روايتي الاولى وبقلمي ( ملايين ) اتمنى انها تعجبكم ^_*

[دمعة_حب]

ويييين البارت

 

[ღ Mzajiya ღ]

البارت الحادي عشر ..​

الجزء الاول ..​

الساعه 10 الصبح هنادي كانت رايحه تقعد البنات ..
مرت من يم غرفهم وتوها يايه بتدش بغرفه ملايين
ولا تسمعها قاعده تتحجى بالتليفون ..​

ومشعل اللي كان عالخط معاها طبعا ..​

ملايين : خلاص احنا مو اتفقنا انه موعدنا يكون بليل
وقت العرس @@
مشعل : ....
ملايين : بس انا ماقدر الظهر او العصر بكون بالصالون
وماراح اكون بروحي بروح مع خالتي
وساره ومعانا العروس !!
مشعل : ....
ملايين : خلاص خلاص انا اتصرف بس مو وعد
لانه انا ماادري اذا قدرت اطلع من الصالون
بروحي ولا لا :/
مشعل : ...
ملايين ( معصبه ) : خلاص خلاص انا اتصرف
مشعل :....
ملايين : يالله يالله انا مضطره اسكره الحين يلا باي ..​

وسدت الخط وقعدت تبجي ..​

طبعا هنادي كانت واقفه يم الباب برا وماكانت تقصد
انها تتسمع بس هذا اللي صار ،،
وبنفس الوقت اهيا ماكانت تدري ملايين قاعده تكلم منو
لانها مايابت طاري اسم لا بنت ولا ولد ،،
وهنادي كانت شاكه حيل انه ملايين وراها شي لان
بهالسفره من اول ماووصلوا وملايين كلش مو على بعضها ...​

المهم هنادي قالت خلاص بتنطر لي الصالون وتشوف
واذا ماصار شي يأكد باللي كانت هنادي شاكه فيها بتنطر
لي ورا العرس وتفتح معاها الموضوع ..​

وعشان لا تحس ملايين انه هنادي سمعتها راحت غرفة ساره تقعدها وتخليها اهيا اللي تروح تقعد ملايين احسن ...​

دشت هنادي وبطلت الليتات والستارة ..​

هنادي : ساره ,, سااره يلا نشي الساعه استوت ( صارت )
10 يلا نشيي ( قومي ) ​

ساره ( واهيا حاطه الكمبل على ويها ) : هممممم ..
ابي اناااام مااشبعت نوووم
هنادي : لا حول ،، وهذي حالتنا كل يوم اوعيكم
وتقولولي ماشبعنا رقاد :/
ساره : بس 5 دقايق بس​

هنادي : ولا دقيقه الحينه الساعه 10
وموعدنا مع الصالون الساعه 11 ونص
يالله يمديكم تاخذولكم شور و تتريقون
ونسير ناخذ حصه ( العروس ) قبل لا نسير الصالون ..​

ساره ( خلاص يأست تدري اذا تأخرت ماراح
تخلص بسرعه ) : ان شاءالله كاني قمت
( وتروح عند خالتها وتبوسها على
خدها ) : صباح الخير هنووده ( وراحت تبي تدش
الحمام
( وانتو بكرامه ) ​

هنادي : لحظه لحظه على وين اول شي سيري عند
ملايين صحيها انا بروح اكلم حصه عشان
اشوف اذا نشت ولا لأ ​

ساره ( ميته ضحك ) : ههااااي تلقين العروس من امس
مو نايمه من الخرعه وانتي تقولين بتروحين
تشوفينها قعدت ولا لا لووول​

هنادي : زيين مااشي ياسويره بنشوف بعدين شلون بتستوين ( شبيصير فيج ) لمن بتعرسين
ساره : وي اسم الله علي ماراح يصير فيني شي ان شاءالله ​

هنادي ( تضحك عليها ) : بس بس بلا رمسه ( كلام ) زايده وسوي اللي قلتلج عليه عندكم ساعه بالضبط
وتكونون بالسيارة .. واذا تأخرتوا حطوا مكياج
وسووا شعركم فالبيت ​

وطلعت هنادي من الغرفه رايحه تدق على حصه
وتشوفها قعدت ولا لأ ..​

ساره راحت دار ملايين ..​

ساره : ملايين ،، مي مي
ولا تسمع صوت ملايين تبجي ..
ساره : ملاييين شفييج حبيبتي انتي قاعده تبجين ؟؟
ملايين ( طلعت راسها من تحت المخده ) : ساااره والله
خلاص تعبت راح اينني
ساره ( عصبت ) : وليييه .. شسوه بعد هالمعفن
ملايين : تخيلي داق علي يقولي انا خلاص ماقدر اصبر
اكثر الظهر او العصر قبل العرس راح
اييلج الصالون واشوفج​

ساره ( شهقت ) : صج انه ثور ومايستحي على ويهه
هذذا خبل مينون مو صاااااحي ​

( ملايين زاد بجيها )​

ساره : ااافففففف ياربي شهالورطه ،،
انزين خلاص خلاص لا تبجين انتي الحين ويهج ينتفخ
وعينج تورم وتصير حمره ترى ورانا عرس ...
حسبي الله عليه جان خرب علينا سفرتنا
والحين بيخرب علينا وناستنا بالعرس اففف​

( ملايين حست انه ساره كسرت خاطره حرام مالها ذنب
اهيا تستانس وملايين قاعده تنكد عليها من
سوالف مشعل ويه الفقررر ) ​

ملايين ( تمسح دموعها ) : خلاص حبيبتي سوسو يالله
خل نقوم نتزهب وانا بس اوصل الصالون اكلمه
واسايسه عشان يرد على رايه الاولي ،،
ابيج تستانسين اليوم
وتكشخين وتصيرين احلى مني ،،
ولو اني اشك انج تصكين علي بس هالمره بسامحج ؛)​

( ساره حست انه ملايين ماتبيها تتضايق وعشان جذي
قاعده تنكت معاها وتحاول تضحكها ،،
بعد بنات خاله
وعم ورفيجات من اول مانولدوا
اكيد بيكونون فاهمين بعض )​

ساره ( تضحك على كلام ملايين ) : لووول ياحياتي
والله ادري انج قمر اسم الله عليج ومحد يقدر يقايشج
بس يالله قومي لا نتاخر حبيبتي انتي​

( وقامت باست ملايين على راسها وراحت دارها عشان تتزهب )​

الساعه 11 وربع بالصالون باحد الفنادق المشهوره ..​

هنادي كانت حاجزه حق العروسه ( حصه ) برنامج العروس
بس راح تكون مدته من الساعه 11 ونص لي الساعه 7 بليل ،،
وكانت حاجزه لها وحده تسوي شعرها ومكياجها و
وحده ثانيه حاجزتها عشان ملايين وساره ..
معناته انه البنات مضطرين يقعدون معاها لي
الساعه 7 بليل لانه الكل مشغول
ومحد يقدر يوديهم العرس بسرعه ..
وعشان جذي كل وحده فيهم يابت ملابسها
وشغلها كله معاها عشان ماراح يردون البيت ..​

وفاطمه وايمان قطتهم هنادي ابيت اختهم شيخه لمن
خذت حصه عشان يساعدون اختهم واهما بتييلهم صالونه لي
البيت تمكيجهم وتسوي شعرهم ..​

المهم صارت الساعه 11 ونص والصالونات استلموا العروسه
وهنادي راحت عندها جلسة مساج ( عشتو لول ) ​

وملايين وساره قاعدين ياكلون لانه مامداهم يتريقون وهنادي وحصه كانوا سابقينهم وماكلين قبلهم

( طبعا نسيت اقولكم انه كلام ساره كان صح وحصه من الخوف ماكانت نايمه
طول الليل لول ،، عروس ماتنلام :eh_s(22): بس امها غصبتها
تاكل لانها تدري بتنشغل حيل بالصالون وماراح يمديها تاكل
وبليل اكيد بتستحي وهم ماراح تاكل ) ​

واهما قاعدين يتريقون جان يوصل مسج حق ملايين
وكالعاده تدرون من منو طبعا .. ​

مشعل
( ها راح تطلعيلي اذا ييتلج الصالون ولا لأ ؟؟ ) ​

ملايين
( مشعل الله يخليك لا تسوي فيني جذي انا قلتلك
بليل بالعرس الساعه 9 ونص بالضبط راح اكون
بسيارتك لا تسببلي مشاكل واللي يعافيك )​

مشعل
(خلاص ماشي بس بدال العشر دقايق او الربع ساعه
راح تكون ساعه )​

ملايين انصدمت من كلامه ( تكلم ساره )​

ملايين : لا مو صج ين رسمي خلاص
ساره : شفيه المينون شيقول بعد :/ ​

ملايين تراوي المسج حق ساره ​

ساره : ايا جليل الحيا صج انه مو متربي وماعنده ذوق ،،
امبيه اي شي اي شي ويين قاعدين احنا :/
ملايين ( خايفه ) : اااااافففف مااادري يا ساره ماادري​

ساره : يااربي .. خلاص قوليله اوكي ..
وبليل يصير خير راح ايي واقعد معاج
وفييييي امممممه خيييير خل يتكلم بس ​

ملايين ( وايد ارتاحت وتحمد ربها انه عندها اخت
ورفيجه نفس ساره ) : ان شاءالله ​

ودزت مسج حق مشعل وقالتله خلاص اوكي مثل ماتبي ..​

وصارت الساعه 7 ونص والكل تجهز
وراحووا بيت العروووس ..​

..................................................


​

ليي هنيي وخلص الجزء الاول من البارت الحادي عشر
وسامحوني اذا كان قصيروهم سامحوني عالتأخير
ان شاءالله باجر راح اعوضكم
قراءه ممتعه :eh_s(7):​

 

[غلآها غير]

يسسلموو عالباارت وناطرين الباارت الياااي

 

[مريوم]

الله ونااااسة واخيرا نزلتي البارت وتسلمين حياتي ومعذورة وناطرة البارت الياي على احر من الجمر

 

[دمعة_حب]

تسلميييييييين بانتظار البارت باجر

 

[ღ Mzajiya ღ]

غلاها غير

يسلمو حياتي :eh_s(17):
ونورتي روايتي حياج الله :eh_s(7):


مريوم

لوول فديتج والله حياتي اللي عاذرتني :eh_s(22):
ان شاءالله ماراح اطول بالبارت الياي :eh_s(7): :eh_s(17):

دمعة_حب

الله يسلمج ياقلبي
ان شاءالله حاضر :eh_s(7):​

 

[غلآها غير]

آب آب آب آب
آب آب آب
آب آب
آب​

 

[L.Al-kandri]

مشكوره حبيبتي علا البارت عجيب
واتوقع راح يسوي شي حق ملايين

 

[مريوم]

اب اب اب اب
اب اب
اب

 

[غلآها غير]

Up Up Up Up Up Up Up

 

[ღ Mzajiya ღ]

البارت الحادي عشر ..​

الجزء الثاني ..​

الساعه 8 البنات كانت توهم واصلين البيت ..​

هنادي والبنات راحوا من الباب الجانبي وصعدوا
مع حصه ووصلوها لي غرفتها .. ​

هنادي : ساره ،، ملايين يلا حبيباتي نزلوا تحت
وزقرولي ( نادوا ) خالتكم شيخه خل تيي حق بنتها
وخبروها تييب المبخر عشان نبخرها عن العين ​

ساره : ان شاءالله بس لحظه هنوده انا بضبط الكحل جنه ساح شوي من تكييف السياره ..​

ملايين : وانا بدش الحمام ( وانتو بكرامه )
هنادي : يلا بسرعه بس لا تتأخرون
ساره وملايين : ان شاءالله ​

وساره جابلت المنظره وملايين خذت تليفونها ودشت الحمام ​

ملايين تدق على مشعل ..
ملايين ( بدون نفس ) : هلا مشعل
مشعل : ...
ملايين : اي خلاص الساعه 9 ونص خلك يم البيت انا
راح اطلعلك من الباب الخارجي ..
مشعل : ...
ملايين : ماشي يالله باي ​

وسكرت وردت الغرفه عشان تشوف ساره
خلصت ولا لأ ،،
كانت ساره مخلصه من مكياجها وعدتله وجذي وتبي ترش عطر ..​

ملايين : انا انا ابي بعد رشيلي
ساره : من عنووووني ياقمررر ( وترستها بالعطر )
ملايين ( تكح ) : بس بس سبحتيني الله يهداج كافي بس
ساره ( تضحك ) : خخخخخخخ عشان لمن تمشين العطر يفوح
من على بعد كييلووو
ملايين ( ترفع حاجبها ) : ليش بالله لا يكون خايفه انه
ريحتي خايسه وبتبط راس الناس لمن تطلع
ساره ( ميته ضحك عليها ) : لا ياقلبي حشا والحشاا عن الللللللللف يمين تدرين اني مااقصد
ملايين : انزين بس سامحتج​

هنادي : بتسيرون ولا شلون
ملايين ( تسحب ساره من ايدها ) : يلا يلا نازليين
ساره ( تاشر حق هنادي وحصه وتسويلهم باي ) : جاااو​

ونزلوا البنات تحت ..​

حصه تكلم خالتها هنادي ..​

حصه : خالووه هنادي انا وايد خايفه
هنادي : يا حبيبتي اكيد الخوف شعور طبيعي بس
ان شاءالله مابيستوي الا كل خير يارب ،، انتي بس
خلج هاديه وتوكلي على ربج ​

حصه : انزين تتوقعين اني بعييبه ( بعجبه ) ؟؟
هنادي ( تشهق وتطق ايدها على صدرها ) : شو قلتي شوووو
حاصلله هالقمر مشالله شحلاتج صايره اصلا شكله ماراح ينزل عينه من عليج
حصه ( استحت ونزلت راسها بالارض ) ​

هنادي طلعت قرآن وحطته حق حصه وقالتلها تقرا منه على ماتييلها امها ..​

نرد حق البنات ..​

البنات واهما نازلين من السلم ..​

طبعا مشالله طالعين كل وحده احلى من الثانيه ..
نازلين وكلهم ثقه من جمالهم و رافعين راسهم فوق والابتساامه
شاقه الحلج لول​

طبعا انتوا شفتوا كل وحده و لبسها
ولمن لبسوا ومع الاكسسوارات والشعر طلعووا مشالله شحلاتهم ..​

طبعا ساره شعرها كان واصل لي اول ظهرها ف سوته كله ويفي وبف خفيف
وحاطه كلبسه على جنب ..
ومكياجها كان درجات البني والاصفر وحمره لحميه غامجه ..​

تقريبا نفس هذا ..​

​

وملايين بما انه شعرها حيل طويل مشالله ف سوت تسريحه مرفوعه كله ويفي
ورفعولها اياه وحطت كلبسه بعد
ومكياجها كان لونه ازرق هادي بسلفر وحمره لحميه فاتحه ..
​

تقريبا نفس هذا ..​

​

طبعا الصور ك توضيح الطريقه وجذي بس مو نفسه بالضبط يعني تدرون كل وحده
ولون بشرتها وشعرها بس هذول الاقرب شي حق تساريحهم ومكياجهم
ولا تنسون بعد الملامح كلش غير J
​

نرد حق البنات الحلوين ..
​

طول مااهما كانوا ينزلون الحريم كلهم عينهم عليهم وامهاتهم انتبهوا
عليهم فقعدوا يسمون عليهم ..​

راحوا البنات عند امهاتهم وسلموا على خالتهم شيخه وقالولها انه
هنادي تبيها تروحلهم فوق ..​

وراحت شيخه فوق ..​

ساره : يلاا ملايين امشي نرقص
ملايين : اي يالله عاد انا احب هالاغنيه
ساره : اي تينن
ملايين : انزين لا انسى ذكريني بس تصير تسع وربع عشان اروح
اتجهز قبل ما ايي هذا اللي مايتسمى :/
ساره ( عفست ويهها ) : ااافففف زين ،، يلا امشي ​

وراحوا يرقصون وكل وحده قامت ترقص وتطلع كل اللي عندها
من مواهب الرقص لول وحدهم استانسواا ..​

( الله يستر عقب هالوناسه والضحك شبيصير مع ملايين ) ​

وصارت الساعه 9 وربع وملايين وساره صعدووا فوق عشان يلبسوون عبيهم ويطلعون حق مشعل اللي بعد شوي راح يووصل ..​

...............................................​

لي هني وخلص الجزء الثاني من البارت الحادي عشر
سوري اذا كان قصير :eh_s(22): بس حبيت يكون البارت اللي فيه
مشعل مع ملايين بارت برووحه وان شاء الله باجر راح يكون زاهب البارت وهذا الجزء كان مقبلات لول
نطروووني :eh_s(17):
وقراءه ممتعه :eh_s(7):​

 

[a7la_cute_lulu]

Gwa ana mtab3a rewaytich mn zeman bs ma kan elmontada m5aldnee asajil o mashalla elrewaya 3asal


Bss 7asafa bacher bt76een elpart laish mo al7eeen 7deee mtshawga l2n mako ay fekra brasee 3n elly besawe mesh3aloooo << 7eel 3isht eldor

Lool o thnx o 7awle tnazlenha elyoum pleez plzzzzzzzzzzzzzzzzzzzzzzzzzzzzzzzzz

 

[FooFoony]

عجيييييب البارت
انشاالله مشعلوو مايسوي شي حق ملايين
...
مااراح اتنزل اليوم لووول لأنها نايمه P:

..waiting

 

[a7la_cute_lulu]

لا مستحيل بكمل

 

[‏ ρяιиcεss]

القصه واااااااااو وحدي متشوقه ابي اعرف شنو صار مع ملايين والزفت مشعل


نطرتج حبيبتي

 

[غلآها غير]

شكرااعالباارت الحلوو
وناطرين اليااي
والله يسسستر من مشعل *

 

[sweet.sanfoora]

اريد بارتاً

 

[دمعة_حب]

يسلللمو على البارت الله يستر من مشيعل هذا ودي ازنطه

 

[عانديهم]

ناااااااااااااااااايس القصصصصه
كملييي حدي احاااتي الزفت شنو بيسسسوي

 

[ღ Mzajiya ღ]

a7la_cute_lulu​

حيااتي والله وحياج الله واشوه انه خلاج تسجلين عشان تنورين روايتي
وتونسيني بردج العسل مثلج :eh_s(22):
والله سوري امس كنت حدي مصدعه وبالغصب كتبت البارت :ch12:
و ان شاءالله الحين بكتبه وانزله لكم
وان شاءالله بتعرفين شراح يسوي هالمشعل
ثنكس على ردج ومشاركتج الحلوه قلبي :eh_s(7):​

FooFoony​

لول اهم شي انج كاتبه اني نايمه :050103nbh_prv:
ان شاءالله اليوم بتعرفين شنو راح يسوي
وثنكس على متاابعتج :eh_s(7):​

ρяιиcεss​

ياقلبي تسلميين وحياج الله تسلمين على مشاركتج :eh_s(22):
نورتيني :eh_s(17):
وان شاءالله اليوم تعرفين شراح يصير
اشكرج على ردج الحلو مثلج :eh_s(7):​

غلآها غير​

يا حياتي عيونج الحلوه
وتسلمين على متابعتج
وان شاءالله اليوم تعرفين
نورتي :eh_s(7):​

sweet.sanfoora

لوول حلاتج ان شاءالله اليوم البارت
نطريني :eh_s(7):


دمعة_حب​

يسلمج قلبي
لوول حدج شايشه على مشعلوو
ان شاءالله اليوم تشوفين شراح يسوي
نورتي حياتي :eh_s(7):​

عانديهم​

هلا والله نورتي الرواية ياقلبي :eh_s(22):
وتسلمين على ردج حياتي
وهمن اقولج اليوم ان شاءالله بتعرفين شنو راح يسوي مع ملايين
حياج قلب :eh_s(7):​