روايتي الثآنيه : حبيتك بجنون ما هقيت انك تخون ..ّ

[انفال العازمي]

السلام عليكم ورحمه الله وبركاته

شلونكم ؟؟

بمآ اني خلصت رويتي الاولى ونجحت الحمدالله ورابطها بتويقعي

فقلت اسوي روايه ثانيه وهي واضحه من العنوان واتمنى تعجبكم


وراجاءا لا اسمح بنقله الا باسمي


اولا بتتعرفون على الشخصيات ..,

البارت الاول

سآره ( بنت عمرها 18 سنـه ابوها سالم متوفي )

راشد ( اخو ساره 21 سنـه تخصص طب )

لميآآء ( اخت سآره 29 سنه متزوجه محمد وعندهم بنت اسمهآ شهـد بنتها عمرها 2 سنتين )

محمد ( ريل ساره 31 يمووت بساره يشتغل مهندس )

ام راشد ( ام راشد ولمياء وساره 74 سنه حنونه وطيوبه )



البارت الثاني


كانت عايله ام راشد ياكلون ويستانسون والحمدالله وبيوم من الايام سووا صفقه حق اخو ساره انه اذا قطوها بالمستشفى
الميانين راح يعطونه 27 الف دينآء كويتي راشد صدق ووافق وتل اخته ووداها مستشفى الميانين وعطوها مخدر وقطوها


رجع البيت

ام راشد : راشد يا وليدي وين كنت وساره وينها؟؟

راشد : يما ساره بمستشفى الميانين

ام راشد : شنووو ؟؟ ليييش ودني لها ( وتبجي ) ودني لبنيتي ودني لضناااي تكفى بشوفها


راشد : يمااا ساره ماتت >>> جذب عشان الفلوس

ام راشد اغمى عليهاا

راشد خلاها ومشا :0bee2e8d89:

قامت ساره وقالت لهم انها مو مينونه ما صدقو ومرت سنه

فقررت انها تنحاش وصج انحاشت بالشارع والا تلقا مقبرهـ قام تصايح ابي امي وتبجيييييييييييي حييل حييل:krkrkr:

راحت ودفنت نص جسمها كانت بتكمل لكن يا ريال اسمه سعود وقالها وين اهلج وينهم ؟

قالت له القصه


سعود ( يدرس بكليه الطب 24 سنـه )

سعود : وشلون يرضى يقطج بس عشان فلوس

ساره : والله ماادري :denya:

سعود : لاااااا مستحيل اخو يسوي جذي باختــه طيب شوفي بسكنج بشقه حقج واي شي محتاجته قولي لي اوكي ؟؟

ساره : ان شااء الله

عطاها المفتااح وقام تبجي راح مسح الدموع بايده

سعود : بس عورتي قلبي لا تبجين يلااا بسرعه روحي الشقه وهاج فلوس اشتري الي ناقصج

ساره : ان شاء الله

وراحت

ركب سيارته ويقول بقلبه

( حراام يسوي فيها جذ والله حرام هذي بنت بس والله تهبل انا ودي اخذها بس المشكله من وين اخطبهاا ) ؟؟

بعد مرور يوم حب يسير عليها دخل الشقه والااااااااااااا ..................... )


اذا شفت تفاعل بكمل ..:tomato2:

 

[الجود اصلي]

رد : روايتي الثآنيه : حبيتك بجنون ما هقيت انك تخون ..ّ

كملي كملي
شنو هالاخو عشان جم بيزه يرخص بأخته ياااااااااااااحول
يعطيج العافيه وناطرينج.......
​

 

[انفال العازمي]

رد : روايتي الثآنيه : حبيتك بجنون ما هقيت انك تخون ..ّ

تسلمين قلبي ع الرد والله هذا اخوها طمآآع وانا اقول تابعي القصه وشوفي الاحدااث

وثنكس ع المرور الاكثر من رائع

 

[انفال العازمي]

رد : روايتي الثآنيه : حبيتك بجنون ما هقيت انك تخون ..ّ

دخل سعـود الشقه الاااا لقاها مو موجودهـ والظآهر منحاآآشــه

سعود قام يقول يا ربي وين رااحت وين وين ؟؟ قام يفكر ويفكر

رجعت البيت قاعد يفكر ؟؟

اما البنت اسآسآ كانت منحاشـه وخاايفه راحت للبيت مالهآآ طلعو مغيرين البيت قامت تبجي وتصيح قااالت يا ربي شسوي ؟؟

اوووف شسوي .. شسوي ؟؟ ولقت الحل قالت ماكو الا اروح الشقه ادق على نقال اختي وأسألهآ


ردت للشقه قامت تدق تدق تدق كله مغلق قاالت اووف شهالمصيبــه ماكو الا ابوق


راحت سوق الذهب وباقت وراحت باعته بره الديرهـ // وخذت فلوس وردت الشقه نامت وقامت


والا يي سعـود قالها ما تقوليلي وينج ؟؟

سآآره : انا رحت ادور جم بيزهـ

سعود : وشلون بالله علييج ؟؟

سآآرهـ : بقت

سعـود منصدم : سااره اذا محتاجه فلوس قولي لي لا تبوقين اعتبريني مثل اخوج

سآآره تبجي : يا سعود انتا اخوي وابوي وامي ودنيتي ... سعود تكفى تكفى وقامت تصايح ابوس ايدك لا تتخلى عني

سعود قام يمسح على راسه : ساره انا مستحييل اخليج

سآآره : صج ؟؟!!

سعود : اي نعم صج .., ماراح اتخلى عنج وراح اوقف معاج بس لا تبجين

سآره : سعـود اكيد ولا بتهدني مثل اخوي ؟؟

سعود : لا ساره تطمني ؟؟

سآآره : سعود انا احبــــــــــــــــ .....


اكمل لما اشوف التفاعل لو رد على الاقل عشان اتأكد انه في ناس يتابعوني ..

 

[صعب الكلام]

رد : روايتي الثآنيه : حبيتك بجنون ما هقيت انك تخون ..ّ

يسلموووووووووو....ونااااااااطريننـــج

 

[toutiiii <3]

رد : روايتي الثآنيه : حبيتك بجنون ما هقيت انك تخون ..ّ

متـــــــــااابعـــــــــــــهــ

نآآآآآآآآآآطرييييييينج

نبي باارت << ححلوهـ الروايه

 

[الجود اصلي]

رد : روايتي الثآنيه : حبيتك بجنون ما هقيت انك تخون ..ّ

ويييييييييييييييييينج ناطرين.........​

 

[انفال العازمي]

رد : روايتي الثآنيه : حبيتك بجنون ما هقيت انك تخون ..ّ

ساره : سعـود انا احبـــــــــــك


سعـود منصدم شلون تحبني وهي توها ما عرفتني ؟؟ رد عليها : سآره ممكن اسأل سؤال ؟؟


ساره : تفضل ..

سعود : شلون تحبين واحد ما تعرفين عنـه شي ؟؟


ساره : انت الوحيد االي اهتميت فيني جذي .. ( قالتها وهي تبجي )

سعود ( مسح على راسها وقعد جنبها ) : ساره قومي بدلي بوديج مطعم وبعدين السوق عشان تشترين لج اغراض

ساره : لا لا مشكور

سعود : يعني بنقعدين على هالملابس قومي البسي .. يلاا انا ناطرج بالسيارهـ ..

ساره ( منزله راسها ) : ان شاء الله

( لبست ونزلت بالسياره ..)

صكرت الباب وركبت ورااا

سعود يطالعهااا

سعود : ساره

ساره : نعم

سعود : ينعم بحالج شنو انا سايق ابوج تعالي اقعدي قداام

ساره : لا مشكور

سعود : ساره انا ما احب ارد كلامي يلاا تعالي قداااام


ساره : ان شاء الله

ركبت قدام

سعود : اي هذي ساره

ساره بالطريج تذكرت انه ريل اختها يدرس في بريطانياا


شهقت

سعود متخرع : شفييج ؟؟

ساره : تذكرت انه ريل اختي يدرس ببريطانيا اسأله عن عنوان اخته واخو اخته وودني لهم ..


سعود : ان شاء الله بعد اسبوعين ،،

ساره : ................


تغدوو وشروو ملابس

واذا شفت تفاعل راح اكمل بنااات لان ايدي عورتني بس بليز لا احد ينقلها الى باسمي اذا شفت تفعل بكمل ــ

 

[الجود اصلي]

رد : روايتي الثآنيه : حبيتك بجنون ما هقيت انك تخون ..ّ

الله يعطيج العافيه...
عاد انا ناطره من جم يوم ماادري شقول بس انطر الاحداث الجايه
يسلمووووو.....​

 

[toutiiii <3]

رد : روايتي الثآنيه : حبيتك بجنون ما هقيت انك تخون ..ّ

ناااااااطرييييينج كمليي بليييييييييز

حدهاا عجيييبهــ

 

[انفال العازمي]

رد : روايتي الثآنيه : حبيتك بجنون ما هقيت انك تخون ..ّ

مر اسبوعين حلوين عليهم والمسكينه صدقتـه

جا يوم من الايام وقالها بالشقه ..


سعود : ساره انا احبج وابي اطلب ايدج ولج مني اروح اخطبج من اخوج وسفرتي اليوم ادعي لي ارجع بالسلامه

ساره : ان شاء الله الله يسمع منك ..!

سافر سعود وطلب ايدها من اخوها لانه راح لريل اختهاا وقال ابي العنوان ورد الكويت وراح البيت وقال لراشد ( اخو ساره )


سعود : راشد انا ابي اطلب منك طلب ممكن


راشد معص وماله خلق : اطلب امر تدلل وفكنا

سعود : ابي اخطب منك ساره

راشد : اي ساره انا ما اعرف وحده اسمها ساره ؟؟!

سعود : ساره اختك الي قطيتها بمستشفى الميانين وهي مو مينونه انا باخذها


راشد : هذي الساعه المباركه فكنا اخذها وريحنا واذا جبتو عيال ما ابي اشوفهم ولا ابي اشوف رقعه ويهم


سعود : ان شاء الله متى الموعد الي اجيب فيه الملاج

رااشد : اليوم بعد صلاه العشاء املج عليها وفكنا يلااا مع السلامه


سعود : مع السلامه

رااح للشقه


سعود : ساره اليوم ملجتنا

ساره \|: صجججج ؟؟؟!!!


سعود : اي صج


ساره مستانسه : آآآه يا سعود لو تدري شكثر انا مستانسه

سعود : تستاهلين والله وانتي ما تستحقين الي صار لج مع اهلج والله حراام

ساره : كله من ر...اا ... شد امي وعاليه مالهم شغل

سعود : لا حول ولا قوة بالله المهم انج راح تكونين عندي وتسانسين

ساره تتدلع : زين سعود تبي اسوي لك اكل ؟؟؟..

سعود : واللله يا ريت يا قلبي واذا يتعبج مو لازم


ساره : لا تعب ولا شي الحين اقوم اسوي لك

سعود : يلاا انا ناطرج بالصاله

قعد على القنفه ولا يرن تلفونه

سعود : الو هلا يمآآ ..

ام سعود " هلا سعود منت جاي على العشاء الا انتا وينك ؟؟..

سعود : آآآآ .. بالدوانيه مع الربع وعازمني رفيجي على العشاء ببيته لا تنطروني


ام سعود : ان شاء الله دير بالك على نفسك

سعود : حاضر يما مع السلامه

ام سعود : مع السلامه


جابت ساره االاكل واكلو ..! وكل مره قام يوكلها لقمه كبيره ويطيح نصهاا

واذا شفت تفاعل بكمل ؟..,

 

[الجود اصلي]

رد : روايتي الثآنيه : حبيتك بجنون ما هقيت انك تخون ..ّ

يعطيج العافيه حيييييل حلو البارت بس قصير.........حاسه ان ورى سعود شي ...الله يستر بس
ناطرينج.............​

 

[انفال العازمي]

رد : روايتي الثآنيه : حبيتك بجنون ما هقيت انك تخون ..ّ

الجود الاصلي : ان شاء الله البارتات اليايات بيكونون اطول ونشكورة ع المتابعه واشكر باقي العضوات ع المتابعـه



البارت السآآدس


:

ساره : سعود انا يحتاج ايي معاك الملجه


سعود يقول بقلبه ( ههه صدق اخوها لما ودينها مستشفى الميانين ) : اكيد لا عادي انا بس اخذ موافقه اخوج ان شاء الله راح تكونين زوجتي على سنه الله ورسوله يا قلبي

ساره : اهاا طيب انا بروح انام تامرني على شي قبل ما انااام ؟؟؟


سعود : سلااامتج يا قلبي ما ابي شي نوم العوافي ان شاء الله

ساره : الله يعاافيك <<<

سعود يقول بقلبه ( مصدقه عمرها راح تكون عروس ما تدري انها بتنام هني بالشقه وما احد راح يدري عن زواجهااا )؟؟


وراح سعود البيت

دخل ..<.~

سعود : السلام عليكم ورحمه الله وبركااته


الكل : وعليكم السلام ورحمه الله وبركاته

ام سعود : انتاا ما تقولي وين كنت لا تقول الدوانيه لانه اخوك رايح الدوانيه مالت رفيجك ما لقااك

سعود باس راس امه وقال : يمه انا سويت عمل خيير

ام سعود : عمل خير ما عمل خير اسمعني انت عندك مره وعياال تفهم يعني لازم تقعد وياهم انتا حيل عايش حياة العزوبيه .. اوف وانا مو راضيه عنك ...!

سعود : افاا يا يما والله ما اروح لغرفتي لين ترضين عني يما اسمعيني انا الحين دايخ وابيج ترضين عني وصراحه يما الموضوع بقوله لج بعدين

ام سعود : بنشوف اخرتها ويااك "

صعد وقام يتقلب ع السرير وقام يفكر بساااره ول يشوف الساعه 9 باليل

سعود : اووه تأخرت ع الملجه يلا بروح ولبس ويوم وصل عند الباب


ام سعود : على وين ؟؟


سعود : يما عندي شغل مستعججججججل

ومشا وما نطر ردهاا ..!
ملج عليها وراح لها الشقه وباس ايدها وقال

سعود : انا

وباس ايدها مره ثانيه وقال

سعود : الحين

وباس ايدها مره ثالثه وقال

سعود : صرت

وباس ايدها مره رابعه

سعود : زوجج

ساره فرحانه : صج والله الف مبرووك عليك انا هه ..

سعود : هه

ساره : الا حنا وين راح نسكن ؟؟ ...


سعود : هني بس ما راح انا عندج بنام ببيتناا

ساره : ليش بتنام عند اهلك ؟؟ ليش ما تاخذني معااك واسكن عندكم وانام ببيت خالتي مثل اي بنت ؟؟

سعود : ساره بقول لج شي بس ما تزعليين ؟؟

ساره : قوول ..؟

سعود : اهلي ما يدرون لاني ما خذيت منهم موافقه

ساره : اي قولهم

سعود : لا لا ما راح اقولهم بعدين انتي تبيني ولا تبين اهلي ؟؟ شلج فيهم انتي لي ..

ساره : مو مشكله بشوفهم وبتعرف عليهم حالي مثل حال اي بنت بالدنياا ؟؟

سعود : ساره فكينا من هالموضوع وخلااااص احمدي ربج تزوجتج ولا جان محد تقدم لج لان اهلج متبرين منج

ساره انجرحت من كلامه وقامت تبجي وتقول بشهقاتها : عييل ليش تزوجتني ليييش لييييش ؟؟ اذا ما تبيني


..................................... واكمل اذا شفت تفاعل ..................................

 

[الجود اصلي]

رد : روايتي الثآنيه : حبيتك بجنون ما هقيت انك تخون ..ّ

يسلموووووووووو...ع البارت الحلو.....
والله قلت ان سعود مو خالي اكيد وراه شي...طلع متزوج ...بس محد رايح فيها غير ساره والله انها مسكينه....
الله يعينها...
ناطرينج....... ​

 

[انفال العازمي]

رد : روايتي الثآنيه : حبيتك بجنون ما هقيت انك تخون ..ّ

سعود : تزوجتج علشااان استر عليج ولا مو قايلين لج ان الريال ستر للمره

ساره : شوف انا مو لعبه عندك فاهم ؟؟..!

سعود : الااا لعبه بس لعبه نادره انا ما ادري شلون فيه بناات بالكويت جذي طيوبات وعلى نياتهم ،،

ساره : شوف يا سعود ابسألك سؤاال ؟؟

سعود : تفضلي .. !!

ساره : الحين تخيل احد يجرحك ويهينك والمشكله مو منك وانت مظلوم شنو راح يكون موقفك ؟

سعود : احترمي نفسج ..

( ولا يجيها ذااك السطااار القوي )

ساره : والله ما هقيتها منك ليش انت جذي عشان شيفني على نياتي بس ما راح اسكت لك والله ما راح اسكت لك "

سعود : ساره آنآ اسف ، ،

ساره ( تصيح ) : سعود ما عاد ينفع الاسف سعود طلقني

حط ايده على خدهاا وقال

سعود : يعورج ؟؟ ..

ساره وخرت ايده : لا ما يعور ولا تحط ايدك فاهـم ويلااا طلقني ما ابي منك شي ..

سعود انصدم ..: ماكو طلااق الا لما تعطيني 45 الف دينار فاهمه لما تدبريهم ذيج الساعـه راح اطلقج

ساره : وشلي يضمن لي انك راح تطلقني ..؟

سعود : وانااا اذاا طلقتج شلي يضمن لي انج راح تعطيني الفلوس ؟؟ ..

ساره : المحاكم موجوده ...

سعود : راح تطيحين بالف داهيه ؟؟

ساره : اوووف راح اييب لك البلغ لكن تطلقني اكيد ؟؟

سعود : اي اكيد ..

راح مشاا لبيته وكالاده تلقا زفه من الوالد .. والوالده


اما ساره اشتغلت خادمه في السعوديه في منطقه الـ ( ........... )

في اول بيت كاان فيه عايله خلني اعطيكم نبذه عنها


سالم ( 24 سنـه مهندس نفط طوله زين اسمر حلو وفيه غمازه وصريح جداا )

هيااا ( اخته 18 سنه تموت برفيجتهاا دلال .. هندسه كمبيوتر .. )

محمد ( 10 سنوات خانس ابتداائيهو المرااسل بين هيااا وخالد ولد عمه 21 سنه كليه الطب )

ريم ( 4 سنوات يموت عليهاا اخوها سالم وكله يقعد وياها وما يرد لها طلب )

راشد ( 1 سنه دلوع اخته هيا ودلوع امه سعااد وريم تغاار منه )

ابووهم متوفي


................. واخليكم مع التوقعاات .......................


شنو بيصير فهالبيت هل في احد راح يسمعها ويحس فيها او يهينونها ......؟؟

شنو بيصير لسعود لما يدري انهاا تشتغل خادمه ؟؟


وشنو علاقه سعود مع سالم ؟؟...؟

واذااا شفت تفاعل وتشجييع راح اكمل سي يووو

 

[toutiiii <3]

رد : روايتي الثآنيه : حبيتك بجنون ما هقيت انك تخون ..ّ

عجييييييب البارت

اتوقع سعود ما يخليها

و سعود و سالم اتوقع ربع

 

[الجود اصلي]

رد : روايتي الثآنيه : حبيتك بجنون ما هقيت انك تخون ..ّ

واااااااااااو البارت حييييييييل حلو تسلم اناملج....
شفيه سعود قلب على ساره والا شاف ان ما عندها سند يلعب بمشاعرها<<احنا نسد على الرجال
الله يعينها ع الشغل ...
ناطرينج ............​

 

[6amni bs]

رد : روايتي الثآنيه : حبيتك بجنون ما هقيت انك تخون ..ّ

يعطيج العااافيه و حلووه الراوايه
كملي حبوبه

 

[gomar 14]

رد : روايتي الثآنيه : حبيتك بجنون ما هقيت انك تخون ..ّ

يعطيج الف عافيه حبوبه ومتابعه معاج ونبي بارت​

​

 

[حرووف الشووق]

حبيت آشارك بصرااااحه القصه مو مفهومه مسرع تعرفنا على الشخصياات الا قطووها بالمتشفى طيب وإذا ماات وين العزا شلون مرت على آهلهاا السالفه وماكو جثثه السموحه القصه موو شيء وغير مرتبه ......... ؟؟؟؟؟؟؟؟