- إنضم
- 20 أبريل 2011
- المشاركات
- 82
- مستوى التفاعل
- 0
- النقاط
- 0
اتمنى تحوز هذه الروايه لكم :yaaaaaarb:
وعلى فكره هذي اول روايه انزلها
وان شاء الله ماتكون اخر وحده
الكاتبه: رمز الانوثه
عيال غانـــــــــــم:
يوسف وبنت اسمهاعبير
يوسف عنده بنت اسمها ملاك وزوجة اسمها امينه
(( يعني ملاك وحيده امها وابوها ))
غانــــــــــم عنده اخو اسمه راضــــــــي
في يوم من الايام قرر يوسف هو ومرته يودون غانم (ابو يوسف) للعمره ولما سمع الخبر راضي قرر يروح لكن مرته مارضت تروح معاه وقررت انها تبقى بالبيت مع ولدها وبنتها اما عبير فقررت انها تقعد بالبيت مع ملاك بنت يوسف
راحو العمره عن طريق السياره وهم بالطريج دعموا شاحنه كبيره ونقلبت السياره 3 قلبات الكل توفى وتيتمت ملاك فقررت عبير تربي ملاك ولما تزوجت عبير قررت ان ملاك تعيش وياها وكانت ملاك بذاك الوقت صغيره تربت ملاك عندهم
والان مــــــلاك كبرت وصارت شابه عمرها 17 سنه بينت ملامحها وصارت بنت جميله وناعمه ، وكانت تسمي عمتها عبير (( ماما عبيــر )) عمتها عبير ماعندها عيال ولا بنات ، والان عمر عمتها 36 سنه، تطلقت من زوجها بسبب هوشات بينهم وبعد فترة العده ،قررت انها تزوج واحد تقدم لها مع العلم ان هو مطلق مرتين ، وتزوج عمتها مع انه هو اصغر منها بسنتين يعني عمره 34 سنه ، واسمه راشد ، بعد مرور سنه من زواج عبير اصبح زوج عبير يلمح لها ان ملاك احلا منها لان ملاك جسمها حلوو ووجها ناعم وكانت تلبس دراريع قصيره وبراميد عند الركبه وتيشيرتات جبنيز ، بعد مرور فتره من تلميحات راشد لعبير ، بدت عبير تغار من ملاك ، وقررت انها تقول لملاك ان لما يجي راشد ماتنزل من دارها ، ملاك اللي تفاجاة من كلام امها عبير، ومع مرور الايام قالت ملاك لامها : مايصير بروح الحمام وبروح اشرب شي وهذا 24 ساعه بالصاله وين اروح
قالت لها عبير : خلاص البسي شي سنع لان هو قايل لي ان لبسج حرام عنده
انصدمت ملاك على الكلام راشد ( مع العلم ان راشد ماقال هل كلام بس من غيرت عبير قالت لها جذي )
قررت ملاك انها تلبس دراريع طوال وجمهم طويل ، وصارت تطلع جدامه بهذا المنظر ، ويوم من الايام كانت عبير نايمه وملاك بدارها، ولابسه ملاك داره قصير ومتغطيه ، دش عليها راشد وهي نايمه،ما حست ان احد دش ،دش شوي شوي وهو قاعد يمشي جاي صوبها ، كان في كرتون كلينكس بالارض ، هو ماحس فيه ، فشاته برجله ،وطق الكرتون السرير من تحت فطلع صوت ،وحست وقامت بسرعه على الصوت ،ولما شافته شهقت ،
قالها : اوووووش ، ولاكلمه انا كنت جاي ابي آخذ كلينكس لان برى ماكو كلينكس ،
وطلع من غرفتها ، وهي مرعوبه وترتعد،
راحت بسرعه وقفلت غرفتها، وما نامت ، وتمت طول الليل تبجي ،
(( للعلم الكلينكس يعني منديل << للتوضيح فقط ))
ولما صار الصبح راحت ملاك لامها تبجي وقالت لها السالفه
قالت عبير لزوجها: ملاك تقول (........ قالت له السالفه اللي صارت .......)
قالها ان ملاك تبلى عليه واصلن هي اللي قايلتله يجيها وانها هي تكلم واحد رفيجه
استغربت عبير و عصبت ، وراحت وهي معصبه لملاك وقالت لها تطلع من بيتها وتروح بيت عمها
لكن ملاك قالت لها : انا عمري ماعرفت بيت عمي ليش الحين تبين توديني لهم
ماردت عليها عبير
وراحت للمحكمه ورفعت عبير على زوجة اخوها قضيه عشان تحضن البنت لمايصير عمرها 18 سنه
بعد فتره قررت المحكمه بان زوجة عمها اللي هي ساره انها تحتضنها لحد عمرها 18 سنه وبعدين يفتحون محضر جديد
راحت ملاك لبيت عمها وهي مضايقه واول مادشت البيت قابلة جدامها
(( ريماس و خالد ))
ضحكت لهم ، قالت ساره : شوفي انتي هي ( تقصد ملاك) تنامين بغرفة الضيوف لانها فاضيه يالله
ونادت الخدامه وقالت لها : ياميري ودي هذي غرفة الضيوف
راحت ملاك غرفة الضيوف واول مادشتها نسدحت على السرير وقعدت تبجي ، اما ريماس وخالد وامهم قاعدين بالصاله يسولفون تقول امهم : اووووف هذي من وين جتنا من اي مصيبه ناقصين احنا مصايب
ريماس : اي والله
اما ملاك فقفلت الغرفة عليها وقعدت ترتب اغراضها وهدومها وعقبها نامت
الصبـــــــــــــــــــــــــــــــــــــــــــــــــــــــــــــــــــــــــــــح
قامت ملاك وهي من النوع الي يحافظ على جسمه قامت ولبست برموده ورديه وتيشيرت ابيض جبنيز وقعدت تسوي رياضه وبعدين مشطت شعرها ونزلت تحت الكل قام يخزها كانت ريماس وامها تحت بس خالد مو معاهم طالعتهم وقعدت معاهم على الطاوله وقالت : صباح الخير
ام ريماس :صباح النور (( تقولها بدون نفس ))
ريماس: هلا
ملاك قعدت تاكل وقامت وقالت : الحمدلله
(( مع العلم ما اكلت واجد ))
اما ريماس وامها فقاعدين ياكلون اكل ،راحت وهي قاعد تمشي على الدرج ومنزله راسها تحت وتركض وهي قاعد تصعد الدرج
(((((((((((( طـــــــــــــــــــــــــــــــــــــــــــــــــــب ))))))))))))
طقت جتف خالد حييل وردت ورى وطاحت على ظهرها على ورى الى اخر الدرج ،جا خالد يركض قالها : ملاك فيج شي
ملاك مصدومه قالت : لا لا
حاولت تقوم ولكن حيلها انهد من الصدمه الي صارت ،فما قدرت تقوم ،مسك ايهدها خالد وايده الثانيه مسك خصرها ،طالعته ملاك وقام يطالعها ، وخرت ايده اللي على خصرها وراحت يالله يالله تدز نفسها وصلت غرفتها وقفلت الباب ، وهي منهاره وقاعده تبجي
راح وراها خالد طق الباب قال : ملاك افتحي ملاك
ملاك : خالد انا مافيني شي
خالد : انزين مادام مافيج شي افتحي
ملاك : خلاااااص خالد
خالد : خليج على عنادج شكلج عنيده هههههههههههههههههااااااااي
رااااح خالد ونزل تحت وقعد يتريق وبعد مرور ساعات يعني صار العصر ، الكل قاعد يسولف ويضحك مع العلم انها كانت بدايه العطله ،
وقاعدين يشربون جاي ، نزلت ملاك لابسه عبايه مع العلم انها مو متحجبه بس حاطه الملفع على جتوفها ، ومسويه شعرها ذيل حصان وحاطه تاج اسود ، جت عند ام خالد قالت : خاله ابي السايق ممكن ؟؟
ام خالد : نعم !!!! انتي منوو مفكره نفسج هااا !!!؟؟
وراحت ام خالد ومسكت عبايتهاا صوب جتنفها قالت لها وهي تجر عبايتها : حبيبتي مافي طلعه فاااهمه ولا افهمج ؟؟؟
اما ملاك قعدت تبجي بدون صوت ودموعهاا على وجها الناعم واول ماهدتها ام خالد انفتحت عبايتها ، وهي لابسه شورت احمر وتيشيرت جبنيز لنص بطنها لونه ابيض ‘ واول ما شوفها خالد وريماس
قالت ريماس : هاااااااااااااااااا ((((( شهقت )))))
صكرت ملاك عبايتهاا بيدينهاا وقعدت تبجي بصوت عالي من الفشله ، وركضت فوق لدارها ، وبجت بدارها وفتحت دفتر مذكراتها وكتبت :
اين انتي يا امي ؟؟؟ اين انت يا ابي ؟؟؟
اشتقت لكم كثيرااا انني بحاجه الى اي انسان يشعر بي ويفهمني
اليوم حصل معي ...........(( قالت السالفه اللي صارت )) ..........
وصكرت دفتر المذكرات ، اللي بدت فيه اول صفحة حزن وأسى ،
ولما صار بليل راحت ملاك للمطبخ تغريبا بآآآآخر الليل ، لابسه دراعه قصيره لحد الركبه لونها وردي ونعال ورديه ، راحت خذت لها ماي وقاعده تركب الدرج وهي قاعده تمشي ، سمعت ضحك من غرفت ريماس ، قربت عند غرفتها ولا تسمع ريماس تقول : حيااتي والله امووت فيك،
ردت ملاك غرفتها وهي مصدووومه
تسبحت (( ملاك بيضه حييييييييييل وجسمها حلوو ، وملامحها ناعمه ،عيونها ولاصغار ولا كبار وسط ،وخشمها صغير ،وحلجها صغير بس شفايفها كبار ))
طلعت ملاك من الحمام وقطت الفوطه اللي على راسها ونامت نوم عميق
الصبــــــــــــــــــــــــــــــــــــــــــــــح
قامت ام خالد من الصبح طبعاا ،اما خالد فما قام الا الساعه 11 الصبح طق على اخته الباب
ريماس : هلااا خالد دقايق وانزل
خالد : خلصي ما ابي آكل بروحي
ريماس : اوكي اوكي
راح خالد نزل اول ثلاث درجات ورد قال لنفسه حرام خل اقعد ملاك
طق الباب محد يرد طق مره ، مرتين ، ثلاث، هم ماكو احد يرد ،
فتح الباب لقى ملاك نايمه ومومتغطيه ولابسه دراعه قصيره لحد الركبه،
قام يطالعها ، وطلع وسكر الباب و رد غرفتة ، وهو يفكر فيها و حب يعرفها اكثر ، طلع من غرفته ، وراح لغرفة ريماس طق الباب
ريماس : دش دش
خالد : اقوول ريماس شرايج نروح للكوفي شوب ؟؟؟
ريماس : اي والله يااليت
خالد : اوكي يالله ، أأأ مري على ملاك شوفيها اذا بتروح معانا
ريماس : من صجك !!!!! امي ماراح ترضى
خالد : انتي مالج شغل روحي قولي لها وبس
رااحت ريماس لغرفت ملاك ، طقت الباب عليها قالت لهاا: ملاك (بنفس خايسه ) هي انتي افتحي الباب قاعده احاجي منووو ؟؟ انااا ؟؟
فتحت ملاك الباب وقالت : هلا ريماس
ريماس : نبي نروح للكوفي شوب ترووحين ؟؟؟
ملاك : صج !!! خالتي موافقه ؟؟
ريماس : لا تكثرين حجي ، البسي خلصينا
ملاك : اوكي
لبست ملاك بنطرون جنز سكيني ، وتيشيرت جبنيز رمادي وحزام اسود عريض عن منطقة البطن ، وسوت شعرها بوف وذيل حصان ، وحطت مسكره خفيفه وغلوس ،
فتحت ملاك باب غرفتها ولا وخالد جدامهاا ، انصدمت وشافته لابس بيروح معاهم ، عبالها بس ريماس بتروح ، افتشلت دشت دارها مره ثانيه ، بتسكر باب غرفتها ، ولا ولا يمسك الباب خالد
قال وهو متسند على الباب : ليش ماراح تروحين ويانا !!!
سكتت ملاك ونزلت عيونهاا
خالد : ريماس تقول انج بتروحين ، يالله يالله انطرج تحت ، لاطولين اوكي
طلع من غرفتها ونزل تحت
قعدت ملاك على السرير منصدمه ، مو عارفه هو شنو ناوي عليه ،
طلعت ملاك من غرفتها وصكرت الباب ونزلت
قام خالد وقال : يالله مشينا
ريماس : يالله
وطلعوو من البيت ،
بــــــــــــــــــســيــــــارة خالـــــــــــــــد
طبعاا ملاك قاعده ورى ، وريماس جدام
وصلوو للمجمع ، وانزلوواا كانت الساعه 4 العصر ،
دشوا المجمع قالت ملاك : ريماااس لحظه لحظه في سحب هني دقيقه بسحب وبرد
ريماس : انزين
(( مع العلم ان ملاك موساحبه معاشها صار لهاا 3 اشهر ، معاش اليتامى ، 350 دينار يعني عندها بالبنت 1050 دينار لانها موساحبه صارلها 3 شهور ، ))
سحبت منهم 150 دينار ، خالد وريماس واقفين ينطرونها ،
وعقب ماسحبت جت عندهم ، قالت ريماس : اوووف اخرتينا
خالد وهو معصب قال : خلاااااااااااااااص ريمااس
ملااك : آآآسفه
خالد : شرايكم نقعد بالكوفي شوب ؟؟؟؟
ريماس : اي والله احسن
خالد : هااا ملاك شرايج ؟؟
ملاك : كيفكم
خالد : يالله اجل مشينا
راحووا للكوفي شوب قعدوا كلهم على طاوله وحده
جاب القرسون المينيو وعطا كل واحد وحده
خالد : اوكي جيب لي بلاك كوفي
ريماس : انا ابي نسكفيه بحليب
خالد : وانتي ملاك ؟؟؟
ملاك : ماا ادري !!
ريماس : شنوو ماتدرين ؟؟ خلصينا اختاري ترى زهقنا واحنا ننطرج
ملاك : اوكي )) قف مي ون كبتشينو ))<< بالانجليزي
القرسون : (( اوكي كان يو اقين وت ذير وونت ))>> ياشر على ريماس و خالد
ملاك : اوكي ، يقولكم عيدووا طلبكم بالانجليزي
خالد : خلاص قوليله انتي ، طلبي وطلب ريماس
ملاك : اوكي ، بس نسيت طلبكم ، شنوو طلبكم قولوه لي مره ثانيه
خالد : انا بلاك كوفي وهذي ، انتي شنو؟؟ (( يقصد على ريماس ))
ريماس كانت تلعب بتليفونها ، قالت : شنو شتبون ؟؟
خالد : شنو طلبج خلصي ؟؟
ريماس : كولا
خالد : هي شفيج كوفي ؟؟ شفيج ماتفهمين عربي نفس هذا << ياشر على القرسون
ضحكت ملاك بصوت عالي : ههههههههههههههههههههههااااي
لف عليهااا خالد وهو يضحك
طالعته ملاك وبتسمت
ريماس : نسكفيه
ملاك : اوكي ،(( ون بلاك كوفي اند ون نسكفيه اوكي ))
القرسون : اوكي
ملاك : (( ثينكيوو ، بت كوكلي بليز ))
القرسون : اوكي
راح القرسون واول ماراح القرسون نزلت ملاك راسهاا تحت ، طبعاا ريماس قاعده تلعب بتليفونها ،
خالد : الا ملاك
ملاك : هلا
خالد : انتي ليش هديتي دراستج ؟؟؟
ملاك : غصبن علي
خالد : شلون يعني .....
جاء القرسون وقطع الحوار بينهم ، خالد براسه اسئله بس ضايقه القرسون اللي خرب عليه ،اما ملاك فحمدت الله ان قطع القرسون عليهم الحوار وخصوصا بالموضوع هذا لان يسبب لها احراج
القرسون حط كل كوفي عند صاحبه اللي طالبه
وقال ان الحساب 8 دنانير و600 فلس
بسرعه طلعت ملاك الفلوس ومدتهم للقرسون ،
خالد : لالا انا ادفع ،
وحاش اديها ، ملاك كشت من الحركه ، اللي صارت ونزلت ايدهاا بسرعه ، المهم خالد اللي دفع
ريماس : لحظه لحظه لو سمحت وين النسكفيه ؟؟ << تحاجي القرسون
القرسون : (( وت ؟؟؟؟ بليز إن انجلش ، ام دونت اندر ستاند اربك ))
ريماس : يووووه شيقول هذاا ؟؟؟
ملاك : (( شي سييد وير از ذا نسكفيه ؟؟؟ ))
القرسون : (( أه ذات )) << ياشر على النسكفيه
خذت النسكفيه ريماس وقالت : انا بروح ، وراحت
بقى خالد و ملاك ، شرب خالد الكوفي ولما ذاقها عرف ان هذي مو بلاك كوفي بس طعمهاا حلو احلى من البلاك كوفي حييل ، وعرف انها كبتشينو لان اخته خذت النسكافيه مالها ، مابقى الا البلاك كوفي والكبتشينو ، وعرف ان اللي مع ملاك البلاك كوفي ، ولما ذاقت ملاك الكوفي ، عرفت انه مو كبتشينو ، يعني اكيد بلاك كوفي ، استحت ما تدري شتسوي ، ومايصير تبادل وياه ، اسكتت بعدين جتهاا الضحكه وقامت تضحك ، ولما شربوا الكوفي وخلصو قالت ملاك : مشكور خالد
خالد : العفوو ماسويناا شي
ملاك : خلاص اجل انا بروح اتسوق شوي
خالد : اوكي
ملاك : يالله باي
خالد : باايااات
طلعت ملاك من الكوفي شوب
وراحت تمشى مو عارفه وين تروح ، ملاك شكلها حييل حلوو ،
المهم مرت ملاك عند اول محل واسمه (( نكست ))
دشت طالعت التيشيرتات ، اخذت تيشيرتين ، وطلعت
(( مع العلم ان ملاك تحب التسوق حيييل لدرجة انها لازم تخلص كل الفلوس اللي معاهاا ، بس ماتختار الا بعد عناااء كبير ولازم تشوف التيشيرت مليون مره يالله وتاكد ان يطلع عليهاا حلوو )) المهم
راحت للمحل الثاني وكان كذالك محل ملابس واختارت 3 تيشيرتات و4 جينزات كل واحد لون ، وواحد بنطرون ابيض سكيني ، وشرت 6 شورتات لحد الركبه عليهم عرض كل واحد لون ، وشرت بعد حزامين ،
وطلعت (( طبعاا تشتري اشياء واجد لانهاا عارفه ان ماراح تصير لها روحه مره ثانيه )) المهم دشت محل جواتي ، وشرت لها شحاطه سوده وبيضه وكعب اسود وشحاطه ملونه ، وطلعت من المحل
طبعا الفلوس اللي معاها خلصو وهي قاعده تصرف من الكنت ، المهم دشت محل الجناط وشرت جنطه ورديه وبيضه وسوده وعجبوها الاساور وخذت لها سوارتين وطلعت من المحل ، مرت صوب محل فيه فساتين عرس طالعت الفساتين اللي برى ودشت دورت بالفساتين لقت فستان ناعم لتحت الركبه لونه احمر ، مصكر الصدر والظهر كله تور شفاف لي آخر ضهرها ، محدد التور بكريستال اسود ، وخامة الثوب احمر ساده ، من جدام منثور على الفستان كريستال اسود ، قعدت طالعه وفكرت تاخذه ولا لا وماعرفت شتسوي ، وفكرت لو اخذته وين بتلبسه ، بس حيييييل عاجبهاا فقررت اخيراا تاخذه ، قالت اللي تشتغل بالمحل تعطيها مقاسها (( مع العلم مقاسهاا سموول )) خذت الفستان ، وهي طالعه من المحل ، في مجموعه شباب قاعدين يتمشوون ، فصاارت بوجيههم (( يعني صاارت جدامهم بالضبط )) كلهم قامووا يطالعونها وواحد منهم اللي بالوسط صفر ، طالعتهم هي ووخرت عنهم ومشت ، لفوو عليها ومشووا وراها وهي ميته من الخوف ماتدري وين تروح ، فكرت ترد الكوفي شوب بس خافت ان خالد يفهمها غلط ، وهي قاعده تمشي مرت صوب كوفي شوب ثاني غير اللي قاعد فيه خالد ، دشت قعدت فيه ، ودشوو الشباب وقعدواا بالطاوله اللي جدامها ، كانووو 4 شباب بس اللي صفر هو اللي ممشيهم معااه ، لفت هي الصوب الثاني لقت ريماس ومعاها واحد قاعدين يسولفون ولا همهم العالم داشييييييين جووو حدهم ، قام واحد من الشباب صوبها ، وهو قاعد يقرب منها قامت بسرعه وطلعت من الكوفي شوب ، ودشت اول محل قابلها ، خذت لها تيشيرت من اللي معلقين لونه اصفر ودشت سيده (( لغرفة التبديل )) وقعدت تبجي وخايفه اول مره ماكو احد معاها ، واول ماطلعت قالت لها وحده من الموضفات (( عجبك مدام ))
قالت لها من الفشله لان صار لها ساعه وهي داخل الغرفه : اي عجبتني
وخذت التيشيرت وهي مو مقتنعه فيه ، ووجها احمر ، طلعت ولا احد يصفر ولازق يم باب المحل جان يصير بوجها لزق عندها حييل ، ولا طالعته وهو يطالعها وعيونها كانت حمر واثر البجي على وجهاا ، وخشمها احمر ، جان يقول لها لحظه وقفي وخرت عنه وراحت تمشي بسرعه وقلبها يدق وهو ركض وراها ، يقولها : وقفي اقسم بالله بحاجيج
لفت عليه ونزلت دمعتها على خدها ، واثر الخوف على وجها ،
قالها : اسمعيني
وخرت عنه وراحت تمشي بسرعه وهي ماتدري صارت جدام الكوفي شوب اللي ينطرهم فيه خالد ، جان توقف طالع خالد خايفه ، طالعها خالد شاف شكلها جنها باجيه ، قام من مكانه جاها يركض ، وهي واقفه مو عارفه شتسوي ، وهذاك اللي يغازلها يقولها : اسمعي سجلي عندج ، وصل عندها خالد عندها و شاف عيونها متروسه دمووع ، وخشمها احمر ، طالع وراها وشاف اللي يغازلهاا وراهاا ويكلمهاا ، راح له معصب
لفت ملاك على خالد قالت : خالد خله عنك
مسك خالد الولد اللي يغازلها من تيشيرته ، يقوله : انت شتبي فيها
قال الولد اللي يغازلها : وانت شكوو ؟؟؟؟؟
خالد : قاله انا شكوو ولا انت ؟؟ انا اعرفهاا تصيرلي ياا حيووان
دز خالد الولد وراح الولد يركض
جاء خالد عند ملاك ومسك ذراعهاا قال : وانتي شحقى خايفه
طالعته (( يعني صارت عينهاا بعينه )) وعيونها متروسه دموع
خالد : ملاك لاتخافين من الاسكال هذي ، والله سكت عنه عشانج ولا والله بقيت اذبحه
ملاك (( وهي ميته من البجي )) : مشكور
اما خالد قاعد يطالع عيونها اللي نفس عيون الاطفال وخشمها الاحمر وحلجهاا الوردي وبشرتها البيضه ، جنها طفله وهو مهاوشها
مسك خالد ايدهاا وقالها : تعالي تعالي ، نقعد هني ،
وراحوو على طاوله وقعدت وقعد هو ، ملاك ساكته ومنزله راسها تحت وهو قاعد يطالعها قالها : اهدي اهدي خلاااص
طالعته ملاك وابتسمت ، وابتسم لهاا خالد ،
خالد : شرايج نروح نتعشى
ملاك : لا مو مشتهيه تسلم
خالد : بس انا رااح اخليج تشتهين هههههههههههههه
ضحكت ملاك ببتسامه خفيفه ،
خالد : يالله قومي
ملاك : وين ؟؟؟
خالد : قـــــــــــــــــــــــــــــــــــــــــــومي
قامت ملاك وراحت وراه ، دشوو مكان بآخر المجمع كله مطاعم ،
خالد : تبين لحم ولا دجاج
ملاك : عادي اي شي
خالد : ملاك يالله اختاري
ملاك : خلاص لحم
خالد : وانا لحم
ضحكت ملاك وضحك خالد
خالد : يالله بروح اطلب من هذااك المطعم ، انتي قعدي هني لا تروحين
هزت راسها ملاك ، (( مع العلم هي قاعده على طاوله فيها 4 كراسي ))
قعدت تلفت ملاك ، طالع الناس ، نزلت راسها تحت وقعدت طالع بلوزتهاا ،شوي ، وجا خالد ، وحط الاكل ، وحط عندها وجبتها
خالد : عاااد ما ابي اشوف ولا قطعه باجيه اوكي ؟؟؟؟
طالعته ملاك وضحكت ، وضحك لها خالد ،
خذت ملاك الوجبه وفتحتها وقعدت تاكل ، اكلت نص الساندويش، وقعدت تشرب الكولا ، وطالع الناس ،اما خالد اكل ماخلى من الساندويش الا شوي ، طالع خالد ملاك قالها : لييييييييييييييش ما اكلتي ؟؟؟
ملاك : اكلت
خالد : وووووووووووووين ما اشوف اكلتي
ملاك وهي تضحك : والله اكلت
خالد وهو يضحك : بس هذااا اكلج ؟؟؟
هزت ملاك راسها
خالد : ملاك
ملاك : هلا
خالد : انتي ليش وقفتي دراستج ؟؟
ملاك : انا وقفتها لاني حسيت اني ثقلت على خالتي عبير ، لانها كانت ما تشتغل وتاخذ معاشي ، وانا كنت احتاجي مدرسين خصوصي وهي ماتقدر تدفع لي قفررت اني اوقفها
خالد : انزين وقفتي عند اي مرحله ؟؟
ملاك : 11 يعني 3 ثنوي
خالد : زين ردي كملي
ملاك : خالتي ساره ماراح توافق
خالد : مالج شغل بأمي انا احاجيها اهم شي انج تكملين دراستج
ملاك : تسلم
خالد : عاد لازم تاكلين اكل عشان المدرسه ترى مايقبلون البنات اللي ماياكلون ههههههههههههههههههههه
((( ترقبووا الباارت القااادم ))) :eh_s(7):
