رويال او الشفا

[mooma]

السلام عليكم و الرحمه
شلووونكم بنااات عساااكم بخييير
بنات عفيه فيدووني
انا بجرييه ومو عارفه متردده بين رويال و دار الشفا
صج حاابه ارووح رويال بس قلت اسالكم عشان تفيدوووني لاني بجريه و حابه اسوي استقبالي باذن الله بالمستشفى
فقلت تفيدوووني​

 

[ام خدود ورديه]

ترى فرق شاسع بالاسعار بين رويال وحياة

انا مو مجربه بس كل اهلي بدار الشفا وحتى دكتورتي نصحتني فيه قالتلي قديم وخبره ومعاملتهم وايد وايد زينه هذا اللي سمعته وشفته وغرفهم حلوه واسعارهم مناسبه
اما رويال مو شايفته اللي اعرفه انه غالي
والله يسهل عليج يارب

 

[kanoosha]

الشفا احلي واسعار مناسبه اللي يبي هياط وهالسوالف روياااال

 

[ورده عنابيه]

دار الشفا خدمة وخبرة وعناية بالام والطفل واسعارة مناسبة حتى غرفهم للاستقبال كبيرة وسعرها ممتاز رويال حياة كشخة بس العناية والخدمة ماجربتها

 

[mooma]

مشكوورين بناات ما قصرتووو

 

[أم نواف غير]

الله يسهل عليج ان شالله والاحسن بنسبة للممرضات خبرة اكثر دار الشفا الصراحة سوالف الكشخة ماتفيد بوقت العناية والعناية افضل لج بدار الشفا اما عناية رويال حياة ماكو عناية ولا خبرة وهذا من واقع تجربة

 

[saroooona]

انا ولدت بالسلام وييييييييع من قلب ماكو عناية لا من السيارات ولا من الدكاترة ،،بس قبل جم شهر سويت عملية بدار الشفا وااااااي ياحلو عنايتهم يشيلونج شيل والحين أنا حامل بالسادس وانشالله راح اولد عندهم

 

[mooma]

واااي ما في احد مدح رويال مع اني وايد حابه اروحله !!

يعطيكم العافيه بناات

 

[بدووورة]

بالعكس رويال حياه فخم وحلو بس غالي وبالعكس اختي ولدت هناك عنايه السسترات وغرفهم حلوه واكلهم حلو ههههه

انا توني والله بالشفا صراحه وايد ارتحت وسسترات وايد زينين وغرفهم زينه ووفرنا وايد

 

[mooma]

يعطيج العافيه بدووره حبيبتي زين في وحده شجعتني لوول

 

[myfashionbag]

رويال حياة ماعندهم خبرة الشفا و الشفا وايد احسن لا تغرج الغرفه اعرف وايد بنات طلعوا روحهم رويال حية

 

[أم حمودي**MALL**]

فكري بسلامتج والبيبي واختاري دار الشفا

 

[Diva-Q8]

اذا تبين الصراحه

بدلعين نفسج روحي رويال لانه مستشفى وايد هادي والسيرفس والاهتمام فندقي عن تجربه

تبين توفرين بالمصاريف وبنفس الوقت مستشفى زينه روحي الشفا الملاحظه الوحيده انه لويه لانه مايفظى

وثنتينهم سستراتهم يهبلون وخبره هم رويال مو امس مفتتحينه صارله جم سنه وكافي سمعته

انتي اختاري

 

[mooma]

صح يمكن اللي قاعدين يقولون تجاربهم اول ما فتح بس في وايد بنات توهم والدين فيه و يقولون تغيير و صار واايد احسن !

 

[ساشا]

طبعا رويال حياة ... واي عيشة ثانية ودلع

دار الشفا زحمة وماكو مواقف نفس العالم اصلا على ما الناس تدخل حولي يبيلها اكثر من نص ساعة

بس لو بتخيريني بين السلام ورويال بقولج السلام

المقارنة راح تكون من الناحية الطبية (السلام) متمكنين طبيا اكثر

واسعارهم عن رويال طبعا احسن واوفر

 

[mooma]

يعطيج العافيه ساشا

 

[خشف العرايس]

رويال حياة

 

[@الجود@]

زين حبيباتي بسالكم

منو احسن دكتووره بدار الشفاء

 

[om_saleem]

شوفي انتي خيرتينا بين اثنين كل واحد له شي وميزه

تبين عنايه واهتمام ودكاتره وخبره وكمام وكل شي وقت الولاده مريح روحي حق الشفا بدون خوف

تبين كشخه وخبخبه وتبين تقطين على الاستقبال بس بالولاده انتي وحظج روحي رويال

تبين نصيحتي روحي ولدي بتلشفا باصغر غرفه عندهم وعقب سبوع من الولاده حجزي غرفة برويال وسوي استقبالج