روايتي الثانية : ملكــــآآء أنفسهــــم .. بقلمي:anooma

[simpel anooma]

روايتي الثانية :ملكــــآآء أنفسهــــم .. بقلمي:anooma​

اول شي اقول بفضلكم و بفضل تشجيعكم لي .. خليتوني انزل لكم هالروآية .. و اقول من كل قلبي "شـــــكـــرآ"لكل من شجعني .. و ابي تفاعل معاي عشان اكملها .. مابي اتعب و ماكو تفاعل .. انا متفائلة وياكم انشالله << بلا قرقه قولي​

الفير الساعة 4 .. :
طلال:يمه قومي .. ماني قادر انام
هالة:هاه هاه .. شتبي مقعدني من عز نومي حسبي الله عليك ..
طلال:يمه اقولج مو قادر انطر
هالة:مقومني عشان تقولي مو قادر ..
طلال:يممه .. شفيج عليّ .. هذا مو لعب يهال يما .. هذي محكمة
هالة:خير يا طير .. (تقلده)"هذي محكمة" .. خايف ؟ عيل ليش رفعت القضية ها ؟
طلال:يما .. بنتي ما يصير تتربى عند وحدة قذرة .. يما اقولج شلون .. نامي نامي انا بروح عند علياء احسن
هالة:اذلف بس .. و سكر الباب وراك .. افف عليكم من عيال .. ما خذينا منكم الا المشاكل و عوار الراس
(طلع و راح حق اخته علياء) ..
طلال:علياء .. قاعده ؟
علياء تصلي..:الله اكبر ..الله اكبر .. الله اكبر (خلصت) .. حياك طلال
طلال:تقبل الله ..
علياء:منا و منك صالح الاعمال =) .. ها شمقعدك؟
طلال:و الله يا علياء مو قادر انام .. هذي عيارة و مكارة .. خايف تقول شي بالمحكمة
علياء: اسم الله عليك .. و لا تحط بذمتك .. و توكل على الله ..
طلال:و النعم بالله .. بس و الله يا علياء تعبان .. و مالي غيرج .. تعرفين امي لاهية .. و انتي كبيرتنا مالنا غيرج
علياء:آآآه .. سلامتك من التعب و الله يخليكم لي .. و امي الله يهديها انشالله .. انت روح توضى و صل ركعتين و اقرا لك جم صفحة من القرآن .. و صدقني بترتاح
طلال:انشالله ... بس شوفي .. اليوم خلود بيطلعنا ... مستانس بالليسن هع .. لا تقولين لا مو على كيفج .. و عبورة راح تيي معانا
علياء:لا طلال ..
طلال يقاطعها:ماكو لا و لا غيره .. تيين يعني تيين .. بنروح على البحر مع امي خديجة ... و اهية مشتاقتلج يالله عاد ..
علياء تبستم :انشالله .. انت روح نام قبل لا اييك بالخيزرانة الحين ..
طلال/مسسسرع تقلبين .. رايح يبا رايح ... (و طلع و نام )​

اوووه .. انا نسيت اقولكم عن العايلة .. و لهيت معاهم .. اقولكم قصتهم
(هالة :ممثلة مشهورة مو فاضية لعيالها و كله طالعه و هايته و عمرها 38 .. و جنه عمرها 19 من كثر ما اهية تشبب عمرها و تهتم بنفسها و ماركاتها و حتى عيالها عندها يفششلون .. و عقب ما توفى ريلها بســام لهت اكثر لانه اهوة الي قاضبها شوية .. الحين لهت وايد وايد .. ​

اما علياء:عمرها 24 تشتغل ببنك و طبيعة و حلووة .. متدينة اكثر من اخوانها .. و اهية اول وحدة ترفض ان امها تكون بهالمجال .. و تنصحها انها ما تكون ممثلة .. بس هذا مو يعني انها ما تحترمها و ما تشوفها و تمنعها حيل .. بالعكس اصلا علياء اهية الي شايلة البيت و الي فيه .. يعني هالة اذا عندها ضغوط على طول تروح لعلياء ..​

و طلال:عمره 22 مهندس اختصاصي و مطلق .. اسمراني جسمه رياضي .. سبب طلاقه ان زوجته كانت تخونه و عنده منها بنت اسمها غالية عمرها سنتين .. امها ما تحب اليهال يابت هالبنت بالغلط .. يعني ما كانت تبي تحمل اصلا .. و طلال يبي بنته عشان لا تتربى بجوّ امها .. و تكون عنده .. ​

و خالد:عمره 18 توه ماخذ الليسن يدرس صيدلة .. ابيض شبيه امه بالضبط و يحب امه و كله يطلع معاها بالتصوير و المقابلات و الاشياء هذي لانه يحب شغل امه .. و ينشهر جذي و امه تدلعه آخر دلع لانه ماشي معاهاو يسوي الي اهية تبيه و اهية بعد تسوي الي يبيه .. ​

و عبير:عمرها 17 باقي لها شوي و تتخرج تحب الشغل .. و طموحها وايد عالية .. و اهية ماخذه من الكل يعني من علياء ماخذه الجمال و الاخلاق .. و من طلال محبة الشغل و التضحية .. و من خالد حب امه و شوية من حب الشهرة بس مو لدرجة انها تطلع مع امها بالمقابلات .. بس تحب ان يضربون فيها المثل في اشياء زينة .. ​

و هالعيال بما ان امهم مو مهتمة فيهم من كل النواحي .. عندهم يدة حبوبة و طيبة لابعد حدود .. و تحب تساعد و تموت بعيال ولدها (بسام) .. اسمها خديجة :تعرف العيال اكثر من معرفة امهم فيهم << ما اعرف اشرح
بس يعني اي مشكلة على طول يروحون لها .. و هالة تكرها بعض الشيء .. يعني ماتحب يحتكون فيها وايد على اساس انها عادية مو غنية او مشهورة على حسب كلام هالة " مو من مستواهم " .. )​

و هذي عايلتهم .. و حالتهم المهم نرد نكمل القصة ::​

الساعه 10 الصبح :
خالد يدخل غرفة واحد واحد من اخوانه و يصارخ عليهم و يقول .. : ياللللللللللللللله عازمكم اناااااااااااااا و انتوووووا نايمين .. مو ويه عزايم انتوا ..
طلال بصوت تعبان .. :انت ما قلت ان ريووق ... المهم الساعه جم ؟
خالد:الساعه 10 ..
طلال فز بسرعه من مكانه : و ليش محد يقوووول .. المحكمة باقيييلها نص سااعه
خالد :احللللف؟ انطر انادي امي
طلال:ههاااي .. امي شنو بتسوي .. يالله سكر الباب خل ابدل
خالد:خلاص خلص محكمتك .. و العزيمة خلها غدا
طلال:اووكي .. يالللله اطلللع ببدل تأخرت
خالد:زييييييين (( طلع و راح لعبير))
رفس الباب و دش ..
عبير:وييييعة ويعة ويعة .. جم مرة اقولك عندك صبع طق الباب ..
خالد:جب جب جبج الله .. اقولج العزيمة صارت غدا ... و لا تسوين نفسج الابرنسيسة الي لازم يطقون عليها الباب و يقولون لها "آنســــــة عبيـــــــر "
عبير:خالد يا بعد قلبي .. مشكووور على خبر تأجيل العزيمة .. بس خلني شوي باقيلي شوية و اخلص هالفصل
خالد:انتي شنو .. انتي انسانة طبيعية ؟؟؟؟؟ .. السااااااااعه 10 يا الظاااااالمة و تدرسيييييييييين .. انتي مو كوييييييتيية عيل
عبير:وي وي وي .. ليش انشالله .. حبيبي انا عندي طموح و احب اكون شي في المجتمع
خالد: انا لازم اسويلج دي ان ايه .. اشوف من وين العرج المصري هذا
عبير: خلوووودي
خالد:هاه شتبين شتبين .. انتي من تقولين خلوودي وراج بلووه مصييييييبة
عبير :فديت الي يفهمني انا .. خلوود .. كلم علوووية على موضوع رفيجك بعد الطلعة مو قبلها
خالد:انتي شكوو .. اكلمها قبل اكلمها بعد .. و بعدين تعالي انتي شكو برفيجي .. انا اقول انتي قعدي طالعي كتابج و انا طالع اتريق ..
عبير:زين زين اكلتني
خالد:لا قلت باكل الريوق مو آكلج انتي يا كمخة .. صدق طارق العلي .. انتي ذكية دراسة و غبية حياة
عبير :خاااااااااااااااااااااالد
خالد:ويعة يدي .. لا تمدين اسمي جذي تلوع جبدي من اسمي
عبير:اسم الله عليك يا صيدلي
خالد:لو سمحتي فني صيدلي
عبير:قال فني صيدلي قال .. انت ما تفهمني وين بتروح بعدين .. يا مستشفى اميري يا مستوصف مشرف .. اقول خلني ادرس بس
خالد:شفهمج انتي .. انثبري درسي احسن لي و لج يا بعير
عبير:هئئئئئئئئئئئئئئئ ... منو بعيييييييييييير؟
خالد:احم احم ... قصدي عبير عبير
عبير:خويلد آآآخر مرة تفففهم
خالد:قومي لتيني كف بعد
عبير:اطلللللللللع بس
(( طلع و رقع الباب و قعد يتحلطم برا ))
اما هالة رايحة مقابلة معاها على الهوا مباشرة .. خالد اول ما بدا البنامج ناداهم و كلهم ركضوا يشوفون ...و حبوا يسوون مفاجأة لأمهم .. انهم يتصلون عليها بالبرنامج ..
المذيع:عندنا اتصال .. اهلا بعلياء من الكويت
علياء:هلا فيك .. يما ترا كلنا قام نشوفج .. منووورة الشاشة هلاااالة قمممر مشالله
هالة بفرح:تسلمين بنوووتي .. وين عبورة و خلود و طلول؟
علياء: كاهم كاهم .. (( و عطت السماعه حق خالد ))
خالد:هلا هلا هلا بهالة هلا .. عاشت هلووولة منووورة يا قمر
هالة:فديتك انا .. (تقول للمذيع) هذا ولدي خلود الي كان معاي بالمقابلة الي طافت =)
المذيع :اي اهلا و سهلا
هالة:وين عبووورتي
عبير:هلاااااااااااااااااااا .. هلااااااااااااااااااا بالحب هلا بالورد .. صبحج الله بالخير يا نووور الشاشة انتي
هالة :فديييييتها الجعدة .. اقولج ماما وين طلول بكلمه
عبير:هلولة .. طلال راح المحكمة ما قعدتيه اليوم .. تعرفين مرته نسره اتصال و را اتصال .. ماخلته قطيعه
هالة الشرار بعينها : يالله مع السلامة .. لو سمحت اقطع الاتصال ​

((تـــــــــــــــــــــــــــــــــــم .. رايكم و تشجيعكم و اكمل و لا لا)) ​

 

[laco$te]

بدايه حللوؤوه
اب اب اب اب اب اب اب اب​

 

[بقايا قلب مجروح]

Bdaya 7lwaa
W alrwaya shklha woooow
Weting 7yaty

 

[Dlol elhbla]

الله ونــــآآآآسه نزلتي روآيه ثآآنيه !!!

انشالله بتكون حلوه .. نفس الولى !**

بدآيه موفقه نآآآطرينج =)​

 

[ρeαrℓ]

بدايه حلوه ,, ناطرينج

 

[simpel anooma]

تسلمون بعد قلبي ..
بس ابي ردود و تفاعل اكثر .. ابي اشوف اذا العنوان حلوو و لا لا ..
و ابي اشووف مشجعيني قبل .. وينهم شلونهم =)

 

[simpel anooma]

ملكـــــــــــاء 2 ​

علياء:شفيييج .. خريييتييي الاكوو و المااكو
خالد:كمخة كمخة .. يعني ما تدرين ان امي ما تحب تنشرين اخبار بيتنا​

عبير:شفيكم عليّ شوي شوي .. شسويت لكم .. و بعدين انا ما قلت شي كل الي قلته ان طلال راح المحكمة
خالد:فوووق شينها قوات عيينها
علياء:خلاص خلاص .. استغفر الله بس (و صعدت غرفتها)​

خالد:بعير .. تتوقعين متى يرد طلال؟
عبير:...
خالد:عبيرووا اكلمج انا
عبير:...
خالد قعد يم ويها .. شافها تبجي من الخرعه مسكينة ​

خالد:عبيروا ويعه .. شفيج .. مو قصدنا نضايقج
عبير تمسح دموعها :لا بس انا خايفة امي تزعل مني
خالد:أمي خليها علي يالله عاد جب .. و روحي لبسي خو انتي سنة على ما تبدلين
عبير تبتسم :انشالله خويلد
خالد:نعم نعم نعم .. منو خويلد .. !! اصغر عيالج و لا اصغر عيالج .. !!
عبير:شكلك الاثنين
خالد:ذلفي لا اييج كف على ويهج يلزق مخج بالطوفة
عبير:وي .. القــــبــــه (ركضت غرفتها تبدل)
بعد مده معقولة للمحاكم .. رجع طلال البيت و مكسور الخاطر ​

علياء:شفيكم شصار .. ليش جذي معتفس ؟؟؟؟
طلال:لازم انطر جلسة ثانية
عبير:توكل على الله ... و صدقني البنت راح تكون عندك
خالد: آآميــن .. الحين ما نبي نتكدر .. ترانا جاهزين و ناطرينك و مانبي نتأخر على امي خدووج .. يالله طيران على السيارة اليديدة
الكل:هههههههههههه ​

((في مطعم برج الحمام ))​

خديجة:الله يهديها .. انشالله راح ايي اليوم الي تصحى فيه و تهتم لكم بس لا تشغلون بالكم
خالد:يااااااربي .. خلاص خلاص خلاص .. مانبي قهر اليوم .. نبي وناااسة فرفشة
...:انت خالد بسام الـ..
خالد:اي نعم آمريني اختي
..:انا سميرة و من اشد المعجبين في الممثلة الكبيرة هالة .. و انت على ما اعتقد ولدها .؟
خالد:أي نعم انا ولدها .. و هذا من ذوقج و طيب اصلج
سميرة:انزين ابي صورة جماعية معاكم كلكم
طلال:لا اختي آسفين .. تصوير صوري مع الوالدة مو معانا
خالد:شفيك .. اختي سميرة انا اصور بدالهم كلهم افا عليج
سميرة:تسلم خلوودي ​

خالد انصدم شوي ... و بالصورة البنت لزقت فيه حيل .. لدرجة مو طبيعية .. طلال قام يخزه و علياء تأشر له و عبير مستحية من الي قام تشوفه و خديجة مالها اي تعليق على الي قام تشوفه بعد ..!! ​

سميرة بعد ما صوروا جم صورة :مشكوور و هذا رقمي اي شي تبي كلمني
خالد بعصبية :شبي منج مثلا .. يالله اختي توكلي .. تصوير صورنا .. و مشكورة اختي على الحب الجم حق امي
سميرة:هووو .. شفيك عصبت .. و مشكور انت على التواضع ​

خالد قعد و مالقاها ويه .. و وصل اكلهم و قعدوا على البحر و ردوا و كل واحد فيهم تعبان من الاكل الي كلوه و من القعده على البحر .. تدووخ هع ​

هالة على اعصابها اول ما ردوا البيت .. :اسمع انت وياه .. طلعة مع عيووز النار ماكو و هذا آخر انذار لكم
علياء : و عليكم السلام يما
هالة:تعالي طقيني .. و اقولج مسكيني و علمني الادب و التعامل مع الناس احسن ​

علياء:محشوومة يما انا ما قلت جذي .. بس خذيتينا بمشراع و ميداف .. تونا داشين بسم الله
عبير:يما انا آسفة اليوم ..
هالة تقاطعها:انتي جب و لا كلمة .. ماكو شي ما قلتيه ... على الاقل قولي شي نفتخر فيه مو مشاكل اخوج و بلاويه​

طلال عطا نظرة حق امه ..:تصبحون على خير (و راح غرفته يفكر بالقضية)​

هالة :لالالا مو صاحيين اليوم ..
عبير:و انا بعد تعبت وايد .. و مشكووور خلوود خووش طلعة
هالة:باردة و ماكو احساس و مشاعر بأمج الي تعبت منكم
علياء: يما اليوم انا ابي عبورة تنام عندي ممكن ؟
هالة :و انا شكووو فيكم .. ناموا باي زبالة انا شكووو ​

علياء"استغفر الله" : عبوور لبسي بجامة و تعالي غرفتي من زمان ما سهرنا مع بعض
عبير ركض على الدري:فدييييييييييييييييييييييييييييتج ​

هالة :شوي شوي يا مطفوقة ..
علياء:يالله يما اخليج ... تصبحين على خير
هالة:ذلفي بس .. يعني طالعين فيها مفاجأة و خربتوا اللقاء كله عليّ​

علياء بلا اهتمام صعدت .. :آآسفين
و ما بقى بالصالة الا خالد و هالة ... ​

خالد:يما يما
هالة :هاه نعم شتبي
خالد:شفتها و شافتني
هالة :متى ؟ وين ؟ و شقلتوا؟
خالد: ما تكلمنا بس طاحت عيني بعينها .. آآآخـ يا يما آآآآخـــ
هالة :وي حسبي الله عليها قلبت ولدي فوق تحت
خالد:يما .. الله يخليج حاولي فيها خليها توافق ابوووس ايدج
هالة : لا تصير خفيف وايد .. ترة بعدين انا ما اخطبها لك
خالد:انشالله .. (يثقل صوته) مابيها اصلا شنو ابي فيها من جمالها و لا دلالها .. زين مني باخذها
هالة :ههههه اي جذي خلك دايما رزين
خالد:يما هذي خبلتني خبلتني
هالة:انا اقول بسك من مسلسلات درامية .. و روح نام جود الله يهديك
خالد:يالللله باااااايااااتووو مااااماااااااااتي
هالة:بااابيييييتوووو ​

اكـــمـــل و لا ممــــلة القـــــصــــة؟​

 

[ρeαrℓ]

اكـــمـــل و لا ممــــلة القـــــصــــة؟

لا بالعكس القصه وايد حلوه ,, كملي حياتي

​

 

[simpel anooma]

شدعوه بنات ما استاهل .. ترة اذا مو عاجبتكم قولوا عشان لا اتعب و انزل و بالاخر على الفاضي ..

 

[Dlol elhbla]

كملي حبي ... الروايه وايد حلوه و تونس ;p


بس اذا ما عليج امر طولي الباارت ششوي لانه قصير نوعاً ما


و يلا نآطرينج :**​

 

[simpel anooma]

كملي حبي ... الروايه وايد حلوه و تونس ;p​

بس اذا ما عليج امر طولي الباارت ششوي لانه قصير نوعاً ما ​

و يلا نآطرينج :**​

حبيتي و الله بكمل عشانج .. لاني مو شايفة اي تحمس ابدا

و انشالله بطولها​

 

[بقايا قلب مجروح]

Kmlay 7boba albdaya waayad 7loowa

 

[simpel anooma]

ملكـــــــــآء 3



الساعه 2 الفير في غرفة علياء:


عبير:هذا الفلم احلى صدقيني
علياء:اقولج نشوف مسرحية طارق العلي احسن
عبير:يوووه .. ما يصير و الله حفظت كل مسرحياته من كثر ما نطالعهم
علياء:اي ادري بس نشوف شوارنا
عبير:انزين نشوف حق عبد العزيز المسلم
علياء:اي مسرحية ؟
عبير:اليديدة .. امم اعتقد ايدد وحدة الحاسة السادسة
علياء:مع اني شايفتها اكثر من سبعمية مرة .. بس بشوفها عشانج
عبير:فدييتج انا


و قعدت عبير تجهز المسرحية .. و علياء تزهب البلعة (بوبكورن – كولا-بطاطات الدنيا كلها هع .. الخ)
مرة وحدة خالد فتح عليهم الباب .. :بوووووووووووه
عبير انقزت:ويعه يا خالد .. قطع ترة عندك صبع تطق فيه على الباب
عليا:خويلد و يهد .. شوي شوي .. خرعتنا بغيت اكب الماي الحار مال الاندومي عليّ
خالد:ههههههههههههه .. و لا وحدة راضية تقول انها اخترعت
علياء:ههه .. انزين شبغيت
خالد:ابي اشوف معاكم مو يايني النوم
علياء:يعني ازيد الجيلة ؟
خالد:يالله زيدي يبا
عبير:عاااشوا زادت القعده و كبرت
خالد يطقها على راسها :انا رفيجي يقول عاشوا .. انتي اشك فيج


طلال يطق الباب و بعدين فجه :قاعدين كلكم

علياء:جذي يطقون الباب يا حظي .. حياك طلال
عبير:طلووول .. بنشوف مسرحية رعب عجييييبة .. للمسلم
طلال:يالله عيل وياكم .. مو يايني النوم
علياء:يالله ازيد بعد؟
طلال:تزيدين شنو .. ؟
عبير:تزيد الاكل يعني ؟
طلال:اي يالله يالله .. بس ما اوصيج الاندومي ابيه متروس ماي
عبير:انا احب الناشف
خالد:لانج ناااااشفة .. جب يالله طقي بليه
علياء:يالله و كاهو الاكل وصل ..


و قعدوا يشوفون المسرحية و ياكلون النفيش و البيبسي و البطاط و الاندومي و العصاير و كل شي من اكل ..
و بعد المسرحية صلوا و ناموا ..


الساعه 8 الصبح:
طلال يطق الباب على امه:يمه .. يالله ما تيين معاي؟
هالة:اف افف .. انتوا ما تفهمون كلش .. نايمة يعني سكر الباب وع عليك ماكو ادب كلش
طلال:انشالله يما انشالله .. بس ليش ما تيين معاي .. بروح المحكمة باخذ بنتي اليوم
هالة :شلون تبيني اروح المحكمة معاك .. ما تخاف احد يشوفني داشة المحكممة بعدين صوري ترس
الجرايد

طلال:يما انا ولدج الناس شكو فينا
هالة:اقول اطلع قبل لا اييلك كف على ويهك
طلال:زييين زييييين .. و سكر الباب بقوة و راح المحكمة ..


قاموا كلهم على الساعه 1 الظهر للغدا


عبير :يووووووه .. يعني ما تقدرون تخلوونا ناااام
علياء:قومي قومي .. قبل لا امي تقلب الدنيا فوق راسج
عبير:اصلا مو زين تقعدين الواحد من النوم بدفاشه لانه الروح تكون مو بجسمي .. فلازم شوي شوي عشان الاعصاب عندي لا تخترب
علياء:بس بس بس بس .. قمميي يالله .. مو كفوو الواحد بس يعطيج ويه تقومين تقولين له كل شي تدرسينه ؟؟؟!!!!
عبير:زين زين قمت
علياء:الا طلال وينه ؟
عبير:اليوم محكمة أخيرة اخر جلسة لهم
علياء:ياربي اكتب الي فيه الخير
عبير:يااااارب


(نزلوا يتغدون تحت و لقوا امهم قاعده تتكلم تلفون )


علياء و اهية تنجب :تتوقعين تكلم منو ؟
عبير:مادري و الله .. بس اكيد احد من ربعها كالعادة
علياء:جبي جبج الله .. شنو ربعها عيب استحي على ويهج
عبير:اي و انا الصاجة .. امي كل يوم لها صاحب .. ما خلت لنا شي .. تكلم الف ريال
علياء:ممم .. لانها ممثلة كبيرة اكيد بتكون اجتماعية بزيادة
عبير:اي اي صح .. اقووول نجبي و خلج على عماج
علياء:هيي انتي شنوو على عماااااي . .في شي من ورااااي؟؟؟؟
عبير ترقع ... :هآآآ .. لآآ .. شنو يعني بيكون وراج ؟؟

علياء:عبيروا تكلمي لا بالملاس الحين
عبير:يمه .. زين زين بس حلفي ما تقولين حق احد
علياء:قوووووووووووووووووولي
عبير بخوف و ترردد .. :عليوة ترة امي متزوجة بالسر
علياء قعدت على الكرسي مرة وحدة :هآآآه .. شنووو .. انتي شنووووووو تقوووووولين
عبير ركضت عندها :عليوووووة عفيه لا تقولين لها .. انا ادري بهالسالفة بس اهية ما تدري اني ادري
علياء:خلاص بس بس .. كاهي يايه
عبير:انشالله
هالة :هاه بنات شلونكم؟
علياء:بخير ... انتي شلونج ؟
هالة :هاه شفيج اليوم ؟؟
علياء:مافيني شي .. بس خالد وينه
هالة :اقول خلج من خالد و تعالي حطيلي صدر و عيش و كثر الحشووو
عبير:يما بسج بسج .. راح تمتنين بعدين ما تلبسين نفنوفج الي بو عشر آلاف
هالة :اي اي .. خلاص يالله حطيلي بس دياي بدون شي
علياء:واااي يما .. تحرمين نفسج عشان نفنوف
هالة :انتي شكووووو .. احرم نفسي ما احرم نفسي شعليييييج
علياء:زين آسفة آسفة .. (و حطت لها و تغدوا و صعدوا غرفتهم )
عبير:من منطقة ذات تركيز عال الى منطقة ذات تركيز منخفض .. تسمى بــ
علياء:تعالي تعالي تعالي
عبير اخترعت :هااااه .. شفيج صايرة خويلد يدش و محد يدري
علياء:مالج شغل بخلوود .. شلون عرفتي ان امي متزوجة
عبير:عليييوة وين سويج سيارتج .؟؟
علياء:تحت ليش؟
عبير:تعالي اوريج بعيونج .. امي شنو تسوي
علياء:بسم الله .. يالله قومي نشوف آخرتها



عند خالد ..

خالد:هلا هلا هلا بالزين كله هلا
فرح:خلوود بس عاااد .. و الله استحي
خالد:فدييييييتهم الي يستحوووون انا
فرح:بسسسس و الله اذوب ترة
خالد يرن تلفونه الثاني : مممم .. حبي عندي خط ثاني
فرح:منوو ؟
خالد:ممم .. عزيزوا .. اي عزيزوا يتصل علي .. اخلص منه و اكلمج
فرح:انشالله يالله حبيب فرح انت
خالد:فديتج انا .. يالله باااي
فرح :بااياات
خالد ( الخط الثاني):هلا هلا هلا بحب قلبي هلا
سعاد:هلا فيك حبيبي
خالد:فديت الصوت و راعيته

(( خالد كله جذي .. يكلمونه لأنه ولد الممثلة المشهوورة هالة .. و اهوة الي مشهور معاها اكثر من اخوانه كلهم .. و كان كل دقيقة له وحدة يكلمها على لعب ))


في غرفة هالة
هالة :انت ما تفهم .. اقولك عيالي كلهم قاعدين بالبيت .. لا لا .. افهم عاااد .. يالله باي .. ياربي خلها بااااجر .. اي اي جهز الشقة باجر .. اوك .. خلاص .. يالله باي .. اففففف عليك .. اشوووف اذا قدرت اليوم يييت .. باااااي (سكرت الفون و نامت )



تتوقعون وين راحوا عبير و علياء ..
تتوقعون خالد شنو راح يصير فيه ..
تتوقعون منو هذا الي تكلمه فنانة مشهوورة و شنو قصته ..

تـــــم لا تحرموني من ردووووودكم
​

 

[simpel anooma]

وين ردودكم بنات .. ؟

و الله ضيقتوا خلقي

 

[MeeMeeYoo_2]

يعطيج العافيه


up
up
up

 

[simpel anooma]

يعطيج العافيه


up
up
up

يعافيج ربي .. و مشكورة على الرد =) ​

 

[بقايا قلب مجروح]

حياتي نااطرينج
اب
اب
اب
اب

 

[ρeαrℓ]

كملي حياتي متابعينج ,, متى البارت ..؟​

 

[بقايا قلب مجروح]

وينج طوليتي

 

[Dlol elhbla]

حبيبتي وينج وآآيد طولتي . . !! ​