روايتي الثانية : مرت سنه والعين يعشقها السهر (بقلمي)

[ريولا دورفيل]

انا ررجججججعت !! شلونكم كويتيات شخباركم..اليووم انا بنزل لكم رواية انا كاتبتها..مع شوي مساعدة من رفيجاتي ..بس مو تسوون نفس قصتي الاولى تكشتون ..لاا هالمرة قصتي طويلة..ان ماشفت تفاعل..ماراح انزل بارت و راح اطل من المشرفه انها تحذف القصة..هالرواية تختلف من جميع النواحي عن الي قبلها..!!و اتمنى انها تعجبكم لأنه بصراحة تعبت وانا ارتب فيها و احاول اربط الاحداث على قد ما اقدر !! ويلا هاكم البارت الاول

البارت الأول :

شخصيات القصة :
سارة: عمرها 19 سنه...دمها خفيف و حييل اجتماعية و حبوبة بس عصبية شووي و بعض المرات مزعجة..شكلها حلوو و مملوحة..حنطاوية و عيونها صغار شوي لونهم عسلي غامج..شعرها قصير لي كتفها كستنائي محمر :p..خشمها طويل و حلجها صغير..طويله و مترووسة..عندها اختين و اخو
دلال: 17 سنه..شخصيتها قووية و حلوة....عصبية بدرجة موطبيعية و جريئة..و اذا عصبت ماتعرف الصديق من العدو..شكلها حلوو بس اكبر من عمرها :p ...شعرها اشقر قصيير و بيضة..عيونها سوود كبار و خشمها صغير..حلجها وسيع شوي ..قصيرة و متروسة..اهي بنت وحيدة بين 3 اخوان
جنا: كبر دلال..هاادئة و خجوولة ..و ماتتحجى وايد ..شكلها ناعم اكثر مما اهي حلوة..حنطاوية..و عيونها كباار عسلي فااتحين حييل..خشمها صغير نفس خشم دلال..شعرها طويل كستنائي .. قصيره حييل و شووي متينة ..نفس حالة دلال..البنت الوحيدة بين رياييل هع هع
زينه: 18 سنه...صااخبة و فيها نشاط موطبيعي..تحب الاشياء الي فيها حركة..جريئة شووي و فيها من طبع سارة ...ملامحها حاادة شووي..عيونها ناعسة بني فاتح..شعرها الطويل اسود.بيضة..حلجها صغير و خشمها مدور..قصيرة و متينة ..عندها 3 خوات و اخوين
أمل: 17 سنه...طيبة و على ويهها..بس طبعها السيئ اهو الغالب..حسااسة بشكل موطبيعي..تزعل على اقل شي..و نوعيتها اذا زعلت تطول..يعني تظل 3 ايام ماتكلم البنات ..و عنيدة و فيها من التطفل شووي..طبعا اهي اخت سارة بس ماتشبهها وايد...بيضة..عيونها كبار سوود و شعرها اسووود كثيف و نااعم..خشمها طويل..حلجها وسيع ..طولها زين و متروسة شوي.مملووحة بس سارة احلى منها
ريان: 19 سنه..منطوية على نفسها شووي و مو اجتماعية مثل البنات..بس اذا ارتاحت حق احد..تكون خفيفة دم..لبقة بالحجي..حياوية..طبعا اهي الوحيدة الي من الشلة الضعيفة...بيضة و عيونها كبار بني غاامج..حلجها وسيع و خشمها طويل..شعرها بني قصير ..وحيدة امها و ابوها هع
..................................
البارت الاول
بالجامعه ( ادارة اعمال)
سارة و اهي تطالع تلفونها: ريانوو داقة علي مليوون مرة..شتبي ؟؟
زينه شربت شوي من قهوتها و قالت: اكييد تبي تتأكد عالطلعه..خوو اهي تموت عالطلعات
ابتسمت سارة وقالت: خل ادق عليها اشووف شتبي..دقت سارة على ريان
ريان: و اخيرا ردييتيي..صارلي سنه ادق عليج..هااه شلون عاليوم..منو يمرني؟؟
سارة و اهي تدور دواها بالجنطة: اكوو غيري عنده سيارة يعني؟..امبيه لحظة ريان..وين دواااااااي اففف
زينة : اكيييييييد اكييييييد بالسيارة..خو هالسيارة كل شي فيها..دوا و ملابس و عصير و كل شي..حشى جمعية مو سيارة
سارة بملل: اقول زينووه جب..اقوول ريوون انا ادق عليج بعدين الدوا مادري وينه...
ريان: اوكي باي..سدت التلفون بسرعه
..............................................
بالثنوي ( بالساحة)
دلال متسندة عالطوفة و مادة ريلها و جنا مسندة راسها على كتف دلال و امل مجابلتهم متربعه
دلال: عااد بعدين ريانو كفخت البنية..مسكينه ماتسوى عليها قالت هالحجوة
جنا ماتت من الضحك:ههههههههههههههههههههههههه..اما ريوون..صج عنيفة ويه ويهها...
امل و اهي تربط شعرها عدل: بنات اليوم التجمع عند منااو؟؟
دلال: اليووم بتطلعنا حجية سارة..شكلها بتودينا مطعم ماكي و تمشينا عالبحر..
جنا: لا وانتي الصاجة..بتودينا نطلب سندويشات بعدين تخلينا عن يوم البحار نصور جنه هنوود
امل بمحاولة فاشلة بالدفاع عن اختها: لاااع اشوف اختي وايد طايحة من عينكم؟؟ترى بتودينا مطعم كشخة و بعدين بتوديننا نحلي بخباز
جنا باستهزاء: لااااااااا حلفي..خباز..وايد عليها خباز..و تقولين مطعم كشخة..وين ماك ولا برجر كنج حق التسمم..ويه ويهج يعني بتدافعين..اقوول قومي قومي طق الجرس صارله ساعه علي حصة كيميا قطيعه
دلال: هع هع انا علي احتياط ابلة الفرنسي غايبة حررة هع هع....دزت دلال جنا بدفاشة و قامت..يلا هزو طولكم لا الحين تشوفنا المديرة مالنا خلقها..و هدتهم و مشت
.............................................................
بعد الدوام..في بيت اهل سارة و امل
امل اول مايات دشت غرفتها و قفلت الباب..و سييدة حتى قبل لا تغير ثيابها فتحت الكمبيوتر
امل: اووف موشابك..خل اروح اتغدى الحين و بعدين يصير خير..قامت من عالنت و لبست لها نفنوف بيت قصير و نزلت
بنفس الوقت الي نزلت فيه امل ..تسللت سارة لغرفتها و قعدت عالكمبيوتر
سارة بعصبية: ردت ظافته..صج انها ياهل افففف..و بسرعه بدقة وحدة سوتله دليت من ايميل اختها..و طلعت ولا كأنها مسوية شي..
...............................
عن اهل ريان
ريان و اهي تكلم سارة بالتلفون: اووووووه اختج ماتتوب..جم مرة نحاجيها..سوير احنه لازم نلقى حل
سارة بيأس: فرح و كلمتها..زف و زفيناها..يعني شنسوي اكثر من جذي
ريان بتفكير: ...احنه بنكلمها ..و ان مانفع ..انتي لازم تقولين حق امج
سارة: من صجج..عشان تنحرها..احنه خلينا ساكتين و الي فيها فيها...
......................................
بالليل ( الطلعه الموعودة :p )
نزلت سارة و اهي كاشخة ( نفنوف فوشي جبنيز لي نص الركبة و فلات واطي حييل ابيض روكوبروكو و مسوية شعرها عجفه فرنسية و ماسكة سويج سيارتها )
و طبعا امل كالعادة مبهدلة..( نفنوف اسود حفر فوقه جاكيت تري كوارتي و كعب و فاله شعرها )
سارة: انتي شلابسة..روحي روحي غيري ثيابج
امل : اوووووووووه مالج شغل..يلا يلا خلينا نمشي تأخرنا عالبناات وع..و بسرعه طلعت من البيت
.......................
مرت سارة ريان و دلال
دلال طبعا لابسة بنطلون جينز اسوود و تي شيرت على رسمة انمي جبنيز و ريان لابسة نفس الطقة بس تيشيرتها اسود على رسمة غير ولابسين جناط كروس
دلال: هلا بالقاطعه..هلا بأم السيارة الكسيفة..قطييعه روحي غسليها
سارة: جب ..حمدي ربج انج راكبتها ويه ويهج..
ريان: جان ييتي بجيب امج..سيارتج تلوع الجبد ضييجة
لفت سارة على ريان و دلال و قعدت تدزهم: يلا يلا نزلوو..والله ماتستحون همن راكبين سيارتي و همن تعايبون عليها..والله حبيبتي..و قعدت تمسح عالسكان و البنات يضحكوون...
دلال: اقوول ياالغبية..امشي يدام امشي..تأخرنا على الدعل الي هنااك
...........................
لمن وقفت سارة عند باب بيت خالها..شافت جنا و زينه معصبين ..
جنا لابسة قميص لكوست ابيض و بنطلون جينز و رابطة شعرها و زينه لابسة نفنوف احمر ثري كوارتر مع حزام عريض اسود و كعب<< طبعا اكثر وحدة تبالغ باللبس زينه عكس البنات الي يلبسون كاجول .
جنا و اهي تقلقص روحها: الله ياخذ هالسيارة..من شفت هالصندقة مارة قلت اكيد هذي سوير..قطيعه ..وخراااااااااااااااي دلووول
دلال و اهي تدز ريان: ريان قعدي بحضن زينة
زينه: مااااااااااااابي تعوورني بعدين ثقيلة اهي
امل و اهي تصارخ: يلاااااااااااا خلصوونا ..عقب هالصرخة المدوية البنات ثبتوو و حركت سارة سيارتها التعيسة
................................
بالمطعم
دلال: غريبة سويروو يايبتنه مطعم غير ماكي!!
سارة: احم احم..عشان تعرفون انه مستواي النزهه هيهي
جنا طقتها على راسها بالقفشة: مالت عليج..كل ماقلتي حجوة قالت النزهه و مستوى النزهه..من شاف سيارتج..قال هذي ياية من مناطق وهيصة..شكرهج!!
سارة: بالله؟؟..شفيها سيارتي..لونها غريب و حلوة تلوق لي..ناعمة مثلي
دلال: الا معفنة..السقف و طايح..المسجلة خرابنه و المكيف ينفخ هوا حار..وين النعوومة بالموضوع
زينه: و تقصين على روحج تقولين لونها غريب..بنفسجية و فيها غبار...صارلج فوق ال3 اسابيع مو مغسلتها..قطيعه !! جنها سيارة ابلة الرياضيات القديمة
سارة: وااي شفيكم طيحتو حظ سيارتي..كافي انها لكزس
ريان: لكزس سنه الف و تسعمية و حطبة خخخخخخخ
امل: هههههههههه و لا تنسون العلامة المشلووعه خخخخخخخخ...جنها ميتسوبيشي جلنت مالت عمتي
سارة: هالسيارة الي موعاجبتكم..اهي الي يابتكم لي هني..و اهي الي توصلكم و توديكم..مالت عليكم..وقفت ومسكت جنطتها و تسوي روحها بتمشي..انا بمشي و خلو تكسي اييبكم
البنات: لاااااااااااااااااااااااااع قعدي قعدي...قعدت سارة و اهي تضحك على ردة فعل البنات
.............................
بعد يومين
دلال واقفة يدام المراية و قاعدة يمها ريان تعدل حمرتها الي راحت ...كانت دلال لابسة نفنوف حفر قصيير وردي فااتح مع حزام اسود من ورا مربوط فيونكه و مسوية شعرها ستريت و حاطة شكله بشعرها و لابسة تراجي فيها حجر اسود و خاتم و كعب ..و ريان لابسة نفنوف اسوود علاق واحد فيه ورود كبار بس حلوين و مسوية شعرها تسريحة بسييطة و كعب و حمرة حمممممممرة و لابسة الماس !!
دلال تعدل الحزام بدفاشة: احححح معوورني الكورسيه
ريان و اهي تطالعها من طرف عينها: الحين الكورسية يعورج و ترفعين الحزام؟؟؟شالعلاقة ؟؟
دلال : اقوول انتي ويه رموشج الصناعية الي طرفها طالع..سكتي احسنلج !!..اححح يلا بسرعه تأخرنا سارووه براا ..ولبست بالطوها و سحبت جنطتها و طلعت
.............................
لمن نزلوو..شافوو سارة قاعدة تكلم رفيجتها بالبلاك بيري و اختها قاعدة مطنقرة كل ساع تطالع الساعه !!
دلال بدفاشة: يلا امشوو شكرهكم..رفعت سارة راسها ورمشت
سارة بغنج و دلع مصطنع: هااي..شرايكم في المكياج و التسريحة ؟؟
ريان : تسريحتج تلوع الجبد جنها كيكة و مكياجج جنج مغمسة ويهج بالوان و مطلعته
سارة صار ويهها احمر من العصبية: ريااان ...ممكن تسكتين !!..و بسرعه وقفت ..بس حست راسها يدوور ردت قعدت
دلال استغربت: سارة شفيج؟؟
سارة : مافيني شي بس يمكن السكر نازل شوي..يلا يلا خلوونا نمشي ...وقفت و قامت تمشي شوي شوي و البنات لحقوها واهم خايفين عليها !!
...............................
بعرس اخت زينه
دشت سارة و الانظار كلها عليها..كانت لابسة نفنوف تركواز ظهرها كله مبين ..و لأنه سادة..سوت لها تسريحة رفيعه فيها حركة و شكله ناعمة و لابسة طقم فخم..و حاطة مكياج مغيرها 180 درجة..

و امل كانت معصبة و متنرفزة من شكلها..كانت لابسة نفنوف احمر قصيير كوكتيل فيه كوولفة كريمية على شكل ورود..حلووة بدلتها غريبة..و شعرها مسويته عنقووص و يايبته على جنب و حاطة مكياج خفيف نظرا لصغر سنها..و زينه لابسة نفنوف اوف وايت في حركة غريبة عند الصدر..شكله حلوو بس حييل ناعم ..و مسوية شعرها تسريحة كبيرة مكبرتها و مكياج و كعب..و جنا لبست نفنوف بيجي همن قصير معاه حزام بني و مسوية شعرها ستريت و حاطة مكياج خفيف..
يات ام سارة حقها و اهي حاطة ايدها على ظهرها و تدزها: تعالي يبوون يشوفنج..حلاتج حبيبتي !! ابتسمت سارة و مشت
دلال و اهي منقهرة: امبييه سارووه صايرة تينن..احلى منيي ويه ويهها
جنا و اهي تقرم اظافرها: شووفي جسمها صاير اينن من عقب الرجيم حلايا كحلها السايح
زينه و اهي مستغربة: يالحقوودين يالحسوودين ..صج مافيكم خير..هذي رفيجتكم حاسدينها على جمالها وه صج انكم مو شي
ريان و اهي يايتلهم ترقص و اهي متنرفزة: سارووه مشتهية اروحلها و انتف شعرها
امل و اهي تهز ريلها: وليش بالله؟؟ شحلاتها
ريان قعدت و اهي تهز كتفها طربانه: مو هني المشكله...ههه وااي حقدت عليها كرهتها!!..بعدين سكتو لأنه شافو سارة يايتلهم ...وقفت يدامهم ولفت
سارة: هااه شرايكم ببدلتي اليديدة
دلال و اهي بتذووب من القهر: تينن ..تهبل..مسوينها حقج
سارة حست فيهم : يالحقووديييين !! صج موكفووو يالجياكر..طلعت لهم لسانها و راحت الحمام
..................
وقفت سارة بالحمام يدام المنظرة..مستانسة بشكلها ..و بنفس الوقت منقهرة من البنات شلون حاسدينها على شكلها..ماتسوى عليها هالكشخة !!!فجأه دشت جنا و اهي تضحك
لفت سارة : نعم شتبين
جنا: اخاف حمامج و انا مادري..دزتها..اقوول وخري وخري خل اغسل ايدي..خربت البديكير منيكير منج شكرهج
سارة بغرور مصطنع: واي فديتني اهبل !! و هي طالعه فجأة زلقت..لحقت على عمرها بس داست عالنفنوف من ورا و انشق..شهههههقت بصوت عااالي: لاااااااااااااااااااااااااااااااااااااااا...
نقزت جنا من الخرعه وقالت: شفييييييييييييج
سارة و عيونها مغوورقة: لاا بدلتي بدلتي..واااااااااااي هئ هئ.. وقعدت تبجي !!
جنا حست بتأنيب ضمير و قعدت تشوف النفنوف من ورا: مومشقووق وايد لا تخافين..
سارة و اهي تطالع: بلااااااااااااع..امبييه شوفي شوفي مبين مشقووق مايترقع..هئ هئ..حسبي الله عليكم جانكم حسدتوني !! و قعدت تبجي ..و دشت دلال لانه كانت قريبة و سمعت صرخة سارة
دلال شهقت: امبيييييييييه شنو هذاا..واي حسافة عاد قلت بتسلفه منج خخخ..
سارة تنرفزت: مووقتج ياسخيفة..واي واي..نادو امي خل تشووف ..و بسرعه طلعت جناا تشووف ام سارة..بعد 10 دقايق يات ام سارة و اهي متوترة..
ام سارة: واااي سووويييير شلون بتطلعين جذي..
سارة بعصبية: كله منهم هالحقودين الحسودين..انا بمشي ماني ظاله..
ام سارة: لالا ترى مو مبين وايد..خو جنه فتحة عادي..يلا يلا كلها نص ساعه و يدشون الرياييل يلاا...بعد وقت مو قصير قنعوو سارة بالغصب و طلعت و اهي متنرفزة..على انه الشق ماكان مبين بس احترت حييل..قعدت شووي بعدين دشو الريااييل
كانت دلال قاعدة جان تقعد يمها ساارة و جنا
دلال : طااع القييزي اخووي..دشداشة معفسه و لابس بس قحفية ...قطع
سارة فجأه عيوونها لمعت و ساسرت دلال
دلال بققت عينها: وييييييييييييييينه
سارة: كااهوو شوفيه يم خاالج
دلال طالعته: وه وه وه..هالريال كل ماله و يحلى زيااده..طالعت سارة ورفعت حواجبها..احلى منج
سارة : هه هه هه ياملقج..و قعدت تطاالعه..بس بعدين لفت ويهها لأنه حس فيها و لف يشووفها
دلال كفختها: يا حماارة اكو احد يخز جذي..ماتستحين..بعلم امج
سارة تنرفزت: دلييييييييييييييييييييييلووووووووووووووو
دلال :هههههههه..خلاص بسكت..اقوول ري..سكتت لمن شافت ريان مثبتة عينها على واحد..حطت ايدها على كتفها و ساسرتها : لا تعورين قلبج ريوون..انسي
ريان و عيونها مغوورقة و نزلت راسها و ماتحجت
..............................................................
ردت ريان البيت و بسرعه صعدت غرفتها و قفلت على روحها الباب و قامت تبجي...هذا من وين طلع !! عقب سنتين
!! الله يستر من الياي ...قطع عليها حبل افكارها رنه تلفوونها ..
ريان : الوو دلال؟؟
دلال: هلا ريوون...امبيييه هذا من وين طلع الزفت !! شيبي
ريان : والله مادري!!..سنتيين .. صارلة سنتيين من اختفى و رد !! الله يستر شيبي
دلال : رياان مثل ماقلتلج انسيي خلااص ...توني دريت من أمي انه مرته كانت ويااه
ريان انصدمت: مرته !!..فجأة قامت تبجي..تزوووج !! شلوون شلووون ؟؟
دلال: خو هذا ماكو احساس بالمرة..خلاص الحين انتي نامي و باجر يحله الف حلال !!
.......................................................................
منو الي كانت تنطره امل والي مكلمينه عنها البنات؟؟ومنو شافت ريان بالعرس؟؟

توقعاتكم

قراءة ممتعه :**

 

[miss i]

up up up up up up up up up
up up up up up up up up
up up up up up up up
up up up up upu p
up up up up up
up up up ip
up up up
up up
up

 

[mf6nt el3lat]

.



ي هلا ي حلــوه

منوره القسم


كملي

.​

 

[Tom ♥ Jerry]

,،



وااااو القصه روعه و الله :eh_s(7):
دلوول دمها عسل

تسلمين يا قلبي .، welcome back :eh_s(15):

 

[Booma]

عجييب البارت وبدايه موفقه..
حبيت شخصية ريان وساره لوول..
تقبلي مروري وناطرين البارت الثاني..​

 

[ريولا دورفيل]

انا رجججججججججججججججعت..اناا اسفة اني تأخرت بس تعرفون امتحانات بس الحمدالله الحين خلصت..ويلا هذا البارت الثاني

البارت الثاني

اليوم الثاني
كانت امل قاعدة تتجهز و متكشخة على غير عادتها..لابستلها نفنوف وردي فاااتح فوق الركب جبنيز..فوقه جاكيت أبيض مع كعب أبييض و مسوية شعرها فير و لابسة تاج و ماسكة جنطة شنيل و متمكيجة !!
دشت عليها سارة بكشتهاا و بجامتها الجلحة
قالتلها و اهي تتثاوب: وين رايحة بهالصبح؟؟
أمل و اهي تدهن أيدها : رفيجتي نوني عازمتنا على غدا و برووح
تسندت سارة على الباب عين مفتحة و عين مصكرة : منو بيوديج بالله ؟؟
أمل التفتت: ابووي بيقطني بيتهاا و اهي تودينا ويه السايق !!
سارة ما اقتنعت بس قالت: أيييه !! لا ابوي لا يتعنى انا اوديج مرة وحدة بمر البنات بنروح نتريق
أمل تطالع ساعتها : ريووق هالحزة..الساعه 2 احنا بنتغدى و انتي تتريقين
سارة استوعبت: ويه صح بنروح نتغدى !!هه يلا انا بروح اسبح !!..وطلعت
أمل لمن تأكدت انها طلعت..سحبت تلفونها من جنطتها و دقت ..الوو
.....: هلا والله بالغالية
أمل ابتسمت بخجل: شلوونك حبيبي؟؟
......: بخير دام سمعت صوتج !! يلا متى بتيين
امل و اهي تحط جنطتها على كتفها: كاني الحين ابووي يقطني بيت رفيجتي و انت تمرني اووكي !!و انا متفقة مع رفيجتي بكل شي ..يوو يلا باي ابووي يناديني اشووفك..وبسرعه سدت التلفوون و قعدت تفكر..و اخييرا بشووفه..ياترى حلو ولا لأ..اخلاقه حلوة ولا لأ..
ابووها صعد لها و اهو معصب: يلا يايبااا انا وراي شغل بسرعه يلااا !!
امل تأكدت من روحها : يلا انا خالصة ..و طلعت من غرفتها بدلع مااصخ !!
.........................................
نزلت أمل من السيارة و راحت بيت رفيجتها ..طقت الجرس جان ينفتح الباب !!..دخلت و قعدت تطل من الباب ..لمن تأكدت أنه ابووها مشى..
رفيجتها نورا : وااي يا امل..ان صار شي لو سمحتي لا تدششيني بالسالفة..لا تسببين لي مشاكل مع اهلج
امل و اهي تكلم نورا بغرور: وييع خوافة..آآآف ماني يايبة طاريج ..يلا تاتا !!..و طلعت
نورا كمت عليها: وييع ..من زينج ولا من زين صاحبج !! مغرورة على شنو أإإافف ..و صعدت فووق و اهي تتحلطم
................................
قبل سنتين
كانت ريان قاعدة بغرفتها لابسة نفنوف عرس أبيض منفووش و مسوية شعرها تسريحة بسيطة و الطرحة على ويهها و ماسكة باقة حمرة و دموعها على خدهاا !! حواليها اهلها معصبين !!
ابوها: النذل ..الحقير !!..هد بنتيي علشان وحدة ..استغفر الله و اتوب اليه ..استغفر الله !!
الام و اهي تصرخ: ليييييييييييش ماتحجى من قبل ليييييييييش!!! بنتفهم الوضع..الحين الناس بتحط العييب في بنتي..بيوم العرس..بيوم العرس يهدها و يمشي..غطت ويهها وقامت تبجي بقهر !!
.............................
غمضت ريان عينها و نزلت دموعها بهدووء !! ماتقدر تنسى ...حبته من كل قلبها !! ضحت بدراستها على شانه..اهي كبر سارة بس متأخرة سنة عنها و سبة انها وقفت قيدها !! مسحت دمووعها بطرف اصابعها و طلعت لها ملابس عشان طلعتها ويه دلال !!
............................
وقفت أمل برى بيت رفيجتها و ماسكة منظرتها تتأكد من شكلها !! فجأة سمعت هررن !!..قامت تمشي للسيارة بدلع و بثقة ..بس بداخلها خايفة و متوترة !!..نزلت الدريشة..و شافت صاحبها..كان كااشخ و حاله ..شعره الاسود مرجعه لي ورى..عيوونه كباار حيل تغطيها نظارة..خشمه طويل بس في عظمة مخربه..و حلجه وسيع ومبتسم..
امل و اهي تدش: هاااااااااااي
عبدالرحمن: هايات يا جميل..شهالحلاوة كل هذا حقي ؟؟
ضحكت امل بكل خجل و سكتت
........................................
نزلت سارة و اهي لابسة و كاشخة و سلمت على امها
الام: وين رايحة ؟؟
سارة و اهي مبتسمة: مواعدة البنات بنروح نتغدى
الام و اهي متنرفزة: هالايام الطلعات كاثرة..محد يقعد بالبيت!! شالسالفة ..مانشوفكم لا بعشى ولا بغدى !! بتقعدين
سارة بوزت: يمااااااااااااااااا!! مواعدتهم فششششلة..بعدين ابوي راضي
الام بققت عينها: محد مخربكم غير ابوكم..مخليكم على كيف كيفكم..يلا روحي لبسي بجامتج و قعدي ..و طلعه اليوم مااكوو!!
سارة عصبت: يووه شنو هذا املوو طلعت و انا قاعدة !! ..و صعدت فوق و اهي تتحلطم
الام و اهي تفرفر بالتلفزيون: بنات ما اييون الا بالعين الحمرة !!
........................................
بالمطعم
دشت امل ويه عبدالرحمن..و طلب منهم يقعدون بكبينه خاصة..
أمل قعدت و حطت جنطتها يمها
عبدالرحمن سحب ايدها و مسكها: صايرة قمر اليووم حياتي..
امل ابتسمت: مشكووور :$
عبدالرحمن ضحك: فدييت المستحيين اناااا
امل سحبت ايدها: حمنييييييييييييييييييييي بس عااد استحي جييي
ضحك مرة ثانية و قعدو يقرون المنيوو
............................
بعد شهرين
طبعا طلعاات امل زادت بشكل موطبيعي و السبه المواعد ويه عبدالرحمن..اليوم كانو اهلها كلهم طالعين زايرين بيت خالتهاا و اهي تحججت بانه عندها صدااع و مزكمة
امل كانت قاعدة ترش لها عطر و تعدل مكياجها ..رن تلفونها جان ترفعه
امل بصوت هاادي: هالوو حياتيي
عبدالرحمن: هلا بالحب..هلا ببعد جبدي..ها يلا انتي وينج
امل ابتسمت: كااني الحين بيي !!
عبدالرحمن : اووكي حبيبتي باي
امل: باااي ..و سدت التلفون..طالعت شكلها بالمنظرة..كانت لابسة اقصر نفنوف لبسته بحياتها..صاير فووق الركب بواايد..لونها احممممر فوقه بالطوو ثقييل <<الجو بارد و هيلاهوب اسود و بوت و مسوية شعرها فيير و يايبته عالجنب..و مكبسة عينها كححل و حاطة حمرة حممممممممممرة ذايبة ..مسكت جنطة سودة من جناط اختهاا سارة و نزلت ..كان شكلها لو ابوها يشووفها ينحرهاا..طلعت من البيت شافته وااقف
ركبت السياارة و قالت :هاااااااااااااااي
عبدالرحمن قعد يتفحصها: اموووت عالاحمر أناااا !!..مسك ايدها وباسهاا..طالعه احلى من القمر
امل ويهها صار احمر : شكرا حياااتي !! يلا امش قبل لا احد يشووفك احد من الجيران اممششششش
......................................

لي وين بتوصل امل؟؟؟وريان ياترى راح تنسى هالريال؟؟ كل هالاحداث بالبارت الثالث..انتظروني

 

[-dust-]

واااو بداية حلوة

كملي كملي

 

[Tom ♥ Jerry]

,،


آمل صج تبط الجبد !
اف !


كملي فديتج لا تبطين علينا

 

[ريولا دورفيل]

dust : شكرا على مرورج و عيونج الحلوة
شمحوطة : ايي حدها تبط الجبد مال كف..

و هذا البارت الثالث لعيونكم

ببيت خالتهم ( خديجة )
كانت سارة قاعدة ويه البنااات كلللهم و قاعدة تسولف
سارة : هالايام امل كله تتحجج اذا طلعنا..و مادري شالرفيجات الي توها تتعرف عليهم !!
ريان : انا اشم ريحة مواعد !!
دلال: حتى انا حاسة جي..صارلنا شهرين مانشووفهاا ..اذا دقينا عليها مشغوول..واذا ردت تقول اهي مشغوولة ماتقدر تكلمناا
سارة: ماقص عليكم..حتى انا ماشووفها..ارد من الجامعه نايمة..عقب الغدا انام اقعد طاالعه..اهي مستغلة سفر امي و ابووي !! مالت حتى مالت عليها..اففف حاشتني ضييقة بروح اطلع برى..تييون وياي؟؟
جنا: لأ برد
دلال: مالي خلق اطلع
ريان: حتى انا مالي خلق !!
سارة: مالت ..و بسرعه لبست بالطووهاا و طلعت..بالحووش كانت قاعدة بالدوارف و تطقطق بتلفونها..حست بحركة..رفعت راسها ولا تشوف ولد خالتها يتحجى بالتلفون..طبعا اهي تنحت فيه..اهو جدا جدا وسيم ..طوييل و اسمر.عيونه كبار عسليين و خشمه صغير ..حلجه شوي وسيع و عنده غمازتين على خده....فجأة نزلت عينها لانه قعد يطالعها..توها واقفة بترد داخل..جان يوقفها: سارة شلوونج
لفت سارة و خدودها حمممممر من الفشلة: اي هلا هلا راشد..
راشد و اهو يتحجى قاعد يقرب صوبها: شعندج طالعه برا بروحج وين رفيجاتج؟؟
سارة و اهي خلاص بتموت من الحيا: لا كنت بشم شوي هوا مقموته !! يلا عن اذنك..و بسرعه البرق دخلت داخل..اما راشد ظل يلاحقها بعيونه ليين اختفت!! تنهد جان يطلعله زقارة و يدخن
......................................
بالمطعم
طبعا لمن قعدت أمل تكشفت خلاااااص يعني لو مولابسة احسنلها..و فصخت بالطوها و حطت ريل على ريل..طبعا الي يشوووفها مايقول هذي اختها سارة الي حتى ولد خالتها استحت لمن بس سئلها عن احوالها..
عبدالرحمن : خلصتي حياتي؟؟
امل و اهي تييب شعرها عالجنب : اي الحمدالله..تبي تحلي؟؟
عبدالرحمن بخبث: شلون احلي و يدامي احلى بنت بالكوون كله
امل و اهي تضحك بخجل: ههه وااي خلاص حمني استحي جذيييي !!
عبدالرحمن : يلا نمشي
امل و اهي تطلع من جنطتها المعقم: ايي يلا...وبسرعه نادى الويترس و دفع و طلع..بالسيارة قعدو يحوسون اخر شي نزلوو عالبحر..لمن نزلو..حط عبدالرحمن ايده على خصرها..طبعا اهي ماعارضت بالعكس..طالعته و ابتسمت.و قعدو يتمشوون لين امل طلبت منه يوديها البيت..عشان لحد يجكها..و بسرعه ركبو السيارة ووصلو البيت
بالسيارة
امل تحاول تفتح الباب بس موقادرة: حمنيي حبيبي افتح البااااب
عبدالرحمن: ماني فاتح الباب الا بشرط
طالعته امل : شنو؟؟
عبدالرحمن اشر على خده
امل بققت عينها: شنوو؟؟ لالا شرطك مرفوووض
عبدالرحمن بخيبة امل: لييش؟؟
امل: لا شنو عيب استحي<< و انتي خليتي فيها مستحى
عبدالرحمن : حياتي عادي انتي بالمستقبل بتصيرين زوجتي..يلا عاد حبيبتي
امل عشان لا يشوفها احد..باسته على خده عالسرييع و بسرعه فتحت الباب و نزلت
................................
ببيت خديجة
عقب مادشت سارة قالتلهم عن الموقف
جنا: وااااااااااااااااااااااااااي تفشلييين انتي...اكو احد يخز..قليلة ادب
دلال: شدراني عنها مشفووحة قطاااع !! الثقل يابنية الثقل
سارة: اي وانا شدراني يعني..
زينه: ما الوومها جميييييييييييل
ريان: طاع الثانية..اقول جبو اثنيناتكم و خلونا ندق على امل نشوف شمسويه..طوووووط..طووط..
سارة: هااه
ريان: قاعد يرن..اي كاه ردت..هيي انتيي
امل: الناس اول شي تسلم
ريان: انتي خليتي فيها سلام..وينج ليش ماييتي اليوم؟؟
امل: كنت طالعه ويه رفيجاتي
سارة بققت عينها: مو قلتي انه راسج يعورج
امل تلهوقت : هااه ايي راسي يعورني بس لمن نمت و تسبحت راح الصداع و طلعت ويه رفيجاتي هه
جنا بشك: و ليش ماييتي هني
امل ارتبكت حيل: ه.هااه لا بس يعني تدرين محد يدل بيت خالتي و..وو محد ياخذني
سارة سحبت التلفون وقالت بعصبية: وليش السايق ليش حاطينه عشان تصورين يمه؟
امل: اووه سارة انا الحين تعبانه يلا باي..و بسرعه سدت التلفون
سارة انصدمت: سدت التلفون بويهي الحقيرة..ووقفت..انا بروح
سحبوها البنات: لاا قعدي مالج شغل فيها..سفيه..لا تخربين على روحج القعدة خليها تولي..
سارة : اووف..منو تروح وياي الجمعية بصراحة يوعانه مشتهية ماك..
زينه وقفت: انا برووح وياج
جنا: انا بعد..
دلال: مابقى غيري انا و ريان عيل بنيي..و بسرعه وقفوو البنات و طلعو الحوش..شافوو راشد توه داش
راشد يطالع سارة : هااه وين رايحين
ريان : و انت شكوو
راشد رفع حاجبه اليمين وقال: شتبين حاجيتج انا؟؟
ريان تنرفزت و دزت سارة: يلا امشي امشي مالنا خلق الحين يحقق ويانا هالكريه !!
راشد بعصبية: احترمي نفسج ريانوووو
ريان طالعته بنزر و بسرعه طلعت..و طبعا البنات مستغربين شالسالفة الا دلال الي عارفة..و بسرعه راحت حق ريان
البنات لحقو دلال شافوو ريان مسندة ظهرها على السيارة و مغطية ويهها وقاعدة تبجي..ياتلها دلال ولمتها
دلال: خلاص ريوون خلااص.هدي مالج شغل فييه

شسالفة ريان ؟؟ و اسئلكم مرة ثانية؟؟ لي وين بتوصل امل ؟؟؟ كل هذا بالبارت الرابع..نطروني

 

[miss i]

elpart ebdaaaaaaaaaaaaaa3 3jeeeeb wenty 3ajeeba wrwaytech 3jeba o dala 3jeba ....
na6reenech belpart eliaaai la t6wleeen ;*

 

[-dust-]

يسلمووو على البارت الحلووو

 

[ريولا دورفيل]

بنااات انا انقطعت فترة عن الرواية و السبة انه ماكو ردوود..بس شكلي بكملها الحين
و دست و مس آي حييل مشكوورين على التشجيع و لعيوونكم بنزل بارت

البارت الرابع :
سارة طالعت جنا و جنا طالعتها يتسائلون شالسالفة
طبعا تتسائلون ليش ريان بجت.. لأنه ريلها او بالاحرى طليقها كان صديق راشد..و بعد فترة درت ريان انه قايل حق راشد انه مايبيها و طبعا خططله و بيوم العرس انحاش ويااه..و توه بيوم عرس اخت زينه رد اهو وياه و هالمرة ويه مرته..اهي ماحبت تقول حق احد و خصوصا لمن درت انه سارة تحب راشد ماتبييه يطيح من عينها بس بنفس الوقت خايفة لا يسوي فيها مثل ما سوى طليقها فيها...
ريان مسحت دموعها عقب ماهدت وقالت بصوت مخنوق: اإأ..انا خلاص ماني رايحة..و بسرعه دشت داخل..لمن دشت حست احد يسحبها ولا راشد و عيوونها حمر من العصبية : ان مرة ثانية كلمتيني بهالطريقة جدام رفيجاتج ياويلج فاهمة ؟؟
ريان كانت خايفة بس قالت بثقة: ليش شبتسويلي يعني..و بسرعه سحبت ايدها..على بالك بتخرعني بهالحجي..لا ياراشد انت ماعرفتني ..طالعته بشر و بسرعه لفت تمشي..اما اهوو خلاص دمه فاار و بسرعه طلع و ركب السيارة و شخخخخخخخط..كل هذا تحت انظار البنات الي كللللللش موفاهمين شي
سارة تطالعه بخوف: امبييه وايد مسرع خل يخفف
دلال بحقد: باللعنة.. و بسرعه دشت داخل
.........................
بالسيارة
كانت سارة قاعدة تسووق و اهي ترتجف.. خايفة لا يكون فيه شي
سارة تقول حق جنا : امبيييه وايد خايفة عليييه
جنا تطالعها من طرف عينها: شنو اهو ياهل تخافين عليه..ريال طول بعرض خل يسوي الي يبيه !!
سارة: اوووف !! يلا يلا نزلي خل اتعشى
جنا طلعت آيفونها: لحظة خل ادق على البنات يمكن يغيرون راييهم و اييون
سارة: و منو بييبهم ؟؟
جنا حست انه سارة مخها مقفل: علامج نسيتي انه عباس موجود !! يلا يلا خل ادق..الوو..هلاو دلال..يلا وينكم احنا بماك ..اي اي الي يم الجمعية..اووه تحقيق اهوو لا تونا واصلين ننطركم.. انزين جب ..جب انتي ..اووووووووووف دلال بس عاد .. انزين مالت عليج بااي
سارة: انتي داقة تتهاوشين ؟
جنا: اهي فيها هوشة و تبي تطلعها فيني شكرهها
................................
بالبيت
امل كانت منسدحة بالفراش ولابسة نفنوف نوم لي نص الساق وردي على هالو كيتي و مسوية عنقوص رفيع.و قاعدة تلعب بخصلة منسدلة بجبهتها و قاعدة تتحجى بالتلفوون
عبدالرحمن: هااه شقلتي
امل: والله طلبك صعب حبيبي..خل نروح مكان ثاني احسن
عبدالرحمن: ياحبيبتي يا امولتي انا ماني مسويلج شي..كل الي ابيه اني اخذ رايج في شقتنا
امل : لا لا لا
عبدالرحمن : افاا لييش؟؟
امل: أإأمم مادري ..والله اخاف
عبدالرحمن: ماتثقين فيني؟؟سكتت امل.. عيل خلاص باي و رقمي مسحي من عندج
امل: لالا حمنييي حبيبي شفيج عصبت
عبدالرحمن : شلون اكلمج و انتي ماعندج ثقة فيني
امل: بلى انا واثقة فيك
عبدالرحمن: الفعل غير الحجي..عيل تعالي و خليني اتأكد
امل بغباء : خلاص راح ايي عشان تعرف شقد انا احبك و واثقة فيك
ابتسم عبدالرحمن بينه و بين نفسه: ياحياتي انتي..عيل متى تيين؟؟ باجر
امل: لا باجر ماقدر اهلي راح يردون من السفر
عبدالرحمن: متى راح يردون؟؟
امل: عالساعه 11 بليل
عبدالرحمن: مومشكلة انتي تعالي 9 و ردي مبجر
امل: اوكي صار
....................
ببيت خديجة
عقب ماتعشو البنات ردو بيت الخالة و قعدو يسولفوون!! فجأة دش خالد و شكله متعفس..قعدت تطالعه سارة واهي خايفة عليه..طالعها و اهو معصب..يوم طاحت عينه بعينها..ابتسم و نزل راسه..و بسرعه دش الديوانية
اما سارة..ويهها صار احمممممممممممر..طبعا كل هذا تحت انظار خالتها..
ريان و اهي تطالعها : انتي هيييه خالتج صارله ساعه تطالعكم استحي يابنية ما تنتخين انتي !! يلا نزلي عينج يلا
سارة: اووووووه انتي شتبين .. طالعت الساعه..امبيه انا لازم امشي الساعه تأخرت
ريان: قعدي خوو امج و ابوج مسافرين
سارة طالعتها بطرف عينها: الشي الي ما اسويه يدام اهلي ما اسويه من وراهم..انا مو امل !!..وقفت..و قالت..انا بمشي
خالتها ريم : حبيبتي قعدي تو الناس
سارة: خالتي تأخر الوقت و بعدين اموول قاعدة بروحها !!
خديجة وقفت: دامج بتمشين نطري بس خل اعطيج شي ..و مسكت ايدها..تعالي ..وصعدت دار بنت خالتها و وقفت..طلعت لها صندووق صغير وردي فاتح و فيه ورود بالوردي الدرجة الاغمج..و لمن فتحته كان في منظرة و راقصة باليه تدوور
سارة عيونها لمعت و خذته من خالتها جنها ياهل و لمتها: الااااااااااااااه شحلاته خالتي شدراج اني كنت ابي واحد جذي..مشكوورة ماتقصرين حبيبتي
خديجة طبطبت على ظهرها و اهي تضحك: تستاهلين ياروح خالتها..بس مو انا الي يايبتلج ياه..
سارة بأستغراب: عيل منو؟؟ لايكون مو حقي
خديجة : هذا ولدي راشد اهو الي يايبه
سارة انصدمت و ويهها قام يصبغ احمر: ه.هاا شنوو..راشد ؟؟ ليش شالمناسبة؟؟
خديجة: والله تبين تعرفين روحي سئليه..
سارة قعدت تطالع خالتها : امم..اوكي خالتي انا بمشي الحين و قوليله مشكورة عني !! باست راس خالتهاا و نزلت و اهي تتعثر..و خذت بالطوها و طلعت سويجها..و بسرعه دقت السيارة سللف و مششت !!
........................................

و بث
توقعاتكم ^_^

 

[ريولا دورفيل]

انشالله مو جذي...ولا تعليق :s