على كف الغلا شلتك!
وحطيتك وسط عيني
__
يديده غنيمه هي آليده وآلي لآزم تعرف كل شي يسير بآلعآيله , نسره شوي , قلبهآ طيب
زوجهآ ثنيآن متوفي من قبل 18 سنه
آلولد آلكبير : فهد عمره 50 سنه متوفي متزوج خلود طيبه و تحن على احمدوه دآيم تبيه يرجع , طيبه وتحب عيآلهآ تبي آلخير لهـم ودآيم تدعي لهم ويوم زوجهآ مآت كآنوآ آهلهـآ ميتين آلي هم آمهآ وآبوهآ مآعندهآ خوآت ولآ آخوآن عشآن جذي تمت ببيتهآ وشرطت عليهآ يديده غنيمه آنهآ مآتقطعهم وتوآصل معآهم لآنهآ من ريحه آلغآلي
خالد : عمره 30 سنه متزوج مزيون ويلبس نظارات دكتور نفسي [ زوجته : مريم هآديه ومتحجبه ومن النوع الخجول بس حساسه لابعد الحدود عمرها 29 سنه ] مآعندهآ عيآل تدرس بآلجآمعه توهآ متآخره بس هم مآتبي عيآل ليمـآ تخلص جآمعتهآ
احمد : آصغر من سلطآن انسان طموح ويدرس برا بأمريكا عمره : 28 مزيون خشمه سله سيف شعره سبايكي بيسير محامي لمـآ يرجع آلكويت يموت عليهآ على آخوآنه وآخته وولهآن عليهم وآيد
زيد : كبر ضآري رفيج ضآري الروح بآلروح رآعيين مشآكل بس هم طيبين هو شخخصيه قويه وشعبيه ومزيون ويحب عبير رفيجه آخته ودآيم يقط نغزآت على آخته
آريآم : آلبنت آلوحيده لآهلهآ آلدلوعه وتكلم ولد آسمه مشآري وتموت فيه وهو مآيحبهآ يكلم مليون غيرهآ , شعرهآ طويل لنص ظهرها ضعيه مزيونه خشمها سله سيف تشبه احمد وآآآيد شعرها بني عيونهآ بنيه وآبتسآمتهآ تهبل ضآري ولد عمهآ مرزوق يحبهآ وهي دآيم تتهآوش مع آخوهآ زيد وتموت برفيجتهآ عبير >> جني حستكم شوي 
آلولد آلثآني آلي يجي بعد فهد هو
سعود : عمره : 48 سنه متزوج نوريه لسآنهآ مآيسلم منهآ , مآتحب آححد , نسره , وتحب تقرقر وتهذر , تموت على آلهيآته وآلطلعآت مآتحب آحد يدخل بشؤنهآ ودآيم تجعم زوجهآ وعيآلهآ بس تخآف من يديده غنيمه
مريم : متزوجه خآلد ولد عمهآ فهد آتوقع ذكرتهآ من قبل بيضه وجميله جسمهآ مو متينه ولآ ضعيفه عآديه , عنيده بشكل مو طبيعي تموت على خآلد
ضآري : طيب حيل طيبته زآيده عن آللزوم يدرس جآمعه آخر سنه ويحب آريآم بنت عمه آلمرحوم , خوآف مآيطلع منه صوت مآعنده كلمممه خصوصآ آنه مآيعرف يتعآمل مع آلبنآت مثل مآيسمونه آلسعوديين [ خكري ] بس طيب وهو له آحدآث وآيد آهني
آنفآل : بآلجآمعه سنه ثآنيه تدرس طب نسره شوي تموت على آخوهآ قوقو [ سيف ] وووآيد تتحلطم وتموت على آمهآ وكلمه آمهآ مفهومه ومسموعه ومطيعه وآيد بس نسسسره مع آخوآنهآ وآيد تطلع وآمهآ مدلعتهآ هي وفربتشينو
قوقو : برآبع آبتدآئي بططوط ححده وعنده غمآزه عليه لسآن ويتحلطم مثل آنفآل ووآيد دلوع بسبه آمه آلكل يحبه
آلولد آلثآلث بعد فهد و سعود هو طلآل
طلآل عمره : 45 سنه متزوج بثينه وبثينه وآيد تسولف وتقرقر وعندهآ كومه بنآت مشآكلهم مآتخلص
نوف : آلكبيره كُبر آريآم رفيجآت آلحيل بآلحيل طبعآ كلهم يدرسون هندسه آصغر من ضآري بسنه حيل طيبه بس فله وخبله وجدآم آلعآيله كلهآ مآيطلع منهآ صوت بس جدآم خوآتهآ تموت بخوآتهآ عندهآ مرض مآدري شنو يسمونه بس لمـآ تتعب وآيد يغمى ععليهآ
منآر : بثاني عشر خخبله وفله وتموت على آلتهريب هي و رفيجتهآ آلروح بآلروح منآل هم آلي يشوفهم توآم و كله نفس آللبس و منآل معتبرينهآ من آلعآيله حلوه ومزيونه شعرهآ لين جتفهآ دآيم تلعب فيه ودلوعه وعربجيه شوي
سآره : بحادي عشر عمرهآ 14 هآديه ومصريه آم قليب تحب تدرس وتلبس نظآرآت وآلكل يتحرش فيهآ وينآجرهآ خصوصآ منآر تحب ولد عمهآ زيد بس محد يدري وآيد حسآسه بشكل مو طبيعي وآهيآ نآعمه شعرهآ آسود وطويل دآيم تسوي كبه وتلبس نظآرآت هذآ ستآيلهآ وتحب تقرآ روآيآت آلي بآلكتب وآفلآم آبيض وآسود
ديمه : برآبع آبتدآئي وآيد تتهآوش مع آلعآيله كلهآ خصوصآ سيف ورآعيه مشآكل وفزعآت شعرهآ ويفي بآلطبيه وقصير ليمآ رقبتهآ وآيد كيوت ونعومه ورموشهآ طويله وعندهآ غمآزه وآضحه
__
نكون بجذي آنتيهآ من عآيله غنيمه آلحين ببدآ بآحدآث آلقصه
آلصبح آلسآعه 3 آلغدآ ببيت سعود
كآن موجود خآلد ومرته مريم لآن آلدور يتغدون عند آهل مريم و آنفآل و قوقو سعود ومرته
آلكل يتغدآ
سعود بغشمره : خالد شسالفه حاط عيش خالي آقول جنك مسوي رجيم هههه
خالد : ههههههههه لآ عمي آفآ ععليك مآ آحتآج
نوريه : اقول خالد
خالد : امري عمتي
نوريه : امك ليما الحين تبيع اجار وتفرفر بالبيوت
خالد تضايق ويطالعها مريم حست بـ زوجها وتضايقت من امها ولسانها
مريم : يمه الله يهداج شفيج
نوريه ماد بوزها وتاكل : هاو شقلت انا !! بس سؤال ماقلت شي والله !!
سعود يساسر نوريه : زين اسئلتج ماتطلع الا عالغدا يعني
نوريه تجعمه : بس بس انته ولي يعافيك تدخل روحك بكل شي
خالد بيهدي السالفه ويصغرها : بس عمتي انا ادري ان الوالده ماتسوي اجار الا حق الاهل
نوريه : اي بس يمه احنا سمعنا غير هالحجي , يقولون امك فاتحه مصنع وحاطه هالاجار ماشالله حولها وتاكل لقمتها
خالد تضايق ونزل عيونه على الصحن ورجع رفعهآ : وهم عمتي اذآ صآر جذي آنآ مآفي شي يعيب انها تسوي هالشي بالعكس تسترزق رب العالمين مافيها شي
نوريه : لا بس يمه فيها اشياء عيب , هو شفيكم تطالعوني انا شقلت وتكمل لقمتها
سعود بيرقع الموضوع ويصفي الجو : خالد شرايك تطلع معانا الحداق اليوم ؟ اي والله بنركب طراد
خالد : هههههه عمي ودي بس اليوم انا ملتزم مع مريم نروح للوالده عشان نتعشى
سعود : جانك ملتزم عاد ماني ملزم عليك براحتك ياولدي , عليكم بالف عافيه
خالد : ههه الله يسلمك
انفال : يبه بعد اذنك العصر بروح بيت رفيجتي بدرس هناك لامتحان باجر
نوريه تتدخل : شششنو ! اي رفيجه هذي ! يلا يلا قعدي بالبيت انثبري
سعود عصب : نوريه !! شفيج البنيه تروح تدرس مع رفيجتها شسالفه يعني مو اهيا استأذنت مني الحين
نوريه : تقعد بالبيت اهني تذآكر شنو تبي تروح بيت رفيجتهآ , رفيجتهآ تجي آلبيت آهني تدرس معآهآ , يلآ مآفي بنآت يطلعون
مريم : يمه الله يهدآج شفيج الحين ترضين البنيه تيي تدرس عن انفال ومو راضيه انفال تروح تدرس عندها والله عاد انا كيفي حُره ببنيتي
انفال وقفت بعصبيه : يعني تبوني آسكت عشآن ترتآحون
نوريه طقت فويزآتهآ بصرآخ : يلآ صعدي آشوف ولآ شوفي شبسوي فيج
آفنآل وهي رآيحه لدرج : وآلله مو حآله كل مآ قلت شي لأ ولأ
نوريه : بس عآد آهوآ مرآدد
سعود : خآلد آلمكآن مكآنك يبآ مانت غريب انا بروح المكتب اشوف رزقي يلآ عن آذنكم ,
نوريه تكلم نفسه بصوت ينسمع : آيه آحسن روح شوف رزقك قطيعه ! تحصل منه فآيده
فربتشينو غص : كح كح كح كح كح كح كح كح
خالد يطق ظهره : صحه صحه
نوريه تفز : هآك هآك يمه آشرب مآي سم آلله عليك اشرب حبيبي , ماشالله عين ماتذكر ربها [ وتطالع خالد ]
خالد تضآيق : يلآ مريم مشينـآ , مع آلسلآمه عمتي
مريم : آي آي بروح آريح بآلبيت شوي
[ بغرفه ضآري ]
آلجو هآدي بس صوت آلتكييف وضآري نآيم
قوقو يدخل بهدوء ويمشي حبه حبه بدون ما ضآري يحس ويدور آلكآكآو آلي آمس شرآه ضآري
وبعدهآ بيتطمن على آلوضع صآر يلوح جدآم ويه ضآري عشآن يتطمن
وبعدهآ بطل آلثلآجه آلي يم رآس ضآري ويوم بطله طآحت علبه من فوق آلثلآجه
ضآري بطل عيونه وقوقو نقز ممن مُكآنه
ضآري فز : قوقو !! ونط من سريره بيصيد سيف بس طآح من سريره و قوقو ركض وطللع من آلغرفه
ضـآري يلبس نظآرته آلطبيه ويصآرخ : وين بتروح يعني ؟ صآيدك صآيدك
___
قوقو يركض لغرفه انفال الملجأ الوحيد
يقول عن انفال وهو يرجف : وين انخش بسرعه بسرعه
انفال : روح تحت السرير روح روح
دخل تحت السرير
دخل ضآري : وينه وين قوقو ؟!
آنفآل بعصبيه : آنت شلون تدش دآري بدون آستآذآن
ضآي بعصبيه : آقول يآ آم آستآذآن لآ تقعدين تسوين لي استئذن ما استئذن , جم سنه صآرلي عآيش بهآلبيت آنآ آستآذن من منو ؟ وين قوقو
آنفآل : وآنآ شدرآني عنه آمكن قآعد تحت بآلصآله عند آمي
ضآري توهق : عند آمي !! منو غيرهآ بهآلبيت يقدر ينحآش عندهآ ومآ آصيده
آنفآل بلقآفه : آقول ضروي آهوآ شمسوي
ضآري بآستهزآء : شمسوي [ رجع لصوته آلطبيعي ] آقول لا تسئليني شمسوي ومو مسوي آنتي وكتبج آم قليب ورآح
آنفآل تكش عليه : قطيعه ! بسم آلله علي
____
نوف منسدحه على سريرهآ
دخلت منآر : نننننننوووووووووووووووووف
نوف : يآربي شتبين آنتي ؟!
منآر : نويف شرآيج نطلع آليوم آلسوق ؟!
نوف : ويعهه فآضيه لج آنتي , روحي آسئلي مصطفى امكن بتروح [ ساره لانها ام قليب ]
منار تنادي ساره وهي طالعه : يامصطفى ياحمدي
وتدرعم بغرفه ساره
كانت ساره منسدحه على السرير وناثره شعرهآ آلآسود على المخده وضامه صوره زيد
دخلت منار بلعانه وقالت : شتسوين
ساره صرخت : بسم الله الرحمن الرحيم , شتبين ؟!
منآر : شنو معآج ؟! هآ مآتتحجين يآفضيحه ؟!
سآره : آقول منآروه طلعي برآ آحسن لج ترآ مو فآضيه قآع آدرس
منآر : اقول سارون تبين تطلعين شوي 8 بليل للافنيو ودي اطالع فيلم
ساره : اوك بس مابي اشوف رقعه ويهج الا لما نبي نروح فاهمه
منار تمد لسانها : زين زين يبا ما قلنا شي ويع جبح هالويه ام نظارات وطلعت
______
آلسآعه 8 بليل
مريم وخالد رايحين بيت ام خالد الي هو بيتهم الي ساكنين فيه > نظام غباء
اريام مقابله مريم
وخالد يم مريم وامهم على راس الطاوله
ام خالد : اقول يمه ماكلمك احمد شلونه شخباره الامور تمام
خالد بأبتسامه : اي يمه الحمدالله بخير وعاد وصآني وقآل قول لآمي ترفع آيدهآ وتدعي يارب يوفقه بامتحانات الفاينل
ام خالد مشتاقه لولدها ارفعت ايدها وقالت : يآرب توفق وليدي و اشوفه راجع لنـآ بآلشهآده آلعوده ويصير محآمي [ تتكلم مصري بغشمره ] ئّد الدونيآ
آلكل : ههههههههههههه
آريآم : آوله ئد آلدنيآ مره وحده يمه قولي منطقتنا فريجنا
ام خالد : يعني مو عاجبتج ئد الدنيا
اريام : لا
ام خالد : يارب يصير محامي عود , هآ ؟!
اريام : لا مو لابق
خالد : يعني هم مو عجابج , انتي لي متىى راح تصيرين مناشبتنا هههه
اريام بدلع : ماراح تفتكون مني
الكل : ههههههههههههههه
صوت زيد ينادي : يمآآآآآآآآآآآآآهه
ام خالد : ها يمه
زيد يدخل : انتوا قاعد تتعشون من وراي
ام خالد : يعني شلون من وراك انت ماتدري نا موعد عشانا كل ليله هالحزه
زيد : عبالكم انقليزي يعني بالتايم
الكل : ههههههههههههه
خالد : اي اي انقليزي بالتايم يعني شفيها ؟
زيد : انزين حطولي عشا معاي ضروي بالديوانيه
مريم : ضروي اهني [ للي ناسي انه اخوها ]
زيد : اي صج هذا عطاني اياه حقج
مريم تاخذه :مششششكور [ مريم تبطل تلقى جنطه حلوه ]
ام خالد : زين ليش ماتييبه هني ياكل
زيد ناقد على الاكل : اييبه اهني شنو ياكل , زيتون اسود وهذا شنو مادري شنو
الكل : هههههههههههههههههههه
زيد يكمل كلامه : عاد ضروي يمه يستحي وايد
مريم : اي بهذي صدقت هذا تربيت ايدي يستحي
ام خالد : انشالله يا يمه اشوفج تربين عيالج بأيدج
مريم تضايقت شوي من سالفه العيال وخالد حس فيها : الحمدالله ! انا بروح ادرس
وقامت
خالد هد الصحن : الحمدالله , سفره دايمه يمه
ام خالد وزيد : عافيه
خالد : الله يعافيكم وراح
زيد قام قعد مُكانه
اريام تتتكلم : وايد شنو حساسه هالبنيه
ام خالد : بس عاد عيب سكتي لاتسمعج او يسمعج اخوج
اريام : يمه هذا الصج بعد شفيج عصبتي تو
زيد وقف : زين اناا ما تعشى
ام خالد تطالعه : لا حول ولا قوه الا بالله , انزين انشالله روح الدوانيه والحين ادز لكم العشى
زيد يتحلطم : يوعآن
ام خاالد : انشالله روح
زيد يتحلطم عبط : نبي عيش جذي ها ؟!
اريام عصبت و طفرها اخوها : قالت انشالله خلاص
زيد : مالج شغل وراح
ام خالد : قومي انتي قومي حطيلهم شي من المطبخ شوفي شنو فيه
اريام : انشالله يمه
__
عند ضآري وزيد
ضآري ماسك الكتاب : يقولك هناك نوعان من هذي الحاله
زيد يطالعه : يبه انت قاعد تخطب , زين زين اسكت , بس خلاص بنقصص هذول [ اوراق الحل ] ويأشر بأيده سيده : وندش على الامتحان خلصنا , قصصهم
ضاري : لا مستحيل مستحيل مستحيل لأ
زيد : ليش مستحيل
ضاري يقلد زيد : نقصصهم وندش الامتحان ويأشر سيده يعني خط مستقيم , وندش على الامتحان انا هذي الحركه [ الي يأشر جدام وجنه يقطع لحم ] ذيك المره سويتهآ معآك نفس آلحركه وآستدعوآ ولي آمري
زيد : آي بس هآلمره غير احنآ جآمعه , عندي خطط جديده , قصص يبا قصص عشان اطلع لك البآجين [ قصده آلبرآشيم ]
ضآري : آحنآ ريآيل بآلجآمعه ليمآ آلحين نغش
زيد : قصص لآ آقط قذلتك آلحين
طق طق طق طق
آريآم من ورآ آلبآب : زييد
ضآري فز قلبه
زيد : يآج يآج
ورآح
بطل آلبآب
آريآم [ مو متحجبه ] : هآك آمسك
زيد معصب : ليش آنتي آلي يآيبه آلآكل مو آلخدآمه
آريآم : عآدي آمي قآلت لي
زيد : دآخل دآخل
آريآم : آنزين آمي تقولك آذ خلصت حط آلصينيه برآ , وترآ عُقب بآجر بنروح زوآره عند بيت يديده غنيمه
_
آليوم آلثآني آلي هو آلآربعآء
آلسآعه 7
آنفآل تلبس قوقو : لآ آلله الا الله قوقو عطني ايدك خلني اعرف البسك البلوزه
قوقو يتحلطم : اووووه انتوا ماتفهمون اليوم كل ربعي بيغيبون
انفال : مافي غياب بتروح المدرسه يعني بتروح ولا والله اعلم امي عليك
سعود جا عند انفال وقوقو
سعود يحط عقاله : ها يبآ لبستيه
انفال : ايه يبه بس معاند مو راضي يروح المدرسه
سعود : شحقه معاند ؟!
انفال : يقول كل ربعه بيغيبون اليوم
سعود : آي هذي سوالفكم كلكم قبل اذا باقي اسبوعين على الاجازه كلكم تغيبون , يلآ يبآ يلآ
آنفآل شآفت قوقو قآعد على آلكرسي ونآيم
آنفآل تهزه : قوقو قوقو
سعود : قوقو قوقو لآ آنآ آعرف له وقعد يطقهه ببطنه خفيف ويضحك
قوقو قآم مع آبوه ورآحوآ
آنفآل تتذكر : وي نسيت آمي ورآحت تركض
تقوم آمهآ عشآن آلسفره حق بريطآنيآ مآبقى عليهآ آلآ سآعه
آنفآل : يمه يمه يلآ عشآن طيآرتج
نوريه : وي السآعه جم ؟!
آنفآل : يمه آلسآعه قريب 8 ونص وطيآرتج آلسآعه 9
نوريه : وي حسبي آلله عليج ليش مآقومتيني
آنفآل : يمه نسيت
نوريه : ؤ شغلج مآتنسينه زين روحي حري آلسيآره على مآرآح آخذ شور وآزهب آغرآضي
__
عند ضآري وزيد بآلدوآنيه حقت بيت زيد
آم خآلد تطق آلبآب من ورآ آلبآب : زييييييييد ! ضآري حبيبي يلآ قوم وقعد آلي ويآك [ زيد ] هآلي مو رآضي يقوم
ضآري: هلآ خآلتي انشالله انشش شش الله الحين الحين اا اا اقعده ونروح
ضآري يهز زيد : زيود زيود
زيد : هآه
ضآري : آمك قآعد تنآدي برآ تقول يلآ روحوآ آلآمتحآن
زيد : سمعتهآ سمعتهآ آنشآلله يمه آنشآلله
ضآري قآم بيغسل ويهه جآن يشوف آلبرآشيم قعد يهز ضآري : برآشيم يآ معود برآشيم خ خخخش خخخش آلبرآشيم قبل مآتشوفهم آمك وتعصب وتبلغ حتى آلجآمعه علينآ
زيد بعصبيه : آمي مآتعرف تقرآ لو مبرشين آلكلآم على آلطوفه مآتعرف تقرآ عآدي يبآ عآدي
ضآري : زين بروح آنآ آبي فيتيآمين سي عندكم فيتامين سي
زيد : تلقآه بآلسوق آلي يمنآ
ضآري يقوم رآيح للسوق بسرععه
______________
خخلص آلبآرت آلآول صآر لي سآعه آكتب فيه وآعدل ألبدليآت
بنآت بليز ععللققوآ على كل شخصيه وآي رد متكوب فيه بس يسلمو آو روعه آو كلمي وشله حقتهم على طول ححذف آلرد
.gif){kind=icon}
