني الله يخليكم


ربي يقر عينكم بشوفة جنينكم و اللي ما عندها ربي يرزقها و اللي عندها ربي يجعله من الذريه الصالحه


ناطره ردودكم لا تفشلوني عفيه :eh_s(22):*

 

[كويتيه شماليه]

انصحج من كل قلبي ومن اخت مجربه دكتوره هدى الناصر الزكري اهي عيادتها ورا رويال حياة بس تولد بهالمستشفى
والله دكتوره شاطره بمعنى الكلمه والله شاهد على كلامي حبوبه واخلاق عاليه انسانه تخاف الله ومدينه ماشاءالله عليها
اذا حابه تتطمنين وتحدد لج موعد الولاده وكل شي سونارها عجيب وكلمتها وحده ومواعيدها مضبوطه والله يسهل عليج ويوفقج*

 

[[[ عيون جابر ]]]

للرفع
ربي يسهل عليج

 

[kaify q8ya]

انصحج من كل قلبي ومن اخت مجربه دكتوره هدى الناصر الزكري اهي عيادتها ورا رويال حياة بس تولد بهالمستشفى
والله دكتوره شاطره بمعنى الكلمه والله شاهد على كلامي حبوبه واخلاق عاليه انسانه تخاف الله ومدينه ماشاءالله عليها
اذا حابه تتطمنين وتحدد لج موعد الولاده وكل شي سونارها عجيب وكلمتها وحده ومواعيدها مضبوطه والله يسهل عليج ويوفقج*

حبيبتي مشكوره و فعلا قريت كذا موضوع يمدحونها
ما قصرتي يالغاليه

 

[ام ساره 4]

يمدحون خالده المجيبل والله واعلم والسهاله من رب العالمين

 

[kaify q8ya]

للرفع
ربي يسهل عليج

حبيبتي و يسهل عليج يارب

 

[kaify q8ya]

يمدحون خالده المجيبل والله واعلم والسهاله من رب العالمين

صاجه وايد قريت عنها بس يقولون وايد زحمه عندها و أنا وحظي اذا لقيت

و على قولتج السهاله من الله

 

[moon night]

نداء بو خضور
رووووووعه

 

[أم عزيـز]

انا مثل حالتج حبيبتي كنت اراجع عند امل والحين حولت على رويال واخذت اقرب موعد عند نداء بو خضور
وان شاء الله ارتاح معاها واكمل

التأمين عفسنا من صوب وسمعة مستشفى السلام بعد من صوب والله المستعان

 

[دلووعة أهلهاا]

هدئ الناصر كنت اراجع عندها حبوبه بس ماولدت عندها

 

[zain-alq8]

تبين وحده ماعليها زحمه واحس انها شاطره وفاهمه وهاديه دكتوره لبنانيه اسمها مني ابوطعام برويال حياة واستخيري

 

[عسوله معسوله]

نداء بوخضور للحين ما سمعت أحد ذمها ماشالله
و السهاله من الله حبيبتي استخيري و توكلي على الله

الله يسهل عليج

 

[دلوعت حبيبها ~]

آنا أراجع عند نداء بؤ خضور

للحين ما شفت شي ولا سمعت احد يذمها

 

[Aloe Vera]

انا والدة فيه مرتين من ٥ سنين ، من سنتين بس دكتورتي من برة

شوفي الدكاترة الكويتيات زينين بس عليهم زحمة حيل

في لبنانية اسمها بولين حبيقة ماعليها زحمة كلش و رفيجتي حيل تمدحها بالولادة

و الاهم انج تستخيرين

بس لا تحاتين لان اذا استخرتي الله راح يكتبلج اللي فيه الخيرة لج

رويال حياة اختيار موفق ان شاء الله

 

[مسـك]

خالده المجيبل


نداء ماتعطيج من وقتها كلش بس بغرفة السونار تقعد وياج وتطلع وتخلي الباقي على مساعدتها

 

[shahuda]

روحي عند الدكتوره خالده المجيبل ما شالله شاطره

 

[kaify q8ya]

مشكورين كل اللي ردوا ما قصرتوا

بالنسبه حق دكتوره خالده عيزت و أنا أدق محد يرد

امس ما نمت قريت عن كل دكاترتهم تقريبا

دكتوره نداء في مواضيع يذمون فيها و اكثر شي ما عجبني يقولون ان كل شي على ألمساعده ما حبيت

و من بعد حوستي لقيت دكتوره نجلاء الزعفراني و استخرت و قلت بحط موعد و أشوفها اشلونها و احكم



مشكوره حبيباتي ما قصرتوا

الله يرزقكم كل اللي تتمنونه مابيدي غير الدعاء :yaaaaaarb:*

 

[~Swan~]

انا اراجع عند نداء بوخضوور

شحلووها والله عسل

و مدحوها لي..

عسى الله يسهل عليج وعليناا


السلام وايد اسمع عليه مشاكل \:

اشوه اني ما فتحت ملفي عندهم

 

[كيت كات]

دكتورة خالدة ماشاءالله عليها والسهاله من رب العالمين
بس اهم مايردون علي التلفون دقي علي سكرتيرتها زهرة66321218

 

[بنوته كربونش]

انا مثل حالتج حبيبتي كنت اراجع عند امل والحين حولت على رويال واخذت اقرب موعد عند نداء بو خضور
وان شاء الله ارتاح معاها واكمل

التأمين عفسنا من صوب وسمعة مستشفى السلام بعد من صوب والله المستعان

ام عزيز انا نفس حالتج التامين خسبقني وانا على ويه ولاده فشكلي بروح رويال حياة بس ماعرف دكاترتهم اذا رحتي عند نداء عطيني خبر و طمنيني و شلون طريقة تامينهم

​