روايتي الثانيه صدفه ألتقينا .. وصدفه افترقنا ... وصدفه اجتمعنا # واقعيه

[BNT KWT]

السلام عليكم

من بعد روايتي الاولى جرحني حبي الاول وطعني طعنة قاسيه الحمدالله لقيت فيها تشجيع قررت اكتب روايتي الثانيه صدفه التقينا وصدفه افترقنا وصدفه اجتمعنا

روايتي هذي حقيقه بعض الشخصيات بتكون من خيالي .... البارت بيكون كل خميس وسبت واذا قدرت انزل بايام الاسبوع ماراح اقصر والله وراح انزل بس لان دوام وكليه على حسب ظروفي وما احلل احد ينقل روايتي بدون مايذكر المصدر واسمي

روايتي هذي تختلف عن الاولى ... جريئه نوعا ما بس راح انقل الي صار بالضبط

واتمنى القى تشجيع :eh_s(22)::eh_s(17):

 

[BNT KWT]

صدفه ألتقينا .. وصدفه افترقنا ... وصدفه اجتمعنا

البارت الاول

اسمي ساره عمري الحين 21 سنه .. طولي 158 نعومه وجذابه ناس تقول حلوه وناس تقول جذابه عيوني وساع خشمي صغير شفايفي صغار حالي حال اي بنت ودي احب ودي اعيش قصة حب شخصيتي " عنيده , عصبيه بسرعه اتنرفز بس الي ما اشيل بقلبي وفوق هذا طيبه بدرجه مو طبيعيه " قصتي بدت بتاريخ 17\5 :

لما قابلتك مره صدفه حبيبي مش اي صدفه
وقفنا وعيونا تتكلم

http://www.youtube.com/watch?v=2O79yirA28g

....... : احبك
...... : اموت فيج وربي
..... : بتخليني ؟
..... : لا
..... : توعدني ؟
.... : وعد ياروح عزيز
ساره واهي بحضنه : فديتته والله

عبدالعزيز .. عمره 24 سنه طويل رياضي طوله 190 جميل لونه برونزي .. عايش بشقه بروحه شخصيته .. طيب وحنون لابعد درجه وغامض والي بقلبه على لسانه مايعرف يجذب حياته كلها ضحك بضحك ويعاند الي يعانده

قصتي مع عبدالعزيز ابتدت بتاريخ 17\5 .. صدفه ألتقيت فيه وكانت احلا صدفه بحياتي برجع شوي ورا لهاليوم

ساره : مريوم امشي معاي بروح اشتريلي عطر مابي اروح بروحي
مريم : عيزانه روحي بروحج
ساره : تكفين الله يخليج نروح بسيارتي وعقب اقطج على سيارتج وردي البيت
مريم : اوك .. بس مانطول
ساره : اوك

" مريم .. رفيجة ساره بس مالها تأثير قوي بالروايه فماراح اذكر شي عنها "

ساره ومريم واهم بطريجهم رايحين

ساره : شرايج نطق فره عالحب وعقب نروح
مريم : واااي تكفين مالي خلق
ساره بنظرة بريئه : يلا يلا فره وحده بس
مريم : واي اووف اوك

ساره " هذي صدفتي معاه كانو دايما يضحكون علي لما اقولهم ماراح احب الا الي يدش مزاجي ويعجبني واقول هذا الي ابيه كنت اقولهم راح القى نصي الثاني وكانو يتطنزون علي يقولولي يمكن يكون نصج الثاني بامريكا بس احساسي ماخاب ولقيت نصي الثاني "

ساره وعينه عالمنظره تطالع وراها : مريوم الحين بيوون يمي اثنين شوفيهم حدهم مينن وفاصلين
وقفت يمهم سلفرادو " عبدالعزيز ومحمد " محمد رفيج عبدالعزيز روح بالروح واقرب شخص له
مريم : ساروه شوفيهم امبيه حدهم فاصلين

ألتقت عيني بعينه .. حسيت الكون وقف بعيني
ساره بينها وبين نفسها : هذا الي انا ابيه هذا الي انا ادوره

بسيارة عبدالعزيز ومحمد

عبدالعزيز : حمود الحقها ابيها
محمد : وين الي يقول مابي اكلم وخلاص
عبدالعزيز : مالك شغل ألحقها

عند ساره ومريم
ساره : مريوم ابيه هذا نصي الثاني
مريم : شبتسوين
ساره : مادري بدش الضاحيه اذا لحقني خلاص بكلمه وبوقف له

دشت ساره الضاحيه و دش وراها عبدالعزيز

محمد بصراخ : وقفي وقفي .. اقولج وقفي سيارتنا مافيها بانزين وقفي اقولج
ساره : امبيه هذا مينون حده فصله
مريم : ههههههه حدهم

محمد : ترا قاعد يقولي شوفها تبيني
ساره تطالعهم مصدومه :............
عبدالعزيز : لا لا والله العظيم جذاب ويلف عبدالعزيز على محمد ويطقه
دشت ساره صوب مواقف المدرسه وقفت و وقف يمها عبدالعزيز،
عبدالعزيز : قوه
ساره : اهلا
عبدالعزيز : انتي والله حدج جميله بس تدرين شنو ناقصج
ساره تطالعه وساكته : ...........
عبدالعزيز : ناقصج بس تكبررين شفايفج
ساره تطالعه مستحيه : ........

ومن هاللحظة ابتدت قصتي مع عبدالعزيز

.... : تخونيني ؟
.... : ماخنتك والله اهو يجذب عليك اصلا انا ما اعرفه اهو جذاب والله علي اهو جذاب
علي واهو معصب : عطيني تلفونج ؟
روان بارتباك : ها ليش ؟
علي : اقولج عطيني تلفوونج ؟
روان : مابي رفيجاتي حاطين صورهم ماقدر اعطيك
علي بصراخ : نزلي من السياره والي بيني وبينج منتهي

علي " من ابطال روايتي عمره 20 سنه طوله 174 يدرس هندسه مملوح وطيب وخوش واحد بس غلطته حب انسانه ماتعرف درب الوفا تلعب عالحبلين حياتها كلها شباب "

روان " حبيبة علي ... حبها علي صدفه التقى فيها .. روان من شافت علي حطت عينها عليه ورسمت عليه عشان تبدي لعبتها القذره معاه خانت علي 5 مرات "

***************

...... :انتي خنتيني كلمتي اثنين من ربعي و واحد معاي باالنادي وغير الاثنين الي ما اعرفهم , عقب الي شفته منج وعقب ماطوفت خياناتج بقولج شي واحد انا راح اعدلج وعقب روحي بطريجج
..... : ان شاء الله



ابي تعلقياتكم و اذا شفت تشيجع بكمل

 

[Miss MzajeYa]

باين عليها حلـِۈۋ‏وھّ


كملي حًيَاْٺۓِ

 

[shireen]

مبين عالروايه حلووه

كملي ناطرينج ​

 

[هناء - Hana]

بدآيهه حلوه كملي قلبي :$

 

[&موناليزا&]

عنوان الروايه جميل:

صدفه ألتقينا .. وصدفه افترقنا ... وصدفه اجتمعنا

فعلا الصدف أحيانا خير من الف ميعاد

فعندما لانبحث عن الشيء فانه يأتي لنا فجأه وصدفه........

القدر مرتبط بالصدف

نبتعددد وترجعنا الصدف

عزيزتي كملي روايتج ..........

موفقه حبوبه

 

[Loshi]

كمليي ناطرينج

 

[فخر ابوي]

كملي كملي

 

[Ms.romanceya]

بلييييييييييز كككممممممممممممملي

 

[الجرح الدفين]

بدايهه حلووه وناطرينج