روايه ~ ابيكـ بكل ما فيكـ

[علـــوش]

بسم الله الرحمن الرحيم

اهلين هذي روايتي الثانيه .. بصراحه انا لقيت تفاعل كثير مع روايتي الاولى و حبيت اكتب روايه ثانيه من تأليفي و ان شاء الله اشوف التفاهل فيها .. اتركم مع الروايه :

ابيكـ بكل ما فيكـ

الشخصيات :

عائله ابو سيف :
ابو سيف (عبد الله) انسان عصبي جدا واللي في باله لازم يصير
ام سيف (نورة) حقودة جدا
سيف 26 سنة متوسط الجمال مرة دكتور عضام بارد مررةة
نوف 20 سنة مدللة للاخر تكره لمى لانها احلى منها
محمد 7 سنوات
=========================================
عائلة ابو رامي :
ابو رامي (عبد العزيز) هو بعد غصبي ويكره زوجته لانها ما جابت له اولاد كثير ودائما يسب ويشتم في زوجته وبنته لمى
ام رامي (سعاد) قلبها طيب .. بس تنفذ كل اوامر زوجها حتي لو قال اذبحي لمى تذبحها
لمى 18 سنه توها متخرجه من الثانوي و بتكون هي بطلتنا .. بشرتها ناعمه مره و صافيه و بيضاء .. شفايفها صغيره ورديه .. شعرها بني فاتح و ناعم و طويل .. عيونها عسليه.. ما قد حطت في وجهها مكياج ولا اكسسوارات .. تحب تبان طبيعيه .. ما قد طب دولابها البنطلون .. كل ملابسها تنانير طويله .. ما تطلع من بيتها الا لمدرستها و ترجع للبيت ..ما قد طلعت من بيتها ابد الا في الاعياد ..
ابوها حارمها من الدش و التلفون ومن الانترنت بس شبك انترنت لنفسه .. مالها كلمه بالبيت..هاديه و ما تتكلم كثير كل كلامها ان شاء الله و سمي طال عمرك .. تتمنى تغير حياتها بس هذا المكتوب لها..
كان عندها توأمتين هدى و هديل بس ماتوا و هم حوالي السنه .. و مرت امها بحاله نفسيه لسنين و كان زوجها بيطلقها بس اتذكر وصيه الوالد الله يرحمه فيها
رامي سنتين مدللة ابوه للآخر دبدوب و خدوده حمرا

================================================== ============

عائله ابو رائد

ابو رائد ( فهد ) ما يهتم في عياله اربع و عشرين ساعه مسافر
ام رائد ( حصه) كل همها الرزه قدام الناس
رائد 26 سنه متزوج من مرام و لهم سنه
زياد 24 سنه مملوح .. يدرس هندسه


انا ما احبيت اكثر من الشخصيات علشان ما تتلخبطون و في شخصيات رح نتعرف عليهم خلال الروايه

************************************************** **********************************

{ البارت الاول }

الساعه 12 الظهر

في بيت ابو سيف كانت العائله كلها جالسه تتغدى
ابو سيف : اقول سيف كيف الشغل معك
سيف : الحمدلله تمام
ابو سيف : و عسى الراتب زين و كافي
سيف : ايه الحمدلله انا مو ناقصني شي
ام سيف: الله يديم علينا هالنعمه
ابو سيف : اجل يا وليدي بفتح معك الموضوع.. شف يا سيف انت رجال كبير و فاهم و مو ناقصك الا شي واحد .. تكون عائله .. و اللي بمثل سنك الحين متزوجين .. شف و انا ابوك ولد عمك رائد متزوج صار له سنه و انت يا وليدي متى بتتزوج و افرح فيك .. و اشوف احفادي قبل ما اموت
سيف: بسم الله عليك يبه لا عاد تقول كذا .. خلاص اذا تبيني اتزوج من بكرا دوروا لي عروس
ام سيف بابتسامه : ما له داعي ندور لك .. البنت موجوده بالاصل
الكل استغرب
نوف : و مين هي
ام سيف : سيف وش رايك ببنت عمك لمى
نوف: مين .. لمى .. وععععععع يا ماما ما لقيتي الا ذيك
ام سيف عصبت : انتي اسكتي محد طلب رايك .. البنت زينه و كامله.. و الكامل وجهه سبحانه
نوف: ماما بليز.. الا ذيك .. اصلا متى أخر مره شفناها .. السنه اللي فاتت .. و اكيد الحين تغيرت
ام سيف : خلاص انا بروح لام رامي اليوم العصر .. منها اشوف البنت و اشوف وضعهم
نوف ما عجبها الكلام كشرت و قامت من الطاوله و راحت لغرفتها
سيف: خلاص يمه اللي تشوفينه
و راح سيف لشغله

************************************************** **********************
في بيت ابو رامي

كانت لمى جالسه بغرفتها تفكر باللي صار لها بالثانويه و رجعت لها ذكريات اول :

في المدرسه

مها : لمى انتي اي جامعه بتدخلين
لمى بصوتها الهادي : ما اعرف .. لحد الحين ما قررت .. و انتي
مها نزلت راسها بحزن و قالت : انا رح اكمل دراستي في جده
لمى فتحت عيونها : ايش .. ليش ؟؟
مها: تعرفين ان ماما من جده و تبي تسكن هناك مع جدتي و ابوي وافق
لمى بحزن : يعني خلاص ما رح نشوف بعض مره ثانيه
مها : ما اتوقع
لمى : وش قصدك
مها مدت لها كيس و همست : شوفي يا لمى.. انا اشتريت لك جوال علشان نتواصل مع بعض.. و سجلت رقمي عندك
لمى : لالا .. انا مستحيل اقبل بهذا الشي .. ابوي لو عرف رح يذبحني
مها: مو لازم يعرف
لمى : انا م.. ماا اقدر .. آسفه
مها عصبت : انا ما اشتريته ببلاش .. خلاص خذيه و بس
لمى اخذت الكيس من لمى و راحت للباص .. و من هذاك اليوم ما فتحت الكيس.. رجعته لدولابها و حطت ملابس فوقه و سكرت باب الدولاب و طلعت برا غرفتها
نزلت من الدرج و سمعت امها تقول : الله يحييكم .. اي وقت تبونـــه.. وشرايكم بعد صلاه العصر .. ان شاء الله حبيبتي .. سلميلي على نوفه .. يلا مع السلامه
لمى : بيجينا احد
ام رامي : ايه ام سيف بتجينا اليوم بعد العصر
لمى : ما تعرفين وش يبون
ام رامي : عيب عليك يا بنت .. اكيد مشتاقين لنا .. يلا حطي الغداء ابوك الحين جاي
لمى : ان شاء الله و توجهت للمطبخ تجهز سفره الغداء

************************************************** ***********************************

بعد صلاه العصر

في بيت ابو رامي

ام رامي و هي تنادي لمى من غرفتها : لمى حبيبتي جيبي القهوه
راحت لمى للمطبخ تصلح القهوه
طلعت لهم و معاها صينيه القهوه و كانت لابسه تنوره سوداء طويله و بلوزه حمراء و صندل احمر و كانت رابطه شعرها ذيل و مو حاطه في وجهها شي .. لان اصلا ما عندها مكياج بانت صفاء بشرتها و بياضها و نوف كانت متقهره من لمى لان بشرتها انت خيال
ام سيف : ماشاء الله يا لمى طالعه قمر
لمى استحت و نزلت راسها
نوف بسخريه و هي من جواتها محترقه : لمى انتي ما عندك مكياج
لمى : لا
ام سيف لفت على نوف و فتحت عيونها و نوف سكتت
ام سيف : اخباركـ لمى
لمى : بخير الحمدلله و انتوا وش اخباركم
ام سيف : والله الحمدلله كلنا طيبين
نوف : لمى بتكملين دراسه و تدخلين جامعه ولا لا
ام سيف : لا احسن لها تكمل الدراسه بعد الزواج
نوف : ليش .. علشان تكون كل مصاريفها على الزوج
كل الموجودين انصدموا من وقاحه نوف
لمى بحزن : عن اذنكم .. و راحت لغرفتها
ام سيف : السموحه يا ام رامي البنت ما كانت قاصده و قرصت نوف
نوف : آآ آسفه
ام رامي : لا عادي
و مرت السوالف عاديه .. و استأذنت ام سيف و نوف و رجعوا لبيتهم

************************************************** **********************************

في صباح يوم جديد

في بيت ابو رامي

كانت كل العائله متجمعين على سفره الغداء .. خلصوا و قامت لمى تجمع الصحون و راحت للمطبخ غسلتهم و راحت لغرفتها
دق تلفون البيت و رد عليه ابو رامي : و عليكم السلام .. يا هلا والله .. يخير عساكم بخير .. والله هذي الساعه المباركه .. لا البنت موافقه .. خلاص تعالوا المغرب .. ان شاء الله يلا مع السلامه
ام رامي : مين هذا
ابو رامي : هذا اخوي ابو سيف يبي يخطب لمى لولده سيف و انا وافقت
ام رامي : بس انت ما شاورت البنت
ابو رامي : ما يبلها كلام .. البنت موافقه موافقه .. و جايين اليوم المغرب يخطبونها رسمي .. انا رايح اقول للمى
راح ابو رامي لغرفه لمى و فتحها بدون ما يطق الباب شافها جالسه على سريرها تخربط بالدفتر
ابو رامي بحده : لمــــى
لمى فزت من سريرها و وقفت احتراما لابوها : سم يبه
ابو رامي: اليوم اتصل علي ابو رامي و خطبوك لولدهم سيف و انا وافقت
لمى : ايش .. انا .. مين قال اني ابي اتزوج .. انا لسى صغيره
ابو رامي عطى لمى كف قوي و صرخ : وشـــو .. اسكتي ولا اسمع حسك.. انا وافقت و انتهى الموضوع..و اليوم المغرب جايين يخطبونك رسمي .. و الملكه بعد اسبوعين .. خلاص ابي افتك منك .. و طلع برا غرفتها و سكر الباب بقوه
لمى : انا ما ابيه .. ما ابيــــــــــه .. و راحت لسريرها و صارت تبكي

************************************************** *******************************************

في المغرب جو العائله و خطبوا لمى رسمي و مر كل شي بسرعه و تمت الخطبه على خير و الكل راح لبيته،، دخلت ام لمى عليها و هي تزغرط: كللللللللللللللللللللللللللللللللللللللللللللللللل لللللللووووش الف الصلاه و السلام عليك يا حبيب الله محمد كللللللللللللللللللللللللللللللللللللللللللللللللو ش
لمى و هي تبكي : ماما انا ما ابغى اتزوج انا لسى صغيره
ام رامي : اصصصصص لا يسمعك ابوك والله ليذبحك
لمى بصراخ : خليه يسمعني .. خليه يعرف اني ما ابي الشين سيف
ابو رامي دخل عليهم و عطى لمى كف : شقلتي .. و صار لك لسان بعد
لمى و هي تبكي : بابا افهمني .. انا ما ابي اتزوج .. انا لسى صغيره
ابو رامي و عطاها كف ثاني : خليني اسمك تقولينها مره ثانيه و صار يضرب لمى بقسوه و طلع من غرفتها و هو ساحب ام رامي اللي كانت تبكي على حاله بنتها
قامت لمى من الارض و جهها منفخ من الضرب .. جلست على سريرها و نامت

بعد 8 ساعات

الساعه 2 الفجر

قامت لمى من النوم و راسها يعورها .. راحت للمرايا تشوف نفسها .. كان وجهها منفوخ من الضرب و وحده من عيونها مسكره و كل ظهرها ضربات زرقاء
صارت تصيح من كل قلبها .. راحت لدولابها و طلعت شنطه الملابس و صارت تحط ملابسها فيها .. لبس ورا الثاني .. و سكرتها و راحت لتسريحتها و طلعت الحصاله اللي كانت مجمعتها من ثاني ابتدائي و ما عمرها طلعت قرش منه و حطتهم بشنطه يدويه .. و طلعت الكيس اللي فيه الجوال و حطت الجوال في شنطتها و دخلت لغرفه امها و ابوها بشويش و على اطراف اصابعها و اخذت جوازها وو رجعت لغرفتها و صلت ركعتين و دعت ربها ان امورها تتيسر طلعت لها ورقه و قلم و كتبت فيهم كلام و حطت الورقه على سريرها .. نظرت آخر مره لغرفتها و نزلت تحت بشويش علشان محد يحس عليها .. فتحت الثلاجه و حطت لها كم شي في شنطتها .. توجهت لباب الشارع .. اخذت لها نفس و طلعت و سكرت الباب .. و كلها ثواني و صارت بالشارع لوحدها لاول مره في حياتها .. صارت تمشي بالحاره لحد ما وصلت للشارع العام و صارت تمشي و تمشي و تمشي و ما حست بنفسها الا و هي بطريق مظلم جزء منه مزفلت و الباقي ترآآآب .. خافت لمى و قررت انها تتراجع .. بس مافي وقت للرجعه الحين .. خلاص فات الآوان .. صارت تبكي .. ما تعرف اللي سوته صح ولا غلط .. ما تعرف وين تروح صارت تمشي و هي ميته خوف
و كلها لحظات و توقف سياره جمبها .. سياره عائليه فيها الام و الابو و بنت و ولد
الاب: لوسمحتي يا اخت .. فيك شي
لمى خافت ما تعرف وش تقول : اا انا ضايعه
الاب : طيب تركبين معنا نوصلك لاهلك
لمى : انا .. ما عندي اهل .. انتوا وين رايحين
الاب : احنا رايحين للشرقيه
لمى: آآ طيب ممكن تآخذوني معكم
الاب لف على زوجته و الزوجه هزت راسها بمعنى ايه
الاب : طيب يلا تفضلي
ركبت معهم لمى و هي ميته خوف .. بس احسن من انها تمشي لوحدها بالشارع المظلم .. و الحمدلله انها جت على ناس طيبين و نيتهم طيبه

************************************************** ***************************************
{ نهايه البارت الاول }

ايش بيكون مصير لمى في اللي سوته ؟؟
و ايش رح يصير لها في الشرقيه ؟؟
و كيف رح تعيش هناك ؟؟
و ايش رح يسوي ابو رامي لما يعرف ان بنته هربت ؟؟
و رح يمسكونها و لا لا ؟؟

توقعاتكم

 

[حطموكـ يا قلبي]

رد : روايه ~ ابيكـ بكل ما فيكـ

بدايه رائعه علـوش

في انتظار البارت الجاي

:e3:

 

[حنطاويه عسل]

اتينن القصه كملي حبيبتي
ناطرين البارت الياي ع نااار

 

[غــلآهاا غير]

واااااااااو كملي من متابعينج

 

[sweet.sanfoora]

امبييييييييييييييييييييييه شبيصيير