ملاك : انا قررت ادق .. ولا اقول لالا بالأول بدز مسج .. امممممم شدز شدز .. اييييي .. بس لحظه اسيف اسمه بشنو ؟ حميدآن هههههه لالا احس اسم قديم .. جلكسي حلو ؟ ايييي اييي مشتهيته حدي كاااااك
إلـى : جلكسي
" اول مره تحب يا البي و اول يوم اتهنى "
ترددت تضغط انتر ولا لا .. بعد تفكير ,
ابتسمت بشطانه : GOOO ..
مرت دقيقه .. دقيقتين .. 3 .. 5 .. 10
حست بيأس : أكيد غيّر رقمه , اوووف حسافه فيني شطانه اليوم ودي استعبط .. خنقوم امشط كشتي و انـام
ترن ترن
ملاك من اللهفه هدت شعرها و ركضت لتلفونها
من : جلكسي
" خرا عليك لا تستعبط "
ملاك متنحه : ها خرا عليك ؟ هاذا اسلوب واحد بالجيش هههههههه صج خبل .. امممم شرد عليه ؟
إلـى : جلكسي
" خرا عليج لا تستعبطين * "
< حركة النجمه يعني تعديل
ملاك ضحكت : مو صـااحـي
من : جلكسي
" مستانسه يعني ؟ كفوج "
ملاك تنرفزت : ويع ينرفز !!!!! ودي ادق عليه انرفزه اكثر .. لالالالا اخاف مابي ادق خنصير بس مسجات , كااااك ودي اعرف شبيكون شعوره لمن يدري اني رفيجة اخته .. ادق ولا لا ؟
ضغطت على العلامه الخضرا و ايدها ترجف ,
اول مره تخاف هالخوف ; لانها اول مره تكلم شاب
بصوت رجولي : الـوو
ملاك ببحه : أ.. داقين ؟
حمد : لا مو داقين ليش في احد صاحي يدق هالوقت
ملاك : اي انت
حمد : طالع عليج ولا
ملاك تقاطعه : اقول هي انا بنت ناس احترم نفسك ولاتقعد تهذر فوق راسي
حمد : لا تكفين بنت ناس و تدقين على ارقام غريبه هالحزه ؟
ملاك ببرود ينرفز : في شك اني بنت ناس ؟
حمد : شوفي طريقة كلاامج و تعالي كلميني و اص
ملاك تقاطعه : نشوف يـا .. حمود ( سدته )
تركت على وجه حمد اكبر علامة استفهام
ملاك بضحكة انتصار : يـسسس يـس
ترن ترن
من جلكسي :
" انتي تعرفيني ؟ منو انتي ؟ "
ملاك : شقوله ؟ امممم اي اي هههههه
إلى : جلكسي
" تبي تعرف من انا ؟ انا الي خاويت العنا "
من : جلكسي
" اقول يا ام العنا انتي خلصي قوليلي شعرفج فيني "
ملاك : خببببببل ههههههههه
إلى : جلكسي
" قود نايت بيبي "
من : جلكسي
" كوابيس ورديه "
ملاك : هههههههه وناسسه وناسـه .. ( شافت شكلها ) اهم شي انا و كشتي مجابله هالتلفون و استعبط على ولد الناس ( ابتسمت ) خنروح انام ابرك لي
( نـامـت )
//
يطق الباب بقوه شوي و يتكسر
صوت حاد : فتحوووووو فتحووو يابقر
دانه فزت : حبيبي سامي حبيبي
سامي يتثاوب : بسم الله شصاير ؟
( نزلو من السرير )
سامي فتح الباب على مكسر ( فانيله و سروال )
و دانه طلعت ببيجاما ..
سامي : خير يمه شصاير عسى ما شر ؟
دانه : شصاير خالتي ؟
ام سامي : بقر انتو بقر ؟ اكو ناس لي هالحزه منخمدين ؟
دانه منصدمه : خالتي الله يهداج الساعه 10 تو الناس
ام سامي تصرخ : تخلخلت عظامج يا حماره .. لبسو يلا بنروح الشاليه
سامي : شاليه ؟ ليش ؟
ام سامي بعصبيه : سمعت شقلت ؟
سامي بخوف : يمه اسف بس بعرف السبب
ام سامي : انت تعرف اختك حنان بعد طلاقها تعبت نفسيتها و قررنا نونسها
سامي : انشالله
ام سامي : بسرعه يلا ( راحت )
دانه تطالع لبسها " وي فشله طلعتلها جذيه , بس شسوي اهي صرقعتنا الله يهداها "
سامي : شـ الطلعه المفاجئه ؟
دانه تتثاوب : اي بعد اختك المصون لازم تستانس
سامي : دندون حبيبتي مثل ما وصيتج تلبسين عبايه اوك ؟
دانه بطلت عيونها على كبرهم : نعم ؟ شاليه !!! البس عبايه ؟ مافي احد بس انا و اهلك شماله العبايه ؟
سامي بخوف : والله جراح بيقلب الدنيا ومافيها
دانه : سامي ؟ البس واسع و طويل بس عبايه لااااء بليز !!!
سامي : روحي استأذني من جراح
دانه بقهر : اي اي بستأذن من زوجي جراح .. اففففف ( دخلت الحمام )
//
جـامـعـة الـكـويـت ..
ملاك : بنات يووووعاااانه
شيخه : نفس الشعور
مها : اووويلاااه يبيله فرايديز
ملاك : تحدّون ؟
مها : شبتسوين ؟
شيخه : اكيد بتودينا فرايديز بعد جبدي
ملاك تقوم بحماس : وراي ( راحت )
راحو وراها مها و شيخه و منصدمين
مها توقفها : ملاكو ملااكووو
ملاك : تحملي الي اييلج مو انتي شيشتيني
مها : زين و المحاضره ؟
شيخه تمسك بطنها : ذلفي زين يوعانه
ملاك : بتردين ؟ ردي ! انا و شيوخ بنروح
مها بتردد : هـا .. ( بصرخه خفيفه ) وياااااكم افا عليج
ملاك تلمها : احب خبالج
شيخه : سيارتي ولا سيارتج ؟
ملاك : ياهبله انا يايه مع مهاوي مارتني الصبح لان سيارتي امس داعمها واحد دثوي
شيخه : و شصار فيها ؟
ملاك : الحين خنركب السياره و يصير خير
شيخه : خلاص عيل سيارتي
( ركبو السياره )
,,
ثــانــويــة **** بــنــات
مريم بيأس : اي خو هاذا حظي
دلال تلم مريم : مريومتي لا تتضايقين ترا يمكن خيره
مريم الدمعه بعينها : خيره ؟ اذا كانت الخيره بفراقه ما ابيها انا راضيه اعيش بعذاب وياه بس مابي اخليه مابي
دلال بضيقه : زين شلون الحين ما كلمتيه ؟
مريم : امي حابستني بالغرفه حتى الاكل يوصلني لي فوق و طبعا فتشت غرفتي خايفه يكون في فون بالسر
دلال : ياحياتي مريوم .. عمري ما توقعت بيصير فيج جذيه
مريم : بس حياتي حياتها عواش تدق عليه و تطمنه علي
دلال : تدرين اختج اذا ماتت بتدش الجنه ؟
مريم منصدمه : ها ؟
دلال بعبط : اي خو فدائيه بالحب
مريم : ههههههه الله يخسج دلول
بـنـفـس الـوقـت و بـنـفـس الـمـمـر ,
عايشه : كا كا جيكي ويهها اصفر و تعبانه
فاطمه : حراااااام لهدرجه تحبه ؟
عايشه : و اكثثثثر بعد
فاطمه : زين ما يابلج احمد سيرة الزواج ولا شي جذيه
عايشه بحسره : من ويـن
فاطمه : اختج ثوله ختحبلها واحد من العايله مثلج تضمن الراحه و تشوفه كل زواره
عايشه استحت : وااي حموود اينننن حليـاااان شفته صوب الفرع امس بالهده
فاطمه بحماس : شصار شصار ؟
عايشه : ماصار شي خو , شفته من بعيد واهو طالع من الفرع وكان مستعيل وماشافني اصلا كنت بالسياره
فاطمه : اممممم حلمت فيكم يعني اكيد في شي بيصير بينكم
عايشه تضحك : اي عاد انتي متنبأه ههههه
//
دانه لابسه سكيني بيج خامته استرج ضيج ..
و تيشيرت اسود جابنيز عليه سنفور و عاري شوي مكان الصدر
و من ورا ياي موديله انه نازل بحيث شوي من الظهر طالع ,
و الميك اب : حمره حمرا و مسكرا مع عدسات رماديه ..
دانه بابتسامه : شرايك فيني ؟
سامي : تهبلين بس تكفين ( نزل راسه ) البسي عبايه
دانه : إنشالله
سامي : و دندونتي حمرتج امسحيها ولا تحطين العدسات الا لما نوصل
دانه بقهر و الدمعه بعيونها : انشالله
سامي : و تحملي امي و خواتي ماعليه ادري عسرات
دانه بحسره : ماكو شي يديد
سامي بحب : ديري بالج على فهودي
دانه لمت سامي : محد مصبرني على اهلك و الضيم الا انت و فهودي
,,
ملاك قاعده ورا و تنط بويه شيخه : حطي حطي مارينا اف ام
شيخه : الللللله تينن هالاغنيه .. بنات رقصو رقصو تكفون
مها تصارخ : ما طلبتي شي
88.8
بلاني و خلاني بحبه انا اعاني
حبيبي لا تنساني دخيلك لا تنسا
انا الي عشق ودك
ولا ادري متى ودك
تهون علي صدك دخليك و تنسى
العمر مره اعيش العمر حلوه
و مر العمر يحلى وانا وياك
واحلى الليالي تمر و تبقى فيني
اثر حبك الغالي صعب انسى
احبك ولو تدري مكانك وسط صدري
لك تسافر بعمري ولك عيوني مرسى
احبك هاذا وعد وخذ مني هالعهد
لك احساسي للابد ولا بعمري اقسا
ملاك تهز جتوفها و تغني : العمر مره و اعيش العمر حلوه و مر العمر ....
( فجأه سكتت )
ملاك شافت ظرف ابيض مكتوب فيه حمد بلون احمر .. طايح تحت صوب ريولها
ملاك " حـمـد .. آللله "
مسكت الظرف بتردد و فتحته شوي شوي ..
شافت صور وايد و من كثرهم مو قادره تمسكهم و تناثرو نصهم تحت ريلها ,
بلعت ريجها و شافت الصور ..
كانت صوّره و اهو ببريطانيا مع ربعه !
اول صوره : مطلع لسانه و مسوي حبتين شكله كان عبيط
ثاني صوره : يشرب ريدبول و سرحان بمطعم
ثالث صوره : ماسك جلب بالحديقه و يضحك
و في ورقتين بخط ايد ..
الورقه الاولى : قومي ارقصيلي و ارفعي البوشيه , الكويت قديماَ تايم
( مشخبط )
thnx im 3bod
ملاك بضحكه " شكو هاذا بهاذا "
الورقه الثانيه :
Allah ya 5oufy 3leek ;;*
to : m7d kaaaaak
3bod asmrany ;p
مها : مو جنه زحمه شوي ؟
ملاك فزت و لمت الصور بسرعه و حطتهم بالظرف و ردت الظرف مكانه
باستثناء الـ 3 صور و الورقتين .. حطتهم بسرعه بجنطتها
ملاك : لالا شكو مو زحمه .. يلا ننزل ؟
شيخه : ويت خندور مصفط ,
//
عبدالله : احمدو نطلب لنا هارديز ؟
احمد : لا يبا بتودينا بداهيه انت
عبدالله : ملل و اليوم دوامنا لي العصر
احمد : والله انك مو خوش ولد خاله تحرضني عالفسق و الفجور ؟
عبدالله : لا و من سوء الحظ بنفس الوقت انا ولد عمك
احمد : ههههههه ..
عبدالله : والله صج يوعآآن
احمد : ذكرتني بعذّور اختي ! كل ما تيوع ما تاكل الا هارديز
عبدالله قلبه يدق " فدوه هالاسم " : صج ؟ عاد شنو وجبتها ؟
احمد : سانتفيه
عبدالله شق الابتسامه : مثلي
احمد : يلا يلا اطلب .. خنخربها اليووم
عبدالله يضحك : سرينا وانا اخوك
,,
دانه بالسياره حاطه السماعات و تسمع اغاني ..
مرجعه راسها ورا و تفكر باشياء وايـد
سامي : حبيبتي دانه
دانه فتحت عيونها : هلا ؟
سامي : وصلنا
دانه ابتسمت : لي متى بنتم هني ؟
سامي : يومين و راديـن
دانه : الجنطتين الصغار مالتي و مالتك موجودين ؟
سامي : اي قلت حق الخدامه تحطهم بالدبه
دانه : يلا ننزل
سامي مسك ايدها : احبج
دانه بحيا : وانا أكثـر ..
( نزلت )
حنان بصوت عالي : ويعه انتي هي
دانه تسولف مع منيره
حنان راحت لهم ..
حنان تمسك دانه من جتفها : هي !!
دانه رافعه حاجبها : تكلميني ؟
حنان : اي عيل يدي ؟ تونا واصلين استلمتي البنت قرقه ؟
منيره بعصبيه : هَوْ وانتي شحارج ؟
حنان تصرخ : انطمي !! دانوه اخذي الماجله و وديها المطبخ و رتبي المطبخ
دانه : بروحي ؟
حنان : اي بروحج ! ليش متزوجج اخوي ؟ قلة سنع ( راحت )
منيره تحط ايدها على جتف دانه : حبيبتي ما عليج منها .. اهيا عسره و عوبه و الي بقلبها على لسانها و بس تصارخ و جبريت , بس صدقيني قلبها ابيض
دانه منزله راسها : طـل
منيره : و حتى خديجه .. لا يغرج لسانها , صدقيني طيبه
دانه : منوره مامنج اثنين
حنان تصرخ : داااااااااااااانوووو و يهد
دانه فزت : خنروح حق الدعله لا تستنزل
منيره : اوكيه ياعسل
( راحت دانه )
,,
عبدالعزيز : اقول يمه
ام عبدالعزيز : ها
عبدالعزيز : خواتي لما يروحون الصالون يكشفون للحريم ؟
ام عبدالعزيز : شلون يعني ؟
عبدالعزيز : يعني الصالونات يحفون لهم ؟
ام عبدالعزيز بشك : شفيك انت ! اي اكيد
عبدالعزيز يصرخ : نعم ؟ من صجج انتي ؟ الفليبينيات يطالعون جسم خواتي
ام عبدالعزيز معصبه : شفييييك !!! محسسني انهم يتفصخون زلط ملط !! كلها ايد و ريـل
عبدالعزيز : وقسما بالله ان سمعت انهم بيروحون الصالون يصير شي ما يعجبج ولا يعجبهم
ام عبدالعزيز : اعلى مابخليك اركبه ( راحت )
//
ملاك : الحمدلله , عوافي
شيخه : عاد المره اليايه على حسابي
مها تطقطق اصابعها : انا ماراح ادفع شي
ملاك تضحك : اي عادي جعصه
شيخه : مادري على منو طالعه
مها شهقت : امبي بنات جيكو هناك
ملاك : ويعه شباب لا تخزين
شيخه : لحظه ! شفيهم مهاوي ؟
مها : واحد نسخة هاذا الي بتو النهار الي سوا حادث المغازلجي شسمه ؟ صفر جنه ( فاتحه حلجها )
ملاك : سكري حلجج فضحتينا يابقره
شيخه : مسكووووني والله اروحله الحين و ارقمه
ملاك تقوم : امشو امشو لا تتهورون هههه
( قامو البنات )
بالسيـاره ,
شيخه تشغل السياره : تهقون دكتوره معالي شبتسوي فينا ؟
مها : بنسوي روحنا ميتين شرايج ؟ ههههه
شيخه شهقت : هئئئئئئئئ !!!!!!!!!
مها و ملاك : شفييييييج
شيخه : فووووني نسيته
ملاك : خلج خلج انا ليلحيني ماركبت بروح اييبه
مها و شيخه : اوك
( راحت ملاك )
ملاك تدور التلفون و لقته " ههههه شيوخ دايما مصرقعه وخبله .. نفس اخوها , وانا شفيني بس افكر فيه شصار فيني ياربي ! خذيت السالفه عبط ما هقيتها جد "
//
الـسـاعـه 8 بـلـيـل ..
شـالـيـه الـخـيـران ,
دانه تبتسم : عوافي
ام سامي : متاكده انج مسويته ؟
دانه باستغراب : اي !
ام سامي باستهزاء : والله زين نستفيد منج
دانه نزلت راسها " ارد ولا لا ؟ اعوذ بالله من الشيطان الرجيم "
منيره بابتسامه : اول مره اشوف عليج العدسات
نوره ( مرت جراح ) : ايي ماشالله جنج قطوه
دانه ضحكت بحيا : تسلمون
خديجه بغيره : ليش تبالغون ترا عيونها عاديه
حنان : شفيج لازم يرفعون من معنوياتها
دانه ترمش بعيونها وتتدلع : ثينكيـو
,,
عايشه تبوس احمد : تكفى احمداني
احمد : نـووو نـو
عايشه : الله يخليك , الكل بيروح السينما اليوم
احمد : اول عرض ؟
عايشه برجا : اييييييييي كل المدرسه تسولف اليوم عن فلم آكسلارج
احمد بابتسامه : يلا لبسي
عايشه تبوسه : فدييييييييتك انا مشكور ( ركضت )
بـنـفـس الـوقـت ..
الافـنـيـو
زينه : حمود ويعه
محمد : شفيج شفيج ؟
زينه : يوعـااانه
محمد : يلا امشي ناكل بس انا اقول لو بعد ساعه مو احسن ؟ خوفج تيوعين بالسينما
زينه : لالا مالي شغل الحين ابي
محمد يطالعها بطرف عين : بطه
زينه : جـاااااااااب يلا تكفى ودني شيك شاك
محمد : امشي لا ينطلج عرج
//
غـرفـة عـذاري ..
عذاري : شـ المزاج ؟ مكياج ؟
ملاك : اي عفيا خنحط مكياج ماكو شغل
عذاري بخبال : يلا سرينا .. مريوم بتحطين ؟
مريم بتعب : لا وين , مو بالمود
ملاك : زين هاج هاج مريوم شغلي اغنية يا هواي وياجنوني على ما اطلع المكياج
مريم : اوك ( تاخذ تلفون ملاك )
تدور ما بين الاغاني .. و اخيراً لقت " يا جنوني - راشد الماجد "
ضغطت عليها و ايدها ترجف
اشتغلت الاغنيه و الانغام السريعه ..
مريم بلعت ريج " شفيني ؟ ليش مو قادره اتنفس ؟ ليش مخنوقه احس احد ماسكني من رقبتي و يخنقني , هئئئئئ شفيني ؟ الدنيا سوده بعيني ليش ؟ ما اطالع شي ؟ يـارب يـارب "
( غـابـت عـن الـوعـي )
,,
الـشـالـيـه
دانه : سموي وين اهلك ؟ غريبه هدوء
سامي : رجعو الديره
دانه بصدمه : وي ! ليش ؟
سامي : لا بس عمتي ارجعت من السفر و راحو يسلمون عليها .. بعد تدرين اهي عايشه بالامارات و نادر تيي الكويت , جم ساعه و يردون
دانه : يعني الحين الشاليه فاضي بس انا و انت ؟
سامي بابتسامه : اي .. ليش ؟
دانه تصرخ : احببببببببببببببببببببببببببك .. يا ناس انا احب سموووووووي .. اعشقك واللللله
سامي يضحك : وانا اموت فيج يالهبله ( يسحبها و يلمها )
دانه : احلف
سامي : والله العظيم
دانه : عساني ما انحرم منك
سامي : امين .. دندونتي عفيا نزلي ييبيلي قلاص ماي , ريجي ناشف
دانه تغني : من عيوني من عيوني لو تبي عمري هديه انا احبك حب جنوني حتى لو تقسا عليـا
( راحت )
سامي " فديت هالصوت .. احبها احبهاااا "
الـمـطــبــخ
دانه " اشوه محد موجود , يا حلات الحريه "
لان السكيني البيج ضيج وايد عليها و راسم جسمها و كذلك التيشيرت عاري من صوب الصدر و نازل من ورا ظهرها طالع و قصير ..
مع الحمره الحمرا و العدسات ,
يعني لو شافها جراح فيها ذابح و مذبـوووح
دانه تدندن : اذوب بعينك الحلوه و سكرها و حتى الدنيـ....
...: ( يسكر حلجها بايده اليمين و ماسك ايدينها الثنتين بايده اليسار )
دانه ترافس : اممممممم امممممممممممممم
...: آووووووش ولا كلمـه
قراءه ممتعه :*
بآنتظار الردود و التوقعات 
