بسم الله الرحمن الرحيم
اول شي انا مبتدئه في كتابة الروايات
احببت الروايات وعشقتها فابتدات بكتابة اول روايه لي
هند و طلال
اتمنى منكم قراتها اقبل الانتقاد لانه يفيدني اعطوني رايكم بالروايه وهل اكمل في هذا المجال ام لا
اذا اردتم نقلها اتمنى وضع اسمي
Shoshita.7
...البارت الاول...
الشخصيات
عايلة بو فيصل
الاب راشد 50 سنه مدير لعدة شركات غني جدا واكبر واحد بين اخوانه زوجته عياله اغلى مايملك طيب وحنون الام مريم 48 سنه مديرة مدرسه انسانه متواضعه وطيبه جدا عندها اخت وحده متزوجه اماراتي وعايشه معاه ف الامارات اسمها منيره او ام طلال بنتعرف عليها من خلال الاحداث
فيصل الابن الاكبر 20 سنه في الجامعه شاب وسيم جدا حنطاوي عيوانه واسعه وخشمه سلة سيف شعره ناعم يحب خواته ويحب يستهبل عليهم كل البنات خاقين عليه
الهنوف عمرها 19 اول سنه جامعه ملامحها حلوه طويله وجسمها حلو مخطوبه لولد عمها خالد
اما بطلتنا هند عمرها 18 سنه صف ثالث ثانوي جميله جدا بيضه وعيونه واسعه ورموشها كثيفه خشمها سلة سيف ملامحها جدا مقاربه لاخوها فيصل طيبه وكل حد يحبها
في قصر ابو فيصل
ام فيصل :يا الهنوف يا هند تعالوا
هند والهنوف : نعم ماما امري
ام فيصل : مايامر عليكم عدو ,, يدتكم اتصلت وعازمتنا اليوم على العشا بمناسبة خطبة الهنوف وابيكم تكشخون
هند وهي تغمز للهنوف: حركات والله من قدج يالهنوف مسوين لج عزيمه انتي وخويلد
الهنوف استحت : جب جب
فيصل : طبعا انا ماله داعي اكشخ من يومي كشيخ و وسيم
الهنوف : ياخي ماعرف انت ليش هاكثر واثق بنفسك
هند: والله من حقه ماتشوفين شلون البنات خاقين عليه
فيصل : فديت اختي والله محد فاهمني غيرها
ام فيصل تضحك : اقول يلا قوموا لاتتاخرون
هند : اقول هنوفو لا تكشخين وايد حق حبيب القلب نخاف يتهور ,,وعلى طول راحت غرفتها ركض وهي تضحك
الهنوف ويها قلب احمر : ياحماره ياقليلة الادب نطري بس خل اوصل لج
ام فيصل وفيصل : ههههههه فديت الي يستحون
..........................................................................
ننتفل لبيت ثاني بيت العم خليفه وهو اخو بو فيصل
العم خليفه عنده ثلاث بنات مريم ونوره ورغد
مريم : 18 سنه نوره : 17 سنه رغد :15 سنه
رغد قااعده ف غرفتها تبكي وتقول في نفسها (( اااه وينج يا يمه رحتي وخليتيني مع ابو ظالم وخوات مايحبوني انا شذنبي انا ماسويت شي لو كنتي عايشه يايمه مابترضين بالعيشه الي عايشتها الله يسامحك يا يبا ) ونامت وهي تبكي
مريم : يبا الله يخليك طلعنا اليوم تمللنا من قعدة البيت
نوره : اي يبا حبيبي تكفى طلعنا
العم خليفه : يا حبايبي انتوا اسف لاني منشغل عنكم هالايام بس شسوي ضغط الشغل .. اي صح تذكرت جدتكم اتصلت وعازمتكم
نوره : لييش شنو المناسبه
العم خليفه : عشان خطوبة بنت عمكم الهنوف وقولوا حق العله الي فوق تتجهز بنوديها معانا
مريم : مب لازم تروح معانا خل تقعد تنظف البيت
العم خليفه : والله الود ودي اذبحها بس شاسوي جدتكم طلبت اني اجيبها
نوره : اففف خلاص انا بطلع له اي شي قديم من كبتي تلبسه لان ملابسها تفشل
طبعا اكيد كلكم محتارين تبون تعرفون شنهي قصة رغد وليش ابوها وخواتها مايحبونها انا اقول لكم
العم خليفه كان يحب زوجته كثيير وتزوجها عن حب وجابت له مريم ونوره وحملت برغد ويوم ولادتها ماتت الام فصار خليفه يكره رغد ودايما يقول هي السبب في موتت امها وصار يعاملها معامله غير عن خواتها ومايهتم فيها
...............................................................................
نرجع لقصر بو فييصل
الهنوف لبست فستان ابيض قصير لتحت الركبه وتحت الصدر في فيونكه كحليه كان مره ناعم وتمكيجت مكياج ناعم جدا
وهند لبست فستان لتحت الركبه لونه احمر والي زاد من حلا الفستان لون بشرة هند البيضه وسوت شعرها كيرلي
فيصل لبس بنطلون اسود وقميص رسمي ابيض وفتحه اول زرين من قميصه
.............................................................................
في بيت الجده طبعا الكل كان مجتمع كل عمامهم وعماتهم طبعا هم واجد لكن بنتعرف على المهمين بس
عايلة العم ناصر
خالد خطيب الهنوف عمره 21 وخواته ريم 19 سنه و دلال 24 متزوجه
العمه عاشه
ولدها الكبير عزيز 20 سنه طبعا هو يحب هند وهالشي محد يعرفه وعنده اخت اسمها العنود18 سنه
والعم خليفه الي تعرفنا عليه قبل
في المجلس
العم ناصر : هند وعنود نبيكم تشدون حيلكم ترى اخر سنه لكم نبي نسبه ترفع الراس
هند والعنود : ان شاءالله
الجده: الله يوفقكم يابنياتي ان شاءالله نفرح فيكم ونشوفكم عرايس
فيصل : اميييييييييييييييين عشان استانس فالبيت بروحي
الكل ضحك على تعليق فيصل : هههههههه
طلعوا البنات والشباب من المجلس وكل واحد دخل غرفه عشان ياخذ راحته
عند البنات
ريم : تصدقون مادورت لي فستان لعرس الهنوف
دلال : تو الناس باقي كم شهر على العرس
هند : الايام تمر بسرعه ماتحسون فيها
مريم بغرور : لا تعبون عمركم اكيد انا ونوره بنلفت انتباه الكل فالعرس
نوره : وانتي الصاجه
العنود بصوت واطي : اففففففف استغفر الله ياشين السرج عالبقر
دلال بحزن : يا حياتي يارغد وجهك اصفر شفيج شكلج تعبانه
رغد بتوتر وخوف وهي تطالع خواتها : هاا اممم لا لا مافيني شي يتهيأ لج بس من كم يوم مرضت والحين احسن
هند : انزين تبين اكلم فيصل وناخذج المستشفى
مريم بصوت واطي وتقريبا سمعه الكل : لببه هالطاري فديت فيصل
نوره عللى طول داست على ريل اختها عشان تسكت وجات ترقع : لالا بس رغد تدلع مافيها شي
طبعا الكل سمع مريم وكاتمين ضحكاتهم لان يعرفون ان فيصل مايداني مريم ونوره
وكملوا سوالف وضحك وهبال
عند الشباب
فيصل : اقول شباب شرايكم نطلع باجر
خالد: اي والله خاطري اطلع بس وين
عزيز :وين بعد اكيد السينما
فيصل : بوديكم بس على شرط على حسابكم
خالد:انا عن نفسي مفلس ولا عندي ولا نص ريال
عزيز : عندي فكره
خالد: يابو الافكار انت يلا اتحفنا قول
عزيز : دام كلنا مفلسين بنقترح على البنات يطلعون معانا منها بنونسهم ومنها بنخليهم يدفعون لنا
خالد : ومنها بقدر اشوف حبيبة القلب الهنوف
فيصل (ضرب خالد على راسه): قليل اددب قدامي بعد وانا اخوها تقول جي
خالد: هههه شسوي احبها
عزيز: اقول خلكم من الهنوف وشرايكم في خطتي
فيصل :هههه عليك افكار اوكي مب مشكله
عزيز : انا عطشان بروح اجيب لي شي اشربه
وطلع وراح المطبخ
في المطبخ
عزيز صب له ماي ويوم شال الكاس طاح من يده ونكب الماي شال الكاس وراح الجهه الثانيه من المطبخ يدور شي يمسح فيه الماي
نرجع للبنات
عنود: هنوده حبيبتي
هند: بدون مقدمات خلصيني شتبين
دلال : هههه عارفتك عدل بس وقت ماتبين شي تتسنعين
الكل: هههه
عنود : جب بس جب هند شرايج تروحين تسوين لي شي اكله
هند : شنو المقابل
عنود: بسوي لج كل شي تبينه
هند: خلاص اوكي بس على شرط تروحين تقولين حق امج تخليج تنامين عندنا
عنود :اوكي
نوره : قعدي هند ترى احنا جايبين رغد عشان تخدمنا هي بتروح تسوي اكل
هند رفعت حاجب وقالت : والله تخدمكم في بيتكم وذا بيت جدتي يعني هي ظيفه حالها من حالكم تقعد معززه مكرمه مب تروح تطبخ واذا حاطرج تاكلين نزلي انتي الطبخ
نوره تفشلت ونقلب ويها احمر
رغد مستانسه لان اول مره احد يدافع عنها
طلعت هند وتوجهت للمطبخ
كانت تمشي وهي تغني ومب منتبهه للماي الي على الارض
وفجأه طااااااااخ
نروح جهه ثانيه وبلاد ثانيه شخصيات ثانيه وقصص ثانيه
بداية الروايه قلت لكم ان ام فيصل عندها اخت عايشه فالامارات والحين راح نتعرف عليهم
في الامارات
بيت بو طلال او بالاحرى قصر بو طلال
طبعا الاب يوسف بو طلال وزوجته منيره ام طلال
بنتهم مها 19 سنه واخوها طلال 22 سنه
مها : حلوه وطيوبه واقرب الناس لها هند بالرغم من انها اكبر منها بسنتين وبكل اجازه لازم تروح عند هند
طلال :جميل ملامحه حاده وفي شبه خفيف من مها له هيبته واحترامه يشتغل بشركة ابوه وشال فكرة الزواج من باله ومايحب حد يفاتحه بالموضوع لان كان خاطب وحده وحبها وعشقها وبعدين اكتشف انها تخونه وكانت تبي تتزوجه لانها طمعانه بفلوسه ومن ذاك اليوم وهو كاره كل الحريم لكن هو جدا حنوون وطيب
مها نازله من الدرج : سلااام
الكل : وعليكم السلام
مها : يلا انا ماشيه تبون شي
طلال : على وين ان شاءالله وين رايحه ومع من
مها : وين بعد بروح السينما مع امووله
طلال : استاذنتي من امي وابوي
مها : اي وبعد كاهم عندك اسالهم
ام طلال :اي يا طلال انا سمحت لها تروح من بدت الاجازه وهي ماتطلع من البيت مسكينه
ابو طلال : وحتى انا سمحت لها وبعدين طالعه مع امل خوش بنيه واحنا نعرفها ونعرف اهلها
طلال : اي عيل اوكي روحي بس هاا لا تتاخرين لا تنسين انج واعدتني تسهرين معاي الليله
مها : ان شاءالله من عيوني يلا بااي
ام طلال : الله يحفظج
طلعت مها وركبت السياره وهي تتحلطم على امل لانها تاخرت عليها وماكانت منتبه للي يسوق على بالها السواق وكانت امل تطالع مها بنظرات عشان تسكت
مها : افف يا امل يعني زين جي صار لي ساعه انطرج اخر مره اطلع معاج اوكي يعني حرام لو ادري جان خليت السواق يوصلني وبعدين لا تطالعيني جي وصح ليش قاعده قدام عند السواق عيب
رفعت مها راسها وانصدمت من الي شافته ووجها صاار الوان
...........................................
انتظروني في البارت الثاني
وتوقعاتكم شنو راح يصير بالبارت الجاي
Shoshita.7
