روايتي الأولى/ شلة بنات في بريطانيا

[فاشن الكويت]

اهليين اخباركم كويتيات انا بكتب لكم رواية فيها 5 بطلاات
خياالية
في الرد الأول

 

[فاشن الكويت]

البطلة الأولى/ لين عمرها 18 سنة ويدلعونها لينوو او لولو حلووة وصريحة ومرحة وتحب الإنترنت ودايماً تمشي على مثل (طنش تعش تنتعش) تخصصها لغة انجليزيةوتشبه الي في الصورة:

البطلة الثانية/ حور عمرها 18 سنة ويدلعونها حورية طيووبة تحب القطط وعندها قطووة اسمها ريكا-تحب المقالب وتحب تسمع لفيروز وام كلثوم وتخصصها قانون
تشبه الي في الصورة:

البطلة الثالثة/ حنين عمرها 18 سنة ويدلعونها حنوون تحب التصوير والغناء والميوزك والحفلات كشخة وستايلها حلوو ومزاجية وجريئة- تخصصها اعلام
تشبه الي في الصورة:

البطلة الرابعة/ اسيل عمرها 18 سنة يدلعونها اسولة اجتماعية تحب الرسم والطبخ عنييدة وانتقامية وغاامضة بس طيووبة وتحب تلبس فساتين مشجرة والفساتين الناعمة بشكل عاام ونادرا ما تلبس بناطيل- تخصصها فنون وتصميم
تشبه الي في الصورة:

البطلة الخامسة/ رنيم يدلعونها رنوومة عمرها 18 سنة تحب البحر والطلعات وتحب تحليل الشخصيات متفهمة وتحب تحل مشاكل البناات- تخصصها: علم نفس
تشبه الي في الصورة:

انتظرواا المقدمة وعقبها البارت الأول

 

[فاشن الكويت]

المقدمة:

كانت يالسة في غرفتها تسمع لأم كلثوم انت عمري وسرحاانة
وقطع سرحانها قطوتها ريكا وهي تركب فوق السرير
شالتها حور: وااي فديتج يا حلوة
وكان شكل القطوة مثل الصورة وحور كانت تكشخها تلبسها فيونكات وجيي

حور: شتبين الحين مني؟؟
طفت الراديو وقامت جابت اكل لها وخلتها تاكل
_______________________
كانت يالسة في المطبخ تفكر شنو تطبخ للبنات لأن الغذا كان عليها
اسيل: اييه احسن شي اسوي باستا
وجهزت المقادير وبدت تسويها
شوي سرحت في خيالها وفكرت في مستقبلها
اسيل في قلبها: الحين انا اذا صرت فنانة مشهورة...........
(ما بندش في خيالها هههههههه)
ونست المكروونة و احترقت وصارت سودة
اسيل: اشم ريحة دخان
وانتبهت للمكرونة الي كانت ناسيتها
اسيل:ويي امبيه انا شلون نسيتها
وبدا الدخان ينتشر
_______________________

فاتحة تويتر شوي الا شافت تويت من ام بي سي مكتوب فيها ان اليوم اول حلقة من ارب ايدول2
لين: اي صح انا نسييت,عيل اليوم لازم اشاهده ويا البنات
ومن موقع لموقع لين ما قامت من على اللابتوب
وطلعت برا وسمعت صراخ من المطبخ
راحت تشووف اشصار
_______________________

رنيم كانت نايمة في غرفتها وفي يدها كتاب كانت تقراه ونامت بدون ما تحس
_______________________

اما حنين كانت طالعة تتمشى برا


هذي مقدمة وانتظروني بالبارت الأول

 

[Pinky -cat]

كملي حبوبه

 

[فاشن الكويت]

البارت الأول:لين راحت المطبخ واهيا تسمع صراخ اسيل
لين: شصاير؟
شافت الدخان الي منتشر
لين مسكت طفاية الحريق وكانت ما تعرف تستخدمها
لين: اسييل انا ما اعرف استخدمها
اسيل: كح كح ولا انا
طلعت لين من المطبخ وراحت لحور وهي تصارخ: حووور حورية حرييق حرييق في البيت تعالي بسرعة
حور بسرعة طلعت من الغرفة وتركت قطوتها على السرير
لين: انتي تعرفين تستخدمين طفاية الحريق
حور: ايي اعرف يلااا بسرعة
ومسكتها وحاولت تطفي الدخان
حور: الحمدلله انه مانتشر واييد ولا رحنا فيها شلون صار جيي؟
اسيل: مادري مادري كنت بسوي لكم باستا بس نسيت المكرونة واحترقت
حور: حدج غبيية شلون نسيتيها
اسيل: اووه مادري خلاص الموضوع عدا على خير
لين: اصلا لو ما انا سمعت صراخج الله اعلم شصار فيج
حنين دخلت البيت وكانت حاطة السماعات وتسمع اغاني في الفوون: هلووووووو صبايا
اشفيكم؟
حور: اسيل وسواياها كانت بتحرقنا
حنين شالت السماعات: امبييه اسوله صار فيج شي
لين بملل: لا لا ما صار فيها شي
حنين: انزين شصار عالأكل
اسيل: وانتي مو هامج الا بطنج
حنين: اي لان حدي يووعانة وابي شي اكله
اسيل: زين خلاص ناخذ من المطعم من وين تبوون؟

حنين: انا ابي اي شي المهم اكل
حور: انا ابي من كنتاكي
لين: بس انا ما احب الفااست فود
حور: مو بكييفج انا ابي كنتاكي
لين: وانا ما ابيه
حور: عيل شتبيين لينوو يا النزغة
لين: ابي...اممممم مابي شي خلاص اطلبوا لكم اي شي .. اروح اذاكر احسن لي
حنين: مو من صجج تذاكرين ترى احنا في ويكند
لين: كيفي كيفي كيف منوو كيفي مالج خص فيني
وراحت لين دخلت غرفتها
اسيل: رنيم للحين نايمة؟
حور: ايه صج انها دياية
حنين: خلوها علي
راحت غرفة لين: لولوو حبيبتي باخذ الراديو حقج بس شوي مابطول
لين: لحظة
طلعت حنين من الغرفة
وراحت غرفة رنيم وخلت الراديو اعلى شي
رنيم: 1..2..3
وشغلته وكان الصوت عالي:

Hey hey, you you​

I don't like your girlfriend
No way, no way
I think you need a new one
Hey hey, you you
I could be your girlfriend​

رنيم انقزت من السرير: لينووووو شفيج ينيتي؟
حنين: اولاً انا حنين ثانياً اي ينيت ثالثاً يلاا قعدي ليش نايمة للحين
رنيم ببرود: اوكي
حنين طلعت من الغرفة وبعدين دخلت مرة ثانية: بنطلب من كنتاكي اشتبين
رنيم: ابي مشكل مشاوي
حنين: نعم؟ كنتاكي ياالخبلة ماعنده مشاوي
رنيم: اي صح عيل ابي فيليه دياي
حنين: اوكي بااااي
وطلعت
حنين: يلا الطلبية 2 فيليه دياي واحد حق رنوومة واحد حقي
1 سناك دياي حق اسيل
1 ناجتس دياي حق حورو
1 كريسبي ستريبس حق لولو
اسيل: اصلاً لولو ماتبي شي
حنين: ادري بس انا باخذ لها
اسيل رفعت كتوفها: بكيفج
واتصلوا بالمطعم ووصلت الطلبية
حنين: يلا امنو تروح تاخذ الطلبية انا منهدة حيلي مابي اقوم
رنيم: انا بقوم
وراحت تاخذ الطلبية
رنيم كانت لابسة قميص بولو وجينز
---: تفضلي اختي
رنيم: مشكور
ورد لها الباجي
رنيم صكت الباب واهيا تقول بقلبها وااااااااي حده يهبل )


حلوة الرواية ولالا؟ طبعا بعدنا ما نبدأ الاحداث الصجية هذي بس بداية

 

[فردوس_الاعلى]

بليز حبيبتي كمليييي بنتضااااااااارج

 

[بنت قابوس_ مسقط]

كملي ...................

 

[فردوس_الاعلى]

بتكملييييين .............................................!!!!!!؟؟

 

[فاشن الكويت]

ان شاء الله اليوم الليل او باجر بحط لكم بارت2

 

[سلام عشق]

​

 

[Ms.romanceya]

ويينج ليش ما كملتي الرواية ؟؟؟

اب اب اب اب​