روايتي الاولى انثرها بين ايديكم

[شموع الأمل]

السلام عليكم

اول ماخطت يداي
احببت ان يحتضن منتداي الغالي روايتي الاولى
واتمنى من الاعضاء ان لايبخلو علي بارشاداتهم ونقدهم وتعليقاتهم

(ياقلب والله مابقى بعيني نعاس يومك سقيت الحب مااحدن درابك )


البارت الاول

*****البدايه ************

ليان توها نازله من غرفتها وشافت اختها منسدحه ع الصوفا وبيدها ملف احمر : بااااااااااااااااااو
جود نطت نطه قويه : يمممه بسم الله الرحمن الرحيم ليانو الدبه حسبتك واحد من اخواني
ليان: الخوف رحمه بس ليش منزله هالملف هنا والله لويشوفه احد من اخواني دفنك بالحياه
جود: اخواني مو فيه رايحين للاستراحه
جلست ليان قبال جود تراقبها كيف تشوف الصور : الحمد لله والشكر صدق الحب عذاب
جوود: يازين عذابه
ندى : وه منهو اللي يعذب الجود
ليان : من غير حبيب الالب
ندى : الحمد لله والشكر يااختي انتي وش مطيرك هناك عليك قل عيال
جود: تدرونعمره خمس وعشرين يناسبني مرره
ندى : وش دراك
جود: حاسبته
ليان :ههههههههههههه الله يكملنا بعقولنا
ام احمد: ضحكونا معكم
ندى : هلا بالغلا كله هلا والله بهالطله
ام احمد : هلا بالشاعره متى صحيتي
ندى : قبل المغرب
ام احمد /: اكلتي شي
ندى :/ يس مااام
****
بيت أبو سمر

: نااقتي ياناااقتي لارباع ولا سديس وصلني لابتي من ورى هاك الطعوس
عذاري : سمور التلفون يدق
راحت سمر تجري وردت من قبل ماتشوف الرقم ( مرجوجه )
سمر: يامرحبا يامرحبا يامرحبا بالطش والرش
ندى : سمووووووووووووور
سمر: ندوي ياويل ويلي ياشب عيني ياطر جيبي ياويل حالي
ندى : صح لسانك سمر الفراعنه
سمر: صح بدنك
ندى : وينك يادوبا مقاطعتنا
سمر : والله تعرفون ثانويه واختبارات
ندى : الا صدق ماطلعت نتايجك
سمر : لا بكره
ندى : سمور تعالو عندنا شرايك
سمر : صعبه اوي اصل بيتكو مليان اولاد وانا ضد الاختلاط
ندى : هههه لاوالله جد
سمر : بيتكم صعبه بس شوفي شرايك نتفق احنا وبنات عمي كلنا نروح لجدتي وننام اسبوع بما انه عطله
ندى : اممم اوكي بناقش السلطات الععليا وارد لك خبر
سمر : اوكي قود باااي


***في شيفيلد

مكان بعيد
نسمات الهواء تخالط مشاعر مختلفه خوف ... حيره .. الم
يمشي في تلك الطرق الملتويه في ممرات ضيقه حتى وصل الى مراده
دخل من ذاك الباب الشبه مهشم صعد درجات السلم المتهالك الى ان وصل الى غرفة تقع في اخر الممر اخرج مفتاحه من جيب ردائه
ابتسم بوله لغرفته التي غاب عنها 10ساعات بسب عمله
رمى نفسه على احدى كنبات الغرفه المتهالكه
اسند راسه بتعب ادخل يده بخفه بين شعره الكثيف
احس بصدااااع الرؤيه ليست واضحه
الماضي يعيد نفسه لا مستحيل
صرخة دوت في المكان وارتد صداها فياذنه ..ماضي وانتهى .. ماضي وانتهى
****
****
في زاوية الغرفه ضامه راسها بين رجولها يتخلل صمت الغرفه صرخات قلب متالمه
الى متى بتتحمل كل هالعذاب
خلاص ماعادت تتحمل اكثر
وصل الصبر حده
تعبت من كثر الهموم
تبي تعيش مثل البنات اللي بعمرها
ليش هي مختلفه عنهم
ليش كلهم يحملون الصفا والنقا والبراءه والحب والامل
وانا مااحمل الا الهم والغم والحزن والالم
ماعاد للحب والامل مكان خلاص الهموم غطت قلبي
عاودت صرخاتها
سمعت صوت طرقات الباب
كفكفت دموعهاوذهبت تجيب الطارق

******
ندى: جووود بسرعه فززاع حاطين صورته
جت جود طايره : وييييينه وينه
يوم شافته انسدحت عالكنبه وحطت يده تحت خدها وتنهدت تنهيده قويه
تحت فمها بتتكلم الا بسالم داخل : شفيها الاخت تتنهد
ندى على طول حطت على المجد للقران
جود: كلام الله عجيب يريحك
ندى حابسه ظحكه بسبب تصريفة اختها
ليان : سااالم هلا والله
سالم : هلا بليان هلا هلا
جود: انتي كل ذا نوم اخوك جاي من ظهر الله وتوك تشوفينه ياااااااااويلي ويلااااااااااااه الحقو ياعرب أي ده دا فيها ابايل ياختي انتي ماتعرفبش العيب لك يخرب بيتك يازول
الكل مات من الضحك على جود وخفة دمها
دخل عليهم محمد : مالكم ياقوم اضحكونا اضحكم الله
ندى : حمووووووود ياقليبي وحشتني
محمد : وانتي ياعسل
جود: مصالح الله لا يبلانا
ندى : مووووووووووتي حره
جود: وه على وش ياحسره لامال ولا جمال
ندى : تكفين ياحليمه
جود: تخسي حليمه انا احلى منها
ندى : اصحي ياماما
ليان : يلا بس اذا جا الجمال وسعو لليان
(جود فعلا جميله واحلا مافيها عيونها اللوزيه الكحيله اللي تسحر كل من ناظرها وجسمه شئ خطييير متناسق ولا عرها اللي يوصل لنص ظهرها احمر حريري
اما ندى مملووحه ملامحها ناااااااااعمه مره شعرها بني تحت اذنها
ليان فيها جاذبيه موطبيعيه لكن جسمها مخرب عليها

سالم : يلا بس حرمتي احلا وحده
جود: ايه القرد في عين زوجه غزال
ليان : لا تخرفين بالامثال
ندى / وانتي مالك
****
سمر : ياربييييييييه طفش طفش طفش
عذاري : سمور لمي فمك واسكتي
سمر : اوووه الله بلاني باخت مثلك يانت ودي اشوفك يوم مبتسمه
عذاري اكتفت بنظرة الم وسكتت
سمر راحت لغرفة ابوها طقت الباب ودخلت : هلا ببابا سيد الكل واحشني والله
أبو عذاري : هلا سمور حبيبي شفيك
سمر / يبه طلبتك قل تم
أبو عذاري : تم وانا أبو عذاري
سمر : بنروح لجدتي انا وبنات عمي ننام عندها اسبوع
أبو عذاري : زين بعد توسعون صدرها بس بشرط استاذنو منها
سمر : ابشر يانور عيني الله يخليك لي
أبو عذاري : بياعة حكي يلا روحي وسكري الباب
سمر : اممم طرده محترمه اوكي بنمشيها لك يامحمد
وهربت قبل مايجيها شي من ابوها
نزلت ودقت على بنات عمها تبشرهم
ندى: اوووه سمور والله نسيت
سمر : ياسخف ك طسي بسررعه استاذني ودقي علي انا بكلم جدتي
ندى : اوكي باي
راحت ندى قالت لخواتها واقترحو ان ليان اللي تقول لامهم وجود لمحمد
وندى لاحمد واذا وافق احمد ومحمد وافقو البقيه
وفعلا راحو وبعد الترجي وافقوو وراحت جود تبشر سمر اللي كلمت جدتها اللي انبسطت ورحبت فيهم
اتفقو ان الزياره بعد بكره عشان يرتبون لها

0*.*..****

عذاري جالسه بغرفتها بين كتبها المتناثره
حست بالختناق فتحت الشباك وفتحت شعرها البني وحركته بيدينها
وانسدحت ع السرير تفكر بمستقبلها تكر بماضيها بجروحها والمها
آآآآآآآآآآه
دنيا غريبه ..
قطع عليها افكارها فتحت الباب
سمر : لالالالا وش الجو الومانسي ذا منهو تعيس الحظ اللي تفكرين فيه
هل هو حب من اول نظره يللهول اصبحت اسيرة حبه مكبلة بهواه ياله من عذاب انه عذاب الحب وما اجمله من عذاب
عذاري بنبره حزينه : سمر بلا دفاشه اطلعي وخليني لوحدي
سمر : افا وانا بنت ابوي تطرديني
عذاري : سمر تكفين مالي خلقك
سمر : عندي موضوع بقوله واطلع
عذاري : اخلصي
سمر : جلست جنبها ومسحت ع راها والله كبرتي
اسمعي تدرين ان الزواج سنة الحياة والبنت مالها الا بيت رجله فلهذا قررنا ان نذهب غدا الى بيت دتي اسبوعا املا بايامه ولياليه
لعلناا نجد شريك حياتنا
عذاري : ليش لا يكون جدتي فاتحه مشروع خطبه
سمر : محتمل ها شقلتي
عذاري : على ايش
سمر : على العريس .. على ايش يعني علىى روحتنا لبيت يدتي
عذاري : موافقه
سمر: اموااااااااااااااااه ياحبي لتس
وراحت لغرفتنها تجهز اغراضها
مر اليوم بسرعه على ابطال قصتنا

*****

خالد : حشى وش ذي الشناط ماصارت والله لو انكم بتسافرون
جود: ماتدري يمكن تطرى علينا ونسافر حنا وجدتي
خالد : ايه هين يلا قدااامي تاخرنا
جود: ياااااااااالهوي
خالد خاف من نبرة صوتها : شفييييك
جود: سلامة البك بس تذكرت مااخذت جوالي
خالد : الحمد لله والشكر يلا بسرعه روحي جيبيه انا انتظركم في السياره
جود : تؤبرني والله Five menets
ابتسم خالد على هبال اخته وركب السياره
بعد ربع ساعه شرفو خواته
وركبو طبعا بعد تهزئ محترم من خالد
ندى دقت ع سمر تشوف وينها
مر : هلااااااا ندوي
ندى : وينك
سمر : ببيت زوجي
ندى : بلا استهبال
سمر : ببيتنا وين يعني
ندى : نسيتي اتفاقنا
سمر : لا مانسيت بس رشيد ذا جواله مقفل وكما تعلمين انني فتاة بريئه بين اخت حزينه لاتعرف للفرح باب
ندى /: ياثقل دمك اسمعي احنا بنمرك خليك مرتزه عند الباب خالد معصب مافيه ينتظرك
سمر : لا وش ارتز انا اخاف على مستقبلي يمكن يلمحني ولد جيرانا ويصير متيم فيني ويحبني من اول نظره ويرسل لي رسـ000
قاطعتها ندى : كملي القصه بعدين يلا احنا قريبين من بيتكم باااااااي
سكرت وقات لخاااد يمرهم وفعلا مرهم
وركبت عذاري السياره بع مالالقت السلام بهدوء عكس سمر
سمر : سلااااااااام ربي علااااااااااكم
خالد : وعلاااااااكم يابنت العم والخاله خبارتس
سمر : انت خااالد ياهلا والله علومك طيبه والابل شصار علاها عساهن ولدن
خالد : ابشرتس ياام مشعان
سمر : مشعان بعينك
خالد : اسفييين حقك علينا ياتحيه
طنشته سمر واستندت على اختها ( ممكن تستغربون من جراءة سمر بس هي تمون على خالد مره لانه اكبر منها بكثير وكانو متربين ببيت واحد وخالد يعتبرها اخته الصغيره )

وصلو ليت الجده ونزلو البنات ودخلو بعد مادقو الباب
افتحت لهم الشغاله
مارينا : اهلييين مام سموره كيف ال انتا كويس انا كتير اشتاق انتا
سمر : ياحبتس للكلام خوي شنطه ودخلي غرفه فوق ان شاء الله
دخلو البنات للصاله
عدا سمر اللي راحت للمجلس المكان اللي الجده تقعد فيه داايم
: السلاااااااااااااااااام علاااااااااااكم ياهل الداااااااااااااااااااااار
دخلت وهي مبتسمه دورت بعيونها على جدتها لكنها انصدمت بشخص
رجال واقف قدامه
سمر تنّحت( يعني وقفت مصدومه ) قدامه وفتحت فمها وعيونها ع الاخر
الرجال صد وعطاها ظهره
لكن هي مازالت واقفه للحين مو مستوعبه
الرجال خاف عليها طولت هي واقفه لف عليها شافها متنحه وفاتحه فمها وعينها مات من الضحك علييها ماقدر يمسك نفسه
هي استوعبت الوضع وغيرت وضعيتها بس ماهانت عليها نفسها تروح
وهو يضحك عليها فتحركت طالعه بس وقفت عن الباب ولف عليه ماشره بيدها : ماااااااااااااالت عليك
هو مات من الضحك على حركتها
اما هي راحت للصاله وهي متنرفزه
جود: وه علينا وين رحتي سمااروه طولتي في الخيمه شعنك
سمر : وين جدتي
ماكملت كلمتها الاجدتها نازله من الدرج
تراكضو البنات عليها
الجده : هلا ببناتي يامرحبا وضمتهم وحده وحده لصدرها وقعدت تصيح
عذاري : يمه شفيك تصيحين
الجده : من الفرحه يابنيتي من زمان مالتميتو عندي
ت الغاله :مارينا : ماما عادل يبي انتا في خيمه
الجده : اييييييه جايه له اللحين
سمر

وه عليه اسمه عادل مااالت عليه السخيف يقهر مايستحي يضحك علي
بس والله انه حلو الا مزيون
امم تهقون حبني من اول نظره
مثل الروايات
اللحين يرجع بيته ماينام
ولاياكل يسالونه خواته
يقولهم احب
يصير يسهر الليل ويكتب اشعار فيني
بعدين يجي يلاحقني ويكلمني
ويخطبني
عاد انا برفضه
وبيتحطم هو عاد
قاطع احلامها صوت ندى : يابو الشباب وين وصلت
سمر اكتفت : قريب قريب
(عذاري)
اه من اول خطوه خطيتها حسيت بالعذاب بالالم يعيد نفسه
اه اه من هالذكريات ليتني ماجيت معهم
بس شسوي عشان مايضيق خاطر ابوي
ياربي شلون بقعد اسوع في نفس المكان اللي هو عايش فيه
مااقدر ما اتحمل
اخاف انهار عليم
ياربي شسوي
والله ماعاد اقدر اتحمل هالهموم اللي تنهال علي من كل صوب

جود: عذاري مطوله
عذاري : ها
جود/ يلا البنات كلهم طلعو
راحت عذاري وجود للدور الثاني كان في شقه خاصه للبنات اذا تجمعو ينامون فيها رتبو اغراضهم وك شي وكل وحده انسدحت ع ريرها تبي ترتاح

نهاااااية البارت الاول

علامات استفهام كثيره تدور حول هه الصفحه لما فيها
لكن هذا الجزء اعتبره بمثابة الجسر للعبور لتكملة القصه
فهو تمهيد لاحداث القصه
واكيد في هذا الجزء عرفتو الشخصيات وتعودتو عليها
******
الشخص الغريب الذي يعيش في شيفيلد من يكون وما قصته :0bee2e8d89:؟؟؟
عذاري ماسر حزنها الدفيييين ؟؟؟
وماسبب المها وماهي ذكرياتها المولمه في بيت جدتها ؟؟؟
اسئلة كثيره ستجدون اجابتها في الجزء الثاني

ملحوظه( ممكن يكونو الابطال هم من يروون القصه لكن لن يكون هذا الا في حالة لم استطع عن التعبير عن مايدور بداخلهم فسوف اترك لهم القلم
ولن يكون ذلك غالبا على القصه فاانا افضل روايتها بنفسي )



انتظر تعليقااااااااااااتكم على احر من الجمر :eh_s(14):

شموع الامل

 

[شموع الأمل]

انتظر تعليقااااتكم لا تحرموني من طلتكم