رواية رجل بلا قدر فكوني انتي قدره رواية تركيه رومانسيه مميزه بلهجه كويتيه

[الله حسيبـك]

روايه تركيه رومانسيه بلهجه كويتيه روايه حلوه حيل
اسطنبول 1981 كان في رجال اسمه اسماعيل ارفيا اوغلو مليونير لأبعد درجه عمره تقريبا 65 سنه
Ekrem Bora // الجد وكبير العائله (( الجد في مسلسل نور ))
عمران 42 سنه متزوج بنت عمه هدى 40 وما يحبها وعندهم ولد واحد اسمه سليم 21 سنة
Cetin Tekindor // الابن الكبير لأسماعيل ارفيا اوغلو (( عمر ارهان مسلسل قلوب منسيه ))
Leydi ?erife // زوجة عمر ابن اسماعيل ارفيا اوغلو (( شريفه مسلسل نور ))
Mehmet Aslantu // سليم ابن عمران الكبير وصاحب الحكمه والذكاء والتخطيط الممتاز (( سليم مسلسل قلوب منسيه ))
نبيلة 40 سنه متزوجه احمد 42 سنه وعندهم ولدين سمير وفريد
Billur Kalkavan // نبيله بنت اسماعيل ارفيا اوغلو (( هاله ابو شعر مسلسل سنوات الضياع ))
Selçuk Yöntem // احمد زوج نبيله يحبها حيل واهي بعد تحبه (( عدنان زياغيل مسلسل العشق الممنوع ))
كانت في خادمه جديده بالبيت اسمها منى حلوه جميله تحب عمران وعمران يحبها
sumru yavrucuk // منى 39 الخادمه الي راح تكون زوجة عمر الثانيه وام ولده الثاني (( فريده مسلسل الغريب ))
الجزء الاول
الساعه 12,30 بالليل البيت كله نايم
عمران وابوه بالفيلا نفسها فيلة مسلسل نور بالتحديد في مكتب ابوه
عمران : يبااا
الاب بشخصيه حاده : نعم
عمران يرتبك : يبااا اناا .. اناا
الاب : اي شفيك تكلم خلصني
عمران : انا ابي اتزوج
الاب : وليش زوجتك شفيها
عمران : احترمها واقدرها لاكن ما اقدر احبها
الاب : بلا كلام فاضي حب وما حب انا موافق اخليك اتزوج بس قولي منو بنته
عمران يصدم ابوه : منى
الاب بستغراب : اي منى ؟
عمران : الخدامه
الاب بعصبيه : ولد ارفيا اوغلو يتزوج خدامه اخر عمري اناسب خدم شيل الفكره من راسك ولا عاد اتفكر فيهاا
عمران : راح اتزوجها
الاب : اتبرى منك ليوم الدين
عمران : راح اتزوجها يعني راح اتزوجها
الاب بعصبيه حاده حيل : اطلع بره يا حقير حسبي الله ونعم الوكيل فيك تأكد اني راح افسد عليكم فرحتكم
----
طلع عمران من غرفة ابوه مر صوب المطبخ لقى منى
عمران : حبيبتي روحي فوق وزهبي اغراضج نبي نروح
منى ابوك : وافق على زواجنا ؟
عمران : لا ما وافق بس راح انتزوج
منى متردده : لا ما ابي اكون سبب في مشاكل بينك وبين اهلك
عمران : يا حلو المشاكل دامها منج يا قلبي يالله بسرعه لمي اغراض
انطاليا 1984

لمت اغراضها منى وطلعت مع عمران سافروا انطاليا وتزوجوا هناك بعد مرور3 سنوات تغيرت اشياء وايد منى احملت من عمران توفى عمران بحادث سياره ومنى ولدت ويابت ولد و اسمته عمر
burak ozcivit // عمر ولد عمران ارفيا اوغلو (( عمر مسلسل الحب المستحيل ))
بعد مرور 24 سنه
2008
عمر : يمااا
الام : هلا حبيبي
عمر : من هم اهل ابوي
الام : اهل ناس فقارى وعلى قد حالهم يدك اسمه اسماعيل وعمتك نبيله اخوك اسمه سليم
عمر منصدم : اخووووووووي عندي اخو اسمه سليم
الام : اي واهو في اسطنبول
عمر : لمي اغراضنا نبي نروح اسطنبول
الام : لا يا ولدي انا حالفه يمين اني ما انزل بالمدينه هذه
عمر : السالفه فيها سر ليش يماااا ؟
الام : لان من بعد ما مات ابوك ماعاد لي نفس اروح حق هالمدينه كل شي فيها يذكرني في ابوك
عمر : انا رايح
الام : وتخليني بروحي يا ولدي
عمر : يما لي خاطر عندج
الام : لك الخاطر كله يا ولدي
عمر : خلينااا نروح اسطنبول
الام : خلاص ولا يهمك نروح اسطنبول
(( لموا اغراضهم واطلعوا من البيت وراحوا لمحطات الباصات اقرب باص طالع على اسطنبول واركبوا معاه مع مرور الوقت وصلوا اسطنبول ))
لقوا لهم بيت مناسب واجروه واسكنوا فيه وعمر لقى وظيفه اشتغل فيها يسترزق منها اشتغل قرسون في افخم مطعم في اسطنبول
الساعه 8,30 بالليل عمر كان متواجد في شغله واحد من الموجدين بالمطعم اشر له
عمر : تفضل
الشخص : عطنا شمبانيا فرنسي احمر
عمر : تامر امر اي شي ثاني ؟
الشخص : لا شكرا ً
عمر : اوك
راح عمر يجيب الشمبانيا الفرنسيه قاعد يصب المشروب دمر الشخص
عمر برتباك : انا اسف اسف والله ما دريت سامحني يا بيك
الشخص : هههههه شفيك خايف عادي ولا يهمك فداك
عمر : هذه غلطتي لازم تيي معاي البيت واغسلهم لك
الشخص : اوك اذا كنت مصمم
عمر : اكيد وما بذني ماي
الشخص : عندك سياره ولا ادق على السايق
عمر : لا ناخذ تكسي
الشخص : ههههه ماشي تفضل
وقفوا تكسي واركبوا وراحوا بيت عمر
وصلوا البيت وام عمر قاعد تخيط واتابع التلفزيون
عمر : يمااا يمااا
الام : هلا حبيبي انت وصلت ؟
عمر : اي ومعاي ضيف حياك تفضل
الام وهي اتواجه مع الشخص من 24 سنه
الام منصدمه : سليم
سليم : منى ؟
منى : اي يا سليم شلونك
سليم : منو يصدق اني اتواجه مع مرت ابوي بعد كل هالسنين
عمر : انت سليم عمران ارفيا اوغلو
سليم : اي نعم انا اسليم ارفيا اوغلو
منى : اتعرف منو الي قدامك يا سليم
سليم : لا يمكن يكون ولدج من ريال غير ابوي
منى : عمر عمران ارفيا اوغلو حفيد المليونير اسماعيل ارفيا اوغلو ادري انكم ماراح اتقبلونه ولا راح تحبونه لانه مني انا انا امه
سليم : مابي اكون قاسي على احد لاكن هالولد عمره ماراح يكون اخوي واذا اتعرفت فيه يدي راح يجحده
منى : عفيه عليك اجحد اخوك جحده
سليم : منى وين وشنو الي صار مع ابوي
منى : ابوك مات من 23 سنه رحمة الله
سليم : مو علي هالحركات يبتي منه ولد وذبحتيه عشان يكون ولدج الوريث له وتكونين من اهل العز يا هانم
منى : هذه عقليتكم نواياكم مو صافيه
سليم : ومعاج ماراح تصفى يا الخادمه
عمر : احترم نفسك ترا انتا في بيتي احترم نفسك
سليم : اسمع روح دور على ابوك الاصلي ولا تتلبس في اسم ابوي تسمع
منى بذكاء : ولو سويت تحليل دي ان اي وطلع اخوك شنو راح يكون موقفك
سليم : ساعتها انا مستعد اعترف فيه واحط له منصب بكل شركاتنا
منى : روح وسو التحليل واتشوف
سليم : امش المستشفى
عمر : سويت التحليل ولا ما سويته انا مابي منك شي ولا ابي فلوسك ولو ابيها مو صعبه علي اني اييبها واقعدكم كلكم على بساط الفقر كل الي ابيه من هالدنيا اني اعيش انا وامي بسلام روح يا سليم توكل على الله صدقني ما ابي شركاتكم ولا فلوسكم
سليم خاف من كلامه : اممممم طيب عيش انت وامك بسلام مع السلامه
عمر : مع السلامه
(( الفيلا بالتحديد بالصاله الجد وسليم ونبيله ))
سليم : يدي بغيتك بكلمة راس
راح الجد وسليم لمكتب الجد وطرفوا الباب
الجد : خير يا سليم شفيك ؟
سليم : يدي مصيبه مصيبه
الجد : خير يا ولدي عساا ماشر
سليم : مرت ابوي
الجد : مرت ابوك ؟ ليش ابوك تزوج ؟
سليم : يدي شفيك مو تزوج الخادمه منى
الجد : اوووووه نسيت ايه شفيهاا
سليم : شفتها امس ومعاها ولد عمره 24 سنه تقول انه اخوي
الجد : ممكن يا ولدي ممكن طالما انه اتزوج وغاب اكثر من سنتين
سليم : والله الفكره مو داشه راسي
الجد : طيب شنو ميول الولد تفكيره
سليم : عزة نفس قويه ورغم انه فقير الا انه كلامه كلام رجال اعمال شخصيه كلها هيبه
الجد : معقول
سليم : يدي شرايك نروح لهم ؟
الجد : لا لا مافي داعي راح انروح بس مو الحين الليله
سليم : اوك يدي
الساعه 9,30 بالليل كل البيت كانوا على العشا فجأه دخل شخص عليهم
الشخص : السلام عليكم
الكل : وعليكم السلام
سليم استغرب : هلا امر
الشخص : ابي يدكم بيني وبينه كلمة ممكن ولا لاء
الجد : ممكن بس منو انت
الشخص بثقه وصوت مسموع بالفيلا كلها : عمر عمران ارفيا اوغلو
الجد في برود اعصاب : اشتبي
عمر في اسلوب رائع كبر في عينه جده : سمعت انك ما تستقبل ضيوفك بالشكل هذا يا صاحب شركات ارفيا اوغلو اسمعني وحطني في بالك زين اقسم بالله ان مسيت شعره من راسي ولا راس امي لا اخليك تنسى العز وتحلم فيه عمرك كله
الجد : تهددني يا ولد
عمر : اعذر من انذر يا يدي
الجد : ماني يدك ولا يشرفني اني اكون يدك
عمر : انا ماشي ولا تنسى كلامي
الجد : اطلع برا اطلع اطلع يا حشره
عمر يلتفت على جده يقهره ببتسامه ماسخه
الجد : والله لا اوريه
سليم : يدي يدي طول بالك لا تحرق اعصابك عليه اهدى بروحك عندك ضغط وسكر
الجد : رفع ضغطي الله لا يرفع قدرته بين الناس
سليم : اهدى اهدى اخذ ادويتك
الجد : بروح غرفتي
سليم : على راحتك على راحتك
راح الجد غرفته وسكر الباب وقعد على مكتبه
دق تلفون على الحراس الي واقفين عند الباب (( بودي قارد ))
الجد : الو
الحارس : نعم اسماعيل بيك
الجد : شفتوا الولد الي طلع من الفيلا
الحارس : اي شفيه
الجد : عطوه حقه
الحارس : اوك يمدينا نلحق عليه ما يمديه راح
الجد : يالله بسرعه
الحارس : حاضر
الجد : مع السلامه
الحارس : مع الف سلامه
راحوا الحراس وصلوا حق عمر كانوا ثلاثه كل واحد ماسك حديده وطاحوا فيه طق طق لين ما ساح الدم منه افحصوه لقوه حي وراحوا
كان طايح قدام حديقه بيت الصبح الساعه 7,15 انفتح باب البيت لقوا عمر طايح وياخذونه داخل ويعالجونه
بعد ساعه عمر فتح عيونه
عمر : انا وين انا وين ومنو يابني هني
الشخص : انت في أمان لا تخاف
عمر يبي يلف رقبته ويحس بألم قوي ألم مو طبيعي
الشخص : لا تتحرك ارتاح
عمر : اخاف اكون سببت لك مضايقه او شي
الشخص : هههه لا ولا يهمك افا عليك بس
عمر : اكيد ؟
الشخص : انا مرتاحه ما عليك اساسا كنت كل هالمده قاعده بروحي وماعندي احد زين لقيت احد اخذ واعطي معاه
عمر : طيب انتي شسمج ؟
الشخص : ليلى كمال اسماعيل ارفيا اوغلو
عمر : ارفيا اوغلو ؟
ليلى : اي ارفيا اوغلو
عمر : انا عمر عمران ارفيا اوغلو
ليلى : مستحيل
عمر : شنو الي مستحيل
ليلى : امي تقول انه عمي عمران ولده اسمه سليم وكبير
عمر : انا ولده من زوجته الثانيه

ليلى : اها الحين فهمت عمي عمر متزوج وحده ثانيه
عمر : اي بس يدي نكرني ولا اعترف فيني ودز ناس يطقوني
ليلى : والله قصتك مؤثره كسرت خاطري
عمر : انتي بعد يدي ناكرج
ليلى : لا معترف فيني وكل ويكاند اروح له
عمر : هين يا اسماعيل ارفيا اوغلوا والله ما انساها لك
. . .
تعريف في ليلى
. . .
CEC USLU (( ليلى بطلة مسلسل لحظه وداع ))
ـ ـ ـ ـ ـ ـ ـ ـ
عمر : ممكن طلب بس خايف اكون اسبب لج احراج
ليلى : لا عادي اطلب
عمر : ابي اشوف بطاقتج
ليلى : هههه ليلحين مو مصدق هاك اتفضل
عمر : اي الحين تأكد
ليلى : ابي بطاقتك
عمر : نعم ؟
ليلى : بطاقتك
عمر : اي اي تفضلي
ليلى : امممم ممتاز الحين صدقتك يعني صج طلعت ولد ارفيا اوغلو وولد عمي واكبر مني بسنتين
عمر : لازم اروح
ليلى : وين تروح انت تعبان
عمر : لازم اطل على امي
ليلى : دق عليها تلفون مستحيل اخليك تروح وانت بالحاله هذه اكيد امك راح تموت من الخوف عليك
عمر : ما ابي اكون سبب رئيسي للاحراج بس لي هني كافي
ليلى : ما فيها اي احراج استريح بس خلني اقوم اسوي لك الريوق
عمر : لا بس شكرا
ليلى : هاو مو على كيفك
عمر يبتسم : اوكي
عمر بينه وبين نفسه : ياربي شنو الملاك الي صبح بويهي الله اكبر عليه شغل تكفيري
ليلى بينها وبين نفسها ياربي : خجول وايد ومحترم حيل مدري شنو الي خلاني امنعه من الروحه يمكن اكون تعلقت فيه
عمر بينه وبين نفسه : معقوله يكون الحب غزا ملامحي وسكن قليبي لا لا مستحيل وليش لا ليش ليش ؟
ليلى : ياربي شنوو الي ياني قلبي يدق بقوه مو طبيعيه اوووف ياربي شفيني
خلصت ليلى من تجهيز الريوق وراحت الصاله
ليلى : خلص _ _ _ (( سكتت منصدمه ))
طبعا عمر طلع راح
ليلى تنادي : عمر عمر وين راح هذا
وتطل من الدريشه لقت عمر واقف وحاط ايدينه بمخباته
طلعت ليلى حق عمر : عمر شلون تطلع وانت بالحاله هذه ؟
عمر : ما فيني شي
ليلى : كلك جروح تعال تريق عشان تتعافى
عمر : اوكي
ليلى : شكنت تسوي برا
عمر : اجمع افكاري ​