روضه خاصه

[ألول_85]

السلام عليكم كويتيات













أبي مساعدتكم بنات اختي تبي تدخل بنتها روضة خاصة و زينه و اهي ساكنه بالسره ؟ شنو تنصحونها ؟ حاولنا ندور بالمنتدى بس دخنا و حسنا ساعدونا بليز

 

[حلم الطفولة]

تبي بس روضه ؟؟ .. يعني بتكمل له مدرسه خاصه بالابتدائي والمتوسط والثانوي وللا بس روضه ؟؟

عموما اكو حضانة مرتقى لإعداد القاده عندهم حضانه وأولى روضه ..
مو متأكده إذا عندهم ثانيه روضه .. أعتقد بس أولى.

وعندج المدارس الخاصه : كمبرج بحولي .. روض الصالحين .. البيان سكول.. الابداع : هذي الأربع مدارس معروفه الروضه عندهم قويه.
دسمان النموذجيه .. الروضه قويه ..

الإنجلش بلي جروب English play group وايد زينه.

..... وأكو مدرسه يديده اسمها الرساله .. بمنطقة المهبوله بس طريجها سهل وعكس السير .. عجبتني وصاحبتها الاستاذه نسيبه المطوع وسميه المطوع وهمه نفسهم مؤسسات مدرسة البيان سكول والرؤيه.

::::::::: وان شالله باجي الأمهات يفيدونكم بمعلومات أخرى :::::::::

 

[سيدة الكويت]

نيو انجلش سكول .................وايد يمدحونها بالجابريه يعنى يم السره