رواية ماني على هواك ياروحي بجي للكاتبة روح والقلب يدعي لك

[miss 3looye]

بسم الله الرحمن الرحيم

انا اتمنى ان تنال روايتي اعجابكم وتنال رضاكم

رواية ماني على هواك ياروحي بجي سعودية رومنسية خيالية

للكاتبة روح والقلب يدعي لك

البارت الاول :://::

كانت جالسه بغرفتها تطالع منظر الغروب وتفكر بحياتها اللي الكل يحسدها عليها بس هي مستحيل تفرح وهي ماتعرف ابوها صح امها ماقصرت عنها بس مستحيل تعوض مكان ابوها ولا تدري اذا هو حي ولا ميت
طق الباب
اسيل : who is there ?
طلال : انا
اسيل ابتسمت لولد خالتها اللي عوضها مكان الاخ وكان السند لها في هالحياة : تفضل
طلال : وااي اسوول صج انك فاضيه خلينا نطلع نتمشى
اسيل : اوكي بس ابي اكل شي جوعانه
طلال : اوكي بوديكي احلى مطعم بباريس على حسابي
اسيل : فديتك

اسيل بنت حلوه ملامحها غربية وخليجيه بنفس الوقت طيبه وحنونه عمرها سنه 16 وهي من يوم ماطلعت على الدنيا وهي ماتعرف ابوها ولا تدري حتى شنو اسمها الكامل وجدها من اشهر اغنياء العالم وامها سيدة اعمال مشهوره وتغرق اسيل بالفلوس
طلال ولد خالة اسيل ابوه سعود وامه فرنسيه وعنده اخوان وخووات من ابوه وابوه مطلق امه عمره 23 سنه يحب اسيل ويعشقها بس كاخت لانها يعرف انها وحيدة ومايحب يشوفها زعلانة ويحبها اكثر من خواته ويقضي اغلب وقته بفرنسا علشان اسيل ماتقعد بروحها واهله متفهمين وضعه
ام اسيل : لوسي فرنسية مسلمة ومراءة نظامية بشكل مو طبيعي اهم شي عندها اسيل وشغلها

جد اسيل : يعشق حفيدته وحتى هو مايعرف ابو اسيل اللي يعرفه ان بنته تزوجت وتطلقت بالسر وماحب يضغط عليها وهو مثل ماذكرت من اغنى اغنياء العالم

هذي البداية وان شاءالله اكمل بعد مااشوف ردودكم اذا تبوني اكمل

 

[miss 3looye]

وووين الردود ؟
بنات تبوني اكمل :eh_s(10):

 

[om_7soon]

بداية حلوووة حبيبتي
كمللللليي

 

[om_7soon]

Up up
Up up

 

[خوخه تحب الدوخه]

حبيبتي كملي شكلها حلو
up
up up
up up up
up up up up
up up up up up
up up
up up
up up

:eh_s(17):احلا تحيه:eh_s(17):​

 

[مهـآآآآوي]

ككككككككككككككككككككككككككككككككككككككككمممممممممممممممممممممممممممممممممممممممللللللللللللللللللللللللللللللي من بدايتها بارسسسسسسسسسسسسسسسية يعني قمة الرمنسييييييييييييييييييييييييييييييية لللللللللللللللووووووووووووووووووول

 

[مهـآآآآوي]

اب اب اب​

 

[miss 3looye]

تسلمووون على الردود حبايبي وهذا البارت الاول لعيونكم

 

[miss 3looye]

البــــارت الاول

صار طلال واسيل يتمشون بارجاء باريس وهم في قمت السعادة لان طلال هو الانسان الوحيد اللي يقدر يقلب مزاج اسيل ويخليها تبتسم وهي في قمة احزانها
دق تلفون طلال ورد عليه
طلال : هلا وغلا بالغالي
ابو طلال : هلا فيك شلونك ؟
طلال : تمام الحمدلله وانت يبه اخبارك واخبار الاهل ؟
ابو طلال : والله كلنا بخير نحمد الله ونشكره .. انا اتصلت فيك ابيك تجي الرياض ياولدي اشتقنا لك امك تحن علي صبح وليل تبيك ترجع
طلال : بس يبـ..
ابو طلال يقاطعه : لا بس ولا شي واذا على اسيل امك تقول جيبها معاك والله ياوليدي ان حنا بنحطها بعيونها تعالوا بدال لا تقعدون بديار الغربة
طلال : هذي هي يبه عندي كلمها انت لاني اذا كلمتها مستحيل توافق
اسيل اخذت السماعة وهي مستغربة شنو يبي منها ابو طلال : هلا عمي
ابو طلال بحنية : هلا فيك يابنيتي شلونك اخبارك ؟
اسيل : تمام الحمدلله وانت ياعمي اخبارك واخبار الاهل ؟
ابو طلال : بخير لله الحمد يابنيتي انا عازمك تجين عندنا شقلتي ؟
اسيل : والله ياعمي ودي بس تعرف اني مااعرف شي عن السعودية واخاف اضايق الاهل
ابو طلال : لا بالعكس انتي منا وفينا وانتي متربية مع طلال يعني حسبة بنتي يابنتي انا طالبك لا ترديني ابيكم تكونون عندي باسرع وقت
اسيل ابتسمت : ابشر ياعمي ماعاش من يردك
ابو طلال : تسلميين يابنيتي يلا سلم لي على طلال فمان الله
اسيل : يوصل فمان الكريم
طلال رفع حواجبه : ههههههه شفتي ان ابوي يقدر يجيب راسك
اسيل : ترا بس عشان خاطر ابوك بروح مو عشانك يعني لا ترفع خشمك علي
طلال : اعترفي انك بتروحين عشاني
اسيل : والله انك ماخذ مقلب بنفسك بقوة اقول امش للبيت نجهز اغراضنا ونروح باجر الصبح
طلال : اوكي يلا مشينا
وصلوا للبيت وجهزوا اغراضهم واطلبوا بيتزا وجلسوا يطالعون فيلم رعب ومندمجين بقوة ولمن جا الاعلان
اسيل : طلول باجر ان شاءالله بشوف البنت اللي تحبها ااسمها سارة صح
طلال : آآ من قال اني احب سارة انتي اكيد انهبلتي انا اعتبرها اختي
اسيل تلعب بحواجبها : اقول طلول مو علينا شوف وجهك شلون صار اشارة مرور حتى كلمة وحدة مو عارف تقول ( كملت تقلده ) انا اعتبرها اختي ( وكملت بصوتها العادي ) هههه شايفني غبية ماالاحظ انا اكثر وحده تعرفك وبعدين تعال ناسي اني عايشة بباريس يعني الرومنسية تمشي بدمي واعرف اطلع اللي يحب من اللي مايحب
طلال : بس بس كل هذي محاضره ماتسوا علي حبيت
اسيل : ها شفت اعترفت انك تحب
طلال : اسيل بليز لا تفشليني باجر عندها اعرف سوالفك
اسيل تضحك على شكله وهو يتمسكن عندها : هههههههههه خلاص بمسك لساني وبطلع جنتل مان
طلال : أي كفو والله
اسيل : يلا عن اذنك انا بروح انام bonne nuit (تصبح على خير )
طلال : bonne nuit
راحت اسيل تنام وبعدها بساعة نام طلال
صحت الساعة 6 قبل موعد الطيارة بساعتين علشان تقدر تتجهز براحتها لبست جنيز اسود سكني وتيشيرت ابيض وصندل ( وانتو بكرامة ) ناعم وسلسال على حرفها A و شعرها فتحته وهو قصير بالاساس قاصته فكتوريا ولونه عسلي يجنن حطت بس كحل وقلوس وتعطرت وطلعت
طلال كان بنطرها بالسيارة وكان لابس جينز ازرق وتيشيرت اسود عليه كتابات بالابيض ولابس طاب اسود
وصلوا للمطار وركبوا الطيارة وهم مايدرون عن المفاجاءت اللي بتصير لهم بالمملكة وخصوصا اسيل

انتهى البارت

 

[ღرحت فيهاღ]

بدااية حلوة كملي

 

[ملآمح يوسفيه]

,
يرجى طلب كتابة قصه بالبدايه

●][ طـلبــات قــبــول الروايــات - للكــاتـبــات هنــاآ ][●

 

[Like]

الروايه مبين عليها عجيبه !
ناطرينج حبيبتي مو طولين علينا ؟
احس طلال واسيل بكونون مع بعض 3>
وفي بدليه -_- مو اكيد بس جنه bonne nuit يعني بالعافيه ؟

 

[ღرحت فيهاღ]

الروايه مبين عليها عجيبه !
ناطرينج حبيبتي مو طولين علينا ؟
احس طلال واسيل بكونون مع بعض 3>
وفي بدليه -_- مو اكيد بس جنه bonne nuit يعني بالعافيه ؟

لا انا رحت عند ترجمة قوقل ترجملي ياها ليلة سعيدة

 

[Like]

لا انا رحت عند ترجمة قوقل ترجملي ياها ليلة سعيدة

اوكي

 

[miss 3looye]

مرررحبا حبايبي
مشكورين ع الردود
وان شاء الله اذا قدرت باجر او يوم السبت نزلت البارت :eh_s(7):

 

[miss 3looye]

الروايه مبين عليها عجيبه !
ناطرينج حبيبتي مو طولين علينا ؟
احس طلال واسيل بكونون مع بعض 3>
وفي بدليه -_- مو اكيد بس جنه bonne nuit يعني بالعافيه ؟

bonne nuit يعني ليلة سعيدة بالفرنسي :eh_s(15):
وان شاءالله ماطول عليكم

 

[Like]

waiting !
waiting !
waiting !​

 

[miss 3looye]

البــــارت الثــاني :://::

وصلوا لارض المملكة وفي المطار كانت الانظار كلها على اسيل بسبب لبسها واسيل خافت ومسكت يد طلال
اسيل : طلال ليش كل الحريم يلبسون عبايات ؟
طلال ضحك من قلب : ههههههههه اسيل انتي الحين بالسعودية مو مثل باريس الحرية في اللبس هني ممنوع تطلعين بدون عباية
اسيل : واذا ماابي العباية ؟
طلال : موعلى كيفك بس انتي مو سعودية يعني ما اعتقد بيجبرونك تلبسينها ..
يلا اسوله خلينا نروح للبيت حددي مشتاق لاهلي
اسيل : اوكي
بعد طريق نص ساعة من المطار الى بيت طلال وقفوا عند باب بيت كبير بس بالنسبة لقصر جد اسيل اللي ساكنة فيه صغير
طلال : ادري البيت مو مثل بيت جدي بس البيت كبير وحلو
اسيل ابتسمت : طلول شفيك عادي حتى لو تعودت على القصور انت تعرفني عادي عندي لو اقعد ببيت صغير
ابتسم طلال لانه يعرف ان اسيل متواضعه حيل ولا عمرها افتخرت بمنصب جدها او امها وكانت تساعد كل الناس لان قلبها ابيض بكل معنى الكلمة
دخلوا للبيت الفخم والمرتب بطريقة حلوه
كان بالمجلس جد طلال ابو طلال وعم طلال ابو فهد وعمه ابو احمد واخوان طلال حمد وفارس وعيال عمه فهد واحمد ومشاري وناصر
طلال : السلام عليكم
الكل انصدم لان عمهم ماقال لهم ان طلال بيجي
الكل سلموا عليه واخذوه بالاحضان واسيل واقفه تطالع فيهم وهي تشوف السعادة بعيون طلال طول عمرها تتمنى يكون عندها اهل نفس طلال وهي تدري انه يتحمل الغربه عشانها لانه مايحب تكون بروحها
انتبه طلال لها : يبه هذي اسيل
ابو حمد(ابو طلال ) والكل جمدوا في مكانهم في حياتهم ما شافوا بنت بهذا الجمال
راحت اسيل وباست راس ابو طلال وابو فهد والجد
ابو حمد : كيفك يابنتي ان شاءالله بخير
اسيل ببتسامة جذابة : بخير دامك بخير
ابو فهد : ما شاءالله انا بصراحة اول مره اشوف بنت بجمالك
استحت اسيل ونزلت راسها
مشاري طق طلال على راسه : انا الحين عرفت ليش ماتبي ترجع لنا الله لا يلومك عندك هالزين وتجي تقابل وجيهنا
طلال ضحك : يااخي ابي يوم واحد يكون تفكيرك شريف اسيل اختي وهي تعتبرني اخوها ناسي ان البنت ماعندها سند غيري انا وجدها بس اللي توثق فيهم
مشاري : حتى ولو والله لو اني مكانك ماارجع للبيت خير شر
حمد : اجل الحمدلله انك مو في مكانه
ابو حمد يكلم طلال : طلال ياولدي روح سلم على امك وجدتك وعماتك داخل واخذ اسيل خلهم يحطونها بعيونهم
طلال : حاضر يبه
راحوا طلال واسيل للصالة الداخلية بس وقف طلال عند الباب
طلال : ياولد درب
اسيل استغربت كلمته لانها بحياتها ماسمعتها
فز قلب ام حمد لمن سمعت صوت ولدها
ام حمد : طلال يمه هذا انت ادخل ماعندنا احد غريب
تغطوا بنات عمه ودخل طلال وجنبه اسيل وام طلال استقبلت طلال بحضنها ودموعها وجدته وعماتها نفس الشي
طلال بحنان : يالغاليه ليش الدموع هذاني قدامك ما فيني الا العافيه
ام حمد : والله مو بيدي ياوليدي اشتقت لك كل يوم ادعي الله يردك لي سالم
طلال لف اسيل وقال لها تقرب
طلال : يمه هذي اسيل بنت خالي
ام حمد والكل ماكانوا اقل صدمة من الرجال باسيل بحياتهم ماتوقعوا ان اسيل حلوه يمكن لانه شافوا صور بنات خالاته الثانيات بس اسيل بحياتهم ماشافوها وتقعوها قبيحه بس جمال اسيل ونعومتها ضيع الحروف منهم
ام حمد تداركت نفسها : هلا وغلا تو نورت المملكة
اسيل سلمت عليها : منوره باهلها
ام حمد فاجت اسيل ضمتها بقوة وقالت : يابنيتي اعتبري نفسك ببيتك وحنا اهلك
الكل سلم على اسيل واستقبلوها بالاحضان
اسيل فرحت كثير وارتاحت
غلا اخت طلال : يمه حنا بنروح لغرفتي بنقعد مع البنات ونتعرف على اسيل
ام حمد : اوكي
صعدوا البنات واسيل لغرفة غلا الموجوده في جناح البنات لان الطابق الثاني مقسم لثلاث اجنحه جناح ام حمد وابو حمد وجناح للشباب وجناح للبنات
غلا : يلا بنات كل وحد فيكم تعرف نفسها لاسيل وقول كم عمرها وشنو تقرب لطلال ... انا ببدا احم احم
سارة بنت ابو احمد عم طلال : اقول اخلصي علينا ماقلنا لك غني بس قولي اسمك وعمرك واختمي الفقره
غلا : واااي ناس ماعندها ذوق انا غلا اخت طلال عمري 16
سارة : وانا سارة بنت عم طلال عمري 18
ضي : وانا ضي بنت عم طلال عمري 19
تهاني : وانا اخت طلال عمري 19
ليان : وانا ليان بنت عم طلال عمري 16
مها : وانا بنت مها بنت عم طلال عمري 17
اسيل ابتسمت لهم : العمر كله
غلا : وانتي اسيل كلمينا عن نفسك شوي
اسيل : آآمممم شقول عمري 16 ولدت بباريس و اعرف اتكلم عربي لان امي من كنت صغيره تجيب لي معلمين يعلموني كل اللغات
غلا : واااو يعني انتي تعرفين اكثر من لغة انا انقليزي ومادري وين الله حاطني فيه
اسيل ضحكت : ههههههه يمكن لان انتي مااضطريتي تعيشين بدول غير دولتك وغصبن عنك تتكلمين بلغتهم
غلا بحماس : طيب باريس حلوه يعني دولة رومنسية
اسيل : حيل بشكل مو طبيعي بس باريس اللي يعيش فيها يمل منها لان الناس على نفس الروتين مايغيرون في حياتهم شي وانا وحدة احب الاكشن والتجديد
غلا : يعني نفسي انا مااحب اللتزم بشي
سارة : ليش انتي بحياتك التزمتي بشي كل شي على راسنا
غلا بوزت : اقول سوير لاتطلعين الفضايح
ضحكت اسيل ودخلت معاهم جو واقعد اللين جات الساعة 10 بالليل قام اسيل
غلا باستغراب : اسيل وين رايحه ؟
اسيل : بروح للفندق
غلا : أي فندق
اسيل : جدي حاجز لي فندق هني
غلا : انتي من صجك جدتي قالت لي انك بتنامين عندي وانا جهزت فراشك وكل شي وانتي تبين تروحين لللفندق لا ياحياتي انا بحياتي ماسويت شي لاحد والحين يوم اني سويت ترفضين لا مو بكيفك
اسيل ضحكت : يعني غصب
غلا : أي غصب
اسيل : اوكي كل شي ولا زعل غلا
غلا : أي ادري مايهون عليك زعلي
اسيل : حدك واثقه ( كملت ) انا بتصل على طلال وبقول له اني بنام عندك
غلا : لا تتعبين نفسك طلال عنده خبر حتى اغراضك وملابسك موجودين
اسيل : ثينكس
دق تلفون اسيل وكان طلال
ردت بابتسامة : الطيب عند ذكره
طلال : كنتوا تحشون فيني صح
اسيل : أي صح
طلال : ترا انا لغيت حجز الفندق اسوله مو حلوه انك تقعدين بفندق وبيتنا موجود
اسيل : لا تخاف طلول غلا مراح تخليني اصلا اطلع تقول حطيت اغراضك وانا بحياتي ماسويت شي لاحد يعني انا اول وحده وغصب عني اقعد
طلال : احسن زين تسوي فيك انا الحين بنام اذا احتجتي شي قولي لي اوكي
اسيل : اوكي تصبح على خير
طلال : وانتي من اهل الخير
سكرت اسيل السماعة واللتفت على البنات وقعدوا يسولفون لين الفجر وكل وحده راحت بيتهم الا اسيل صلت الفجمع غلا وناموا

نهاية البارت
آآآمممم منو تتوقعون البطل بالرواية ؟
وشنو المفاجاة الكبيرة اللي بتصير لاسيل بوجودها بالمملكة ؟
وتقيمكم للرواية :eh_s(7)::eh_s(9):

 

[Like]

آآآمممم منو تتوقعون البطل بالرواية ؟
طــــــــلال
وشنو المفاجاة الكبيرة اللي بتصير لاسيل بوجودها بالمملكة ؟
اتوقع يزوجونها غصب ؟

وتقيمكم للرواية :eh_s(7)::eh_s(9):

10 من 10

ناطرينج حبيبتي :**

اب اب اب​

 

[Like]

up
up
up