روايه ماهزها لباس العمامه << واللله حللللوه لاتفوتكم

[عوبه]

بسم الله الرحمن الرحيم*
اولا هذي اول روايه لي واتمنئ تنال علئ اعجلبكم
وان شاء الله ماتكون اول روايه*

اسمي : عاشُـقه الُـسـَِرااب*

اسمي قصتي ( ماهزها لباس العمامه)*

....................................

الحب ليس كلمات تردد ولافعل يعطى بل هو فعل وبذل وعطاء

....................................

......... : شنو يعني ما تبيني بعد كل السنين هذي ماتبيني *حساااااافه*
......... : والله ابيك واحبك واموووت فييييك بس انت تدري انا كويتيه وانت سعودي وتدري صعب الكويتيه تاخذ السعوودي وانا ابيك وشاريتك اذا يصييير تعاال واخطبني والله لروح معاك لاخر الدنيا بس مايصيير*
......... : هـ هـ لوتبيني سويتي المستحيل عشاني بس انا الغلطان تعلقت فيج وحبيتج حسافه عمري اللي راح على السراب حسافه سميتج نبض قلبي وتخليتي عني ليش طيب ليش*
........ : والله لا وربي لا ماتخليت عنك والله ماتخليت عنك والله احبك اذا انا بالنسبه لك نبض القلب انت القلب اللي مااعيش بدونه تكفى لاتسمعني هذا الكلام تكفى / وماتت بكي عقب هالكلام
........ : انا بصكر وانسيني وانسي انج حبيتيني واني ضحيت عشانج فمان الله يالحلم اللي منكتبلي


...........…….................. قبل ثلاث اسنين ..................................

* * * * * * ( الباارت الاول)

شوق قاعده بالصاله تلعب بالايباد وتغني دق تلفون البيت وراحت تشيله :الوو
.......... :الوو السلام عليكم*
شوق :وعليكم السلام هلا خير شتبي اخلص بسرعه*
.......... :بسم الله وجعه تكلمي عدل*
شوق :نعم انت داق توجعني اخلص شتبي والا بصكره*
......... :صكريه وشوفي شبسوي فيج*
شوق :لاوالله طيب طيب*
صكرة التلفون بوجهه
دق التلفون وردة :نعم خير*
........،، : نعامه تررفسج ابي خالتي ممكن*
شوق :اي تكلم عدل /داخل قلبها تخلخلت احنوجك قول امين
.......... : بسرعه عطينياها
شوق :جده يجده
جدتها كانت تصلي بالغرفه اللي داخل :نعم شتبين يالعوبه
شوق :في واحد يبيج غثني*
الجده :كاني جايه دقيقه
حطة السماعه عند التلفون وكملت غنه جت جدتها وشافتها تغني قالت :تغنين ها استحي ع وجهج السماعه جمبج والرجال يسمع صوتج*
شوق :يووووو شنو يعني مااغني خل يسمع بالطقاق ماهمني مالت عليه
الجده :انا بنتك يابوي البنات افصخو الحياه موليه*
ارفعة شوق السماعه ومدتها لجدتها وهي تتأفأف :هاج الرجال لاينطر*
الجده :هاتي الوو
.......... :هههههههههههـ هالبنت هذي ماتستحي المهم شلونج يخاله شخبارج*
الجده :من عمره شوق عوبه انا الحمدلله بخير انت شلونك شخبارك وشلون امك
.......... :والله بخير نسأل عنج ماتزورينا يخاله اشتقنالج السعوديه تنور بوجودج
الجده :شوق شوق*
شوق :نعم
الجده :ماتدرين هذا من اي منطقه يعني خمني والمنطقه هذي تموتين عليها
شوق :هه من اي منطقه يعني حايل مثلا /ولفة وجهه بستهزاء لانها ماتوقعته من حايل
الجده :اي من حايل اكثر منطقه عاشقتها*
شوق انصدمة ولفة وجهه لجدته :من صجج ووووشنو يعني ماهمني انا احب المنطقه مو شبابها مالت /واهي من داخل طايره من الفرح لانها تموت بشي اسمه حايل
الجده :وشلونك يعبدالعزيز وشخبارك بعد*
عبدالعزيز :والله بخير يخاله وانا طالبج انج تجين حايل تراها بتنور وبعد جيبي عاشقة حايل معاج*
انزلت رهف اخت شوق وقالت :شوق جدتي منو تكلم /وقعدة
شوق تلف عليها :تكلم ولد اختها جنا اسمه عبدالعزيز*
رهف :عبدالعزيز ماسنعت عنه من اي منطقه اهو*
شوق :يالبيه يمنطقته حااايل اه يحايل
رهف تاكل تفاحه وتضحك :ههه اقول ليش ساكته تبي تعرف اخبار حايل
شوق تهفها بالمخده :جب مالج شغل اكلي وانتي ساكته
رهف ماتت ضحك صكرة الجده التلفون وقالت :يحليلك يعبدالعزيز حبيب وقلبك طيب بس طحتلك في هالعوبه اللي ردة عليك واكلتك بقشورك*
شوق فكت عيونها على كبرها :لاوالله الحين انا اللي اكلته بقشوره واهو شنو قال ووجع مالت عليه من زينه انا سامحته عشانه من حايل والا اللحين كرهته*
الجده حطت ايدها على راسه :بل بل بل كل هذا كلام قصري صوتج وعيب عليج هذا رجال وانتي مره في وحده ترد على التلفون الو نعم شتبي اخلص*
رهف ماتت ضحك :بل كل هذا قلتيه خلاص الرجال خذا فكره عنج عجيبه /وكملت ضحك
شوق اوقفت وحطت ايدها على خصرها :لاوالله بالطقاق عساه مارضى وماهمني /وصعدت فوق ومعاها ايبادها
ودخلت غرفتها واهي تتأفأف وقطة الايباد ع السرسر ودخلت الحمام تاخذ شور*
ونفس الوقت دخل ابوها البيت :السلام عليكم*
رهف والجده :وعليكم السلام والرحمه /قامت رهف تحب راس ابوها وقعدة*
ابو خالد :وشلونج يمه شخبارج ها تبين الروحه لحايل*
الجده :اي والله يوليدي ابي اروح وتوه عبدالعزيز ولد خالتك داق علي يبيني اجي وقلتله ان شاءالله
ابو خالد :الله يذكره بالخير والله انه حبيب عبدالعزيز خلاص عقب باجر نمشي انا وانتي وسلامه اخوي وسعود*
الجده :وابي وحده تروح معاي /وحطت ايدها على جتف ولدها
ابو خالد :منو اللي تبينها تروح معانا
الجده :شوق وانا طالبتك ماتردني*
ابوخالد ماعاش من يردج بس هنادي اختها شقولها واهي بعد تبي تروح /حط يده على ايد امه
الجده :عادي تزهب جنطتها وتحطها بدارية وماراح تدري واذا نبي نروح ناخذها*
ابو خالد :تم واللي تبينه يصير /لف على رهف :رهف روحي نادي شوق قولي ابوي يبيج
رهف :تامر/وصعدت فوق وطقت الباب طق طق طق محد رد دخلت وشافتها تسبح طقت باب الحمام :شوق ابوي يبيج تحت
شوق :انزين اتسبح واجي*
طلعت رهف من الغرفه وانزلت*
وفي نفس الوقت في بيت خالتها*
فاطمه تكلم هاجر بالتلفون :لا مااضن انها تروح تعرفين هنادي ماتخليها تروح*
هاجر :هه شوق ان بغت الروحه تروح وانتي عارفه شوق عوبه واللي في بالها تسوي لونه موصح وغلط*
فاطمه : والله مدريعنها كلامج صح بس همن ماادري عنها اقول امي تناديني بشوف شتبي بعدين اكلمج باي
هاجر :اوكي باي
* * هاجر وفاطمه بنات خالت شوق وحيل اقريبين منها وبعد في غدير اللي اهي تؤم روحها ونصها الثاني حتى بالشبه يشبهون بعض ونفس الشي البس والذوق وفي بعد مشاعل ونوره بس مو حيل معاهم*

نرد لبيت شوق خلصت شوق من الحمام وطلعت كانت لابسه روب الحمام ونشفت شعرها ولبسة وضبطة حواجبها ونزلت
خل نقول مواصفات شوق شوق شعرها طويل لي تحت اردافها بشوي لونه مو اسود احمر طبيعي من الحنه ووكثيف ونااااعم وعيونها وساع ومكحله ورموشها طوال ووجها دائري وخدود وغمازااات منحفره بخدها وجسمها رهييييب عجييب وكل من شاف جسمها ووجها ذكر الله ع جمالها*
دشت الصاله :السلام عليكم اشوف الصاله منوره زياده اثاري غلا روحي فيها ياهلا ومرحبا في ابوي
ابوخالد شقت الضحكه ع وجها ومد ايده لبنته لانها اغلا عياله البجر :ياهلا فيج ومسهله منوره بوجودج تعالي يغلا ابوج
لمت شوق ابوها وقعدت جمبه :امرني تقول تبيني امر*
ابوخالد :ماودج تروحين معاي حايل*
شوق لفت عليه :الا وربي ابي اروح واتشفق لها شفاقه بس شسوي واذا تبي تاخذني ماراح ارفض اوكي اروح
ابوخالد :يالله روحي زهبي شنطتج*
لفت شوق مبهوره كنها مو مصدقه :صج والله احلف*
ابوخالد :اي والله وانا عمري كذبت عليج
مايمدي ايوها تكلم الا واهي تركض لدرج بسرعه وتصارخ وناااسه برووح حايل وابوها ميت من الضحك*
اول مادخلت الغرفه خذت التلفون ودقت على غدير : الووو هلا بعمري بقلبي وناااسه برووح لحايل*
غدير :جذاابه بتروحين لعمامي لالا مو صج وناسه
شوق :والله عمامج خوال ابوي بس مو مصدقه بروح حايل اخر مره رحت لما كان عمري ست سنين واللحين عمري ثمن تعش وناااسه
غدير : يالله من قدج وصج شوفي شباب حايل ترا يمكن مزين مثل شباب جده والرياض ههههههههـ
شوق :هه ماهزني لباس العمامه ماهموني مالت اللحين باي بروح ازهب شنطتي وعلمي فطوم وهجوره بااااي
غدير :ههههههه اوك باااي
وصكرته وراحت تفك الشنطه *وتحط ملابسها وتفكر شتسوي هناك ومنو تبي تشوف وودها تروح اليوم قبل باجر*
ورهف تحت تكلم ابوها تقول :وامي قلتلها يمكن ماترضى تروح*
ابو خالد :انا ابوها وامج ماراح *تقول شي انا اكلمها يالله انا بنام تبين شي يالغاليه*
الجده :لا يبعد عيني ماابي شي*
وفي بيت خالتها نفس اليوم الساعه وحده بالليل غدير :والله تبي تروح توني قبل شوي مكلمتا تبي تزهب شنطتها مستانسه
فاطمه +هاجر :كذابه
غدير :اف بالطقاق لاتصدقون باجر اذا سافرت قولوا غدير صاجه
هاجر :وهنادي شلون رضت*
غدير :اصلا هنادي ماتدري انها تبي تروح
فاطمه +هاجر :اها جذي يعني انا ادري شوق اي شي براسها تسوي تسوي
غدير :اللحين باي بروح اتسبح
فاطمه +هاجر :بااي
ومن بكره قامت شوق من الصبح ولبست عباتها ونزلت مع شنطتها الملابس ونزلت ولقت جدتها وابوها وعمانهم
وسلمت على الكل*
ابوخالد :او شوق اول مره تقوم مبجر ماهقيت ان حايل تقومج مبجر
شوق ابتسمت :والله يايوبا اني اموت بهواها واليوم بروحلها وماتبيني استانس مستحيل
عمها ابو فهد(سلامه):ههه مالومها حايل حلوه وكافي خوالي فيها*
واكلت شوق من الريوق وبعد ربع ساعه مشو لحايل بالسياره*
خل نتكلم عن مواصفات بنات خالتها واختها رهف على مايوصلون حايل
رهف جسمها حلو شعرها نفس شعر شوق وعندها غمازات مثلها بس الفرق ان وجها طوالي وعيونها تهبل ناعسه وعمرها 17
هاجر ضعيفه وجسمها حلو وحلوه وعيونها عسليه ومكحله وشعرها طويل *وكثيييف وحلووو عمرها 16 *
فاطمه متبتبه ينقالها متينه عيونها صغار *وعمرها 19
وغدير نفس شوق بس الجسم يختلف شوق احلا ولون الشعر يختلف وحلوه وعمرها 18



وصلوا حايل وقالت شوق لجدتها :جده منو هذاا مزيووووون ؟؟؟؟؟؟




* * توقعاتكم منو اللي شافته شوق ؟
وشنو بيصير بحايل ؟!





واذا اعجبتكم الروايه. عطوني الردود وبشوف التفاعل اذا في تفاعل بكمل واذا مافي بوقف*






الروايه موجوده بسسسسس في منتدى كويتيات وارجو عدم اخذ الروايه الا باستأذان مني وشكرااا*

لاتحرموني الردوود

 

[Miss MzajeYa]

امم اتوقع شاافت عبدالعزيز

 

[Miss MzajeYa]

كملي حبيبتي شكلهاا حلوووة الروااايةة

 

[Miss MzajeYa]

اب اب اب اب اب اب

 

[عوبه]

ابشري ي الغلا بكملها وبحط بااارت طووويل
ان شاء باااجر بنزل البااارت
انتظريني

 

[عوبه]

........................الجزء الثاني ....................



لوتدري اني املك من الحب؟!
** اكثر مما اعرف من كلمات....... ويتجاوز عشقي كل جدود المعاني والمفردات
** * * * وازيد عشقنا اذا خذلتني الحروف وخانتني العبارات

شوق :جده منو هذا المزيون*
الجده :مولازم تعرفينه اللحين بعدين اتعرفين*
شوق تتأفأف واتحلطم تبي تعرف المزيون هذا منو ونزلوا من السياره وسلموا ع اللي كانوا برا وشوق ضلت منزله راسها لانها ماتعرف احد اهني واخر مره جت حايل كان عمرها خمس سنين وماتتذكر احد
الرجال اللي واقف على الباب :ياهلا ومسهلا باللي لفانه تو مانورة حايل*
ابو خالد :بوجودكم منوره احنا بس زدنا النور ههههههههـ
الكل ضحك وقالت الجده :يازين هالديره واهلها هذي الديره اللي تربيت فيها وعشت احلا ايام حياتي
ابو فهد :ها الوالده تبين تردين لايام المراهقه جنه ههههههههـ الله يطولنا بعمرج ان شاءالله
المزيون :بنضل واقفين عند الباب امي اذتني تلفونات تقول ليش واقفين عند الباب ادخلوا ولهانه على اختها
الجده :اي والله خلنا ندخل يالله بسم الله ودخلت*
دخلوا وشوق حست نفسها هبله مالها معنا واللي زايدها قهر جدتها لانها ماقلتلها من هذا المزيون واول مادشوا دخلوا الصاله وشافت حريم واجد لان خوات الجده واجد واستانست لانها شافت بنات كبرها واحمدة ربها لان في احد نفس عمرها تقدر تتكلم معا سلموا على الكل*
..........:تو مانور البيت يساره (ساره اسم الجده) والله ولهت عليج حيل يوخيتي*
الجده :وانا بعد يحصه ولهت عليج وعلى البنات كلهم*
حصه :الا منو هالقمر اللي معاج ماعرفناها ولاهي وحده من بناتج*
الجده :هذي اغلا من بناتي هذي بنت اولدي وحسبت بنتي اللي من بطني وانتي تعرفينها ياحصه هذي شوق العوبه الصغيره
حصه :هذي شوق ماشاءالله تبارك الرحمن كبرت وماعرفتها وصارت جنها القمر*
شوق استحت اشوي وقالت :مشكوره خالتي*
نوره اخت الجده بعد لفت على البنات اللي قاعدين وقالت :يبنات اخذوا شوق ووروها البيت وتعرفوا عليها*
وحده من البنات قالت :اوكيه يالله شوق امشي معانا اولا انا اسمي ساره وهذي هند وهذي غسق وهذي نجود
شوق اضحكت وقالت :تشرفنا وطالعت الجده كانها تقولها اروح والالا الجده طالعتها وهزة راسها بالموافقه قامت شوق وراحت معاهم*
في نفس الوقت بالكويت ام شوق اللي اهي ام خالد :شنو يعني اذا راحت شتبين فيها خلاص الناس راحوا ويمديهم وصلوا لاتحنين على راسي
هنادي :وليش ماقالولي ليش كل هذا عشان مااروح معاهم ظلم والله ظلم انا احن واخر شي شوق تروح*
رهف نازله وشافت هنادي تتحلطم وقالت :اكيد درت ان شوق راحت هه ياحرام راحوا وما خذوج مسكينه*
هنادي شالت المخده اللي جنبها وهفت رهف ورهف ردتها لها امهم صرخت عليهم :بس عاد انتي وياها استحي على وجهج ماكوا احترام لي انا قاعده بينكم*
رهف وهنادي خقوا واسكتوا دق التلفون وردة هنادي :الو*
...........:الو وين امج عطينيها*
هنادي :بسم الله الناس تسلم وانتي عطيني امج
........:عطينياها*
هنادي تمد التلفون على امها :هاج خالتي بدريه تبيج
اخذة الام السماعه وكلمت اختها*

في حايل
شوق قاعد اتسولف مع البنات*
ساره :كم عمرج اللحين
شوق :انا اللحين عمري 18 وانتي*
ساره :انا عمري 18 كبرج*
هند :وانا 17*
غسق :انا 19
نجود :انا 19
شوق :من اللي فيكم خوات والا كلكم بنات خاله ومنو ساكن اهني*
ساره :انا وهند وغسق خوات وساكنين اهني ونجود بنت خالتنا وغسق ونجود حيل مع بعض وانا وهند حيل مع بعض وان شاءالله تكونين صديقتي المقربه في فترت جلوسج اهني*
شوق :ان شاءالله وانا بعد حبيتج وارتحتلج ياسارونه كافي انج سمية الجده حبيبتي وانتوا بعد احبكم لاتزعلون*
مر واحد من الشباب ونادى ساره :ساره ساره*
ساره :نعم كاني هني تعال شوق عادي لاستحين هذا ناصر اخوي وعمره 21*
شوق ابتسمت وقالت بقلبها يمكن هذا المزيون*
ناصر دخل. ولما شاف شوق طالعها بعدين طلع بره :ساره تعالي ابيج
(شوق ماتغطي وجها بس تلف الملفع على شعرها )ساره :تعال مافي احد غريب هذي شوق بنت ابو خالد لاتستحي منها*
ناصر دخل :ساره عطينني من البخور اللي جبته ذيك المره*
ساره :دقيقه بس*
وشوق ضلت منزله راسه ومستحيه لان ناصر كان يطالعها وتكلمت نجود :ناصر ان شاء الله ماتاكل البنت بعينك*
ناصر حس على نفسه ووخر عيونه عنها جت ساره وعطته البخور وراح واهو يفكر في شوق*
دخل ناصر الديوانيه واهو للحين مفهي وعطى البخور اخوه عبدالعزيز :هاك هذا البخور واي شي تبي من داخل طرشني انا اروح اجيبه*
عبدالعزيز :غريبه كنت تبي تموت ولاتروح تجيب البخور والحين اي شي ابي اطرشك شصاير*
ناصر بدون لايدري عن عمره :ملاك تهبل صج خشف ماشفت مثلها*
عبدالعزيز :الحمدالله والشكر الولد جن وقعد صار يكلم نفسه اروح لرياجيل احسن من مقابل وجهك/ وراح عبدالعزيز وخل ناصر واقف يكلم نفسه
عند الحريم الجده :نادوا شوق خل تجيب دواي معاها هذا موعده*
حصه :ان شالله الحين اخلي الخدامه تناديها / وراحت حصه اللي اهي ام عبدالعزيز وقالت للخدامه تروح تنادي شوق لان الجده تبيها وراحت الخدامه لشوق ونادتها :شوق مما مال انتي يبي عشان ياكل دوا*
شوق :اي نسيت موعد علاج امي (شوق تنادي جدتها بعض الاحيان يمه )يلا انا جايه اللحين / طلعت الدوا واخذته وانزلت لها واهي رايحه في شخص عند الباب شافته بس مالاحضت عليه وراحت واهو ضل واقف يطلعها لين ادخلت*
الجده :هلا بالغاليه ها جبتي دواي*
اقعدة شوق جنبها :اي يابعد عيني هذهوا معايا / وعطتهياه ولما خلصت استأذنت وراحت للبنات واهي للحين في بالها من هذا المزيون وليش الجده ماعلمتها عليه دخلت الغرفه اللي فيها البتات وفصخت العبايه وكانت لابسه بنطرون جينز اسود وبدي رمادي نص كم وفصخت الملفع ولفت شعرا بس مابينت طوله*
ساره :شوق اتتي اليوم تنامين عندنا انا وهند اوكيه لاتقولين لا ازعل عليك*
شوق :اوكيه خلاص اليوم انا انام عندكم وانزلوا البنات وشوق ضلت فوق لانها تبي ترتاح اشوي واخذت تلفونها وحطت السماعات وسمعت اغنية محمد عبده حبيب الحب وبعدين دقت على توأمهاغدير :الو اشتقتلج حيل معن توني ماصارلي يوم*
غدير :وانا بعد فقدتج اجل هذا رقمج خلاص بحفظه عندي*
وكملوا سوالف وشوق ماتدري ان في احد يسمعها لان في شخص مره وسمعها وفضوله خلاه مايروح وضل يسمعهم*
غدير :ها شلون اللي عندج في واحد مزيون والا كلهم جياكر في واحد اعجبتي فيه*
شوق :هه هه هه نعم انا اعجب بواحد غلطانه حبيبتي اصلا انا ماهزني لباس الاعمامه عشان احط عيني على واحد من هذول قال ايش مااعجبتي بواحد فيهم*
الشخص اللي واقف عند الباب بعد الكلام هذا راح على طول وماحب يسمع اكثر من هذا الكلام *
وصعدت ساره :شوق امشي تحت كلهم موجودين الا انتي*
شوق :يلا غدير انا اكلمج بعدين اللحين بنزل تحت بااي*
غدير :ا وكي حبيبتي بااي*
صكرته غدير وقالت بقلبها هذي انتي ياشوق ماتتغيرين للحين وهذا طبعج مستحيل اتغيرينه عوبه وام لسان وماتنسين اللحي راح من هذيج السالفه وانتي مانعجبتي بولا رجال غيره ومن عقبه ماهزوج لاباسين الاعمامه على قولتج الله يعين بس*
من قبل فتره طويله شوق كانت تحب شخص بشكل جنوني وكان اول واحد يدخل قلبها واهو اللي علمها شنو يعني الحب واهو كان يحبها بشكل جنوني وكان مستعد يسوي المستحيل عشانها واهي كانت تعتبره قلبها حياتها كل شي بالنسبه لها وفي يوم من الايام الشخص هذا سوى حادث سياره ودخل المستشفى اسبوع بعدين مات وشوق ظلت مصدومه ثلاث شهور ومن عقبه ماحبت ولا واحد ولااحد لفت انتباها لانها تشوفهم كلهم متشابهين وحبيبها اللي مات اهو ابروحه المختلف لان كان بالنسبه لها حياه عالم ثاني مايعيش فيه الااهي واهو وكان اسم هذا الشخص (بدر)ومن عقبه ظلت العوبه اللي مايهزها شي متهوره كل شي تسويه ولاتحسب للعواقب لانها ماعاد يهمها شي عقب ماراح بدر وتمنت الموت من بعده واهي للحين تفكر فيه ومستحيل تنساه*

نزلت شوق تحت اهي وساره. واقعدت جنب جدتها وكان معاها ملفعها سبحان الله لو يجي احد من الشباب او شي والجده قالتلها :شفيج يحبيبتي تعبانه*
شوق تبتسم :لايمه مافيني شي بس ابي انام شوي / واسكتوا وكانوا الحريم يسولفون وجوا الشباب كلهم واقعدوا مع الحريم يسولفون معاهم ويشوفون خالتهم وعيون ناصر ظلت على شوق ونجود منقهره لانها تحب ناصر واهو اللحين قاعد يطالع بشوق وعبدالعزيز يطالع ناصر وقاله بصوت واطي لاحد يسمعه :شوي شوي لاتاكل البنت بعيونك الكل لاحض عليك*
ناصر بدون شعور ونفس صوت عبدالعزيز :حلو والله حلو*
عبدالعزيز يضحك على اخوه ويطالع شوق ويفكر بالكلام اللي قالته (عبدالعزيز للحين مايدري ان هذي شوق )
تغدوا وصعدت شوق فوق ترتاح وتبي تنام وصعد عبدالعزيز وراهارايح لغرفته واهو مار سمعها تغني انعجب بصوتها (شوق صوتها خياال لما تغني )وكمل طريجه واهو يضحك*
بالدوانيه كانوا الشباب قاعدين ناصر :ماعمري شفت خشف مثلها والله مافي اصلا*
فهد :من صجك عاد انت مغازلجي كل انواع البنات مروا عليك*
ناصر ؛ادري وهذا اللي ذابحني ان ماعمري مرت علي بنت جذي وماكون ناصر اذا ماجبت راسها وخليتها تحبني *
نايف :استح على وجهك وانتخي هذي مو اي وحده هذي تصيرلك مثل ماتصيرلي وعيب اللي قاعد تقوله عيب لو يسمعك ابوها ذبحك
ناصر : وانا شقلت ماقلت شي ابيها تحبني واحبها بس مو غلط
نايف :اذا تحبها وتبيها هذا ابوها اخطبها*
ناصر فتح اعيونه :شنو اخطبها لاتوني صغير*
نايف :اجل وخر عنها*
ناصر سكت وضل يفكر شلون يجيب راس شوق ويخليها تحبه
شوق نامت نوم عميق وكأنها مانامت سنه وحتى على العشاء ماقامت ظلت نايمه لانها تعبانه ولايهمها الاكل ولما قامت كانت الدار ظلمه ولما فتحت تلفونها لين الساعه 3.33 بالليل وانصدمت لانها نامت واجد وحست بالجوع واهي ماتدل شي هني حتى المطبخ ماتدل مكانه وتقلبت وماجاها النوم وقعدت تفكر في بنات خالتها شنو يسون اللحين وبدون شعور اخذت التلفون واتصلت على فاطمه وعلى طول جاها الرد :الوووو
شوق :هلا والله ومسهلا شلونج*
فاطمه : انا بخير والحمدلله ها شلون حايل شلون اللي انتي قاعده عندهم هل هم زينين والا لا وفي شباب حلوين
شوق تضحك بصوت واطي:شوي شوي كل هذا مره وحده حايل تهبل ومافي احلا منها واللي قاعده عندهم مافي احلا منهم طيبين وحاسبيني حسبت بناتهم وفي شباب حلوين بس ماهموني ارتحتي*
فاطمه :يعني في مزين اشوه الحمدلله يارب تفك عقدتها بحايل وتخليها تنعجب بواحد منهم يارب*
شوق :فاطمه انتي تعرفين ان مستحيل انعجب بواحد من الشباب ووثانيا انا مافيني عقده الحمدلله واني احب واحد شيليها من بالج واللحين يالله اشبكيلي هاجر بسرعه*
فاطمه :ماتتغيرين طول عمرج لحضه / وانطرت شوق شوي وردلها الخط وسمعت صوت هاجر*
هاجر :ارحبووووو تراحيب المطر ياهلا ومسهلا بالمزيونه*
شوق تضحك :البقا البقا ياهلا فيج انتي ومسهلا يقمر*
هاجر :انا صرت بخير يوم كلمتج والا قبل خمس دقايق كنت مو بخير
فاطمه :قويه شصاير كل هذا لشوق من متى*
شوق :انتي شتبين ليش محتره خليها تقول اللي تبي*
هاجر :اي والله اقول شوق ماشفتيلج واحد مزيون تراني بنت خالتج وابدى من الغريب*
شوق :هههههههههههههـ اني داريه وره كل هالكلام معزى شفتي يفطوم قلتلج خليها لاني ادري انها تبي الشي هذا اطمنج في مزيون بس انتي خليج على مجنونج لايجيج اللي اجن منه واشبكي غدير يالله ياشاطره*
هاجر :بسم الله اشوي اشوي زين لاحظه وراحت هاجر خط ثاني*
فاطمه :اقول شوق في احد كبرج*
شوق :اي في وحده ووحده اصغر مني بسنه وثنتين اكبر مني بسنه*
فاطمه :عاد ارتحتيلهم والا للحين رسميات*
شوق :انا وساره عادي بس هند ونجود وغسق لا للحين رسميا لان ساره كبري*
دخلت غدير: ياهلا في بنات خالاتي متجمعين الحزه هذي /غدير ماكانت تدري ان شوق معاهم
شوق :عشاني انا لازم يتجمعون وحتى لو بالحزه هذي*
غدير :هلا والله اذا عشانج نتجمع ليش لا*
شوق :غدير لو سمحتي اشبكي رهف اختي بليز*
غدير :اوكي دقايق /راحت خط ثاني*
هاجر :انتي ليش داقه الحزه هذي ومجمعتنا كلنا غريبه مانمتي
شوق :لاني توني قاعده يحلوه والكل نايم وقلت اكيد مافي احد منكم نايم خل ادق اسولف معاكم شوي والا شنوماتبين اتكلميني
هاجر :شكو اصلا اذا ماكلمتج منو اكلم*
غدير :وهذي رهف معانا*
شوق :هلاوالله بختي حبيبتي شلون البيت بدوني اكيد هادئ ومافي ازعاج هنادي شسوت لما درت اني سافرت*
رهف : بسم الله منين طلعتي وشوي شوي هلا فيج اي والله البيت هادئ بدونج اقط الابره اسمع صوتها هههههه طافتج هنادي شسوت لما درت بغت تذبحنا كلنا ليش ماقالولي انا احن وشوق تروح هههههه نكته وامي بغت تذبحها وانا وياها من كثر هواشنا*
فاطمه :خل تولي اهم شي شوق تروح واهي لاحقه على الروحات والجيات*
غدير :شوق غنيلنا شوي تكفين*
هاجر :اي والله صج غني*
فاطمه :اي غني*
شوق :لاوالله اغني اللحين مابي حدكم فاضين*
غدير :عشاني تكفين رهف كلمي اختج*
رهف :شوق غني*
شوق استسلمت من كثر ماحنوا على راسها وغنت اغنية احلام والله احتاجك اناولما خلصت اسمعت احد يصفق عندها. واستغربت وقالت :منو*
.........:انا ساره قعدت على صوتج وانتي تغنين ماشاءالله صوتج خيااال*
شوق :مشكوره من ذوقج*
فاطمه وغدير وهاجر ورهف بنفس الوقت :منو هذي اللي تكلمينها *
*شوق :هذي ساره سمعتني وانا اغني وصفقتلي ساره خل ننزل تحت انا جوعانه ابي اكل
ساره :افا عليج اللحين اروح تحت واسويلج شي*
شوق :لالا انا ابي انزل واسوي معاج يالله بنات بااي اكلمكم بعدين*
البنات :بااي
صكرت شوق التلفون ونزلت مع ساره المطبخ تسوي شي تاكل واهم نازلين اصدفوا ناصر
ناصر :انتو وين رايحين*
ساره :شوق جوعانه وتبي تاكل شي بننزل نسوي شي خفيف ناكله*
ناصر :ليش تنزلون انا اروح برسم الخدمه اجيبلها من المطعم كم شوق عندي وحده
شوق رفعت راسها وطاحت عينها بعينه وطالعته نظره غريبه واهو من شاف عيونها تجمد مايعرف شنو يسوي وقال :انتوا اصعدوا فوق وانا اروح اجيبلكم شي من المطعم /ونزل وقبل لايطلع من الباب لف على شوق وطالعها وطلع
ساره تطالع شوق : الله الله الظاهر في حبيبه هني وناسه بتصير قصة حب اهني ونااسه البيت بيصير فيه قصة حب ناصر وشوق الله
شوق طالعت ساره بنظره وقالت :لاحبيبه ولا شي انتي تتوهمين ناصر مثل اخوي لااكثر ولااقل وانا مااحب هالسوالف الحب وخرابيطه ماورى الحب الا عوار الراس والخرابيط اللي مالها معنا*
ساره سكتت وندمت على الكلام اللي قالته وتمنت انها تسحب الكلام بس قالته خلاص وكان نفس الشخص اللي سمعها تتكلم بتلفون*
كان واقف على الدرج وانعجب فيها اكثر*
ساره تكلمت وقالت :شوق شوق تعالي فوق لين ناصر يجيب الاكل*
الشخص اللي فوق فتح عيونه على الاخر هذي شوق*
ودخل داره قبل لايشوفونه وصعدت شوق وساره فوق وناصر واهو رايح المطعم يفكر فيها يقول بقلبه من متى ياناصر بنت تجيب راسك وانت اللي تجيب راس البنات كلهم اللحين هذي تجيب راسك وتخليك تكلم نفسك ولا بعد كويتيه لو سعوديه جان مشيته صدق من قال بنات الكويت مزيونات وعلى قولتهم زووغه*
بالكويت نفس الحزه في بيت خالتها بدريه ام هاجر :احمد منو معاك والابروحك عشان اسوي احساب الوجبات كم العدد
احمد :انا وعبدالرحمن ولد خالي بس بااي هاجر هاجر*
هاجر :نعم*
احمد :خل ناكل بالصاله اللي تحت عشان مانزعج امي وابوي فوق*
هاجر :اوكيه انطركم

 

[عوبه]

هاجر تحب عبدالرحمن بس من طرف واحد واحنا شاكين ان اهو بعد يحبها من بعض المواقف اللي بينهم )
**ناصر جاب الاكل وصعد طق الباب على اخته اطلعتله ساره :مشكور ياخوي معن اول مره تجيبلي مطعم من بره ولا الحزه هذي*
ناصر :مو عشانج عشان شوق اهي اول مره تجي حايل ولازم نخدمها*
شوق داخل مصدومه من حركاته شنو هذا اف اف اف*
دخلت ساره وحطت الاكل وقالت :اقص ايدي اذا ماحبج وان شاءالله تحبينه*
شوق طالعتها وقالت :انا ماهزني لباس الاعمامه ومالي بالسوالف هذي اوكي*
نفس الشخص سمع كلامها وقال لازم اجننها مثل ماجننتني واكلوا المطعم وشوق اغصبت نفسها على النوم لين نامت صج ومن باجر قامت ولقت الغرفه فاضيه ودخلت الحمام وتسبحت وطلعت كانت لابسه بلوزه علاق ابيض وشورت وردي فوق الركبه وقعدت وحطت السماعه على اذنها وغنت معاها ونست ان الباب مفتوح وحاطه شعرها على حنب وكان مبلل ومفتوح على طوله وحطت قلوس وردي وتغني اغنية نوال الكويتيه لقيت روحي*
وكان نفس الشخص اللي يسمعها واقف عند الباب ومفهي باللي يشوفه ويسمع صوتها واهي فجأه ارفعت راسها وطاحت عينها بعينه وتجمدت مكانها تبي تنط تنحاش تغطي جسمها بس تجمدت لان هذا اللي تبي تعرف اهو منو واهو بعد طالعها بنظره ماتعرف شنو معنها هي اعجاب حب انبهار ماتدري واهو راح بسرعه واهي على طول قامت صكت الباب واقفت وراه وقالت


الغلا و الحب و الصمت الجهور
كلها تكتب على وجه ( المحبّ )

*من يقول : الشعر افكار وبحور
كلنا ( شعّار ) اذا فعلا نحب





































ۙ


وقالت يارب منو هذا وليش لما اشوفه اتجمد جذي اف يارب منو منو*
ودخلت ساره وشافت شكل شووق وانعجبت فيه وقالت :واو تهبيلين وينك ياناصر تجي تشوفها جذي وااااو
شوق طالعتها :ساره انا ماابي ازعل عليج لو سمحتي الكلام هذا ماابي اسمعه وللمره المليون اقول انا اعتبر ناصر اخو بس اوكيه وراحت بدلت لبسها
وانزلت ومالقت احد موجود اقعدت وجا نفس الشخص اللي كان يسمعها وقف على الباب وجت ساره وقعدت وشافته واسكتت لانها اشرلها بايده انها تسكت ودخل الشخص قال :السلام عليكم
شوق و ساره :وعليكم السلام والرحمه /التفتت شوق وطاحت عينها بعينه*
وقال :شلونج شوق شخبارج ان شاءالله مستانسه باحلا منطقه تحبينها*
شوق استغربت شدراه :اي الحمدلله مستانسه*
الشخص: دووم
قامت ساره راحت المطبخ تشرب ماي وشوق طالعت اللي قاعد قدامها وقالت من دون شعور :منو انت مااعرفك
الشخص :ههههههههههـ ماعرفتيني غريبه عاد انا قلت الكل مايعرفني الا انتي بتعرفيني بسرعه*
شوق استغربت ردت فعله :لامااعرفك لو اعرفك جان ماسألتك
الشخص :نعم شتبي خير اخلص بسرعه للحين ماعرفتيني*
شوق فكت عيونها على الاخر :انت مستحيل مااصدق انت*
الشخص :اي انا ليش ماتصدقين يمكن علبالج اني مو حلو ومزيون علبالج اني جيكر وسحت ومو حلو*
شوق :انت عبدالعزيز انت هه هه هه اصلا ماتخيلت شلون شكلك عشان تقول هالكلام وماشغلت تفكير يعزوز*
عبدالعزيز :اسمي عبدالعزيز مو عزوز*
شوق :مالك من الاسامي عندي الا عزوز وكيفي
عبدالعزيز يبي يتكلم بس سكت لان ساره جت*
ساره :شوق شرايج نروح المول انتي من جيتي ماطلعتي خل نروح المول ونوريج اسواق حايل*
شوق :اي ليش لا بس منو يودينا عشان اقول حق ابوي*
ساره لفت على عبدالعزيز اللي يطقطق بالتلفون :عبدالعزيز تودينه تكفى عشان شوق تشوف حايل بليز*
عبدالعزيز يطالع شوق :اذا قالت عبدالعزيز ممكن تودينه وديتكم*
ساره :طالعت شوق وقالت :قوليله بليز*
شوق طالعت عبدالعزيز وضحكت بداخلها وقالت :غزوز ممكن تودينا السوق*
عبدالعزيز طالعها بنظره وساره استغربت شلون شوق تنادي عبدالعزيز جذي اول مره احد ينادي عزوز*
عبدالعزيز :انا اسمي عبدالعزيز وماارضى احد يناديني عزوز فاهمه
شوق حبت دور العناد وعاندت :عزوز وماراح اناديك الاعزوز كيفي*
ساره تطالع وتقول بقلبها شفيهم شوق اول مره تكلم واحد من اخواني جذي غريبه وعبدالعزيز عصب بشكل ليش جذي :انتوا شفيكم تتكلمون بعض جذي كنكم اعداء*
عبدالعزيز يطالع شوق ويقول :لااعداء ولاشي بس انا مااحب احد يناديني عزوز*
شوق تضحك وبينت غمازاتها واهو تولع بالغمازات وقالت :انا احب ادلع اللي قدامي معنك ماتستاهل اني انا شوق ادلعك مو كفوا*
عبدالعزيز يضحك :اوكي خلاص دورو احد يوديكم ماراح اوديكم*
ساره :اف ياربي خلاص بشوف ناصر يودينا يارب يرضى. وليش مايرضى اقول شوق تبي تروح ويجي طاير هههههه
شوق طالعتها :نعم واللي يقولج ماراح اروح مع ناصر شتسوين*
عبدالعزيز :وليش ماتروحين والاتبيني انا اوديج تامرين امر بس قولي عبدالعزيز والله اوديج*
شوق تطالعه :اذا وديتنا بروح واذا ماوديتنا ماراح اروح مع ناصر ومالك من الاسامي الاعزوز فاهم اف*
ودقت على ابوها :الو هلايوبا يوبا ابي اروح السوق مع البنات اي بيودينا عزوز اي مغيره اوكيه لا اخذ من امي فلوس باااي*
شوق :انا قلت لبوي مع عزوز وماراح اروح الااذا انت وديتنا وبس /عطتهم ظهرها وصعدت وعبدالعزيز ضل يطالعها لين راحت استغرب ليش ماتبي تروح مع ناصر وليش تبيني انا اوديها ولا بعد قالت لبوها عزوز البنت هذي مجنونه رسمي*
ساره :هو انت وين وصلت بسرحان صارلي ساعه اناديك وانت مو معاي*
عبدالعزيز :هاا شتبين*
ساره :بتودينا والالا اخلص البنت ماتبي تروح مع ناصر والسبه حركاته اللي مالها معنا*
عبدالعزيز :اي حركات اللي تخلي شوق ماتبي تركب مع ناصر*
ساره :كلامه لها كله غزل يطالعها بنظرات غريبه حتى اهي اذا جا تروح اي مكان المهم ماتضل معا في مكان واحد*
عبدالعزيز:اها عشان جذي اوكيه روحوا تزهبو ربع ساعه بسرعه*
ساره راحت تركض تقول لشوق ان عبدالعزيز بيوديهم وظلت ساره تفكر اول مره اخوها تغلبه بنت بتحدي غريبه مارفض لانها نادته بعزوز واحنا اذا قلنا عزوز بيذبحنا المهم بروح السوق خل اقول لهند وغسق
راحت ساره تقول لهند وغسق وراحت غرفتها وشافت شوق قاعده :يالله شواقه قومي البسي بنروح المول*
شوق :منو يبي يودينا*
ساره :عبدالعزيز او عزوز هههههههههههههـ
شوق تطالعها بنظرات :مايضحك /وقامت تلبس البست عبايتها وملفعها واخذت جنطتها وراحت لساره تشوفها خلصت او لا*
ساره اول ماشفت شوق :شوق وين الثامتج من صجج بتروحين المول جذي والله ليزفج عبدالعزيز
شوق :اي عادي انا مااروح المول الا جذي وليش يذبحني عبدالعزيز شسويت انا*
ساره :كيفج انا قلتلج*
وانزلت اهي وشوق وشافت هند وغسق تحت وقالت :عبدالعزيز يلا احنا خلصنا*
عبدالعزيز كان يطقطق بجهازه :يلا /واول مارفع راسه شاف شوق قال :بتروحين جذي وين الثامتج*
شوق :اي بروح جذي وانا ماعمري رحت بلثامه مو متعوده
عبدالعزيز :لاحبيبتي ماتروحين معاي جذي ومع اي احد من دون الثامه انتي مو بالكويت انت بالسعوديه وتدرين ان المولات حق السعوديه كلها هيئات وشباب مغازلجيه روحي الله يهديج والبسي الثامه بس هني واذا رديتي الكويت افصخيها*
شوق عقب هالمحاضره الا اسمعتها ماحبت اتجادل معاه واستغربت نفسها ليش ماترد عليه :انزين انطروني ساره عطيني الثامه من عندج والا اسويها بالملفع
ساره :كيفج بس احسن تاخذين النثاب يثبت اكثر من الملفع واللحين اروح اجيبلج واحد من عندي*
شوق قعدت تنطر ساره وصارت تطالع عبدالعزيز لين لف عليها واهي نزلت عينها جت ساره والبست شوق الثامه وطلعت قبل لايطلعون جا ناصر وشافهم :او طالعين على وين /لف على شوق ولما شاف عيونها فها فيهم*
عبدالعزيز :اي طالعين بوديهم المول عشان شوق تشوف اسواق حايل*
ناصر :وليش متعب عمرك ياخوي انا اوديهم*
اهني شوق على طول ارفعت عينها وطالعت عبدالعزيز وكانها تترجى مايخلي ناصر يوديهم
عبدالعزيز شاف شوق وحب يلعب بعصابها :والله فكره حلو وانا بعد انام لاني مانمت امس واجد*
قال ناصر :اي فديتك روح ريح وانا اوديهم*
شوق تطالع عبدالعزيز وغرقت عيونها ماتبي ناصر يوديهم*

اكبر غلط تجرح لگ انسان مجروح*
حتى ولو جرحگ لهـ مجررد دعاابه

عبدالعزيز لما شاف الدموع بعيون شوق انصدم لهدرجه ماتبي تروح معا :لالا انا بوديهم انا قلت ولازم اوديهم انت خلك مولازم*
ناصر :لاعاد انا بروديهم*
عبدالعزيز :قلتلك انا بوديهم وماله داعي كثرت الكلام*
ناصر :شوق تختار منو يوديها انا والا انت
شوق ارفعت راسها تطالعهم استغربت :انا مالي شغل انتوا اخوان وكيفكم*
عبدالعزيز :انا بوديهم انت روح*
ناصر :اذا شوق ماقررت منو اللي يوديهم راح نقعد لين تتكلم
شوق :عبد واسكتت لانها ماتبي تقول اسمه كامل عزوز يودينه انت بعدين*
ناصر انصدم شكو تدلع عبدالعزيز :اوكي يالله بااي*
عبدالعزيز مااات ضحك على شكل ناصر المنصدم لما قالت عزوز وطلعوا وشوق راكبه ورا عبدالعزيز واهو طالعها بالمنظره واهي رفعت عينها :يوووووو نسيت اف يربي كل انسى*
عبدالعزيز :شنو نسيتي*
شوق :اخذ فلوس من جدتي اللحين منيلي اف بليز عزوز رد البيت اخذ فلوس*
عبدالعزيز انغث من كلمت عزوز بس سكت وكمل طريجه
شوق :عزوز اكلمك رد ابي اخذ فلوس*
عبدالعزيز :ماابي ارد علشان فلوس*
شوق :لاوالله واذاابي اشتري منيلي فلوس ها
عبدالعزيز :انا اعطيج مولازم ارد علشان فلوس*
شوق اسكتت ماتدري شنو تقول تكلمت ساره :هند غسق تدرون شوق اذا غنت صوتها خياال*
شوق ارفعت عينها وطاحت بعين عبدالعزيز اللي كان يطالعها*
غسق :صج انتي شدراج*
ساره :سمعتها صدفه واهي تكلم التلفون*
هند :اها شوق ممكن تغنين اللحين/شوق انصدمت من طلبها وقالت بقلبها من صجها هذي والا تتغشمر اغني اللحين ولا عزوز معانا*
هند :شوق اكلمج*
شوق :لا هند اللحين مو وقته*
غسق :اها الظاهر صوتها مو حلو وماتبي تتفشل*
شوق لفت عليها انصدمت منها :لا صوتي حلو بس مو وقته اغني
ساره :اغنيه وحده بس*
عبدالعزيز بقلبه اي تكفون حنو عليها اكثر خل تغني*
شوق :انزين/ وغنت اغنية خالد عبدالرحمن وشلون مغليك ولما خلصت عبدالعزيز بروحه صفق وقال :يسلملي هالصوت وراعيه /طبعا قال هالكلام من دون شعور وخواته يطالعونه وشوق مصدومه من ردت فعله وقالت :تسلم مشكور*
يٱ بھجۃ ٱلخٱطر ، ۅ يٱ ( سرّ مجھۅل )
يٱ رۅح شعري .. غٱيٺھ ۅ إفٺخٱرھ

إن شفٺ زۅلڳ جيٺ ۅٱلھرج معسۅل
جهّزٺ عِدّ ٱلشعر ، ۅ أشعلٺ نٱرھ

غسق :خيااال صوتج والاغنيه اللي غنيتيها المفضله عندي صراحه*
هند :اي صح اختيارج بمحله وااو صاج ساره لما قلت حلو*
وشوق ماسمعت ولا كلمه من اللي قالتها هند وغسق لانها تفكر بالكلام اللي قاله عبدالعزيز
اوصلو المول انزلوا وشوق اتطالع اول مره تجي هالمكان ودخلوا المول وشوا محل اكسسوارات وشوق عجبها قلب وخاتم ولفت تدور عبدالعزيز ماشافته ولما لفت وراها لقته واقف عند الساعات وراحتله :عزوز عاجبني شي هنلك ابيه ممكن تجي معاي عشان تتدفع*
عبدالعزيز يطالعها ويقول بقلبه عوبه وتناديني عزوز وعادي مااستحت تقول تعال ادفع ههه :يالله جاي وينها اللي تبينه
شوق اشرتله قال اهو :هذا ذوقج مو حلو /اهو يضحك عليها وعاجبه اللي اختارته وانعجب بذوقها بس وده يرفع ضقطها
شوق :انا مو قاعده اخذ رايك انا ابيك تدفع ماسألتك حلو او لا*
عبدالعزيز :قومي طقيني بعد والله لف على الكاشير ودفع الحساب وعطاها اغراضها وقال :بس هذا ماراح ادفع شي غيره*
شوق :شنويعني تذلني مالي شغل بشتري اللي خاطري فيه كيفي*
وراحت وخلته واهو يضحك على تصرفاتها وطلعوا من هالمحل وراحوا محل ملابس نسائي رجالي وشوق تطالع الموديلات وتشوف اللي يعجبها وتاخذه دق التلفون وشافت الرقم تؤم روحي ردت :هلا والله بغلاي*
غدير :هلا فيج شلونج الظاهر طالعه لان عندج صوت*
شوق :اي انا بالسوق اشتري*
غدير :لاتنسينه /شوق ماتدري ان في شباب يتحرشون فيها لان كانت تتكلم بالتلفون*
شوق :اللحين بااي وبعدين اكلمج صكته ولفت لين تشوف اثنين وراها تخرعت قالت بسم الله الرحمن الرحيم قال واحد منهم :اسم الله عليج الله الله كويتيه تو مازانت*
شوق ماتخاف من الشباب بس اهني بينت الخوف عشان عبدالعزيز اذا شافها يصدق انها خايفه لفت بوجهه تدور عليه شافته واقف معطيها ظهره راحتله على طول والشباب على طول وراها ولما راحتله*
شوق :عزوز انت وينك انا رحت اكلم التلفون كان من الكويت وخفت لان في شباب الحقوني*
عبدالعزيز عصب ولف وشافهم ينحاشون قبل حتى مايتكلم :وانتي ليش ماقلتي بروح اكلم تلفون*
شوق :وانا شدراني ان جذي الشباب مقرد عندكم اف*
عبدالعزيز عصب :لاوالله يعني ماتعرفين ان الشباب من يشوفون بنت على طول وراها وقال كلام واااجد*
شوق من الخوف راحت وخلته وشافت بدله تهبل واسألت ساره وهند وغسق كلهم قالوا حلوه بس اللحين شلون تقول لعبدالعزيز ابي فلوس واهو تو زافها راحتله واهو منفس :عزوز والله اسفه مااعيدها واذا بغيت اروح اي مكان اقولك بليز*
عبدالعزيز :انزين شتبين انتي اللحين اخلصي
شوق :عزوز ابي بدله اعجبتني تهبل ابيك تدفع احسابها ممكن
عبدالعزيز :نعم وانا اقول الاسف هذا مو لله ماعندي فلوس*
شوق عصبت وحست نفسها ولاشي وشلون تطلب منه مالت عليه :شنو يعني ماعندي فلوس اجل ليش طاق الصدر وقلت ماراح ارد البيت انا اعطيج وحالتك حاله واللحين ماعندي
عبدالعزيز انبط راسه من حنتها :انتي شنو ماتزهقين من الحنه انزين يالله ورين اللي تبي تاخذينه خل ادفع وافتك من حنتج*
شوق ضحكت :يلا وراحوا وشافت البدله ورتهياه ودفع فلوسه وقال :اي هذي البدله السنعه*
مواللي اليوم الظهر*
شوق انصفق وجهه استحت :والله انا لبسي جذي وكيفي ولو ادري انك بتطالعني مالبسته
عبدالعزيز يالله اللي تبي ادفعلها منكم تجي جت ساره وهند وغسق واحطو لبسهم ودفعهم لهم واهم يتمشون بالمجمع شوق شافت وحده تعرفها وقالت :عزوز ممكن اروح اسلم على رفيجتي *






** * * * * * * * * الى القاء بالبارت الجاي واتظروني *


ولاتحرموني من ردودكم الحلوه واذا شفت اقبال على الروايه بنزل الجزء الثالث واكملها*
*

 

[عوبه]

يلا يا قلبي بااجر بعد ان شاء الله انزل بارت اذا شفت في ردود

 

[عوبه]

بناات اسمحولي تاخرت شووي بس ظروف مريت فيهاا بس انتظروني خلال يومين انزل باارت طوووووووووويل

 

[the dark girl]

روآآآآيـــتج خطــــيرةةة
أب أب أب

 

[جوري ستايل]

ياللة ويننج اخت عووبه كملي بلييز الروايه رووعه وخطيرررهـ. هههههههههه حلووو ه الكلمه اعجبتني ماهزها لبااس العماامه ي خطيررة انتي الروايه صجيه ولا لا ويسلموو حبي

 

[عوبه]

زين اشوا في ردوو يشجعني اكملهاا الروايه عشره بالميه خيال بس الاغلب حقيقه وانتظروني يوم الجمعه
انزل لكمم بااااارت بليلل

 

[شقآوه أنثى]

واااااااااااااي حبيتها والله
بليزززز كملي :$$$$

فديتج واصلي

 

[شقآوه أنثى]

ووووووووووووووووووينج

امبيه نبي باارت

 

[شقآوه أنثى]

ووووووووووووينج

ووووووووووووووين البااااااااااااااااااارت

طولتي


:eh_s(16)::eh_s(16)::eh_s(16)::eh_s(16)::eh_s(16)::eh_s(16)::eh_s(16):

 

[نمله معضله]

اب اب
وينج

 

[عوبه]

بنات وربي اسسسسفه ادري تااخرت وااايد لاني كنت مسسسافره واللاب مالي انكسر واناا كاتبتها باللاب وانا اللحين اكلمكم مـَِـَِن بلاگ بيري بسس اوعدكم مــ••❥••ــا يمر هالاسبووع الا وانا منزله بارتات لعيونكم
وبعد كانت عندي ظروووف خااااصه

 

[the dark girl]

ألغـآآيب ععذرة معـآآهـ
نـآطرينج

 

[عوبه]

شكرا يا رووحي وربي ظروف بس لعيونكم بنزل اللحين

 

[عوبه]

مازلت احبك*
** * * * رغم بأسي منك...ورغم جنوني فيك ...ورغم كل الحزن الذي...زرعته بقلبي لك
ورغم انك منذ زمن كنت....ومازلت المستحيل بأحلامي*
** * * * *ورغم انك الحب الوحيد الذي لم يصدأ في ايامي*
** رغم كل عوامل التعريه التي قلبت كل ذالك الحب **
الى بأس وامل ...الى ليل ونهار
الى بياض وسواد ...الى مد وجزر
** * * * *الى موت وحياه

........................الجزء الثالث......................



بالمجمع شوق شافت وحده تعرفها وقالت :عزوز ممكن اروح اسلم على رفيجتي
لف عليها عبدالعزيز وطالعها :وينها رفيجتج هذي /اشرت شوق عليها :هذيك بليز لاتردني*
عبدالعزيز شاف اللي تأشر عليها وقال :نعم اكيد لا انتي ماتشوفين الرجال اللي معاها عشان تروحين تسلمين عليها
شوق :شنو يعني انا بسلم عليها والا بسلم على اللي معاها اف
عبدالعزيز :انا قلت لا يعني لا ولف على خواته وانتو ماخلصتوا من المول*
:لا ماخلصنا تو الناس تونا جايين
عبدالعزيز :بنشوف اخرتها معاكم وسكت / رن تلفون شوق شافته مكتوب غلاك جنني وماردت حطته سايلنت
عبدالعزيز شاف الاسم واستغرب من. هذاوليش ماترد عليه وليش مسميته غلاك جنني :ليش ماتردين*
شوق :مالي خلق ارد اف /ولفت على محل مكياج واهي تحب المكياج ولفت على البنات :بنات خل ندخل هالمحل نشوفه بليز لفوا البنات على المحل اللي قالت عليه :يالله خل نروح ودشو المحل*
شوق تكمل ساره :ساره اخذي ماركه معروفه مو اي كلام عشان البشره ماتخرب اوكي*
ساره :اي صح كلامج لازم ماركه عشان بشرتي انا خربانه من كثر المكياج*
شوق ابتسمت لها وراحت تشتري وتطالع اللي يعجبها وعيون عبدالعزيز عليها واهي تشوف الكريمات وتختار بدقه جا عبدالعزيز وقف جنبها :كل هالدقه عشان اشوية الوان تحطونها على وجيكم والله انتوا فلم*
شوق مالفت عليه :لا حبيبي الدقه هذي مو عشان اصباغ لا عشان بشرتي وشلون احافظ عليها مو اي شي احطه على وجهي واي كلام لا انا اهتم بالشي اللي يخصني عرفت /لفت عليه وطالعته وشافته يطالعه بشكل غريب :هي انت سمعت اللي قلته*
عبدالعزيز :ها اي اي معاج ماشاءالله عليج واحسن شي عجبني بكلامج تهتمين باللي يخصج وسكت*
شوق استغربت شمعنه هالكلمه ولهت باللي قدامها ولفت عليه مالقته ودورته ولقته واقف بره المحل راحتهله وشافته سرحان قالت بقلبها شنو يفكرفيه :عزوز عزوز عزوز اكلمك*
عبدالعزيز حس بوجودها :ها شتبين*
شوق :اخترت اللي ابيه ممكن تدفع*
طالعها وابتسم ابتسامه عريضه :حاضر تامرين امر ادفع اللي تبين يالله امشي خل ادفع
شوق استغربت غريبه المره هذي ماقال شي والابتسامه خفق قلبي عليها بس ليش :تعال يالله يالملك*
عبدالعزيز لف ملك غريبه وراح معاها وشاف اللي تبيه :يعني هذا اللحين بيحافظ على بشرتج*
شوق :اي من ه اكريم يغير لون البشره ويحاظ عليها ويفتح المسامات يعني كل شي بكريم واحد*
*عبدالعزيز والله انا مااعرف بالاشياء هذي /وراح ودف الحساب وشاف خواته وقال :يالله عاد والله تعبان ودايخ وجبتكم عشان شوق ماتبي تروح مع ناصر يالله*
ساره :اوكي بس تكفى طالبناك لاتردنا والطلب هذا من شوق /لفت شوق عليها :انا متى طلبت*
عبدالعزيز ضحك :هههههههههـ شنو طلبكم*
ساره :عشاء بالمطعم ودنا تكفى في مطعم هني بالمجمع عجيب صديقاتي قالولي عليه وعشان شوق تذوق من مطاعم حايل بليز*
عبدالعزيز مات من الضحك على ساره ولف على شوق :اذا شوق قالت عبدالعزيز بذوق المطعم وديتكم*
غسق :بليز شوق قوليله تكفين اهو اول مره يفكر دايما لا
هند :اي شوق من زمان مارحت مطعم بليز*
شوق طالعت عبدالعزيز :عزوز ممكن تودينا المطعم اذوقه*
عبدالعزيز :عبدالعزيز مو عزوز
شوق :عزوز ممكن تودينا المطعم اذوقه
عزيز ضحك وغسق وهند استغربوا شلون تقول عزوز اما ساره عادي لانها مو اول مره تسمعها*
عبدالعزيز :اوكي يالله وين المطعم اللي تقولين عنه يساره
ساره :يالله مشينا وناسه وراحوا للمطعم اللي قالت ساره عنه واخذ كبينه وقعدوا
عبدالعزيز :شوفوا هذي اول مره واخر مره اوديكم مطعم مفهوم*
شوق اول ماقعدت قطت النقاب :اف حر الله يعينكم شلون تستحملونه يماي يرببي*
وعبدالعزيز يطالع فيها ويشوف عيونها شفايفها خدودها غمازاتها اللي واهي تتكلم يشوفهم يارب يحميها من عين الحاسد :متعودين عليه عادي انتي عشان اول مره مومستحملته /وجا الكرسون ياخذ الطلب كل وحده قالت لعبدالعزيز بصوت واطي شنو تبي الا شوق كلمته بنفسها وقالتله شنو تبي وعبدالعزيز عصب ولما راح
عبدالعزيز :شكو تكلمينه وانا قاهد يعني شنو مو مالي عينج*
شوق استغربت :ليش شسويت قلتله الطلب عادي*
عبدالعزيز :عادي باكويت مو اهني اذا انا موجود ماتتكلمين معاه انا اللي اتكلم
شوق عصب من طريقة اسلوبه معاها :هي هي لاتكلمني جذي مااسمحلك وانا متعوده اكلمه بنفسي مااخلي احد يقول حقه شنو ابي والمفروض تعلمني وتقول مره ثانيه قوليلي اقوله عشاني اول مره اجي اهني ومااعرف طريقتكم
عبدالعزيز فكر بكلامها وطلع صح مفروض يقولها مو يخانق على طول :اوكي مره ثانيه يحلوه تقوليلي اقوله مفهوم
شوق زعلت وغرقت عيونها وماردت عليه دق تلفونها وشافت غلاك جنني عبدالعزيز عينه على الشاشه وشاف الاسم يبي يعرف منو :ردي*
شوق تطالعه وردت :ارحبووو ياحبيبي اشتقتلك موووت
...........:البقاا يابعد عيني وانا بعد مشتاقلج مووت بس قبل اشوي ادق مارديتي ليش
شوق :فديتك والله اي لان كنت اتسوق وماحبيت ارد واللحين بالمطعم بتعشى عطيتك التقرير*
...........:هههههههههه يافديتج والله انا ماطلبت تقرير بس اكيد عشان اللي عندج صح اعرفج
شوق اول مره تضحك جذي من قلب من زمان ماضحكت جذي :ههههههههههههههـ اه بطني بموت من كثر الضحك اي نعم انت الوحيد اللي تفهمني ياعسى يومي قبل يومك
..........:اسم الله عليج من الموت اصلا دنيا انتي مو فيها شكو اعيش فيها خلاص نتفق نموت مع بعض*
شوق :لا اسم الله عليك اوكي اتفقنا نموت مع بعض عشان انا ماابي الدنيا اللي انت مو فيها /عبدالعزيز بيموت من الغيره منو هذا اللي تكلمى جذي وبكل وقاحه*
...........:فديتج والله اعرفج ماتحبين الدنيا اللي انا موفيها اللحين اخليج عشان وصلت البيت*
شوق :اوكي حبيبي بعد انا وصل العشاء ودعتك اللي ماتنام عينه بااي/صكرته وباسة التلفون وضحكت ورفعت راسه وطاحت عينها على عبدالعزيز وشافت نظراته اللي مولعه نااار تبي تذبحها سكت لفت على البنات شافتهم يطالعونها
شوق :شفيكم تطالعوني جذي*
غسق :منو اللي تكلمينه جذي وتبي تموتين قبله والدنيا ولاشي بدونه
شوق تضحك :هذا نظر عيني هذا دليلي بالعمر هذا غلاي روحي كياني كلي هذا اللي مستحيل يخون فيني عسى الله يخليه لي ولعين ترجيه
وسكتوا ماحبوا يسألون اكثر تعشوا وردوا البيت ومن المول لي البيت وعيون عبدالعزيز عليها وصلو البيت وشوق صعدت ودخلت الحمام والتلفون مالها بالدار ودق وطلع غلاك جنني ودق ثلاث مرات واهي تتسبح بالحمام ولما طلعت البست بجامتها وردت على التلفون لان دق للمره الرابعه:هلا*
...........:وينج خوفتيني عليج على بالي صاير فيج شي*
شوق :لا مافيني شي بس كنت اتسبح بس*
...........:اها اشوه علبالي فيج شي المهم والله اشتقتلج لج وحشه حيل احس حياتي عادي بدونج نفس الروتين*
من اللي يتعبث بغراضي واخانقه ومنو اللي يدق علي وينك زهقانه تعال طالعني وتلفوني مايسكت من تلفوناتج واللحين انا اللي ادق واسأل والله دنياه
شوق :ههههههههههههـ الله الله كل هذا انا مضايقتك وماادري خلاص توبه ادق عليك او اسأل /ناصر كان مار وسمعها على اخر شي ووقف يسمع*
............:لالالا والله مو هذا قصدي والله انا بس اشتقتلج خلاص ماراح اقول هالكلام مره ثانيه موافقه
شوق :هههههه انزين انزين موافقه وانا عندي غيرك عشان ارفض طلبه اوكي وانا بعد اشتقتلك*
............:الحمدلله رضت انزين شلونج وشلون حايل*
شوق :والله انا زينه لانك كلمتني وبس حبيبي اللحين بصكر واكلمك على الساعه ثنتين او ثلاث بتكون قاعد صح /بعد هالكلام ناصر جن جنونه منو هذا اللي تكلمه كان يبي يدش عليها بس وقف وراح لغرفته*
..........:اي اي قاعد باي وقت يالله بااي*
شوق :خالد خالد*
خالد :عيونه*
شوق :تسلم عيونك سلم على امي وانا باجر ادق عليها بااي*
خالد :يوصل ان شاءالله بااي
خالد اخو شوق التوأم واهي تموت فيه ويحسون ببعض حييل واهي كله تتغزل فيه واهو يتغزل فيها وماترضى عليه واهو مايرضى عليها واهما مايستغنون عن بعض واهم روحين بجسد واحد *
ناصر دخل بغرفة عبدالعزيز وكان واصل حده من العصبيه :حبيبي اشتقتلك اسأل منو اهو اموت واعرف منو*
عبدالعزيز :منو اهي الحمدلله الشكر*
ناصر :شوق بعد منو تكلم التلفون وبصوت عالي وحبيبي واشتقتلك ولا الحين بصكر وادق الساعه ثنتين ثلاث*
عبدالعزيز :وانت شكو لاتظلم اسألها وتعرف*
ناصر :اي صح اللحين اروح اكلمها واسألها
عبدالعزيز :انت مجنون هي تعال اكلمك وراح لحق اخوه*
ناصر راح لشوق دق الباب ونطر بره عبدالعزيز وصل لاخوه :هي انت مجنون موصاحي استح على وجهك*
ناصر :ماني رايح من اهني الا اذا عرفت منو اهو*
عبدالعزيز كان يبي يتكلم بس سكت لان شوق طلعت :نعم في شي*
ناصر :انا انا انا بسألج سؤال وابيج تردين علي بالصج
شوق :خير شعندك
ناصر منو اللي كنتي تكلمينه قبل شوي تضحكين معاه وفديتك*
شوق طالعته بنظره وفيها ضحكه :وانت شكوو تسأل من تكون
عبدالعزيز :ناصر مالك شغل فيها امش لاحد يشوفك اهني*
ناصر :ماراح اروح الا لما اعرف هذا منو منو هذا ياشوق*
شوق تضحك :شوف المفروض مااقولك منو لان مالك شغل. فيني بس بقولك عشان ابينلك اني مو من اللي في بالك هذا خالداخوي توأمي وكلمته بس في شي ثاني*
ناصر :اخوج تكلمينه جذي ليش حبيبج اهو*
شوق :واغلى من حبيبي هذا قطعه مني اهو اللي يفهمني وكانت تبي تكمل كلامها دق تلفونها وطالعت التلفون غلاك جنني ورفعت عينها وطالعت ناصر :ردي مو هذا اخوج
شوق :الووو وحطته سبكر
خالد :هلاوالله بحبيبتي واختي الغاليه*
شوق :هلا والله فيك ياخوي وعزوتي انا مو تو مكلمتك امداك تشتاق وقولي سلمت على امي
خالد :هههههههههـ ليش ماتبي تكلميني ههههههه اي سلمت عليها وتقول خل اهي تتدق وتسلم مو توصل السلام*
شوق :اهي عندك عطنياها
خالد :اي لحضه بشوفها*
ام خالد :هلاوالله بحبيبتي وحبيبت خالد*
شوق طالعت ناصر بنظره وصكرت السبيكر :مو انت اللي تشك فيني موانا اللي اسوي هالسوالف*
وردت على امها ودخلت الغرفه وصكرت الباب
عبدالعزيز ارتاح لان تأكد انها سيده :شفت ظلمت البنت استح على وجهك عييب بنت غريبه من الكويت تكلمها ولاتشك فيها والله عيب*
ناصر :الحمدلله ان مو واحد اخوها وانا بعد شيدريني ان اخوها المهم تأكدت
عبدالعزيز :اللحين خل نرووح الغرفه لاحد يجي ويشوفنا هني واقفين يلا اللحين البنت شتقول عنه الله يهداك
ناصر يضحك وبقلبه الحمدلله طلعت شريفه وانا شلون نسيت ان بنات الكويت فري عادي عندهم يتكلمون جذي
شوق تكلم امها :وانا بعد اشتقتلج حييل بس خليت البيت هادي شوي استانسو هههههههـ
امها :صج ان هادي بس ولو لج وحشه يقلبي*
شوق :يقلبي انتي بعد وحشتيني موووت اللحين بصكره لاني بنزل عند البنات ناطريني واكلمج بعدين باااي
بعدين انزلت تحت لقت البنات كلهم موجودين :السلام عليكم*
البنات :وعليكم السلام هلا والله
شوق :هلافيكم الا وين امي ماشفتها اشتقتلها
هند :يقلبي شوفي الساعه جم بعدين اسألي
شوق تطالع الساعه لقتها 1بالليل :هههههه الوقت مر بسرعه بس شسوي اشتاقلها حيل ماتعودت يمر يوم مااكلمها
ساره :بنات شرايكم نكلم ابوي ان باجر نروح المزرعه*
دخل ناصر على اخر كلمه :اي وانا اكلمه لكم شقلتوا
غسق :اي تكفى ناصر قوله من زمان مارحنا المزرعه بليز*
ناصر :اوكي خلاص باجر اول*مااشوفه اقوله*
ساره :ولاتنسى تاخذ عبدالعزيز معااك لان قلب ابوك عبدالعزيز*
شوق ابتسمت ماتدري ليش طلعت هالابتسامه :والمزرعه كبيره وفيها خيل*
ناصر :اي كبيره مرره وفيها خيل عربيه واجنبيه والوان مختلفه
شوق :في الوان بيضه*
ناصر :اي في الظاهر تحبين الخيل مره
شوق ابتسمت ابتسامه اخطفت قلب ناصر فيها :اي مره وامووت بالخيل حييل*
ساره :عاد الخيل اكثرها ملك لعزوز*
ناصر طالع ساره :شنو عزوز اسمه عبدالعزيز
ساره :وانا شكو اذا شوق ماتنادي الا عزوز واهو ماقال شي والله
ناصر استغرب :تقوله عزوز واهو ماقال شي غريبه*
عبدالعزيز :شسوي يعني اقولها عبدالعزيز تقول عزوز*
الكل لف ع الباب وتكلمت شوق :اي عزوز كيفي*
ناصر :وانا ليكون نصور*
شوق :لا ناصر بس اذا تبن اناديك نصوراوكي نصور
ناصر :لالا ناصر بعد مو ناقص تدلع
غسق :شرايكم مادام احنا متجمعين نلعب اونوا او غمزه شرايكم*
ساره :اي اي انا موافقه شقلتوا شباب*
عبدالعزيز :اوكي انا موافق
شوق :وانا موافقه
ناصر :اوكي*
هند :وانا بعد بس تلعبون غمزه والا اونوا حددوا
عبدالعزيز :اونوا*
ناصر :لا غمزه*
شوق :اونوا*
ساره :غمزه*
غسق :تهاوشو احسن والله الحمدلله والشكر راح نسوي قرعه ونشوف وتحط ورقه وتقصه وكتبت غمزه اونوا*
وقطتهم وهند سحبت ورقه قالت :شنو تتوقعون غمزه او اونوا*
شوق :يالله عاد شنو*
هند :اونوا*
شوق وعبدالعزيز :هياااااا وطقت ايدها بايد عبدالعزيز*
شوق تطالع ناصر :عشان مره ثانيه ماتتحدوني يالله نلعب
غسق توزع الورق واهما يلعبون ناصر اخذ دور شوق وشوق كانت قاعده جنبه*
شوق مسكت جتفه بدون شعور :هي هي لالا دوري لاتطوف والله*
ناصر طالعها وطالع ايدها :انزين انزين علبالي دوري وشال ورقته*
شوق :اي علبالي بعد وقطت ورقتها يالله اللحين دورك قط*
عبدالعزيز يطالعها جاهل والله جاهل ماتكبر حتى التصرفات تصرفات جاهل هه الله يخليها لواليها
ساره :العبوا عدل مانبي انا دوري لاتاخذه بلا مصاخه انت وياها
غسق :ترا وراها غمزه اوك
ناصر وساره :اي اي غمزه*
شوق وعبدالعزيز يطالعون بعض ويتطنزون :اياي غمزه ههههههههههههههههههههههههههههههههـ