روما ولا ميلانو ولا باريس؟؟

[Lady Zayoona]

شرايكم ؟

عندنا اسبوع اخر شهر 7 و قبل 8

وين نقضيه ؟ ميلانو ولا روما ولا باريسٍ؟؟

الجو شلون ؟

السوق؟

التنزيلات ؟

 

[الطش والرش]

نفس السؤال بس من غير روما يعني باريس ولا ميلانو ؟ :0bee2e8d89:

 

[Lady Zayoona]

نبي احد يفيدنا

 

[مبدعة]

طبعا حبيبتي فرنسا ابرد من ايطاليا بوايد

ايطاليا حر موت ..

انا من ناحيتي احب هالثلاث مناطق كل وحده لها طعم خاص ..

بس لو برتبهم لج من الافضل راح يكون الترتيب فرنسا - ميلان - روما

فرنسا جوها حلو و تشوق و اماكن سياحية اكثر و شرحه اكثر

ميلانو حلوة بعد لكن في ناس الصراحة ما تعجبهم ايطاليا على قولتهم حاره ومبانيها قديمه ووسخه بس انا يعجبني ستايلها

طبعا ميلانو كلها سوق وماركات وسوالف نفس فرنسا بس تقريبا شوي ارخص ومعروفه انها بس تسوق ..

روما حلوة و تاريخيه وايد فيها اثار و طبعا سوق و جو حار بس ما تسوى تروحين لها اذا بتروحين تتسوقين في ميلان لانه نفس السوق

جربي تروحين فيرونا الصراحة حيييييييل اعجبتني تشوق ..

و كومو بعد وايد حلوة لانها ماخذه جو سويسرا و طبيعتها و اهيا في ايطاليا بين ايطاليا و سويسرا و فيها سوق بعد و بحيره وجبال واشياء تشوق و تقدرين بالمركب تروحين منطقه اسمها بلياجو وايد حلو اذا تحبين الممرات الضيجة و المباني القديمة