رواية مالك وماريا

[iGhebret]

السلام عليكم ورحمة الله وبركااته ..

الابطال :-
ماريا : ع 15 قصيرة .. بيضة ..شعرها بني طويل.. عيونها واسعةة عسلية .. ضعيفة .. لها غمازة .. شامة فوق شفاتها
مالك : ع 20 طويل .. اسمر .. شعره اسود .. عيونه ناعسات سود .. معضل .. له غمازه



لو يستاهل هم ميخالف.. بس ما يستاهل صدكيني
هاي دموعج تسوه الدنيا .. ليش ترخصيهن يا عيني
مقهور اني هوايه عليج .. منو هو حتى يبجيج
ليش بهالحالة تخليني .. ما يستاهل ها يا عيني
ماريد ابجي وينزل دمعي.. وماريد اتوسل صدكيني
بس عيوني الي جبريتي ..اخ شجاي تسوي عيوني
مجبور اني وما تدرون ..اتمنى ابقى بلايه عيون
وما ابجي عاللي يأذيني.. ما يستاهل ها يا عيني
يا عيني ادري انتي تحبينه ..وادري دموعج حيل كليلة
بس محد يستاهل نبجيله ..ضميها دموعج يا حبيبة
بالهم وياه عشنا سنين ..شكد بجينا لتذكرين
بس اخذ ثارج خليني.. ما يستاهل ها يا عين



بيت ماريا
سيف (بو ماريا) : اجرنا واجركم
خالد (خال ماريا) : ماتقصرون جزاكم الله خير
حمد (عم ماريا) : ياخوي روح ارتاح منت قد الوقفه
سيف : وهي فيها راحه ؟ كل شي راح معاها
خالد : قضاء الله وقدره وهي بعد اختي وصعب فراقها بس هذا يومها
سيف : آآآخ عليج يا مريم (ام ماريا) رحتي وخذيتي الضحك والراحة وكل شي معاج وشلون اقوى على فراقها !!
قام خالد وحمد وخذوا سيف لغرفته يرتاح شوي

.................................................. ................

بيت منيره ( خالة ماريا )

منيره : ماريا يمه هذي كتبت ربج ومالنا حيله كل شي مكتوب ومقدر ها امي
ماريا سرحانه وعينها بالارض : .................
منيره : لازم نصبر ونحتسب الاجر منتي اول ولا اخر وحده تفقد امها
ماريا : تعرفين يعني شنو امج تروح لربها ؟؟
منيره : فاهمتج ب........
ماريا : لا موفاهمه شي !! يعني انج تعجزين عن شوفتها ومراح تلاقيها يمج وقت ضيقج ووناستج
منيره ضمتها : يا عمري كلنا معاج واعتبريني انا امج خلاص يا ماريا تكفين والله مو قادره اتحمل ترا حتى انا امي راحت ومريت بضروفج
ماريا : اجل ليش تبيني انسى دامج مريتي بضروفي .. انتي عارفه شعور يتيمة الام شلون يكون !!!!
منيره : خلاص يا يمه خلاص آآح يا قلبي عليج
دخلت هند (بنت خالة ماريا) : السلام عليكم
منيره : وعليكم السلام حياج
هند : الله يحيج ويبقيج .. شلونج ماريا
ماريا تهز براسها "بخير" :...........
هند بابتسامه مكسوره على حال ماريا : ماريا عظم الله اجرج والبقى براسج هذي حال الدنيا ناس تحيا وناس تموت محد له قدره على كتبت الله
ماريا تمسح دموعها : اجرنا واجرج ونععم بالله
هند : ان شاء الله كلنا يمج ومراح نخليج تعيشين هالهم
ماريا ابتسمت بحزن : آآآه ياريت
هند ماقدرت تمسك دموعها وراحت المطبخ تبجي
ماريا : خاله منيره
منيره : امي
ماريا : ليش كلهم يشفقون علي ؟
منيره : أأا ....
ماريا : مابي احد يشفق علي اصلا اصلا خلاص عادي اصلا
منيره :......
ماريا واهيا تنزل عينها بالارض : اصلا انا مرتاحه ان امي اتفكت من هالدنيا وراحت للي ما يظلم عنده احد
منيره خانقتها العبره : ..........
ماريا : انا ادري ان امي مرتاحه الحين وو (نزلت دموعها) وا ... متأكده انها بالجنة وتبيني يمها
منيره نزلت دموعها لا ارادي وضمتها : امج عند ربها امج بالجنة اكيد ان شاء الله وان بجيتي راح تعذبينها زياده
ماريا : يالله يا رحمن يا رحيم انك تغفر لها ذنوبها وترحمها وتسكنها فسيح جناتك

بعد يومين

ماريا اطق الباب : يبه يبه .. يبه ؟ .. يببه " اشفيه مايرد !" يبه
دقت ماريا على عمها
حمد : نعم
ماريا : عع ععميي
حمد : هلا ابوي هلا ماريا اشفيج يبه ؟
ماريا ودموعها متناثره : عمي تعال تكفه ابوي مادري شفيه اطق الباب عليه ما يفتح ولا يرد ؟؟؟!
حمد : الله يستر كاني مسافة الطريج واكون عندج

بعد دقايق دش حمد : مااريا
ماريا : عمي والي يسلمك تعال شوف ابوي اشفيه ؟؟؟؟؟
صعدوا غرفته ...
حمد : سيف .. سيف انا حمد افتح .. هااه ! سيييف الله يهداك افتح .. بو ماريا افتح شدعوه ع الاقل قول شي
حمد وماريا لحظة سكوت ........
حمد : ماريا بعدي
ماريا : شنو ليش ؟
حمد : بكسر الباب وخخخري
ماريا وخرت ...
بعد ما كسر حمد الباب !

حمد راح لسيف : سيف سييف "حط ايده على قلبه" ! .. ماريا أأ
ماريا : شنو شصاير ؟
حمد لف عليها : ابوج .. ....
ماريا : اييييه ؟؟؟؟
حمد نزل راسه والكلمة خانقته : عظم الله اجرج
ماريا : هههههههههههههههههههههه ههههههههههههههههههههههههه ههههههههههههههههههههههههههههه
حمد منصدم : ماريا مم ممارياا
ماريا : هههههههههههههههههههههه هههههههههههههههههههههه
حمد اخترع : ماريا ااشفيج !!
ماريا : ههههههههههههه "فجأه انقلب هالضحك لبجي" ابوي ! يبه يبه صح انته ما مت ادري انته ما مت اصلا انته قلت مرح اتخليني ادري يلا يبه قوم
حمد : ماريا تعالي
جرها معاه وطلع من البيت
ماريا : عمي خل ناخذ ابوي مايصير نخليه بروحه حرام بعدين يضيق خلقه
حمد ركبها السيارة وراحوا المستشفى على طول
ماريا دخلت غرفة الفحص : ليش شحقه ؟
بعد ربع ساعة طلع الدكتور
حمد : ها دكتور شفيها ؟
الدكتور : حاليا اهيا بحالة صدمة ممكن تستمر لمدة 42 ساعة وبعدها ترجع عاديه
حمد : مم مشكور دكتور
دش حمد عندها ولقاها تحت تأثير المخدر
دق حمد ع اخوانه وقالهم عن وفاة اخوه


.................................................. ......

بيت منيره

منيره : يا وييييييييييل قلبي عليج يا ماريا البنيه رااااااااااااحت راااااااااااااحت
هند : خاله هدي هدي
منيره : شههههدي !! اذا الابو مات من حرته على مرته .. البنت شتسوي بهالدنيا بروحها
هند : كلنا معاها احنا اهلها
منيره : المسكينه بهال3 ايام شافت الويل وماتوقع انها تقدر تصبر على المصيبه الي احنا خاشينها عنها
هند : بعععععععععععد !!!
منيره : ايه ايه ايييييييييه
هند : وشنو هالمصيبه !!
منيره : المصيبه ان هالبنت مو بنتنا واهلها سعوديين
هند بحالة ذهول تاااااااااااااام : ..................
منيره : السالفة ان اهلها كانوا بالكويت زيارة وامها كانت حامل فيها بالشهر ال8 وجايين لكويت زيارة ...
هند : ككمممممممممملي
منيره : امها ولدت بالكويت ومريم اختي كانت ممرضة وكانت تشرف على الجناح الي ولدت فيه ماريا
هند : ................
منيره : وصلت رسالة لابو ماريا السعودي وخاف على ماريا لان الرسالة كانت تهديد من واحد حاقد على ابو ماريا ويبي ينتقم منه بأنه يذبح بنته !
هند : وشصااار ؟؟
منيره : قام بو ماريا اخذ ماريا وعطاها لاختي مريم وامنها على ماريا وقالها السالفة واختي فيها خير وصانت البنت
هند : ..............
منيره : والحين جا الوقت الي نرجع فيه الامانه لاصحابها
هند : وشلون ؟؟؟
منيره : خليها علي



يتبع ...

 

[كادي سويت]

بداية موفقه
اذا كتبتي .......كملي
محتاجين ندخل .........جو
شوفي شكثر قريت ...... لكن لما اندمج انصدم ان القصه مو كامله ... علشان جذي اخاف اقرأ اي قصه واتعلق فيها وتكرر معاي نفس الشغله
انصحج تكتبينها كامله وتكون جاهزه وسريعه للتنزيل ... علشان ما تتعذرين ..... لان البنات زهقوا من جذي

 

[miss_kaa]

جمييلهة الروآآيهه 3>... سجليني من متآبعينج
اب اب اب اب كملييي

 

[bnet_al_kuwait]

روايتج روعهه...و الله يوفقج انشالله بنتظارج يالمبدعه

 

[iGhebret]

هند صعدت لماريا واهيا خايفة : مروي
ماريا : هلا هند
هند : ماريا بقولج شي يمكن يفرحج يمكن يحزنج
ماريا : قولي ياخيتي خو المصايب والبلاوي كلها جت علي ب3 ايام مادري منو داعي علي : ) !
هند قالت لها السالفة كلها
ماريا : هه زين والله ذكروني
هند : والله فيه خير ابوج , لو ما كان خايف عليج جان ما سوا جذيه !
ماريا : خير ان شاء الله
هند : الله يكتب الي فيه الخير , وترا باجر امج وابوج جايين ياخذونج
ماريا بابتسامة خداعة : اوكيه
.................................................. ...............................
اليوم لي بعده
نزلت ماريا : السلام عليكم
الكل : وعليكم السلام
منيره : ماريا هذا ابوج بو عثمان اسمه يوسف
بو عثمان ودموعه نزلت لا اراديه : ابوي والله وكبرتي وشلتي ملامح الغالية امك
ماريا بابتسامة حزن : ايه
منيرة : وهذي امج ام عثمان نوره
ماريا خنقتها العبره : سمية الغالية
ام عثمان قامت وضمت بنتها ضمت الام المشتاقه ودموعها شلال : امي انتي رجعت لي روحي بعد ما شفتك , يمه شلونك شخبارك ؟
ماريا حست بحضن الام بس تحاول تمسك دموعها : بخير
بو عثمان : يبوي يلا مشينا لا انتأخر على اخوانك
ماريا : اخواني ؟
ام عثمان واهيا ضامة بنتها : عندي 3 عيال وبنتن وحده وما كحلت عويناتي بها الا بعد 15 سنه
ماريا : ................................
بو عثمان : يلا مشينا عجلو علينا
طلعوا بعد ما سلمت ماريا على منيره وهند
ركبت السيارة وراحوا المطار راجعين للرياض
وصلوا الرياض وركبوا السيارة رايحين للبيت
بعد ما وصلوا البيت نزلوا ودخلوا البيت
ماريا : ابي انام
ام عثمان : طيب شوفي اخوانك اول يا عمري
ماريا : انزين بنام تعبانه يعني شسوي ؟؟؟؟؟
ام عثمان حست ان ماريا مو عاجبها الوضع وحز بخاطر ام عثمان : خلاص يا امي انتي تعالي اوديك غرفتك
دخلت ماريا غرفتها ورتبت اغراضها وخذت شور ونامت
الساعة 2:00 بليل
.........: يابن الكلب هههههههههههههههههههههههه
.........: اقووووووووووووووووول اسحب كلمتك لا ادوسك
..........: هههههههههههههههه الله يغربلكم
..........: يا تبن طس عني
...........: احذفها علي
............: والله ماتاخذها يالملعون
............ : ههههههههههههههه احذفها علي يا كلب
ماريا : هههففف شنو هالازعاج ياربي مايخلون الواحد ينام !!!
طلعت ماريا من غرفتها ولحقت الصوت لين نزلت تحت
شوي ووقف الازعاج
........... : اوووووف مين ذي !
...........: اقوووولكم يالمروحين البيت مسكون
............. : ابو شكلك مين ذي آحححح
ماريا : يعني انتوا نظام ازعاج هالحزه كل يوم ؟
.......... : مين انتي ؟
ماريا : انتوا لي منو ؟؟؟؟
........... : اقووول هذي مطوله
ماريا : وبعدين ؟
........... : انا معاذ "ع18"
ماريا : وانته منو ؟
............ : انا رعد "ع20"
ماريا : وانته منو ؟
............ : انا عثمان "ع25"
معاذ : وانتي مين بالله ؟
ماريا : انا ماريا
عثمان : شباب هذي الي امي قالت لنا عنها
رعد : طيب متى جيتي ماشفناك
ماريا : لازم يعني تشوف ؟؟؟؟ اسليمه ان شاء الله مابي صوت بنام
صعدت ماريا وراحت غرفتها تنام
شوي ولا تسمع الازعاج مره ثانية
ماريا واهيا بحالة يرثى لها قريبة من الجنون : يا رببببببببببببببببببببببببي
طلعت تدور غرفة امها لين لقتها : "طق طق"
بو عثمان : مييين ؟
ماريا : ي .. يب .. ي "استغفرالله شلون بنطقها" ... فتحوا الباب
ام ماريا فزت من مكانها وراحت تفتح الباب : اممممي وش فيك ؟؟؟
ماريا : يعني مو حاله هالازعاج ! ماقدر انام ولا شلون يعني ؟؟
ام عثمان نزلت تحت وعطتهم زفه محترمه خلت كل واحد يصعد غرفته
رجعت ماريا غرفتها وكملت نومها وقعدت الساعة 6:00 الصبح
نزلت ماريا المطبخ تسوي لها نسكافية وطلعت قعدت بالصالة وفتحت البي بي
ماريا : وييييه يا هند يوم واحد صعب فيه فراقج !
بالبي بي :~
ماريا : هندوووه قعديه بسولف معاج
هند : نعم ؟
ماريا : يوووه شكلي قعدتج من النوم
هند : انتي خلاص طلعتي من حياتي يبه لا تحاجيني وحذفيني شنو ماعندج كرامة !!
ماريا حست ان طراق حاش وجهها : هند !
هند : خلاص يبه بس عاد ذلفي عني
ماريا : زين اشفيج ؟
*يرجى اضافة جهة الاتصال لتستطيع اكمال المحادثة .
ماريا سكرت البي بي واهيا مصدومه : انزين انا شنو سويت لها هههف ياربي شسويت بحياتي
قعدت تبجي ماريا وحست ان الدنيا سودت بوجهها وقامت تغني الاغنية الي سمعتّها اياها هند لما ماريا تخاصمت مع سندس :~
وسألت يوما اين نور الدرب اين هو الصديق ... امض افتش عنه عن امل يصاحبني الطريق
ابحرت والامواج تخنقني وانفاسي تضيق ... والروح عطشه للقاء يلفها شوق عتيق
...........................اين الصديق اين الصديق ؟............................
يامن رمى عهدي وولى حين داهمنا الوداع ... من قال ان الروح تشرى او تباع
سترى من الاحلام لو خبأتها خير المتاع ... وترى بأن الود لا يفنى وأن القلب داع
...........................اين الصديق اين الصديق ؟............................
ان الصداقة يا اخي حب سماوي الطباع ... بخطى الجنان يقودنا لا للبكاء ولا الضياع
فإذا تعثر زورقي يوما يكون له الشراع ... سكناه فيَّ وفيه يسكن لو تضيق بينا البقاع
...........................اين الصديق اين الصديق ؟............................
*نشيد/اين الصديق ,أداء/محمد العمري&سالم الغواص
نزل عثمان يبي يروح للشركة , سمع صوت بجي وراح صوب الصالة
عثمان : ماريا ؟
ماريا تبجي : ...........................
عثمان حط اغراضه ع الطاوله وراح قعد يمها يمسح ع راسها : ماريا وش فيك ؟
ماريا : ما فيني شي ما فيني شي !
عثمان يتكلم بحنيّه : طيب لو تقولين وش فيك يمكن اقدر اساعدك يا اختي
ماريا حست بكلمة يا اختي حست بحنانها : شلون بتساعدني وانته ماعشت تجربتي ؟؟؟
عثمان : عندي خبره
ماريا : اوكيه يا عندك خبره , شتقول لو ارفيجك الروح بالروح فجأة بين يوم وليله انته كلمته بدافع الشوق له وتسمع الرد الي ماطرى على بالك كلش , يهزئك ويخليك بيزه ماتسوى !
عثمان واهوه يحرك عيونه يمين يسار : اممممم عادي
ماريا : شنووووو !!
عثمان : مانيب ملزوم انزل دمعتي وانوح على واحد باعني , واحد من 6 مليار نسمة مب نافعني ولاهو بضارني
ماريا : ماعندك ولاء للرفجه
عثمان : للامانه عندي , بس انا واحد كرامتي أولا , ف انا مب ملزوم ابكي واعيش بوحده عشان واحد فجأة قلب علي وانا اصلا ادري اني ماسويت لوه شي ليه ابكي ليه اروح اعتذر لوه فكري فيها , انتي مسويه شي لها ابكي ماقلنا شي بس دامك مب مسويه شي لها لا تبكين وش ذنبك اذا نيتك صافية ورزينة طبايع لا يهمك من سمع كلام عذال وجرح فيك عيشي حياتك مردها بتحس بقيمتك يالغالية
ماريا : ايه والله صاج , بس صعبة طعنة الرفيق صدقني
عثمان : انا صدق ماشفتك الا امس ومايمدي تأقلمت معك بس انتي اختي الي ماشفتها الا بعد 15 سنه راح اغني لك اغنية واسمعي كلماتها وراح تتحسن نفسيتك باذن الله :~
يا دمع مالك وقفتن وسط عيني .. ماعاد فيني ابكي اليوم وانوح
اضحك وارافع بالكرامة جبيني .. مادام ظني خير في خالق الروح
اضحك وخفاق السعد مهتويني .. اضحك وصدري بالتباشير مشروح
اهات من شوك العطا تحتريني .. والي يروم الصعب لا شك ممدوح
...................... يا دمع مالك وقفتن وسط عيني........................
جرحت من شهب الليالي يديني .. ما همني شوكٍ تغطى على دوح
الامس في جرد التوالي عويني .. والارض مدت سيلها تفتدي نوح
...................... يا دمع مالك وقفتن وسط عيني........................
موجود غصبٍ والامل يحتويني .. وإن كنت بعيون الكثيرين ممسوح
ياما تناولت الامل من يميني .. ياما وياما والتعب يذكر البوح
وامد له بالحب صافي حنيني .. مداة حاتم والكرم شي ممنوح
حي الامل دام الامل قال ويني .. حيه ودلت خافقي لأجله تفوح
*نشيد/ظني خير , أداء/ محمد الجبالي
ماريا حست بارتياح : صاج والله ماهموني
عثمان : ههههههههه يلا اجل يالدلوعة بتخليني اروح الدوام ولا تبغين ابوي يوكلني تراب
ماريا : ههههههه لا روح بحفظ الرحمن
عثمان : يلا ديري بالك ع حالك
ماريا : مع السلامة
شوي ونزل بو عثمان : هلا بشيخة البنات
ماريا : صباح الخير
بو عثمان : صباح الورد
ماريا راحت ضمت ابوها : اسفه ادري اني امس حيل حزيت بخاطركم بس عذروني لان نفسيتي كانت تعبانه
بو عثمان : معذوووره يا بعد اهلي انتي بس لا تضيقين خاطرك بشي يابوي انتي
ماريا حطت ايدها ع عينها : من عيوني
بو عثمان : ههههههههه فديت عيونك يلا انا بروح الدوام هالحين تبغين شي يا نظر عين ابوك
ماريا : سلامتك يالغالي
بو عثمان باس راس ماريا : يسلمك ربي ويحفظك لي
راحت ماريا غرفتها وقعدت مع نفسها شوي"انا ليش اهتم بناس ما يبوني هذي هند اصطنعت انها تحبني وطلعت عكس حقيقتها , امي كسرت فيها امس ولا جبرت خاطرها لي متى بقعد جذيه ؟؟؟ انا لازم اغير من نفسي وابدأ حياة جديدة اقط كل شي ورا ظهري ولا ارجع له موووووووليه "
نزلت ماريا وكانت الساعة 12:00 الظهر
دخلت المطبخ وطلعت كل الخدم وقعدت تسوي الغدا وفجأة دخلت ام عثمان المطبخ : ماريااااااااااااا !!!
ماريا اخترعت : ه هههلا !
ام عثمان بعصبية : وش دخلك هنا ؟؟؟
ماريا : مادري قلت بسوي الغدا اليوم
ام عثمان تزف الخدامه : انا وش قلت لك ما قلت ماريا ماتدخل المطبخ ولا قمتو اتأمرون عليها يا مال الجدري
الخدامه : ماما انا يقول حق هيا بس مايفهم يقول انا يبي سوي غدا اليوم
ام عثمان : يا ماريا يا عمري المطبخ ماتدخلينه
ماريا : ليش ؟
ام عثمان : لانك مب ملزومه تسوين الغدا
ماريا : بس حبيت اسويه اليوم !
ام عثمان : لا اطلعي الخدم الي يسوونه انتي راعية البيت ماتسوين شي
ماريا طلعت وقعدت بالصالة : امممم
ام عثمان : فيك شي يا عمري بتقولين شي ؟
ماريا : يمه
ام عثمان : يازين الكلمة ذي من 15 سنة ماسمعتها منك
قامت ماريا وقعدت بحضن امها : انا اسفه اني جرحتج امس
ام عثمان : يا عمري انتي والله لو وش تقولين لي مازعل , في ام تزعل على قمرها ؟
ماريا ضمتها : يا عساني منج ما انحرم
ام عثمان ضمتها : امين يا روحي
نزلوا معاذ ورعد يتهاوشون
معاذ : تاكل تببببببببببببببن
رعد : يابن الكلب انا قلت يعني يصير
ام عثمان : وجججع وش فيكم مجنن ؟
معاذ : يا يمه شوفيه دابلن كبدي
رعد : اقول انقلع عن خشتي
معاذ : شفتي !!!!
ام عثمان : وبعدين معكم متى تكبرون ؟
ماريا ميته من الضحك عليهم
رعد يطق معاذ على خفيف : شفت فشلتنا الله يفشلك
معاذ : على تبن
رعد : شف عاد تراك مكرهني بعيشتي ياكلب
ام عثمان : بتموتوني وانا ناقصة عمر
تأدبوآ ماعاد يتهاوشون بس بو طبيع مايجوز عن طبعه ;P

بعد مرور 4 اشهر

ام عثمان : يلا خلصونا
ماريا : يمااااااه اشفيج جذيه مستعجله صببر ييييييييييه
ام عثمان : ههههه الا انتي مالي كلمه عليك طيب اخذي وقتك ياعمري
ماريا : احبج ;*
صعدت غرفتها رتبت اغراضها وانزلت : يلاااا خلصيت ;PP
ام عثمان : هههههه يلا مشينا لا يعصب علينا ابوك اخوانك كلهم ركبوا
ماريا : اوكيه يلا
طلعوا وركبوا السيارة
عثمان : ليش كل هالتأخير الله يهداكم
ام عثمان : عندي شوية اغريضات سويتهن وجيت
عثمان يطالع ماريا من المنظره : اييي شوية غريضات طيب مشينا
ماريا : وجع اشفيك
عثمان يضحك : نمزح يالخبلة
ماريا : على بالي
معاذ : بل عليها يا عوابتها
ماريا : شنو شنو شنو شنو شنااااااااااو ماسمعت حبيبي شقلت
معاذ من الخوف بغى يقعد بحضن رعد : اا اا وو ولا شييي !
ماريا ترفع حاجبها : وجع تسنع
ام عثمان : بسكم هواش
وصلوا البر ,
بو عثمان : هلا ابوي توكم تجون ليه التأخير ذا كلوه ؟
عثمان : عطلوني عيالك الله يغربلهم
ماريا طقت جتفه : جب تحجى عنهم انا مالي شغل
ودخلت الخيمه
عثمان : هههههههههه انتي ابببببببببدن مالك شغل
معاذ واهوه ماسك الاغراض : يبه الله لو يفكنا من السان بنتك احنا بخير
بو عثمان : وش قاهر قلبك , قاعدتن على راسك انقلع
معاذ دخل الخيمه واهوه يتحلطم : كله ماريا حاطينها على الراس طيب ليه انا محد معطيني وجه
ماريا :لان محد معطيك وجه
معاذ شوي ويصير مجنون منها : ماريوه ووجع انقلعي يا مال الثول
ماريا : اجمعين يا اخي العزيز
معاذ : ليه احسك حقيره ؟
ماريا قربت صوب معاذ وباست راسه : انزين الواحد مايتغشمر اشوي يبه اسفين حقك علينا بس لا يزعل الزين كله
معاذ واهوه يضحك ويضم اخته : والله انك حيوانه بس احبك
ماريا : بعد قلبي اموتت فيك يالخبل
شوي ووصلوا ................

معاذ : واخيرا وصلوا
ماريا : منو هذيل ؟
معاذ : أ أااأ هذا عمي بدر .. والللله بتصير أحلى فلللللللللللللللللللللللللللللله
ماريا : هههههه ياريت
طلعت معاذ وراح يسلم عليهم ,

فصخت ماريا العباية "مو متحجبه" وجذيه لابسه

ومسويه شعرها جذيه

وطلعت ,,

ام عثمان : مروي قلبي تعالي سلمي على زوجة عمك
ماريا راحت لها : السلام عليكم
ام مالك : وعليكم السلام هذي بنت ال.............
ام عثمان : ايه انتو تعابه روحي ارتاحي شوي
ماريا تطالع مرت عمها بحقد : "بصوت خفيف" وجع ان شاء الله حماره
رعد : مروي وش فيك ؟
ماريا بنفس خايسة : مافيني شي
راحت ومسكها من ايدها : قولي وش فيك , العن والديه الي مزعلك
ماريا : مافي.......
رعد : ههششش لا اسمع هالكلمة , قولي وش فيك ؟
ماريا : الحيوانه هذي المره مادري شسمها
رعد : زوجة عمي ؟
ماريا : ايه هذي واكوا بقره غيرها اهني
رعد طاح من الضحك : يقطع بليسك انتي صدق لسانك اطول منك , طيب وش مسويه لك ؟
ماريا : لا يكون تحبها عمى بعينها
رعد : لا يبه هذي وحده استغفرالله مغروره ومصلحتها أولى من كل شي
ماريا : سبحان الله حاسه فيها من أول ماشفتها
رعد : طيب وش مسويه لك ؟
ماريا قالت له لي صار
رعد : هذي حيوانه تزعلين نفسك عشانها , كان قلتي لها انا احسن منك , ضحوا بحلم البنت الوحيده عشان مصلحتي وماشافوني الا بعد 15 سنه وهذا دليل على اني مو أي وحده
ماريا ضمت اخوها : فديتك يا عساني مانحرم منك صج انته تنحط ع الجرح يبره
رعد : احبك يالخبلة , يلا روحي شوفي بنات عمي وسلمي على جدي
ماريا : وينه وينه ؟
رعد : اووه بالمجلس , تعالي صح مابوه الا عمي وابوي وجدي
راحت ماريا المجلس مع رعد ,
رعد : السلام عليكووووووم
مالك : هههههههاااااا هلا يالحب
"رعد ومالك حيل مع بعض"
ماريا واقفه عند باب المجلس ماقدرت تدخل ,
رعد : مروي تعالي سلمي على جدي وعمي
بو عثمان : ماريا ابووي تعالي سلمي على جدك لا تستحين مابوه احد غريب
دخلت ماريا وعينها بالارض : "بصوت خفيف مع حياء" السلام عليكم
مالك تلعثم "مين ذي المهم انها حلوه وباين انها مؤدبه"
بو يوسف " الجد " : يوسف مين ذي ؟
ماريا وقلبها من القهر يحترق : انا ماريا
بو عثمان : يبه هذي ماريا بنتي الي من بعد 15 سنه قرت عيني بها
مالك : بنتك !
رعد طارت عيونه : وش فيك يا مال الثول اي اختي ليه فز قلبك كذا
مالك عاف عمره واستحى : ولا شي
بو يوسف قام وقرب صوبها وضمها : من بين كل بنات عيالي ما قد شفت وحده منهن تدخل المجلس بادب وعينها تلاعب الارض والله اني فيك معتز يابوي
ماريا ضاع الحجي منها : ..............................
بو عثمان : هههههههه يا يبه طالعه عليك بنيتك
بو يوسف : هالله هالله
بو عثمان : يبه ماريا تعالي سلمي على عمك بو مالك
قربت ماريا من عمها وباست راسه : شلونك يبه ؟
بو مالك حس انها بنته : بخير جعلك بخير
راحت ماريا صوب الباب بتطلع
بو يوسف : وينك رايحه يا بنيتي
ماريا : أ ... امي تبيني
بو عثمان : لا ماتبيك عندها عثمان ومعاذ مير يكفون ويوفون
ماريا تحاول تنحاش بأي طريقة مو قادره : يبه يمكن تبيني بروح لها
بو يوسف : تعالي اقعدي عندي سولفي لي والله اني لك ارتحت يا ابوي
بو عثمان : ماريا تعالي عند جدك
راحت ماريا وقعدت يم جدها : ............
بو يوسف : شلونك شخبارك لا تستحين يابوي كلنا اهلك هنا
رعد : يوووووه مو كنه بدينا حش عينك عيني ها ملوك
مالك سرحان وعينه طاحت عليها : ...................
رعد شاف عيونه : وجع اضبط حالك
مالك بصوت خفيف :اسكت يا اثول وش فيك
قعدوا يتساسرون مالك ورعد
بو يوسف : الا انك مستحيتن من مالك , لا تخافين بنزوجك اياه ارتاحي
ماريا ومالك طارت عيونهم : .........................
ماريا تطالع ابوها بنظرة " يبببببببه شوف جدي " !!
بو عثمان : هههههههههه استحوا العيال يا يبه شوي شوي عليهم
ماريا قامت ,
بو يوسف : وينك رايحه ماسولفتي
ماريا : بروح عند امي والله جد يمكن تبيني الحين
بو عثمان فهم ملامح وجها : ههههههه روحي يبه روحي
طلعت ماريا بخطوات سريعه واهيا مو عارفه شلون تلقط وجها
وصلت الخيمه ,
ام عثمان : خوفتيني وينك ؟
ماريا: الزفت رعد وداني معاه المجلس
معاذ : خخخخخخخخ وابتلشتي بجدي
ماريا : جنك عارف ;P
ام عثمان : ههههه طيب تعالي سلمي على بنات عمك
ماريا : اوه تطورنا يلا مشينا
طلعوا وراحوا خيمة بو مالك : السلام عليكم
ام مالك بغيره : هلا
ام عثمان : ماريا امي هذولي بنات عمك سلمي عليهم
.............: هلا انا سمر
.............: اهليييين مروي انا نوره
ماريا : هلا وغلا تشرفنا يا موزات ;*
شوي ووصلو ....................
ام عثمان : هااه الطيبين وصلوا
ماريا : منو يماااه
ام عثمان : عمج بو بدر
ام بدر : السلااااام عليكم
ام عثمان وام مالك : وعليكم السلام
نزلوا البنات :~
لمار وغلا وساره
سلمت ماريا عليهم : قوه
لمار وغلا يطالعونها من فوق لي تحت وراحوا عنها
ساره : اهلييين انا ساره منو انتي ؟
ماريا : انا ماريا
ساره : بنت منو ؟
ماريا : بنت ام عثمان
ساره طارت عيونها : انتي الي ام عثمان فقعت مرارت غلا ولمار من كثر ما تمدح فيها ؟
ماريا تضحك : ايه يبه هذي انا

صار الليل س2:30 , وفتحوا النار وقعدت ماريا وساره نوره حوالينها
وصل لماريا بي سي "فوز لكويت بكاس اسيا على ماليزيا 3:0 ": هييييييييييييييييييييييييييييييييييييييييييييييييي ييييييييييييييييييااااا
شغلت :~
http://www.youtube.com/watch?NR=1&v=...ture=endscreen

وقعدت تغني وساره ونوره ميتين من الضحك

..............: باااااااااااااااااااس نبي ننام
ماريا وقف قلبها !
ساره : عثمانوه طس وراك نبي ننبسط
عثمان : وعلى حساب تعبنا
ماريا : هههف يا نوره مو قتلج لا تشغلين اغاني بتزعجينهم
نوره حطت ايدها على راسها :اوووووووووووووووف يارب لا تطيح السما علينا , وش وش وش انتي الي مشغله
ماريا : تظلميني الله يسامحج : ) !
عثمان : ماريوه اخت ابليس اضبطي حالك
ماريا : جب جب جب طع من يجعم , روح نام الله يستر عليك
عثمان راح عندها وباس راسها : يرحم الي خلفوك ابي انام تكفيييييييييييييين بسك عناد لو يوم وااااااااااااااااااحد
ماريا ميته من الضحك : خلاص خلاص والله ماعيدها ;P
عثمان قام وراح المجلس واهوه يتحلطم : يارب وش سويت انا بحياتي ليه كذا يعني ليه ماعندي اخت زي الناس مؤدبه وما عليها لسان
ساره : بل عليك جننتي اخوك
ماريا : مو انا !
نوره : اجل ؟
ماريا : لساني ;PP
ساره ونوره : ههههههههههه خبله

طفوا النار وراحوا ينامون ..




خلص البارت 1 ,


مشكووووووووورين وراح انزل بارت 2 لعيونكم

 

[bnet_al_kuwait]

تسلم ايدج بعد قلبي...الباارت روووعهــه

 

[مآريآ ..]

الواضحلي من البدآيـه أن الروآيـه حلووههه
بس شوفي الصرآحه أنا ماني قاريتها لحد ماتكتمل
لآني أبي أقرآهآ ورى بعض مو بعد شهر أو مثل كذآ أكمل بصير ناسيه الأحدآث ( :
بس شكلك مب بسرعه تنزلين البآرتآت

 

[iGhebret]

راح ألغي هالرواية