رومنسيات الصبح

[ساحرتهم]

رومانسيات الصبح جربتوها ؟:sfg:


شلون وضعكم لما تقعدون من النوم ؟
الزوج يصارخ
.
.
وين غترتي وين عقالي وهو معصب ويرفس زوجته
قومي ياالعله دوريهم تأخرت اوووف يالله دبه
والزوجه تفرك عيونها وهي تتقلب وتتثاوب
.
.:j013:

شنو ازعجتني توني ناايمه
روح دورهم منيه ولا مناك ماندري عنك وين حطيتهم
يطلع من الغرفه وهو يهاوش
.
.
انتي ماهمك الا النوم سهر طول الليل على النت
واذا طلعت الشمس نمتي للعصر اوووف مو حاله هذي
ويطلع لدوامهزهقان ومعصب بعد مالقى غترته وعقاله
.
.:23_asmilies-com:

انزين هذي حالة متزوجين ؟
الى متى على هالحاله الصعبه ؟
انزين ليش مايغيرون حياتهم عشان يفتكون من الضغط والسكر والجلطات ؟
ليش ماتكسرون الروتين وتحبون بعض لانكم انتم لبعض وهذا اهم شي ؟
.
.
ليش الزوج لما يقوم من نومه وزوجته نايمه يقوم شوي شوي عشان ماتحس خاصة اذا كانو سهرانين امس
سهره حلوه ..:fun:
يسوي له اي ريوق خفيف على الطاير ويطلع لدوامه ويرسل لها مسج
.
صباحك ورد حبيبتي
احبك
لما تقعد زوجته على المسج شرايكم بتقوم معصبه ولا تبتسم وتبوس الجوال ؟
او لما يقوم الزوج من نومه وتنتبه زوجته وتفتح عيونها يبوس راسها ويقول
صباحك ورد حبيبتي
نامي ماابي شي بدبر نفسي بالريوق
.
.
والزوجه ليش ماتكون سنعه وتقوم قبله وتجهز ريوقه وتستقبله بابتسامة رضا
مو تنام للظهر ويمكن ترسل له مسج
جيب معاك غدا ترى ماسويت تعبانه
غريبه شنو تعبانه منه وانتي طول الليل سهرانه على النت ؟
عندك النهار كله ارتزي عليه ونامي بالليل مبجر احسن لنفسيتك ولزوجك
لاتخربين بيتك بيدك وخلي زوجك اهم من النت وغيره
والله مافي احلى من قومة الصبح وتتصبح بوجه زوجتك حبيبة قلبك وتودعك وانت رايح عملك
كثير للاسف يفتقدون هالرومانسيات مع انها جدا ظروريه لسعادتنا ولحياتنا

ياريت تعجبكم مابي منكم الا الدعاء لي

 

[q8rose]

صاجه واللله

 

[حلمي اكون ام Q8]

ههههههههههههه حلوووه

الله يوفقج

 

[ساحرتهم]

حلمي اجمعيييييين يارب

 

[q8hadaya]

صح ونص

 

[سبيجه الروضان]

ههههههههههه لا اشدعوه مااعتقد في ريال من الصبح يصارخ بس سالفه الغتره صح والله كل يوم يقوم الصبح مسكين مايبي يقعدني بس يشيل اللحاف عني و يفج الليتات كلهم ويبطل الباب بكثر ماعنده من قوه لين يطق الطوفه ويرد يتسكر مره ثانيه بصوت عالي ويلبس الدلاغات والجواتي عزكم الله على السرير ويهتز فيه واذا ماحصل الغتره قرب يمي شوي شوي بانامل ويسحب خشمي يعني مايبي يقعدني عرفتوا ؟؟؟ ويقولي وين غترتي ؟؟ عاد انا اكون قاعده من اول ماسحب عني اللحاف واكون مجهزه هجوم يعني وين تحت مخدتي الله يهداك بالكبت ويا دشاديشك هااااااااا خلاص اوكي نوم العافيه كملي وياخذها ويطلع ويخلي كل شي مثل مااهوووو



شرايكم؟؟؟

 

[jamjooma]

يسلمووو عالموضوع الحلو

 

[ساحرتهم]

ويقولي وين غترتي ؟؟ عاد انا اكون قاعده من اول ماسحب عني اللحاف واكون مجهزه هجوم يعني وين تحت مخدتي الله يهداك بالكبت ويا دشاديشك هااااااااا خلاص اوكي نوم العافيه كملي وياخذها ويطلع ويخلي كل شي مثل مااهوووو



شرايكم؟؟؟

هههههههههههههههههههههههههههههههههههههههه ...والله ضحكتيني
الله يخليكم لبعض يارب

 

[ميمي_21]

مو لهل درجه يعني في رجال مايعرف أن الغتر والدشاديش بالكبت
وفي أكيد الرجال يعرف نظام ترتيب الكبت وين الغترة وين الدلاغات والدشاديش
والمرا المفروض أن عارف دوام زوجها الصبح وتكون شايفه الكبت ومعطرة الملابس داخل الكبت ومبخرتهم من الليل[/color]

 

[شنوووفه]

اي والله صح كلالالامج مفتقديين هالشي :>
مشكووره حبيبتي

 

[ساحرتهم]

مو لهل درجه يعني في رجال مايعرف أن الغتر والدشاديش بالكبت
وفي أكيد الرجال يعرف نظام ترتيب الكبت وين الغترة وين الدلاغات والدشاديش
والمرا المفروض أن عارف دوام زوجها الصبح وتكون شايفه الكبت ومعطرة الملابس داخل الكبت ومبخرتهم من الليل[/color]

هو اكييييييييييييد يكون عارف مكانهم بس هم فيهم كسل موطبيعي
يعني حتى لو الشغله جدامهم ماياخذونها تعالي انتي يبيها

 

[ساحرتهم]

اي والله صح كلالالامج مفتقديين هالشي :>
مشكووره حبيبتي

العفووو حياتي

 

[ميمي_21]

لالالالا هذا موكسل هذا لععععانه زايذه فيهم
أنا مريحه راسي بصراحه لاأبي بوسه ولاحبيبتي لأن أدري ماراح يسويه طول عمره
بس أنا لعانهة من بس من صوت الجوتي أو لنعال فسويه حركة حللووووه طلعته بره الدار يلبس ومايشوف شر

 

[أذوب في عيونها]

مشكورة

 

[zanobita]

لوووول لو هذا ريلي يقعدني برفسه عشان الغتره و الدشداشه من زمااااااااااااااااااااااااااااان انا متطلقه و عند اهلي خخخخخ اي شي

عموما انا متعوده اضبط الساعه قبل لايقعد بعشر دقايق و انا الي اقعده و الحمدلله الأجواء هاديه الصبح واذا ساعات مالي خلق اقعد او تروح على نومه يقعد بهدوء بس يبيني افز و ادري انه طلع ... اذا الاوضاع هاديه يبوسني و اذا الاخ موعاجبه ليش مو قاعده يشغل نغمه بتلفونه وله يقعد يكح وله يبطل باب الحمام و يسكره بصوت عالي ... خخخخ ذكرتوني قبل فتره قعد و ليلتهه صار بيننه نقاش و الصبح ماقعدت عناد و بس طلع من الحمام كح مره مرتين بصوت مابطلت عيوني كح بعد مره و مرتين و انا قاعده احاول اسوي روحي نايمه بس انتبه جان ايي فوق راسي و يكح بصوت عالي خرعني و بطيتهه ضحكه جان يقول عشان مره ثانيه ماتمثلين انج نايمه <<< وااااي نحييس

 

[أو عبوش]

ههههههههههههههه
اشوه انا اطلع من البيت قبل لا يقوم اصلا
اطلع الساعه 7 اهوه يقوم الساعه 7 ونص


بس اكون مزهبه بدلته من بالليل ومفتكه
ودلاغاته لافتهم على شكل كوره وحاتهم عند حزامه مال البدله العسكريه

وشريت لي شغله سهلت علي البيض المقلي حق الصبح لوووووووول خووو لازم بيض مقلي

في شغله شريتها من تروفاليو نفس الصحن على قالب على شكل قلب حب
بس كسري البيضه بداخلها وغطيها وحطيها بالميكروييف 20 ثانيه وتستوي

واخليهم له مع توست بالمكيروويف اوصي الخدامه اذا قعد بابا بس سخنيها بس خمس ثواني مع كوب حليب

واطلع قبل لا يقوم

 

[ودي ابكي]

مشكورهههههههههههههههههههههههههههههههههههههههههههههههه:sfg:

 

[صخر جلمود]

هههههههههههههههههههه

يسلمووو

 

[red rosa]

شدعوه؟
ريال طول عرض مايدل ثيابه؟
خووش!

 

[حبـ admant ـك]

الحمدلله كل شي يكون بارز بالليل