روتيني كل يوم تعبت ><"

[Blonde B]

السلام عليكم
بكتب لكم يوميا شنو اسوي من الاحد لي الخميس

اقعد 6 اسوي لي قهوه اروح الحمام البس لدوام واحط ميكب خفيف
واسوي ريوق لريلي واحطه بالحافظه لان دوامه يوم بيومين يعني
يوم كامل يداوم ويومين اوف اروح الدوام انا مدرسه اوصل الكدرسه 7 وربع
لان مدرستي مو بمنطقتي شوي بعيده خبرتي 3 سنوات وانا اشراف اداري
ونصابي 12 وادرس اولى و خامس شغل شغل شغل غير شغل رئيسه القسم
اساعدها فيه اخلص 1 ونص ارد البيت طبعا ريلي يروح بيت خالتي يعني امه
اييب غدانا كل يوم منهم لاني ما يمديني اطبخ ابدل واتعطر ومرات شور على السريع
يكون واصل الغدا انجب الغدا و نقعد نتغدا اشيل المواعين واغسلها كلها
عشان ما يتكود علي بعدها اطالع التلفزيون او اطقق بتلفوني واروح اغسل الملابس
يوميا اغسل غيارات وملابس ريلي الدوام و بعدها بالنشافه واصفطها واحطها بالكبت
ارتب الصاله و الشقه كلها تصير الساعه 6 المغرب ريلي مرات يروح الدوانيه لي 8
انا يا اروح جمعيه اتقضى او اييب اغراض لدوام او اروح الصالون ومرات اقعد ع النت
الساعه 8 اسوي العشا و نتعشى واغسل المواعين واروح ابدل البس قميص نوم
واتعطر واقعد مع ريلي نشوف فلم الساعه 11 انا بفراشي وهكذا يوميا
الا اذا ريلي دوام انا اول ما اطلع من دولمي سيدا ع بيت اهلي اهني ارتاح ما اسوي شي
لان الدوام حده تعب ويصير مالج خلق شي
انا ما احب اقيل يعني نومة العصر ما احبها كلش
وانا من نوع بالدوام اعطي من قلب يعني اتعب من صج
انا كان عندي خدامة اول ما تزوجت ريلي يايبها لي بس انا قلت ما ابيها مالها مكان بالشقه
وانا عروس باخذ راحتي وانا ما ابي خدامة حتى لو حملت ان شاء الله
احس بيتي ارتب بس اذا عندكم طرق تساعدني انظم وقتي
او اي اقتراااح ساعدوووووووووووووني

و لا تنسون ادعولي ربي يرزقني بالذريه الصالحه

:yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb:​

 

[randomy]

ماشالله عليج

الله يرزقج بالعيال ان شالله

 

[عسل سل]

ماتبين خداامه طبيعي تتعبين

 

[نبـض قلبـهـ]

بالعكس حلو برنامجج صح تعب شوي بس أحسن من الفراغ

 

[ديانا سبنسر]

ماشاء الله برنامجج زين مايبيله تغيير

 

[@ام يوسف@]

الله يرزقج الذريه الصالحه

 

[شقاوتي غير]

حبيتبي هذا روتين اغلب المتزوجات المتوظفات وحتى الي مو متزوجه

الدوام مفروض عليج لازم ترتاحين بعد الدوام يعني شغل البيت لازم تكون في خدامه تاخذ الغسيل الملابس والصحون والكوي وبالوقت هذا اطلع مع زوجج او اهلج او رفيجاتج ، يعني لازم ترتاحين شوي من بعد الدوام

الله يكون بعونج

 

[bnt_kwt]

الحل الوحيد عشان ترتاحين الخداااااااااااامه

روتينج بالضبط نفس روتيني قبل لا يكونين عندي خدامه
بس الفرق بيني وبينج انه انا كنت ارجع من الدوام اطبخ

اقصص واطبخ وعقب الطباخ اغسل المواعين واغسل المطبخ

ما اطلع من المطبخ الا 4 ونص او 5 العصر

عقبها اغسل الحمامات وانظف كل شي واتسبح واقعد شوي مالي خلق عمرييي من الكرف مالي خلق ش

كان بالنسبه لي يوم عيد اللي اطلب فيه غدا من بره ههههه

بس من يبت الخدامه غييييييييير

صرت اجابل ريلي ارتاح الظهر ساعه

لي خلق الطلعه قبل مالي خلق انطر بس وقت النوم نطره

ارد بيتي نظيف مرتب

صج اني انا اللي اطبخ لي الحين بس ارد من الدوام القى كل شي مقصص ومجهز انا مجرد اني ارد اطبخ
وفي من ينظف المطبخ عقب ويغسل

 

[((shoOoshoOo))]

مو لازم كل يوم غسيل ملابس
حددي يوم او يومين وبجذي اريح لج

المطبخ خصصي بس ساعه لج او نص ساعه مو لازم تغسلين الارضيه مره بالاسبوع غسليهاا


واممم واذا انتي ساكنه في بيت حموله خذي خدامتهم مره او مرتين بالاسبوع


وموفقه

 

[PuPa^^SWeeT]

روتينج نفس روتيني قبل لا اييب بناتي اسم الله



وبالعكس احسلج ماكو خدامة


بس انا اقوولج


يومين بالاسبوع ييبي خدامة اهلج العصر ولا ييبي بارت تايم 5 ساعات


اتسوي شغلج بالكامل



زيين حمولتج اتدزلج بعد غدا


حمولتي قبل جذي يوم اتيبلي و يوم امي اتيبلي



ترا الخدامة بتقيدج و بتاذيج بالشقة



خصوصا انه ريلج قاعد بالبيت مو طبعه يرد نصايف الليل

 

[مروقه على الكوفي]

الله يعيينيك
حلو برنامجك والحمدلله الي رزقك ام زوج طيبه تطبخ لكم الاكل بس احس افضل نووم القيلولة
واشوف انك ماتغسلين الهدوم كل يوم خليهامرتين اوثلاث مرات بالاسبوووع
وان شاءالله الباقي بيفدونك

 

[فـراوله]

نفــس روتيني

بس أنا يوميا أطبخ وعندي عيالي الله يحفظهم

أغسل يوم ملابسنا يوم ملابس العيال ويوم راحه عشان ما يتكودون علي وأتعب


بس المشكله للي مواجهتني بدون خدامه ومو عارفه لها حل اذا رحت بيت أهلي
لازم أحد يجابلهم ويركض وراهم بالحووش يبون يطلعون الشارع اشووي يلعبون
وبيت حمولتي نفس الشيء صج خدامة بيت أهلي تساعدني اذا رحت لهم بس طبعا
تسوي بدون خلق وطنقر وشيء علي وشيء عليهااا هالنقطه بس للي مو لاقيه لها حل
وحيل متعبـــه




​

 

[هبوناااا]

بصراااحه ماشاءالله عليج معطية كل شي حقه

ماشاء الله تبارك الله .. ونظامج حلوو

بس نومتج لازم تنامين وقت كافي عشان ماترهقين نفسج
اتفقي انتي وزوجج ترتبون وقتكم عشان تقعدون مع بعض بحيث انه يروح الدوانية لربعه ويكون عندج بدري ..
وكيفج انتي

 

[اشلون يعني &]

بما انج معلمه
مدرستج مليانه خدم
جيبي لج بنهاية الدوام وحده منهم خدامه
مؤقته تغسل لج الملابس وتصفطها وتغسل المواعين
اغلب المدرسات جذيه يسوون

زين جربي تقرين كتب وتقرين قران وتركزين على الجانب الديني

 

[funrose]

الله يرزقج بالذرية الصالحة​

 

[(حكاية قلب )]

جدولج وااايد حلوو

 

[*kim*]

بالعكس حلووو نظامج

واحسن لج من الخدم وبلاويهم

 

[بكيزة هانم]

خدامة بارت تايم ثلاث مرات بالاسبوع

 

[جذابه بنت ذيابه]

الله يرزقج باللي تتمنين ..


نصيحه جيبي خدامه نص دوام اريح لج

 

[فرس بيضا]

الله يعطيج العافيه
بس روتينج متعب وخصوصا انج مدرسه
الحل تعاملي مع مكتب خدم بارت تايم مرتين بالاسبوع

واحسن شي انج ماتحبين نومة العصر كلللش مو حلوه وتضيق الخلق
كل يوم اقول مابي انام العصر و اناااام

خدم بارت تاايم وبسس