روتيني اليومي...؟!!

[Purple Occasion]

السلام عليكم

شلونكم حبوبات؟

العيد على الابواب

ولازم نعتني بنفسنا ونطلع نيو لوك

انا بديت دايت والحمدلله نزلت 5 كيلوات من غير اي تعب او ارهاق او جوع

منو اللى تبي تنظم معاي ونسوي حملة نشجع بعض؟

اول شى انا اتبعت ريجيم دشتي اتكنيز

http://www.drdashti.com/

لان عيبي جسمي شكل الكمثرى

وهالشى وراثه

نبلش الصبح

اول ما اقعد اغسل ويهي بصابونه سفيد اب

سعرها بالكويت الحبة نص دينار
ولكن اطلب درزن من الامارات بــ 20 درهم يعني 1.600 12 حبة
تخيلوا الفرق بالسعر


وافرش اسناني بمعجون يوميا

وبالاسبوع مره معجون لان قوي على ميناء الاسنان

وبخاطري على رمضان اسوي تلبيس سراميك او تبيض بلازما
واستخدم اسبوعيا لصقات من كريست

وامسح ويهي بقطعه من الاسكينون الافكادو
مع قطعه قطن زيت جنين القمح حوالي عيني
واقرا واسمع اذكار الصباح والمساء

الريوق اكل بيضه مفيوح
مع قلاص شاي اخضر


والعب بعدين على جهاز كريزي فيت

لمده 10 دقايق
واخذت الجهاز من شركة فناتك وايد حلو ويشد الجسم مع الدايت علشان ما يترهل
وطبعا ادهن جسمي كله بزبده الشيا واخلط شوي زيت جنين القمح
والبس كرسيه برمودا

وبعدين اكل حبة كالسيوم لان ريجيم اتكينز وايد قليل فيه فيتامين الكالسيوم
وحبه الكالسيوم بروحها ما تنفع ولا الجسم بيستفيد منها
ولا راح يمتصها الا مع فيتامين دي او تعرضين جسمج للشمس

الباكيت داخله 90 حبة
مو بس كالسيوم فيتامين دي ومغنسيوم وزينك

يعني للعظام والاسنان والشعر والاظافر


واخذ حبه اوميغا H3

وهذي الحبوب لو مهما اقول اكون مقصره بحقها لانها مو طبيعيه
وافضل المكملات الغذائيه
وتغنيج عن كل شى
وتعطيج طاقه وحيويه

وسعرها بالكويت 7.500 الوكيل هنى وايد يخدع
لكن طلبيها عن طريق الموقع
او عندج احد يروح قطر سعر الباكيت يطلع بقطر 3.500
الوكيل ياخذ بس دينار فايده
والموقع ببريطانيا 2.500
شوفى الفرق تاخذين الدبلات عن الباكيت بالكويت
الخطوات تسوين صندوق بالارامكس بالعارضيه الصناعيه
مفتوح طول العمر بــ 10 دنانير
وتسوين حساب خاص للتعامل الانترنت بالبنك
فتح الحساب ولازم ايداع 50 دينار شهريا
ويكون امان وموثوق بالتعامل مع المواقع بالانترنت
او اذا عندج احد يشتغل بالشركات القطاع النفطي
تتطلبين على عنوان صندوق



بعدين نيي على وجبة الغدا
يكون هنى مفتوح لى
اكل لحم مشوي همبرغر او كباب
او اي نوع من الاسماك المشوي
او الدياي او نكيتس
وكل شوي وطبعا من غير خبز
وتسوين السلطات
خس وملفوف وخيار وطماط وتعصرين ليمونه وتحطين خل الزنجبيل او التفاح شوي فوقه
واكلى لين تحسين بالشبع


بعدها اكل حبتين من حبوب الهمالايا للدايت
وهذي صورتهم بالموقع
http://himalayahealthcare.com/products/ayurslim_cap.htm

وهالشركه وايد حلوه وكل منتجاتها طبيعيه وبالاعشاب وما تخافين منها
وبالاصل هى اعشاب هنديه
مو نفس باقى الحبوب تسبب العصبيه والارق وذبول البشره وشعرج يطيح وتخربط الهرمونات


بعدها اقضى وقتى كتب تلفزيون نت
ولازم اسمع موسيقى كلاسيكيه لبيتهوفن او ايات من الذكر الحكيم
http://www.tvquran.com/athkar.htm



وامشى ساعه مشى ثابت
واصعد السلم وانزل 20 مره

بعدها العشا لازم يكون مبجر يعني على الساعه 7 مساءا قبل لا تنامين على الاقل بــ 6 ساعات
يكون ام سلطه سيزر دياي او تونه مع خس
واكل حبتين من حبوب الهمالايا
والعب على الجهاز كريزي فيت نفس الشى عشر دقايق


وبعدها اخذ شور واكون طاهره
وادهن جسمي كله بزبده الشيا مع زيت جنين القمح
واحط كريم للهالات السودا وكريم للبشره من منتجات
ARNAUD
صناعه فرنسيه
وطبيه واحط تحت طبيه مليون خط
لان مستحيل احط على بشرتي شى مو طبيعي او تجاري او شغل حريم او حواي
لان يعطيج نتيجه سريعه بس يطلع اثاره بالمستقبل
لكن هالشركه مضمونه ومن صيدليه الشايع health & beauty
وخذيت الكريمين بسعر 32 دينار
بس يكفيج لمده شهرين

يعطي نضارة ورونق وبياض وفيه قليل من الخميرة يتفخ الويه شوي

وناويه على العيد اطق ابر كولاجين لويهي
او حمض الفواكه
مدحولى د.ايمان الخطيب ود. سليمان العتيبي

وملاحظه مهما جدا جدا جدا
الماي ثم الماي لازم لتريين باليوم
شريت قلاص من ايكيا شكبره يمكن نص لتر ماي اترسه واتصعط فيه كل شوي حتى ابوي يضحك على
وديري بالج من البطول البلاستيك لان كثرت تخزينها تتطلع ماده سامه من البلاستيك وتضر جسمج
وحاولى تسمين على الماي لان سبحان الله يقولج ذرات الاوكسجين والهيدروجين بالماي تتشكل على الكلام اللى تنطقين فيه

وشربي استكانه من ماي الزعتر مع ماي يخفف الكرش والغازات حشاكم


وبعدها اصلي صلاه الليل حسب مقدرتي ومزاج بهاليوم
من 8 ركعات الى 12 ركعه
مع ركعتين الشفع وركعه الوتر
واقرا صورة البقرة
واسمع الرقية الشرعيه واحصن نفسي
واطقطق شوي عالنت
وانام


هذا روتيني اليومي وبستمر فيه لمده 3 شهور
نزلت 5 كيلوات
وهدفى انزل بعد 10 كيلوات
بوصل للــ 60 كيلو
قولوا ان شاء الله
وبخلى شهر رمضان عباده وروحانيه بصلي واختم القران وبصلي الجيام والتراويح
وصلة رحم
وان الله يرزقنا العمره

وان الله يريح بالي وقلبي ويدخل السرور لقلبي ويعطيني الطمأنينه والراحه ويغفر ذنوبي
ويكفر سيئاتي ويعطيني الصبر
واتخرج من الجامعه واتوظف ويرزقنى بالرجل الصالح انيس لوحدتي
ويرزقنا الجنة وحسن الخاتمه
ويهدي نفوسنا ويهدي اهلنا
ويعم على ديرتنا بالخير والمغفره ويهدي جميع البشر
وقلوب شبابنا وبناتنا ويهديهم
وان الله يثبتني على دينه
ولبست العبايه وخذيت عهد على نفسي ببتعد عن كل شى خطأ اخطأت فيه بمراهقتي



وبس ادرى قرقت وايد
بس عضوة يديده بينكم وحبيت اكسبكم كاخوات وغاليات على قلبي وصديقات
وبالتوفيق للجميع

 

[غلآة امي]

هلا والله حيااج الله حبيبتي!

يالله شراايج نسوي حملة و تجمع لنا عل الاقل وحده تشجع الثانية هههههه

انا الحين بس قاعده اسوي ريجيم!
بعدها بهتم بشعري و جسمي
لان الريجيم يطيح الشعر! والله كريم!





و ماشاء الله حلو اهتماامج بنفسج ان شاء الله تلقين النتائج المضموونة

 

[Purple Occasion]

رد : رد: روتيني اليومي...؟!!

هلا والله حيااج الله حبيبتي!

يالله شراايج نسوي حملة و تجمع لنا عل الاقل وحده تشجع الثانية هههههه

انا الحين بس قاعده اسوي ريجيم!
بعدها بهتم بشعري و جسمي
لان الريجيم يطيح الشعر! والله كريم!





و ماشاء الله حلو اهتماامج بنفسج ان شاء الله تلقين النتائج المضموونة

الله يحيج يا قلبي..

لا غلطانه حبوبه..
لازم ريجيمج يكون صحي مع مكملات غذائيه لا تصلحين شى وتخربين شى..

تسلمين يا الغالية..

ن شاء الله كلنا نوصل للوزن المطلوب..

بالتوفيق..

 

[بعيون مغليك]

الله يستر عليج ويغفر لج ان شاء الله


شغلج حلوووو كملي وان شاء الله احلى وحده بالعيد

 

[عمار يا كويت]

والله نظام حياه حلو وان شالله الله يتمم عليج ويرزقج على نيتج

 

[Purple Occasion]

رد : رد: روتيني اليومي...؟!!

الله يستر عليج ويغفر لج ان شاء الله


شغلج حلوووو كملي وان شاء الله احلى وحده بالعيد

اميييييييييييين يا قلبي
ولكل البنوتات يا رب
فديتج حبوبه
بالتوفيق

 

[Purple Occasion]

رد : رد: روتيني اليومي...؟!!

والله نظام حياه حلو وان شالله الله يتمم عليج ويرزقج على نيتج

امييييييين يا قلبي
ولكل البنوتات ان شاء الله
فديتج
بالتوفيق