روتينك اليومي ... كيف ؟

[shy rose]

السلام عليكم ورحمة الله وبركاته
حبيباتي كويتيات الغاليات
حبيت اطرح هالموضوع ..
عشان نعرض افكارنا لتغير الروتين اليومي الممل:eh_s(2):
لاننا والله ملينا ونبي افكار وتجارب جديدة

ببدأ بنفسي اولا
اقعد الصبح الساعه 5 البس واحط ميك اب واروح لدوام ( معلمة )
الساعه 1:30 ارد البيت اسوي الغدا واتغدا انا وعيالي ( بنتي وولدي ) صغار مايدرسون
زوجي يتغذا بالعمل ويرد الساعه 3
انام لي ساعتين واصحى 5 العصر اقضي ووقتي كله بالنت بالتلفزيون
واحيانا نتجمع عند جارتنا زوجي ينام ساعتين وبعض الاحيان ماينام بعد المغرب يطلع ويرد الساعه 10 ونتعشى خفيف على الساعة 12 ننام وهكذا .. بالويك اند نطلع شوبينق خفيف ونتعشى برا ..
احس مليت وابي اغير هالروتين ..
يلا اترك المايك لكم ..

 

[بنوت بنوت]

الحال من بعضوووو
اداوم وارجع انام واقعد ع 5 اجابل يا نت يا تي في

 

[لمى الهاجري]

كح كح مو متزوجة تعرفون روتيني ماعرف اقول بس الفرق ماعندي وظيفة

 

[! بــدويه وآآيــد !]

،


اقعد زوجي للدوام الساعه 6ونص
وطبعا اجابله لما يطلع من البيت وارد احط راسي وانام واقعد الساعه 11 اطبخ الغدا ( بس من حملت ما اسوي غدا اطقها نومه )
يرد زوجي من الدوام اذا نام نمت معاه واذا طلع يا اجابل شغل البيت او اجابل تلفزيون ( النت يوم ممنوع يوم عادي عند زوجي مادري متى يثبت على كلمه :/ )
واقعد طوول يومي بروحي بين 4 طوف وساعات يرد 9 ساعات 12 وساعات اذا بيسهر بالجاخور بعد الـ12 وانطره لما يرد من برا واقعد معاه نسولف او نشوف تليفزيون ونروح نحط راسنا وننام

والويك اند نوم للعصر ويقعد يطلع ومايرد الا الفجر او الصبح وانا مجابله التلفزيون او اجابل هالمنظره واجرب هالمكياج واجرب بهالشعر واركب بدي على بنطرون او هذا على هذا لما اطلع ببدله جديده خخخ او اروح بيت اهلي :/
ماكو زوارات بقاموسه ماله داعي وشحقه ! قولي كل 3 او 4 شهور اروح زواره وحده :s

وطلعتي مع زوجي مو كل اسبوع على حسب متى ماطقت براسه طلعني ساعات مره بالشهر ساعات لا بالاسبوع مرتين او اكثر حسب مزاجه ونفسيته
وساعات بس يدش البيت يقول سلام اروح المه وابطها بجيه من الغلقه الي فيني عاد يعرف اني واصله حدي ويركض فيني من مكان لي مكان ويضحكني ينسيني ضيقة خلقي خخخ وبس ارد البيت ترد بدبد لسجنها الحلو وسجانها الاحلى :'(
والمهم والاهم زوجي ماوده اتوظف وقاعد يساحلني اقعد بالبيت ياربي عاجبته حكرتي جذي : ( ! بس انا متمسكه بالوظيفه بإيدني ورجولي واسناني بعد

ادعولي الله يرزقني الوظيفه الي قاعده اراكض وراها لان طقت جبدي من قعدت البيت اوووف احس بيزر عقلي

تصدقين دشيت اقول روتيني لقيت روحي افضفض بدون ما احس لوول الله يعين

 

[iLLuMinaTion]

خوش موضوع

 

[om kookaa]

اه من الروتين
أنا اقعد من صلاه الفجر انطر الساعه6 ونص علشان اقعد زوجي وعيالي اثنين اولي ابتدائئ واولي روضه والبسهم ثلاثتهم واذا طلعو يكون المزيون ابو اربع شهور قعد وماينام للتسع وانام معاه لي العشر ونص اقوم ارتب الغرفه واغسل الحمام وانتو بكرامه تصير الساعه 11 ونص اطلع للروضه اجيب بنتي وانطر للوحده ونص قبال مدرست ولدي علشان اخذه وارد البيت اغديهم طبعا زوجي يروح من دوامه لمكتبته ومايرد الا باليل اكون درست ولدي وحليت واجباته وسبحتهم وعشيتهم ونومتهم ع السبع واخيرا جا دوري اتسبح اسوي عرض بجايم اسوي تساريح لشعري ويدق زوجي تبين عشا طبعا من التعب اقول ايييييه وبقوه هذا ايام الاسبوع
الويك اند انسو نطلع مع زوجي الا بالسنه حسنه اطلع أنا وعيالي ادور اي قلعت وادرين تلفينا
وبسسس
روتين ممل الله يكافيكم شره

 

[RO0O7Y KUWAITYA]

نقسج تقريبا ... بس بالويك اند زوارة بيت اهلي
والطلعات مره بالشهر
والحمدالله ع الصحه والعافيه

 

[دلوعه ززوجي]

انا روتيني. اول شي اقعد الظهر اذا اللي خلق اسوي الغدا واذا لا أجيب من تحت الغدا وبعدين اقعد بنتي وسبحه وابدله.وبعد الغدا اردابدله وخاليه تنزل مع الخدامه عن عمانه وأقعد انا وزوجي نتقهوا او ناكل بطاط وككاو وبعدين يطلع وأقعد اجابل النت والتلفزيون وإذ العشا لازم أإنا اسوي خفايف او باستا وهوطبعا وبنتا ينامواواسهر انا بروحي. وفي تغير كل يوم يعني مره احوس بغررفتي اغير الكفر والرتب ومره بالمطبخ احوس والنظافه كل يوم ييلقاني زوجي احوس بس باخر الاسبوع مره أنام عند اهلي ومره لا بس عن الطلعات متا مودي نطلع موشرط يوم محد. اي صح وبعد انا اللحين بطاليه*

 

[رق رق]

وااااي بدويه وااايد حيااااتج حلوه ماشاءالله (-: ، الله يخليكم لبعض ، باجز تتوظفين وتولدين بالسلامه ، وراح يخليج تطلعين مو علي شانج علي شان الياهل هههه كله قوليله ولدك ضايق خلقه يبي يطلع . وراح يمشي وقتج نصه ضايع بالدوام وابشغل البيت وامجابل الياهل .
اما روتيني انا يبتدي ساعه ٧
اروح الدوام
طباخ الغدا
ارتب البيت
اذا ريلي نام انام واذا قعد اقعد معاه .
ونقعد انجابل التلفزيون وانسولف ونندمج ونتهاوش هههههههههه .
ونتعشا وانشوف تلفزيون وتلفزيون وتلفزيون ، الفير ساعه ٢ اذا ماينه نوم نطلع نتمشي .
وبس ��

 

[hazel eyes]

انا روتيني حلوو ومو ممل لان احببه

اقعد ع الفجر اقعد زوجي واريقه ويطلع الدوام وانا اشغل نفسي ي كوي او غسيل واذا ماعندي شي اقعد ع النت والتي في واذا صارت الساعه تسع انام واقعد ع الوحده اسوي الغدا ولما يرد زوجي يتغدا ويروح يقطني الدوام لان دوامي عصر بعد ويرد اهو ينام بعد ما اطلع من الدوام سبع ونص نطلع اي مشوار او اقضي اشغالي ومرات ما نطلع وارد البيت واهو يطلع يروح لدوانيه وانا بين اربع طوف ونت يرد متاخر نحط راسنا وننام وبس

 

[لمى الهاجري]

لووووووول ماكو ليالي ماكو وناسة ماكو مقالب صج روتين بس هذا الزواج تربية عيال واقعد الريل للدوام ويرجع وينام ويطلع وعقب يرجع ينام

 

[Gifts&Occaions]

عادي لازم يصير فترة جذي وبين فترة وفتره سافري معاه سويله ليالي رومانسية

 

[!! دلوعته !!]

انا روتيني مممممممممممممللل حدددددددددااااااا

 

[ضحاوي الديره]

ماكو روتين ثابت كل يوم غير حسب المزااااااج
ارد من الكليه الظهر واطقهاااااااا نومه مرات لي بالليل واذا قعدت يا اطلع ويا ريلي او انزل عند خالتي او ارووح بيت اهلي او اقعد بشقتي اجاااااابل هالبحوث والتقارير اللي ماتخلص

 

[BubbLe87]

والله انا روتيني اهو التالي
على حسب النومة و هالاسبوعين انام عقب صلاة الفير بساعة ساعتين جذي
نصلي الفير نحط بباي او موفي نشوفه ليما ننام
نقوم على صلاة الظهر
نصلي و اهو ينسدح يجابل التلفزيون او البلي ستيشن
انا احوس بالدار ارتب الفراش و اعدل عفسة امس
اروح المطبخ اشوفه اذا يبيله تعديل
بعدين اقط الهدوم بالغسالة
و ارتب الصالة اودي كلشي مكانه الصحيح لول
بس عقب على صلاة العصر نتغدى يا نطلب او ادق عالخدامة تسويلنا غدا
عقب نطلع و اخلي الخدم ينظفون الشقة من مساح و كناس
الحمام و انتو بكرامة انا اغسله معنهم يتليقفون و يغسلونه ساعات
لقافة الخدم لا بد منها
و اذا ما طلعنا هم اناديهم يحوسون جدام عيوني احسن
بس و بعدين اتسبح اذا مو سابحة ول ما قمت و اسنع هالشعر و اخربط بالمكياج
عقب ريلي غالبا عنده لعب فيطلع و يرجع عال١٢
نقعد ويا بعض لي الفير و هكذا

 

[مستحيل اخونك]

انا روتيني يا حبيبتي انام لييييييين الساعه 12 ونص الظهر وبعدها يا اقوم اسوي غدا او اقول لسي السيد تبعي يجيب معاه وبعدها اهوا احيانا ينام واحيانا نطلع او نقعد مع بعض او نطلع مافي وقت معين لطلعه اييييي وقت نطلع بعدين نتعشى احيان برا واحيان بلبيت وبعد العشا نقعد عل تلفزيون والساعه 11 ينام سي السيد عشان يداوم بدري انا احيان اسهر انا وبنتي وولدي واحيانا ننام مع سي السيدطبعا في فتره العصر بعض الايام ازور اخويه في العنايه الله يشفيه وهذا روتينا بس احلى شي ان الطلعه تجي ايي وقت عادي ما شالله وبس هذا روتينا

 

[shy rose]

يالبى الاهل ليتهم يمي ازورهم كل ويك اند

 

[*Manoush*]

الله يعين خواتنا السعوديات الي اهلهم بمدينه واهم مدينه عوروا قلبي

روتيني مثلكم بأيام الدوامات
اقوم الصبح اصلي وابدل وطيران عالدوام
وريلي نفس الشي بس يطلع عقبي بساعه لانه دوامه قريب عالبيت مومثلي
نرجع من الدومات اهوا يتغدا وانا لأ اطقها نوووووومه
ننام الظهر وريلي يقوم قبلي ينزل الديوانية وعلى ما اقوم يكون صاعد
نجابل التلفزون اهوا يجابل مبارياته وانا عالآيباد
نتعشى وننام

وبالويك اند نطلع يوم الخميس نتعشى او احيانا بالبيت
والجمعة نطلع لي قبل المغربية ،، عقبها يقطني على اهلي واهو يروح عند ربعه
السبت حسب المزاج نطلع مرات ومرات لأ