- إنضم
- 27 ديسمبر 2010
- المشاركات
- 97
- مستوى التفاعل
- 0
- النقاط
- 0
بنات انا بحطلعم رواية تهبل وتموووت ضحك
اخذتها من زوجة اخوي
يعني بما معناة ان الرواية منقولة
بس في شي مو فاهمتة فيها اللي توصلة ابيها تفهمنياه
اللي مو فاهمتة هو السطح اللي في البيت الجديد
يا بنات سطحهم عجيب حاولت أفهمة ما قدرت
العرس حلم يراود كل فتاة .~.
السلام عليكم ورحمه الله وبركاتوا
المهم ماطولها عليكم اليوم بنزل لكم اخر روايه لي وانشالله تعجبكم مثل ما عجبتكم اختها قبل حظي المنسدح
وهي روايه كلها ضحك بضحك مو طويله حيل يالله اترككم مع الروايه ..؟..
..~.. الجزء الاول ..~..
ودي اتزوج .. اوف ملينا من حياة العزوبيه .. تعرفين فلانه خطبها واحد شيك
اوووف والله لو اتزوج خلاص ماعاد ابي شي من هالدنياا .. يوووه متى ألبس الثوب الابيض
.. والله عجزت وانا ماتزوجت
كلمات وجمل دايمن تتردد على اذني وطبعا مايقولها غير العزابيه ..؟..
كأن مافي هم بالدنيا غير الزواج والخطبه واللي يجي عمرهاا .. 20 ومانخطبت هذي كارثت
الكوارث وتنظم الى شلة العوانس اللي اعمارهن ماجت 26 .. مدري ليه هم كل بنت انها تتزوج واذا تزوجت تقول ليتني ماتزوجت ياحليل حياة العزوبيه .. وتجلس تكرهنا بالرياجيل .. والزواج بعد << بس حنا مانتعقد .. خلونا نعيش تجربتهم ونكره خواتنا الصغار يتجربتنا يعني هم يجربون وحنا لا .. نعيش روح المغامره
يؤؤ انا نسيت نفسي بديت ارغي وماعرفتكم بنفسي ..
اعرفكم بنفسي .. انا اسمي (عذبيه) عمري 19 سنه تخرجت من ثانويه وجلست بالبيت
لاني ماجبت نسبه وكل الابواب سكرت بوجهي .. فقررت لاول مره بحياتي اقرر قرار حطو تحتها خطين احمر وركزوا هذا قرار مش قريان عيال سيبتهم امهم يسرحوا بالشارع <<ياحليلك يا ابله سهير لابغت تفهمن شي لازم هالجمله ,,, المهم قررت قرار
وماعلي من احد اني اجلس وانطر النصيب يجي لحد بابي .؟. الله يالنصيب
&&&&&&&&&
عندي اخت اكبر مني بسنتين (عهد )عمرها 21 سنه تخرجت من المعهد وتنطر اسمها ينزل مع الموظفين .. يبأه أبليني حمار اللي يبي يوظفك
&&&&&&&&&
وعندي بعد اخت اسمها (عنود)عمرها 36 سنه مطلقه ربة منزل .. فتحت لها مشغل خياطه للملابس النسائيه < والحمدلله مدخل عليها فلوس واجد .. عندها بنتين وولدين ؟
• (عذاري) عمرها 18 متخرجه من ثانويه دلووعه حييل ..؟..
• (ود) عمرها 9 سنوات .. جت بعد عناء طويل هاديه
• اما الولد فهذا عالم ثاني (ماجد) عمره 7 سنوات ملقبينه براعي غنم مع القصه بتعرفون ليه
• (حمود) عمره 4 سنين << وانتقابل بالعيون طاط طاط
&&&&&&&&&&
ناصر عمره 27 سنه هالانسان ماقدر اصوفلكم ايه غير بكلمه وحده الغموض دكتور طوارئ
&&&&&&&&&&
واخووي الغالي (امحق كل هواش معاه ) مشاري عمره 23 سنه .. رقله على عبيط على نكته
وفوق هذا جميل حيل والبنات يتخبلون عليه لو انه مو اخوي كان من زمان متزوجته بس يحمد ربه اني اخته على اني اكرهه بس احبه بنفس الوقت .. داخل كلية ضباط وباقي له سنه وتخرج ومأذينا كل يوم بحركات وتدريبات الضباط
&&&&&&&&&&
واكيد البيت مايخلاا من امــي العزيزه ’’’ وفاكهة البيت الحلوه الاموره جدتي صيته << غصبتني امدحهاا ..
وأما الوالد الله يرحمووه .مات منذو مبطي تقريبا عقب ما انولدت بسنتين.؟.. يهب يالحظ
&&&&&&&&&&
من وين ابتدي لكم قصتي .. ايه صح ببتدي من يوم انتقلنا لبيتنا الجديد .. وبداية تعرفي على
شلتي شلة (الداشرات)
...........
الموقع: بيتنا القديم ..
الحدث : جالسين نشيل قشنا نبي نشد
المشهد : حوش البيت
...
الحوش في حوسه وصراخ واصوات وازعاج ومناطح والناس تتطايرمن فوق
وامي بالمطبخ تصيح ومعهاا جدور وصواني .. وبهدوء جدتي تشرب قهوتهاا
امي : ياااااااااااااو عهد عنووود عذبيه جعلي اخلا منكم وينكم تعالوا عاونني
عهد .. توها طالعه من الحمام تركض من الخوف والنعل ناشبه بثوبها اللي كله ماء : جيت جيت يمااا
ومن دون سابق انذار تزلق من باب الحمام الى تحت رجول الوالده وطبعا الوالده وجدورها كلهم فوق عهد ..
عهد : اهي اهي اهي اأأأأأأأأأأأي يما بمووووت
امي : فوق عهد .. موت جدي اللي مات تحت تريله ماي كبر طعس اللي كان راعينا يرعي الغنم عليه ثم تدرج من اولها لين تاليها وعقب طقت وانكسرت رقبته
عهد: لحظه يما وقفي الدعاء قومي بعدين كملي كيفك
امي : وتقوم .. أي اقول لك وعقب ما هذين طاحت من الجبل
عهد: بس بس واللي يعافيك يماا الله يرحم جدك ويرحم راعي الغنم ماصارت دعوه
جدتي: أي ابج يا ملحه ماكملتي وابو معزي يوم يدعم ناقه ويموت وولده طلع من الدريشه والقزاز بجسمه وو
عهد: يااااااااااااااو ماصارت دعوه اقول جده واللي يعافيك ويرحم امك تفكين انا طالبتك لتسكتين
جدتي: أأأيه ياحزم الضامي قلبتي علي المواجع
عهد: وش مواجعه
جدتي .. وتحط شيلتها اللي طلع من غبار على عيونها : ياحبيبي يا ابوي << ماجبنا طاري ابوها
انا .. جيت وجنطتي على ظهري وأغني : مفـــيد الوحش اللي قطع ذنب الجحش
جدتي .. وتصب قهوه وتشرب .. والله ماجيتي ماجاه مفيد يوم انه يشيل الاغراض حتى شال جدته
انا : ومن قال اني بصير اطيب منه خلي طيبه له
عهد: ابج يالخبله تبيك تصير نفسه وتسنعين اغراضهاا
انا : واغمز لهاا فاهمه : ايه ياجده وانتي ما سويتي نفس ام فتحي العجوز اللي شالت اغراض بنت اخيها وهي نايمه
جدتي..وتمسح رجولهاا : أه أه يارجيلاتي
الكل: هههههههههههههههههههههههههههههه
مشاري : توه داخل الحوش ولا يشوف جدتي فارشه فرشه وتقهوى عليها : السلام عليهم
انا: مشاريوه ماشفتني وانا اشيل الجنطه طافك
مشاري: لا لا عيديها عيديها تفكين
انا : واشيل الجنطه وادور فيهاا نفس الحركه اللي اوليه
مشاري: ينعنبو ذا الوجهه وموقفتني ساعه على هالحركه والله لو انك تنابحين ابرك من سالفتك هذي وانتي (يقصد جدتي) الناس معتفسه وجالسه تقهوين ابي مره وحده مره وحده جالسه من غير هالفنجال بس بس ذبحتي نفسك .. وياخذ لفنجال .. الله يهديك : ويصب لنفسه القهوه ويتقهوى
وجلس هو وجدتي يتناطحون على الدله الاثنين مدمنين قهوه
امي : عنوود الله يقطعك ويقطع ورعانك تعالي ضبي قشانك اخلصي عليناا
ماجد جاي يتمخطر وبيده عنزته ويهز راسه بنزعاج : الله يهدك ياجده روعتي درعان ماهو قادر ينام
امي: الله يقلع درعان اللي اروح واخنز في بيتناا رح عجل على امك
راح وجلس جنب مشاري : الله بس يهدي امك
مشاري .. يبي يشكي له : حسيت باللي انا حسيت فيه تصدق ان جاني مرض نفسي
ماجد: كذوب من عرفتك وانت فيك هالمرض بس انت يا حضك
مشاري: ليه ياولد
ماجد: انت ماتشوفها غير اربعه وخميس يومين بالاسبوع وانا كل هالاسبوع مقابلهاا الله يعين
مشاري: اصبر انا الله مع الصابرين الله يعوضك بالجنه
انا: وامسح على روسهم : من يمسح على روس هالمساكين
ماوعيت الا وبحركه بهلوانيه انا والطوفه واحد .. وشعري يسحب بالارض وعيوني ضربت حول.. وخشمي تقطر منه مواد لزجه
عذاري توها داخله : يؤؤ يا جدتي الصراصير واجد هنا
امي : متروعه وينهاا فيه
عذاري: هذا اللي بالطوفه
انا: واقوم من الارض وأللم شعري : لا لا لاتخافين كنت انا امسح الطوفه
عذاري": يمه على بالي صرصور
انا: لالا لايغرك سوادي ومتني تراي انا عذبيه
عذاري: خلي هرجك عني روحي جيبي الاغراض
انا: وانتي شتسوي
عذاري: انا شسوي انا جالس اكوي الملابس
امي .. تصيح خلصونااا نبي نشـــــــــــــد أد أد أد << صدى الصوت
الكل استنفر حتى جدتي ودلتهاا ..
بعد اقل من جزء من الثانيه الكل واقف وخلاص قشه وركبنا قشنا الدنه
ويوم خلصنا انتقلنا بيتنا الجديد بكل سعاده ووناسه ..؟..
اول مادخلنا البيت رحت اركض بحجز لي غرفه .. كنت اول من دخل البيت حتى دخلت برجلي اليسار رحت خذيت فوق تحت ودخلت باليمين ومع ذالك انا اول وحده.. كنت اركض وشكلي كأن عجوزتبي تلحق على معاش الشؤون .. وعباتي تكفخ وراي اصلن العبايه علي تقول عبايه على سيلانيه مضيعه أهلها .. أي وحده مو رزه الرزه بعيده عني بعد امريكي عن شرب حليب نياق .. كنت اركض واضحك بهستيريه وركضي بدون هدف بس بسبق اخواني .. المهم ماكملتي خطوتي لصعد الدرج إلا وانا اخبط انا والكاشي اصحاب .. واسمع خطوات فوج غنم يركض فوقي وسبحان الله صرت الاخيره رحت لغرفتي او بالأحرى غرفتناا وركزوا على ناا نون النسوه المعزبه << قاعده من اختراعي .. المهم وانفرش بالارض واحوس بأغراضي ..
بيتنا الجديد لله يابيتنا كان بيتنا عباره عن دوين الدور الاول يظم دوانيه رياجيل مع مقلط وحمام كان مفصول عن البيت واللي يربط بينا ممر يطل على الحوش واللي فيه باب هالباب يدخلك على غرفة المعيشه اليومه وكان في غرفه مخصصينها للضيوف الحريم يعني غرفه كشخه مانفتحها الا كل يوم جمعه نبخرها ثم نرد نقفلهاا وغرفه جانبهاغرفه جدتي وقدامها حمام وكان في باب يطل على ممر يدخلك على حوطه اللي فيها المطبخ كن مطبخنا خارجي وقدامه حوطه متوسطه فيها نخل وثيل يهبببببببببل المراد والدور العلوي الغرفه الرئيسيه للوالده حفضها الله ورعاها والغرفه اللي قدامها غرفتنا انا وعهد وعذاري النشبه واللي على اليسار غرفه العيال ناصر ومشاري ومجود واللي مقابلها غرفه اختي عنود هي وورعانها الباقين ويتوسط الغرف حمام
والسطح كان العجيب فيه انه مشترك مع سطوح جيرانا
نرجع لمشهد ..
احوس بغراضي اخيرا لقيت الشي اللي ابيه لقيت مذكراتي ..
انبطحت على كرشي ومسكت قلمي وافتح المذكره يعنني بنت ذربه بسوي نفس اللي بالافلام بكتب مذكرات فتشت باوراق المذكرات لقيت كلها ولد في مثل هذا اليوم او توفي في مثل هذا اليوم
واللي يحر قلبك اني مو كاتبه التاريخ مو اقول لكم قمه الدشاره مجتمعه في ذا المخلوق الله بس لا يكثر من امثالي ... << تهبين اي والله ..
المراد
جلست اكتب بالصفحه .. في مثل هذا اليوم اللي هو الاحد لحظه؟؟
انا: عذاري اليوم وشو
عذاري:وترتب ملابسهاا : اممم اليوم الثلاثاء
عهد: خخخخخ يالخبله اليوم السبت
انا: يؤؤؤ حددوا
عذاري: مدري
انا: يوم ماتدرين شهوله تتلاقفين وتجاوبين مالت على ذا الشوشه اللي تقول شوشه ام درعان
عذاري: عدال وجهك اللي يقول وجهه جدتي صيته لا قامت من النوم
عهد: ههههههههههههههههههههاي حط حيلهم بينهم وشيلني من دونهم
انا وعذاري: قمنا على عهد بنتوطى على راسهاا
عهد .. وتحاول انها تقاوم وتمد ايدها لقدام مع تحريكها كأنها تسبح في بحر
انا: بكل نذاله وخبث هديتها وقامت تتدحرج الا وهي داخله الكبت رجولها فوق وراسها تحت وعيونها طق حول ويدور على راسها عصافير ونجوم خخخخخ
قام بنت الحلال ودعستني تحتها وجلست تمشع شعري وانا كنت متميتلها في بكس بضربه في بطنها الا والبكس في بطني جلست اتلوى ساعه وشعري كشه << اصل هو خلقه كذا
من القهررحت وسدحتها وجلست فوقها بكل سمني وطولي قدرت اني افخصها وهي العصقوله زيتونة باباي ترفس تحتي الا ان لفظت انفاسها الاخيره
قمت ورحت للمذكراتي وكتبت
"اليوم والله مدري شنو وعناد فيك اني تهاوشت مع خواتي اليوم السبت ليلة الثلوث صباحية الخميس
المهم يامذكراتي العزيزه اليوم وصلنا بيتنا الجديد ويالله مت وناستي مع اني كنت احلم بغرفه مستقله لكنني نعمت اخيرا بسرير لي وحدي وكبت لي وحدي بعكس بيتنا القديم اللي كنت انام على الارض والكبت شراكه مع اختي المصونه عهد المهم وش اقول أي تذكرت اليوم ونحنوا متجهن لبيتنا ونحنوا بالشارع صادفت بنت بنفس عمري مدري ليه قلبي رف لها كانت تمشي بالشارع وعباتها تكفخ أأه كم ذكرني بصديقتي الغاليه خوله الله يرحمها اللي تزوجت وسافرت للسعوديه كانت عباتها تكفخ وراها وكم لكفخه العبايه من ذكرى طيبه في قلبي فحسيت انها بنفس طبعي
وو"
ماوعيت الا وامي ناطه فوقي بحركة مصارعين .. قومي يمال المرض رتبي المطبخ وسنعي لنا عشااء
انا : ومتروعه : نشالله
واركض من الدرج وتزحلق لين وصلت للدور السفلي وبعدها دخلت المطبخ وقمت ارتب المواعين بمكانها واسنع اثلاجه تو اخوي ناصر رايح للجمعيه وشاري اغراض الثلاجه وانا اتحلطم
كله انا كله انا الله يقلعك يا ورنيتي ليه يوم تسافرين وخلينا في وقت بدل ضايع ندور على غيرك
وكل ماجبنا وحده نحاشت مدري وش العله ..؟..
بعد م سويت العشاء وتقريبا بيتنا ترتب شوي لاننا قبلها بيومين شلنا الاثاث ورتبناه مثل الكنب وغرف النوم والمطبخ ..
فرشت سفره بالارض وحطيت عشي اللي اهلي يحلمون فيه عشاء فاخر جدا وانا اسويه كنت اغني < نسم عليا الهوا من نضرات الوادي ياهوا دخل الهوا خذني على بلادي >
وكان عباره عن زيتون وجبن وقيمر ومربي وبيض عيون وخبز صاج وشاهي حليب
الله كم هو لذيذ يا عشاي الفاخر
المهم وانا جالسه انطر الاهل يشرفون وما كان جالس على السفره غيري انا وجدتي صيته اللي كل ما مدت يدها على الخبزه بتقطع منهاا طقيت يدها واطالعها بحقد .. وانا اتحلطم أي بتخربين عشاي << والي يحرك اني اقطع من الخبز واكل خخخخخخ
المهم الاهل طولوا ما جو رحت اصوت عليهم دخلتي غرفتناا ومثل ماقلت ركزوا على ناا
وياليتني مادخلت الا كلهم متجمعين امي وعنود وعهد وعذاري ومجود ياكلون وجبات من مادقوناز << ادري انها بدليه بس ماعرف انطقها عدل
انا .. واشاهق : يمال الحريمه اللي تحرم كبدكم مسويه عشااء تحت وانتم هنا تاكلون وامي نطت على نطه خلت ضهري في سي دي مدري دسك وبالاخير جالسه تاكلين همنقرهناا
امي: انا سويت هالتمثليه عشان تنقلعين مانبيك تاكلين معنا
انا: ابي ابكي : لــــــــــــيـــــــــــش
عنود: عشان تنحفين عاجبك جسمك يمال الضعفه
انا" وقمت اناشق : لا لا انتهينا خلاص (وقمت اغني ) وش تبي فينا انتهنا روح لاتفكر تجيناا
(وعقبها قلبت ) انا انتهيت والله انهيت وش ظال بياا
وبالاخير غنيت)) صبوحه خطبها نصيب أأه خطبها نصيب
عذاري: الله ياخذك يالبطه شكو صبوحه
انا: وامسح خشمي بطرف ثوبي: مدري زعلانه والهم كاسيني
ورحت اركض على الدرج وانا صاكه فيني الدنياا . صحيح اني بطه ووزني 97 بس مو مشكله بيجي يوم واضعف تهي تهي الله يقلعكم جعلهم ما يحدرونه ابد
نزلت للأفسل (الاسفل) ولا ألاقي جدتي قضت على اخر نقطه من عشاي ..
انا: حتى انتي ياجده حتى انتي أهي اهي اهي اهي ماحبكم انا اكرهكم
طلعت للمطبخ وقمت اغسل الصحون واشطب على اخر الاعمال بالمطبخ ماهي الا نص ساعه الا انا خالصه .. كنت حزنانه حيل .. تهي تهي تهي
رحت لغرفه المعيشه وقمت ارتبها واضبط الاثاث واركب التلزيون عشان بسهر تحت ..
جدتي كانت تمارس عادتها اليوميه : وهي شرب القهوه ..
انا: جده جـــــــــــــــــده
جدتي: دججوك عشره عبيد وشتبين
انا: جده انا زعلانه
جدتي: ماترضين وليه زعلانه
انا: جوعانه ومامعي قروش اطلب مطعم تصدقين اهلي طالبين ولا طلبوا لي كني بنت البطه السوده
جدتي: كان الاكل قدامك من اليوم وشهوله ماكليتي يمال الحريمه
انا: لاتقعدين تصيرين لي مريم نور على غفله جده الزبده ابي فلوس
جدتي: ماعندي
انا: يانعنبوا ذا الوجهه جالسه اشكي لك الحال ولا تعاطفتي معي
جدتي: تلعنيني بعد .. وتمسك العصى وتقوم تلسبهاا فيني ورسمت احلا علامات في ظهري
رحت اركض بخف الريشه وانافي قمت السعاده من طقت جدي اللي بعثت فيني روح الامل من جديد وبكل قوه دخلت على اهلي مره ثانيه اخطف منهم الهمنقر والشبس والبيبسي ونحشت على طول للدوانيه وانا اضحك بهستريه وثوبي للبيت كان طويل بس سمنتي خلته يشمروشكلي وربي تقول خدامه وشعري منكوش صحيح انه طويل يوصل فوق الركب بشوي الا ان انه يخلو من النعومه كنت حاويه شعري قرنين يعني مجدلته ثنين قذلتي ماستها بماشات لورى ملونه يعني كاشخه مع هالوجهه هالكشخه ما اكشخها غير مرتين بالسنه صباحيه عيد الفطر والمره الثانيه لا كشتنا للبر ولا باقي الايام انا بوادي والمشط بوادي ..
أأه على طاري المشط ذكرتوني بأيام الخوالي يوم كانت جدتي صيته تطرحني وامي تتجود بشعري عشان تمشطه أأأأوووه كان الشارع كله يعرف اني جالسه امشط شعري مدري ليه احس ان نهايتي بتكون وانا امشط شعري
المهم نرجع للمحور
دخلت الدوانيه بعد ماضفرت بغنيمتي من البلعه وجلست اكل على رواق واكلم نفسي وميته ضحك
على الشكل الجميل والرائع .. انفتح باب الدوانيه دخل اخوي مشاري ومعااه رجال
أأأأه ياقلبي على هالرجال ..
شنو طول شنو وسامه شنو جسم رياضي ومعضل بحكم انه مع مشاري بالضباط والتدريبات شاده جسمه وفوق هذا قرعه .. أأأأه ياقرعته مخلته جميييييييل حيل العيون وساع وناعسه وسود
يعني 3 في 1 والخشم سل السيف ولا الفم شلون الشارب مرسوم فوق بدقه وفن وكان لابس دشداشه ضيقه عليه مطلعه جسمه وغتره وعقال وناسفها لي وره يوم شافني صد عني ورجع لي ورى << مالومه شااف جنيه مو بنت
اخوي مشاري يوم شاف شكلي قام يلطم من الفضيحه ولا لطم عجوز على ورعانها اللي ماتو
طبعا انا انسانه بديهيه شلت اكلي وقمت وقفت قدام مشاري في انتظار حصتي من الضرب
طبعا مسكني من علباي وكم طراق على كم شلوتي بعدها تعدلت ودخلت داخل ولا كأني انضربت
وانا داخله البيت ولا يصيح علي قهوه قهوه ,, انا زييين جعلكم للحريمه ..
كان صاحب القرعه البراقه يسمعني .. ضحك وبعدها سكت واخوي مشاري متفشل حيل منه
يحاول يرقع الموقف بس الموقف مايترقع ابد
المراد
دخلت للمطبخ وقمت اسوي القهوه وانا في قمة السعاده والفرح الله صاحب القرعه البراقه بيشرب من قهوتي واجلس اسويهاا وانا اغني..؟
<< بوصالح سرى ليله وهل الدمع من عينه
صبولي من الفنجال صافي من عسل الماخوذ << ناسيه الكلمات
تحسوون اني بنت قمة في الرقه والنعومه الله يا حلوي وانا ناعمه
عقب ما سويت القهوه والشاي رحت للحوش وطقيت على الدريشه ماهي الا دقيقه
الا واخوي مرتز قدامي ارتزوا عليه جنون الدنيا السبع<< تسمع بعجايب الدنيا السبع
المهم
مشاري:: متمسك بالصينيه : هديها يابنت
انا: اطالعه وشاقه الابتسامه ومبحلقه بعيونه ودي اعرف هذا منو بس الحياء ذابحني
مشاري: يابنت هدي الصينيه لا ألسبك بالعقال
انا: السالفه فيها عقال احترمت نفسي وهديت الصينيه
طبعا اخوي من الحره رفسني برجله وانا صابره لعيون صاحب القرعه البراقه
واودع اخوي واسوي له بيدي مع السلامه والابتسامه شاقه الحلج
اخوي: من بلاهتي .. قااام يضحك ويقول: ياناس غبااااااء
طبعا انا رحت عن اخوي ورفعت ثوبي الابيض المخطط باصفر واحمر ومكفسه اكمومه ولابسه تحته سروال طوويل لونه زيتي << عشان تعرفون اني ذويقه بس منتو مصدقين
ماقلت لكم قصه السروال الطويل هذا الله يسلمكم الوالد رحمة الله عليه
موصي الوالده وهو ينفض أنفاسه الاخيره
غبره يعني جالسه اتذكر الموقف ..
ابوي منسدح على الفراش ومتجود بيد امي : يا ملحه ماوصيك على عيالي والسروال الطويل
تكفين مابي بناتي يبان جسمهم عند العرب واخوانهم صونيهم يا ملحه
وبعدها طق مات
امي: لالالالالالالالالالالالالا غزاي لالالالالا .. وبعدها قامت تردد امي وراه ..طروال سويل
فلم مكسيكي مو ملحه وغزاي
وعقبها هالسروال لا يمكن ان نستغنى عنه حنا يبنات لو مالبسناه تقوم الوالده تدوس بخشومنا عيب البنت تمد ساقها وتطلع ساقها قدام اخوانها لازم سروال طويل والثوب يكون واسع حيل يعني اكبر من مقاسك مثال عهد مقاسها (s ) تلبس (l) والكم يكون طويل يعني املك اننا نلبس بناطيل او تنانير وبديات ضيقه والاحكام والقوانين علي انا وعهد اما عنود فاكيفها متزوجه واختي عنود بنت متفتحه وتخلي بنتها تلبس اللي تبيه يعني ان بغت بناطيل ان بغت قصير عادي الحياة حلوه وانا وعهد كل ماشفناها زاد الغيظ بقلوبنا نطالعها من تحت لي تحت ياحظها امها تسمح لها المهم عقب ماففضت لكم برجع لمحور الحديث ..؟..
رحت اركض وسروالي يسحب وراعي وانا اناقز بخفه الريشه ورجل قدام ورجل ورى واغني لاه لاه لا لالالاه وركضتي ولا هايدي راعية الغنم ..
رحت لغرفتنا . ناا ركزوا عليها المراد ويوم دخلت وانسدح فوق سريري الله واحط رجل على رجل وسرحانه واطالع بالسقف وجالسه ألعب بقرنيني وانا بقمة الهيام ..
ولا تجي اختي عهد الملقوفه وتحط راسها جنب راسي وتطالع وين اطالع ومستغربه اول مره تشوفني بالهلحاله وبنت الحلال فاتحه فمها على الاخر وتطالع بغباااء ..؟..
وتمسكني مع كتفي وتهزني: عذبيه عذبيه قومي قومي
انا .. وعصبت : يانعنبو ذ الوجهه الواحد مايسرح عندكم
وقمت وانا حدي معصبه .. ورحت طلعت مذكراتي اللي نص اوراقها مشقوقه حق طلبات المطاعم ولا البقاله والباقي مثل ماذكرت لكم توفي في مثل هذا اليوم وعاش في مثل هذا اليوم
كنت احوس ادور لي على ورقه اعبر عن مشاعري الجياشه ..
كنت احس في شي يقرقع في قلبي قلبي يبي يخرج للعلن مدري شي اول مره احس فيه لااستغفر الله حسيت فيه قبل هالمره يوم شفت الاول مره راجو سايقنا << كانت تحب السايق
لان محد عطاني وجهه غيره
عاد الله والوجه اللي عطاك ايااه بس مره ابتسم بوجهي يوم شافني جايه ومحمله معي اغراض راح ركض وشال الاغراض عني أأأه كم كان تصرف نبيل ومن عقبه وانا احبه بس ابن الحلال سافر لزوجته وانا انصدمت طلع متزوج الخاين تهي تهي المواجع تتقلب علي ..؟..
المهم لاعت كبدي ورحت جلست على الارض وطلعت مسجلتي اللي ورثتها عن خدامتنا ورنيتي
اللي مالها باب للكاسيت يعني لا بغيت تحط الكاسيت اصقعه اقوى ماعندك بالجدار وعيش حياتك وانت تسمع الصوت اللي متغير من قدم المسجله ولا وازين مافيها الوان تطلع من السماعه ممو اقول لكم سوالف هنود رحت فتحت الرادوا وحطيت على الاف ام وانا اسمع الاغنيه بكل حب واريحيه ..
وكانت الاغنيه ..
(( سواها قلبي ياحبيبي وحبك ماطعني وانا عن الحب ناهييه
الظاهر انه مايبقي غير قربك عاف الجميع واول الناس راعيه
...
عليه ماوصيك لا صار جنبك صبح عليه بحب وبحب مسيه
نبضه والوفاء ((مدري شنو)) لا يعجيك
صافي ولا لقى من يصافيه
...
وسواها قلبي))
الله والله وصرت رومانسيه عقب ماكنت اسمع بو شنان وخالد الملا وبو صالح سرى ليله وصبوحه خطبها نصيب وبنات المدارس ليتني عندكم سواق واغاني اسامريه والفرحيه
صرت اسمع لاصاله ونجوى وام الثوم واغاني الحب والفرح وقبل لا كشخت يعني بغيت اسمع اغنيه حب
يعني لا ضاقت علي الوسيعه رحت سمعت اغنيه
(( الله وكبر ياحمام من صلاة العصر نااح ))
مو اقول لكم قمة الرومانسيه ..
الجزء الثاني ..
عهد .. حاظنه المخده بخوف وتطالعني وعيونها تدمع : شنو فيك يا عذبيه
انا: أي والله اني عذبيه اني عذاب اني متعذبه
وقمت اقصد
(( ياعذابي منك ياموتي وياحرماني .. زابنك بالله تخفف عني اللي فيه
من عذابك وشهو اللي باقين ماجاني .. في عيوني من عذابك صايره ماريه
وانتي تدري كل ماتحتاجني تلقاني .. يشهد الله عنك ماتقدر تشح ايديه
بس تكفه لاتعذبني ولا تنساني .. ضمني يانور عيني في حشاك شويه
كل ماشفتك تدخلني في عالم ثاني .. عين تنظر لك بشر والثانيه حوريه))
**تركي الميزاني**
عهد.. وبدت تصيح : أأأأأأأأه ياويلي وخيتي تحب أأأأأأأأأ
انا: وش اللي احب بس وانا اختك تفجرت شيات في قلبي
عهد.. وتصيح : وبعد انفجاراات أأأأأأه
انا: ياليل البكي خلاص ماعاد ابي اعشق
عهد: وتصيح : اختي ماعندها احاسيس أأأأأأأأأأأأأأه
انا: وقمت اصيح معها : ليش ياربي كل شي حرام علي أأأأأأأأأأأأأأأه
عهد.. وتظمني ولي اول مره احد في حياته يخمني حسيت اني بنت مسكينه
بالعاده يا ترفس يا تخمش يا طق بس احد يظمني فاقد للهشعور وصلن انا نفسي عمري ماهتميت فيه المراد وانا اللي اشاخر بحظن اختي العزيزه . خ خ خ خ خ خ خ
عهد: يانعنو ذا الوجهه مو كفوا احد يخمك ...
وتقوم ترفسي وانا اللي اتدربح على الارض واكمل نومتي
...................
قمت من النوم على اشعة الشمس < انتبهتوا للتغير ماقلت قمت الصبح لا على اشعه الشمس شفيكم صرت رومنسيه ياحليلي حليلاه ..؟..
وانا اقوم من الارض بسعاده ولا اختي عهد منبطحه على سريرها وحاذفه فراشها بالارض وصوت شخيرها واصل لسابع جار ومتهاوشه هي وثوبها اللي وصل لي خصرهاا
توني افهم ليش الوالده تلزم علينا بالسروال الطويل عشان الفضايح اللي تطلع تالي الليل ..
وشفت بالجهه الثانيه الا عذاري نايمه بكل رقمه ونعومه ولابسه بجامه نوم قصيره لونها وردي ومخططه بأبيض وعليها رسمت دبدوب يجنن وكان الثوب علاق ومبطله شعرها اللي واصل لي كتوفها وهو مدرج وناعم وحاطه شباصه صغيره على جنب وريحه الفراوله طالعه منها والهدوء يعم منطقتهاا
لفيت على عهد مره ثانيه واللي انا وياها نفس الطبايع شفت الشعر منكوش وهو مجدول والجدله طويله وبنت الحلال ماعندهاا قذله يعني الصنديحه ياكبرها كبراه انا في يوم كنت نفسهاا بس الله ستر وطلعت لي قذله بعد معناة اترجي امي تقص لي قذله لان الوالده اكره ماعندها المقص يطب شعورناا << بحكمه انه الشعر الطويل يستر يوم القيامه يوم الناس كلهم سلطن ملطن
المراد
قمت ورحت للحمام وغسلت وجهي وطلعت ورحت للمطبخ اسوي الفطور وكانت الساعه في ذاك الوقت على ما اظن الساعه 6 لا استغفر الله 8 لان يوم قمت إلا جدتي قايمه من مبطي وجدتي ماتقوم الا لساعه 7 و43 دقيقه في انتظار قهوتها
المراد سنعت الفطور ودلة القهوه لجدتي عقب مافرشت الفرشه لها بالحوش تحت النخله جلست تتقهوى وانا اكمل ترتيب البيت والخم والكنس يوم خلصت الا جتني عهد تتمخطر تبي تفطر كذا بالساهل ..
انا: وامسكهاا : مافي فطور الا لما تغسلين الملابس
عهد: ابج قولي لا أله الله الله
انا: لا اله الا الله
عهد: محمد رسول اله
انا: محمد رسول الله
عهد: وتقلد الهنود : أشهدوا ان
انا: يبنت الحلال والله مسلمه وربي اخلصي علي
عهد: بغسلهاعقب الفطور
انا" لا هللحين
وتدخل علينا المطبخ عذاري عقب مالبست روبها الحرير الابيض ومرسوم عليه ورد جوري احمر وواصل لتحت الركب ولابسه نعول ريش
عذاري: هاااي
انا وعهد: هايات
عذاري: وتسحب لها كرسي وتجلس على الطاوله اللي بالمطبخ البلاستيك عقب ماسكبت لها عصير بردقان من الثلاجه
انا وعهد: نطالعها بستغراب : اخص يالذربه تشرب عصير على الصبح << لاتستغربون يعني ليش مانعرف طبايعها من تطلقت امها وهي عند ابوها الدكتور وماجتنا عاشت عندنا الاقبل شهرين لان ابوها يموت عليها حيل ..
عذاري: ابوي ما اتصل
انا: وش درانا عنه
عذاري: طيب انا طالعه اخذ لي شور لو اتصل بلغيني
انا: حاظر مو انا سكرتيره عندك
عذاري: بغرور : اكيد
انا: وكنت بقعد فوقهاا واحاول ألحقها بس مسكتني عهد اللي نفخت في بطني لين هديت
انا: ايتها الدلوعه الماصعه اجل حتى كوبها ماتغسله كوت لها كم ثوب وبغت تموت علينا هذا اللي ناقص نشتغل لهاا ..
عقب فطورنا الصباح رحت انا وخيتي العزيزه لغرفه المعيشه نشوف برنامجنا المعتاد تلفزيون الاطفال خخخخخ
المهم ولا يرن التليفون وكل وحده فينا تعزم الثانيه تشيل التلفون
انا: ياوخيتك ردي عليه
عهد: يابنت انت اخف
انا: أي اخف والله اني شحوم متراكمه
عهد: تفكين خففيها وروحي ردي عليه
انا: يابنت انتي حركي دمك وردي عليه
عهد: ياحول ورى كل انا وانتي وش وظيفتك
انا: وظيفتي اكنس واطبخ
عهد: يامسكينه كني انا ماعونك في الشغل
مادرينا ولا يوقف رن التلفون
انا: جت منه احسن
عهد: طقت كبده ومحد رد عليه
انا: لا يكون ابو المفعوصه
عهد: ليته
انا:هههههههههههههههههههههههههههههه
ويرن التلفون مره ثانيه ولا تدخل عذاري
عذاري: انتم ماتسمعون التلفون
انا: إلا نسمعه
عذاري: وليش ماتدردون
عهد: لعااانه
عذاري: تلعنك انتي وياها وترفع السماعه
عذاري: أأألو
هاي باباي
مشتاقه لك حيل حيل حيل
ههههههههههههههههههههههههه
حبيبي باباي والله
انا وعهد كنا فاتحين فمنا على الاخر ياحلو الدلع حلوااه
بباي الله يخليك جيب لنا خدامه
أي أي ماعندناا
ههههههههههههههههههه
الله يخليك لا تكسر فيني
بتمرنا اليوم
طيب زين الساعه كم
خلاص راح اقول لمجودي وودي طيب
باي باي
وباست السماعه وعقبها ردتهاا
وحنا شهقنا خوش شهقه .. يافضحي تبوس ابوها
مو انا وعهد ماعرفنا الوالد رحمة الله عليه ولا عمرنا بسنا رجال حتى اخواني
يااااااااو يافضحي اتخيل اني بس حبيت اخوي ...؟...
المراد
وتمسك عذاري الريموت وتقلب القنوات واللي مافيها غير كويت الاولى وكويت الثانيه وكويت الرياضيه وكويت الرابعه << شخباري شالوها من زماان
عذاري: ماعندكم ستلايت
انا: لا حرام
عذاري: طاع هذي شنو حرام في قنوات زينه مو كل الستلايت حرام
عهد: عيب جيرانا يشوفون عندنا دش وشيقولون اهل البيت مارجين
عذاري: واااي وااي شنو هذا
المهم
انا وعهد متعودين على القنوات ولانطالب باكثر الحمد لله مستوره رحت نزلت مسجلتي ام ليتات
وحطيت على الراديوا ولا تطلع اغنيه
لي ثامر حصني << مدري هو صح ولا خطأ
اللي اغنيته كلها يتارع
أأأع
<<كل مره بشوفك فيها يبأه نفسي أأأ أأه
اجيلك اقول لك انت عني بالحياه<<
ادري اني بدعت بالاغنيه بس ماعليه مشوها لعيوني ..
المراد وقامت عذاري تهز مصاري وترقص وانا وعهد منصدمات حنا غير ردح البدو مانردح حتى الدوسريات مانرقص
كان انتهيض انا وعهد على الاغنيه
قمت انا ألفح بشعري واردح بدوي
وعهد كنها عجوز تلعبني ناسفه العباة تلاعب
ادري ان شكالنا غلط بس حلو روح التجربه
يعني اغنيه مصريه وحنا ردح عجايز الله تخيلو معاي المنظر الحمد لله ماكان في هاك اليوم بلوتوثات كان تلقون المقطع منتشر بكل مكان << يادجه فيه بس انتي ماتعرفون شي
طبعا بنت اختنا الماقصه ميته ضحك علينا وتحاول تسوي نفسنا بس لو شنو ماتقدر تردح مثل ردحنا اللي يدك القاع اللي يزلزل الارض تحتنا اللي ردح يخلي كل مافيك يرقص
حتى اكثر (اذكر) جارنا بو حمود الحظري طلع يهاوش مع هالفره
بو حمود .. عيب عيب في ناس بتنام
ان: احد ينام القايله
بو حمود .. من الحره قام يردح هههههههههه
.....................
المراد
دخل علينا اخوي ناصر الدختر ويطالعنا وحده نااقد مو اول مره يشوف هالمنظر الغريب كل مادخل يشوفنا بشكل جديد .. وقف وهو مكتف ايدينه ولابس بنطرون اسوود فيه مخابي كبار على جنوبه وتي شيرت بيج عليه روسومات كريزي وشعره طويل يطير مع الهواا .
سبحان الله الوالده عيالهاا مزايين لكن سبحان البنات قمه في الجكر مدري ليه اللي يشوفنا انا وعهد ويشوف اخواني ناصر ومشاري ينصدم يقول تخسون هذولا اخوانكم يعني فرق حيل هم شرق وحنا غرب ..
ناصر: امنيتي ادخل البيت وألاقيكم منثبرين بالارض يانايمات يا منهبلات
انا: وانزل راسي السموحه ياطويل العمر
عهد: نرفه عن مافي انفسناا
عذاري: أهلين خالي .. وراحت تركض له تحبه ( حبة الصباح )
انا وعهد نطالعها . بستنكار وش هالمصاعه روحي تستري عقب حبي راس خالك مو تحظنينه جعلك الساحق الماحق والبلا المتلاحق
ناصر: اهلين عذاري كيفك
عذاري: بطلع (دلع) : بخير
انا .. بصوت واطي .. حسافه
عهد: ليه
انا: هي بخير
عهد: شناويه عليه يامعلمه
انا: واضحك ضحكه شريره نهااهاهاهاهاهي قهزي الميه السخنه
عهد .. وترقص : يختي عليها ويختي عليها شمعه منور وحنطفيهاا
انا: واللي معاها راحوا فيها يختي عليها ويختي عليهاا
ناصر.. بستغراب : ريا وسكينه مو عذبيه وعهد
عذاري:ههههههههههههههههه هم كل يوم جذي بس يضحكون ماعندهم هم غير الضحك
انا: ولا في هم العرس بعد
عهد: أي والله هم العرس
ناصر: استحوا على وجيهكم عيب انا قدامكم بنات اول مايقلون هالكلام صحيح ماعاد في بنات
وانا: افرقع بصابعي: بناااااات اول مو هاللحين
عهد: هللحين البنات يخطبون الرياجيل مادريت
ناصر: والله تسوونهاا
انا: هاه ماوصيك تجهز
ناصر: وليه
عهد: بنروح نخطب
ناصر: كانت معاه شنطه لحقنا فيهاا لين دخلنا غرفتنا كان بيضربنا لولا ربك ستر ...
..........................
انا: واجلس على السرير .. عهد
عهد: بخشونتها المعتاده : نعم << لا والله اكذب قالت بالحرف الواحد هااااااااااااااه
انا: وجعااه قولي نعم
عهد: نعم
انا: اخص يالذربه قولي هااه
عهد: هااااااااااااااااااه
انا: فجرتي اذني
عهد: تقوم وتوطي في كرشي .ان ماخلصتي لا اقوم اتوطى في بطنك ..
انا: خلاص بقول عهد ودي اصير ناعمه وحلوه
عهد.. تطالعني منصدمه وبعدها بدون سابق انذار:هههههههههههههههههههههههههههههاي
ناعمه قال ناعمه قال هههههههههههههه ياحليك يا عذبيه مو لايق وربي مو لايق هههههههه
تكفين بطني
انا: واضحك .. تخيلي عاد شكلي قاصه شعري وحاطه مصاصه واتدلع بطه وتتدلع هههههه
ههههههههههههههههههههه ياحليلي حليلاه
عهد: ههههههههههههههههههههههه يابنت تكفين غيري السيره
انا: وانتفض ..جتني نفضه
عهد: يهب مسكونه علامك
انا: تخيلت نفسي دلوعه وااااااااااااااااااااااااااااااااااع
عهد: أي والله اقول ورى ما نروح للسطح نتحرش بسطوح جيراناا
انا: يالله يام الفكر
ونروح للسطح ونطينا بسطح جيرانا الي يطل على حوشهم كان معانا بطل ماي بارد وخدامهم تغسل ملابس بسطل .. نثرنا عليهاا ماي بارد وقامت ترتجف هههههههههههاي
شكلها تحفه
ونروح للسطح الثاني ولا نشوف جدتي بحوشنا تشرب قهوه ونرش عليهاالماي
جدتي: ابك ابك مطر مطر امطرت
انا: يمال الدجه مطر بشهر 7 حنا صيف صيف
جدتي: جعلك ماتربحين عذيب انزلي لا اطلع عليك نويصر يلعن جدفك
انا: بعدين حرام عليك جده اعيش من غير جدف يرضيك هالشي ..
ورحنا نركض لاخر سطح سطح جارنا ابو نوير
وحنا ننقز وتونا بنرش المااي ولا ينفتح الباب وتطلع لنا هاك البنت المعصقله اللي معاهاا جدر وتصيح فينا انتم منو وشجابكم للسطح
انا وعهد : نصيح : أأأأأأأأأأأأأأ طاحوا علينا
وقمنا نغني ونصفق .. وطااااااحوا علينا وطاحووو علينا وياويلنا ويلاه ويلي ويلي ويلي
مادرينا ولا هالبنت تنزل الجدر وترفع ايدها وترقص .. وتشيشناا : أأطلع أأطلع ششيل رووح
روح عاشوا عااشو
انا وعهد قمنا نلاعبهاا ونشيشهاا كود انهاا تنسى انا طبينا في بيتهاا ..
انا : واقصد .. ياليتـــني من بنات اليوم .. وعندي سايق وهنديه
ولساعه وحده وانا ماقوم .. وغداي كيكه وبيبسيه
عهد.. يااااااااااااااااااااااااااااااااااااااااااو اردح اردح
اما البنت فهذي بنت الحلال زيرت وقامت ترقص بهستريا انا خفت لا تكون ملبوسه فا سكت
ولا تلتفت علي
هي: كثر الله خيركم انتم من جيرانا الجدد
انا.. وامس شعري : أي حنا الجدد انا عذبيه وهذي زيتونه يووه اقصد عهد
هي: ههه ياحليكم انا نوير الا وش تسوون
عهد: كنا نرفه عن نفسنا نتحرش بخلق الله
نوير: يالله مشينا نرفه عن نفسنا
وتمسك الجدر ونروح بيت جارنا الاخر
نوير: هذا بيت خويتي محيله لحظه اناديها تلعب معناا تراهاا داجه نفسنا ..
محــــــيله محــــــــيله
محيله تطل مع الحوش .. حلوا بطنك من البلعه وش تبين
نوير: تعالي تعرفي على بنات جيرانا الجدد
محيله: اللي اخوهم قرعه
انا: أي أي
محيله: لحظه اكشخ و اجيكم كود تخطبيني لخوك ..
انا وعهد ونوير: ههههههههههههههههههههههههههههههههههههه
جتنا محيله هي واختهاا وضحه رحنا معنا طياسنا نطينا للسطح جارنا اللي بعدوا
محيله .. لحظه انادي خويتنا جوزه ..
جــــــــــوزه جـــــــوزه
جوزه.. يانعم ..
محيله: تعالي معنا بنات جدد نبيك تتعرفين عليهم
جوزه.. تهي تهي اليوم يومي بغسيل المطبخ انطروني بعد ربع ساعه اجيكم بطرش اختي خزنه عليكم
محيله: عجلي عليناا
وماهي الا دقايق وجوزه وخزنه يوصلون لناا
ونسلم على بعض وكلنا اشكالنا دجهه من امه
جوزه تكفون خلونا ننط بيت خالي تلقين بنته مريم قايمه نمرها تتونس معنا
يالله طيب
ومرينا مريم واخاذناها بعد دقايق
انا: الحين نرش على منو اذا خلصنا كل البيوت ..
عهد : على بعض
وماكملت البنت كلمتها الا وكلنا نرطش من الماء عليهم سرعه بديهيه هالبناات ..؟..
ههههههههههههههههههههههاي
مريم: يالربع مشينا بيت شلشبيل نزعجها هي وخواتهاا
انا: من شلشبيل
نوير: ذي بنت جارنا بنت المصريه يانا نكرهها كرره دايم هواش
خزنه: هي اسمها كوثر بس حنا نسميهاا شلشبل لشده شرهاا ..؟..
والله ونروح البيت ونغرق حوشهم مااء
مادرينا ولا الركض على الدرج عرفناا انهاا جت تبي تطقناا
وحنا كل وحد تجودت في طرف ثوبها ونحشناا لبيتها وتواعدنا عقب صلاه العصر نجي فووق السطح
...................
انا انزل من الدرج وثوبي يرطش ماء واضحك بكل سخافه عهدتها بحياتي
الا بستقبالي اخوي ناصر توه طالع من الحمام ولابس شورت سماوي وفنيله علاق بيضه
انا .. انصدمت مو متعوده اشوف اخواني بهلمنظر وعقبها غضيت البصر وقلت : حج يا حاج تستروا تستروا
ماوعيت إلا وناصر يضرب بالارض من كثر الضحك هههههههههههههههههههه
كان يضحك بهستريه
انا اطالعه بكل تعجب شلي يضحكه .. وبعدها راح غرفته وهو ميت ميت ضحك ..؟..
المهم كملت نزلت الدرج وليتني مانزلت
أأه كل ما اتذكر هاك اليوم احس بعوار في ساقي تهي تهي الله يسامحك يمه شوهتيني دمرتي مسقبلي المهني .. كنت ناويه اطلع طقاقه شلون اصير طقاقه وانا رجلي مشووه
أأأه بقول لكم السالفه هذا الله يسلمكم ..
يوم نزلت من الدرج وبضحكتي السخيفه المعهوده تفاجأة بوجود امي بالصاله تتفطر يوم شافتني
والماء يرطش مني وشعري مبلل ولا مجنونه اهلها تاركينها تهيت بالشارع
المراد
امي.. تشهق .. يامقصوفه الرقبه هذا وشوو
انا: أأأ ههه ذ ذذا ممممااي
امي: اجل عسل اشوفه ماي قالوا لك عميه ومنين جالك
انا: كنننت أأأألعععب بالصصصصصطح << من الخرعه نسيت حرف السين
امي: وتمسك كوب الحليب عقب ما شربت منه الحليب وترميه علي وانا اللي انقز تفاديت
انا: ههههههههههههاي ماجاني هههههههههاي
ماوعيت ولا الصحن برجلي الي انشلخ شلخ كبير رحت اركض ركض ولا ركض بسه وراها كلب مسعور
الله ذكرني بالشاعر اللي يقول
<< يامرحبا ترحيبتن اسبق من الفار .. ياللي على دربها ثمنين بسه <<
الله يخلي له لسانه ويستر عليه اجل هذا ترحيب مالت على الفره بس ... بس والله انه شاعر ورجال
المراد
وامي تتجود فيني من ثوبي وياأله على متني ياعرب وسمني الا ان امي شالتني وحذفتني على الكنبه اللي انكسرت وامي يزيد فيهاا الغيض اللي خلها تخنفر وعيونها تقلب حمر ووجهها صار الوان الطيف السبعه حتى في لحظتها كنت اتمنى لو عندي كامره كان صورتها وارسلتها لمجله يحطونها ابحث عن الاخطاء السبعه ..
المهم نكمل محور حديثناا ..
وكانت تبي تكمل ظرب لكنني وقفت بشموخ وعزه وفخر اني مابكيت عند امي ومسكت امي
وانا اتعوذ من ابليس اللي راكبها ..
انا: يمه تعوذي من بليس ماصارت ماي تغرقت فيه
امي: يوم انك ورع خليتيني اعصب
انا: يمه قولي لا أله الا الله
امي: لا اله الا الله
انا: ماصار ش هلحين ببدل ملابسي وين الغلط
امي: الغلط الكنبه مكسوره قومي صلحيهاااا
انا: نجار الله يهديك مو عذبيه بس ولا يهمك اصير لك كنبه ولا تزعلين وهذي حبة راس
امي: ياااااحول اعوذ بالله منك يابليس روحي بدلي ملابسك يالله انهجي ..
واروح اركض لغرفتي ابدل ملابسي وألبس دراعه خضراء مشجره بازرق ولبست تحتها سروال طويل احمر < صارقته من جدتي .. بس لا تعلمونهاا ...
المهم وانا نازله امي .. عقاب لك تروحين هاللحين تغسلين الحوش
انا: بس الصبح كنسته
امي: انا وش قت اغسليه
انا: طيب
واروح اخذ المساحات .. واكفس ثوبي الاخضر واربطه حول خصري ويطلع سروالي الاحمر اللي شاريته بفلوس عدياتي .. ياكذوب توك صارقته من جدتك عادي مشوها السوالف واجد
. المهم وامسك الهوز واغرق الحوش بالماء ثم مسكت الصابون وغرقت الحوش به المهم واقعد ألعب لكم خمسات بالمساحه واقحص فيها والصابون يزلق وكانت اخر وناسه ومادرت الا وماجد يدخل مسرع ومعاه درعان وخلى الباب مفتوح وانا اصيح عليه يا رجال سكر الباب ماكملت جملتي الا والولد داخل البيت
المهم رحت بسكر الباب لانه انفتح صرت مكشوفه ماسكه المساحه وانا أركض بسكر الباب ومن كثر الصابون وانا اللي ازلق لكم من اول الحوش لين باب بيتنا ورجل فوق ورجل تحت واقوم وانا كلي الم بطه وطاحت شيقومني .. مادريت ولا سياره لكسزس قدام بيتنا كانت ليتاتها مفتوحه عقب طيحتي الليتات طفت ولا اشوف صاحب القرعه البراقه ميت ضحك حتى ان قام يضرب بيري (بوري) من كثر الضحك ..
كان ينطر اخوي مشاري بيروحون مع بعض للمعسكر معسكر الصمود
خلصت عطلتهم خخخخخخخخخخ
المراد
انا اقوم واسكر الباب بأقوى ماعندي ..
كرهته حسبي عليه بدل مايقول لي الحمدلله على السلامه اشوفه يضحك ..
ويضرب بيري مالت على هالقرعه ماعليه شرهه قرعه خخخخخخخخخخخ
اللهم لا شماته ..
عقب ماخلصت من الحوش رحت أركض داخل البيت بركض لغرفتي قبل ماتشوفني امي
مادريت وانا اصعد الدرج الا وشي يسحبني لي ورى
مدري ليه طرت على بالي بهذيك اللحظه جاذبيه لبتون << هو صح ولا خطأ ياعمي مشوها
المهم واحد اسمه على شاي نشربه مدري اسمه ريد بيبل ولا ربيع والله مخبرش
نرجع للقصه..؟؟..
وانا انسحب لي ورى ورفعت ايدي لسماء وانا ماده يدي بكل قوتي
انا .. يارب مو امي يارب مو امي ..ربي استر علي ربي امن روعاتي ..
امي: تعالي يا ملعونة الجدف ورع انتي جاهل ثوبك كله مااي ليه ليه ليييييه
انا.. واسوي نفسي ابكي واشاهق .. والله عظيم اني كنت ابي اسكر الباب ولا القرعه جالس يضحك وماجد يركض ويضرب بوري وانا زلقت كلي صابون وأأأأأأأأأأأأأأأأأأأأع
امي: كلمات متقاطعه هذي ولا شنو نعنبو دارك كم مره افهم فيك اذلفي معاد انتي مغيره ثوبك روحي عاوني اختك بالمطبخ ..
واروح اركض لختي عهد بالمطبخ وانا كلي ألم وحرقه ..؟..
الجزء الثالث ..
عهد.. علامك تلهثين
انا: امي طقتني
عهد: خخخخخخخخخخخخخ مسكينه انا نحشت وماقدرت تصيدني
انا: أي العصقوله تقدر تنحاش لكن وحده نفسي وش اللي يخليها تركض
عهد : فكينا من هرجك وروحي قصي البصل وسنعي لنا الزلطه
انا: زيييين مطرح مايسري يهري
عهد: تهبين أي والله كلش ولا غداي لا تدعين عليه غداك كيفك بس انا لا
امي.. وتجلس جنب جدتي: يؤؤ يا يمه هالبنات بيجلطني ياربي دخيلك ..
جدتي: ماعليه ادري انهم مهبل بس استحمليهم لين ربي يرزقهم عيال الحلال وربي يفكك من شرهم ..؟...
امي: وترفع ايدها : يارب يارب ياللي ماتخيب ظن من رجاك انك تزوجهم وافتك منهم يارب..
اناوعهد نطلع روسنا من المطبخ : امــــــــــــــــــــــــــين
مادرينا الا بالدله على روسناا
جدتي: تهبين مالقيتي الا دلتي
امي: يمه ذبحني كرفني جنني معاد استحمل غثاهم
جدتي: ياحول وغرتي عاد على دلالي جعلك ماتربحين
امي: والله اني ماربحت من هالدنيا شي من ورى دعاويك يمه زوجتوني شايب وجبت ورعاني الا هو ميت من 17 سنه وحط برقبتي 5 ورعان وانتي لاهلحين تدعين علي وين اربح يمه وين
جدتي: ياحول ماينضحك معك
وتقعد امي .. تطنها بكوه .. وتتحلطم على حالهاا ..؟
جدتي: ياحول هذ وش اللي يسكتها
وانا مطلعه راسي من ورى المطبخ واغني ..
)) لابوج يالعين بدموعك فضحتيني .. تبكين عند العرب والناس نقاده
تبكين يالعين لاهم ولا ديني .. ابوك يالعين خليتي البكي عاده((
امي .. ويزيد بكاها وتردد هالاغنيه وتلطم لطم والله ولا لطم ام خيبر على دجاجها اللي صرقنااه خخخخخخخخ
......................................
العصر
جونا جيرانا يقهوونا بسب نزول بيتنا الجديد ..؟..
جتنا ام نوير وام محيله وام مريم وام جوزه وكلن معه دلاله وانا اقهوي الحريم بفرح واسمع سوالفهم
بس طبعا عقب ماكشخت على سنقة عشره ..
لبست دراعه لونها فوشيا طويله وفيها حزام خصر واطي عليه احجار كرستال شوار فسكي ملون ومن تحته جايه كسرات الثوب طبعا هذا من مشغل اختي عنود ..؟.. ولافه شعري كبه وماحطيت مكياج مع اني وجهي يالله لك الحمد جكر ودك لو تضبطين فيه بس ياعيال الحلال ماعرف احط مكياج
واما عهد لبست دراعه بيضه وفيها قطع سوده مشكله من تحت ومن فوق عند الصدر مزمزم بشريط ستان اسود وعليه فراشه كرستال ابيض .. ورفعت شعرها نفسي .. ونفس الشي مو حاطه مكياج يبي لنا دورة مكياج ..
واما عذاري لبست بنطرون جنز سماوي برمودا وفوقه بدي لونه احمر كت ومركبه عليه كموم دانتيل سماوي ولابسه حزام جلد وعليه كرستال احمر وسماوي ولابسه شحطات ربط احمر
ولفت شعرها على صوب وحط ورده حمره ورسمت على جفونها شدو سماوي وداخل عيونها كحل اسود ومده لي بره كان شكله وااو وحط مسكرا وكثرتهاا حيل وحط بعد روج احمر
الصراحه كان شكلهاا يجنن حتى العجايز طاحت عيونهم وهم يطالعونها وانا وعهد مالت على اشكالنا يقال لنا كاشخات مع الفره احمد ربي ان الحريم ماشافوا شنو لابسه تحت الدراعه
كنت لابسه سروال طويل كاروهات اصفررر من اللي يحبه قلبك
لازم اسوي شي عشان الكشخه تكمل ..؟..
انا اصب القهوه وعهد توزع الحلا على الحريم ومرات نتبادل الادوار انا اوزع الحلا وهي
وتصب القهوه بس مع ذالك فشلنا في لفت انتباه الحريم
اللي حتى وانا اخذ منها الفنجال ماتطالعني تمده وعيونها على عذاري
اللي كانت جالسه وحاطه رجال على رجل وتبتسم بوجيه الحريم .. صحيح ان عذاري قلبها ابيض وانا متأكده انها مليون بالميه ما كانت تفكر باللي حنا نفكر فيه .. بس من يلومنا بنت في نفس عمرنا مسموح لها كل شي وحنا محروم علينا كل شي مو شي يمصع الكبد ..
المراد راحن الحريم لبيوتهن بعد ماعزموا امي بكرى على العشااء الذبيحه..
رحت انا قطيت كشختي خفت عليهاا .. ورحت انا وعهد للسطح بعد ماراحت معانا عذاري
البنات كانو متجمعات وحاطات فرشه بوسط السطوح ويسولفون وها القهوه وهالحليب وهالشاهي وهالكاكاوات والخرابيط ويوم جينا جلسنا معهم والبنات كل وحده شكلها ألعن من الثانيه
يوم شافوا عذاري وهم اللي يبطلون حلوقهم شالكشخه شازين
وجلسوا يمسحون عليها منبهرين كانت جميله بشكل يعور في البطن
جلسنا نسولف ..
محيله وعيونها بنتفقع .: ابج يا عذبيه هذي منهي
انا: يؤؤ نسيت اعرفكم في بنت اختي عذاري
خزنه: ياملحك ملحاااه
عذاري: تسلمين هذي عيونك الحلوه
نوير: ولا تتكلم حلو بعد
عهد: علامكم كليتوا البنت .. وتقوم تضم البنت في حظنهاا : تتفل على البنات
قل اعوذ برب الفلق
عذاري: ههههههههههههههههههههههههههه
مريم: اللي كانت شوي اذربنا ممشطه شعرهاا ولابسه دراعه نظيفه مفصله جسمهاا :ماشالله
عليك كشخه حيل
عذاري: أي مو امي عندها مشغل وتفصل لي اللي ابي
مريم: وتجلس جنبها وبدت رغي معاها وصاروا اصحاب
سبحان الله مريم ما ارتحت لها من شفتها تمشط شعرها وانا ناغزني قلبي
المراد ونجلس حنا نكملها سوالف وهبل وتعرفنا على بعض اكثر واكثر واكثر
انا: هههههههههههههههههههههههه الله يقلعك اجل يا محيله تطارحتي انتي والرجال
محيله: اجل يقول لي يا خالتي ملعون الجدف
الكل:هههههههههههههههههههههههههههههههههه
عهد: مالومه شاف عجوز مخثرقه تكلمه مو بنت عمرها 19 سنه
محيله: المراد علمته معاد ينطق كلمة خالتي
انا: ههههههه ياحليك يا محيله
محيله: ياحليلك انت
انا: لاتقلولين ياحليلك قل الله حلاك
نوير: خلووووهاااا
انا: هـــــــــــــــيه خليناهاا
نوير: لا خلاص ماعاد اني قايله
انا: والله لا تقولين
نوير: اقول بدال هالهرج ورى ماتقصدين لنا تخلينا نردح شوي
انا: واشمر عن ذاراعي وابد بالقصيد طبعا ملحنته .. محمد ابو نوير
يا محمد بيتكم مبني .. ومشيده مبانيه
ياعل البت مايخلى.. ولايدور العزا فيه
يا محمد ردي لي زملي.. من خليلن شرعت فيه
نطحني ناسف الغتره..يقول زملك اخليه
يامحمد ياجنين امه.. عسى ربي يخليه((
محيله: وانا وانا غني لي ..
انا: واخطفها بنظره خاطفه .. وكانت لابسه ثوب احمر واغني
)) هيض القلب لباس الحمر .. هيض القلب لباس الحمر
وألعبي وألعبي لاتستحين.. وألعبي وألعبي لا تستحين
لايهمك صغير ولا كبير.. لا يهمك صغير ولا كبير
جوزه . وانا دوري يعلك المرض .. وكانت جوزه عروس
انا: المرض اللي ياخذك قبل عرسك بيوم
جوزه.. تهباا
انا,, واغني
(( عروسنا بالحلا محدن يعذربها ..عزالله اللي خذاها ماخسر فيها
صفوا اهلها وصوا مع جماعتها .. والي حظر سطحنا كلن يهنيهاا))
كلولوووووووووووووووووووووووووش
وختمتهاا بقصيده محورفه شوي من تأليفي عن بيتنا ...
)) بيت غزاي معروف .. وبيت غزاي معروف << ابوي
وكل المطاعم تدله .. وكل المطاعم تدله
وريوقهن يطلبنه .. وريوقهن يطلبنه
وغداهن تال الليل .. وغداهن تالي اليل
والزين مايعرفنه .. الزين مايعرفنه
ادري بتقلون كلامات لا قافيه ولا شي بس وربي لما تسمعونها ملحنه بتعجبكم ..
المراد سلمنا على بعض ونزلناا وتوعدنا نشوف بعض المرات الجايه
..........................
يوم نزلت الا عذاري لابسه عباتها الكتف ولفت لفتها وطلعت قذلتها اكيد وراحت
انا: وين انشالله
عذاري: طالعه
انا: مع من انشالله
عذاري: وانتي شكو
انا: وشكو هذا شيطلع << على بوني صايده الحركه مال نعل تفرك وجهي
عذاري:ههههههههههههههههه وربي غبيه وتطلع وتخليني بحيرتي
شكو منو هذاا .. وكل من سألته يطالعني بستغراب شكو منو .. يقول انتي غبيه ولا تستغبين
عاد بالاخير عرفت ليش يربطون اسم شكو بغبيه طلعت زوجته وانا مادري
المهم..
ورحت غرفتي انسدحت وكان البيت فاضي امي وجدتي رايحين لعرس بنت عمة خالة امي .. يعني تعالوا حكوا ظهري .. وعنود رايحه السوق ومشاري بمعسكر الضباط وعذاري واخوانها طالعين مع ابوهم يمشيهم ..
انا انبطحت بغرفتي اتقلب وعهد ماسكه مجلة المختلف اللي من سنتين شرتها من عياديها وجالسه تقرى فيها لاهلحين مع اني عارفه ان مسكت المجله وسمعت لعهد وش مكتوب بالمجله بتقول على طول اجل سنتين وهي تقرى فيها ياحافظ ..
دخل ناصر علينا .: البيت ليش هدووء
عهد: كلن طالع
ناصر: وانتم
انا: وحنا شنو
ناصر: بس منثبرين بالبيت
انا: وين نطس
ناصر: تطلعون مع امي
عهد: امي تخلينا نطلع معهاا عشان تنجلط
ناصر : مالومها والله لانكم فضيحه
انا: طيب وش تبي
ناصر: بس زهقت وقلت اجي عندكم
عهد..وتتعدل في جلستها حياك الله ..
ناصر.. واستحى : الله يحيك
انا: ورى ماتروح لربعك
ناصر: مالي خلق اطلع من البيت
عهد: دام انك فاضي ياوخيتك انا مريضه
ناصر.. وينسدح ..وش فيك
عهد: والله ياوخيتك احس بمراره بحلقي دايم ونومي قل ماعد انام الارق ذبحني
وعيوني لا جت الساعه 8 بدت تصي حمراا
ناصر: طيب وين المرض
عهد:وهذ شنو
انا: يمكن ماعجبه مرضك مرضي بيعجبه اكيد يختك اسمعني انا والله صايره مغير اتحكك
جسمي بس يحكني وو
ناصر : تسبحي يالجربانه
انا: هااااه والله اني اتسبح
ناصر: انا وش مجلسني عند مهبولات اروح غرفتي ابرك لي ..
طلع ناصر وانا حطيت راسي وبسابع نووومه وعهد ماطولت خمس دقايق الا وهي تشاخر وبدت معاناتهاا مع الثوب ..؟..
.....................................
قمت من النوم وانا اتمغط ورجل في كرش عهد والرجل الثانيه مرفوعه بالسماء ياحلو الذرابه ياناس .. وقفت قدام سريري ابي اطير النوم قمت انتفظ ابي النوم يطير وعقبها طقيت ظهري وصحت بأعلى صوتي .. أصبحنـــــا واصبح الملك لله
عهد .. متروعه : هااااااه منهو جونا طرحووه
انا: وش تخربطين
عهد: الله بس يبيدك من البشريه مرجتي قلبي جعلك للمراج
انا: تهبين أي والله اصلن ان مت انا فقيده صج
عهد.. ووتعدل: وليه ياوخيتك
انا: لان ربي ماخلق مني فصيلتي غير بنتين وحده ماتت بزلزلال باكستان والثانيه انا حفظني الله ورعاني
عهد: الله يالمعمره يعني انتي لا متى يطلع تحتك نفط
انا: اجل نفسك غاز طبيعي
عهد: بس لامتي ورينا قبرك ياملعونة الجدف
انا: بصير نذله ولاني معلمتكم
عذاري: بس يا ازعاج في ناس نايمين
انا: والله احسبه بهايم
عهد.. خخخخخخخخخخخخخخخخخ
عذاري: مالت على الكشره بس بنام والله مانمت الا الفجر
انا: أي والله من الدوجه تالي الليل ..
عذاري: موتي حره كل يوم اطلع اتمشى وانتي ماتطلعين مسكينه
عهد: لا حنا نطلع ياقلبي
عذاري: متى
انا: صلاة العيدين ولا بغينا نشتري بدال العيد
عهد: اجل تحسبينا نفسك مغير تدوجين بالشوارع
انا: أي حنا راعياات بيت
عذاري: طيب ظفوا وجيهكم
انا .. وانسحب بكل كرامه وشموخ .. امحق كرامه اجل امك خلت فيك كرامه .. يالله خلوها على الله .. اصلن الكرامه مايمدحونها هالاياام ..
نزلت لدور السفلي وعهد راحت تغسل الملابس .. عقب كرفنا المعتاد في البيت رحنا ارتحناا انا وعهد عقب مافرشنا لنا فرشه بالحوش ماهي إلا خمس دقايق إلا جدتي صيته جلست ودلتها في يدها ..
صيته: عذيبب انهجي ظفي الملابس وحطيها بصندوقي
انا: جدها انا طالبتك مالي غير خمس دقايق من جلست اللله يرحم لك امك وابيك
خليها شوي
جدتي: لالالاع ابيها هلحين
انا: ياجده تفكين خليها بعد شوي
جدتي.. لالالالا مابي هاللحين هاللحين
عاد جدتي لا تنحت وش يفككم منها والله ينها تتنيحت صعيدي متريق فول مطمس
انا: زييييييين < واهد فنجالي مسويه ويا ذا الفيس زعلانه وانا وجهي محدن درى عني
والله وادخل الغرفه واصفط الملابس وانا الهم كاسيني كل انا كل انا والله لو اني جحش حموني على الاقل اعطفوا عليه << والله يذا الجده لا حقوق الانسان نافع فيها ولاشي مافي غير اجيب حقوق الشغالات كود يعتقوني من مطالبها اللي يجيب صداع بالركب ..؟..
عقب هالترتيب وانا اطلع من الغرفه واتجهه للحوش اكنسه وانا اغني وطربانه ..؟..
** يالله انك اتهون كل ماجاني.. تحسن الخاتمه وتزين النيه**
**اشهد ان الشباب اقفى وخلاني.. راح وماعاد له بالوجهه ماريه**
**عزتي لج وان جاك ماجاني.. أتقلب ولا ادري وش جرى ليه**
**صرت ماعاد أسير يم جيراني .. لطري البر والروحات والجيه **
ماوعيت ولا على صوت صيحه واحدن متهيض .. يااااااااااااااااااااااااااااااااو
رفعت راسي للسماء ماهو غرور << يختك الهبال واجد .. رفعت راسي للسماء ولا اشوف زول
ورعن هاه تعطونة حروت 15 مدري 14 لا استخفر الله 13 المراد ورعن داجن مدججته امه
انا: ياعلك وش اللي اقول كيف تطل على حوش جيرانكم جعلك ما تفلح
هو: بدال هالمطالب روحي تستري وجهك غبر
وقام يقصد ..
< مسكين ياعقدن على عنق شينه .. وجهن غبر خرب وهج الالماس
منهو الهبيل اللي تبين تفتينيه.. والله يالولا العقد لقول عباس >
وانا اللي ينصفق وجهي .. ياصباح التحطيماات .. قلت : حسبي عليك سبعت تحاسيب
الاوله جعلك على هالقصيده تنطرم والثانيه جعلك ماتكمل خطاك والثالثه ثكلتك امك
الرابعه
هو: بس بس السموحه ولا يهمك بنقصد فيك
انا: قل
هو:
< مية هلا باللي يكحل ثناياه .. اللي يحط الديرمه في عيونه
اللي حدا نهديه من خلف علباه .. والنهد الاخر روحوا يطردونه>
انا: يكون مرقعها مع هالوجههاصبر علي اطلع لي كم بيت وارد عليك ايها الورع المورنع
هو: ههههههههههههههههههههههه
رحت للبيت وانا اتفكر بقصيده ارد على هالورع الشاعر ..
امي.. ابج ياعذبيه وش رايتس تروحين معاي العرس عنود تقول ماهي رايحه
انا.. سرحانه اركب بيتن على بيت
امي: ياعذيب وش رايتس
انا: ولاني يمهاا
امي.. والعداد ظرب حده والدخان يتصاعد من نافوخها بصراخ : عــــــــــذااااب
وانا .. اللي ينمرج قلبي من التفكير وصحيت من الروعه << حتى الجمل قلبتها من الروعه ياو
لاتشفون امي تصيح .. اصلن مفروض اتعود على عصبيه امي بس بنت الحلال كل يوم لها صيحه غير وعصبيه غير يعني مايمداك تالف على وحده الا الثانيه جايه طردي وراهاا
ولا هلحين الوالده لها 6 عصبيات وصرخات
الاولى: لا قامت من النوم والبيت عفيسه
الثانيه: لا دعت عليها جدتي
والثالثه: لا كانت جوعانه
الرابعه: لا درت ان جونا ظيوف فجأه وهي ما استعدت
الخامسه: علي انا وعهد لا جلسنا مع بعض نسولف ونضحك ولا ردينا عليهاا
السادسه: لا انتثر شي او انكسر شي بفعلهاا هي .
على طاري لا انكسر شي افتكر مره امي طلبت مني اودي دولكة فيمتو< حيخلصوه
للدوانيه عشان الفطور المراد وانا اللي انطلق بالدولكه كد المذن اذن وبلحق افطر ألا وانا اللي ازلق والفيمتو كله علي والدولكه انكسرت منو اللي سمع صوت الانفجار
صح قلتو الوالده .. ولا تجيني طايره انا من الروعه خفت لا تشوفه الدولكه انكسرت رحت جلست فوق القزاز خوف انهاا تشوفها وهي اللي تلعن جدفي ليش كبتي الفيمتو وانا اللي بقوم انحاش ولا تشوف القزاز متكسر وهي اللي تنفجر انفجار خلى ام بخيت جارتنا تسخن خبيزاتها على النيران اللي طالعه من البيت ..
طبعا انا عضيت على ثوبي وطيراان لغرفتنا .. ناا
وامي من الحره تمسك عهد وتمسح الفيتو بوجهها .. والحمدلله مشت على امي .. بس الله يسامحهاا جلست اسبوع وانا اطلع القزاز ..
المهم نرجع لمحور حديثنا اللي هو عن ويش ياطويلين العمر أي تفكرت يوم امي تصيح ..
انا: موافقه موافقه
امي:وتحسبيني باخذ رايك قومي ألبسي وسنعي شعرك ..؟
رحت لغرفتي .. وجلست استشور شعري الطويل .. اللي انكسرت ايدي وانا استشوره
والله يالربع من الساعه 2 الظهر إلى 6 المغرب وانا ماسكتهاا استشور
بس تخللها غسيل المواعين .. وتصفيط الفرش .. وكنس السطح .. وحنيت راس جدتي..
وتصليح أريل البيت والقائمه تطول ..؟..
المراد
وانتي ياعهد تفرك كبدها تبي تروح معنا راحت ريحها أي والله .. وراحت تزن على راس امي تبي تروح معناا
عهد .. وتفرك ايدهاا : تفكين يا يمه ودي اروح معكم
امي: لا بس وحده
عهد: الله يخيك يمه ودي اتونس من زمان ماطلعت من البيت
امي: لا عندك شغل روحي كملي شغلك
عهد: والله والله اني خلصت كل شي
امي: اكنسي السطح
عهد: كنسته وخلصت << الكذوب والله اني انا اللي كنسته وهي ظلت تسولف مع جوزه
امي: اغسلي الفرش
عهد: والله اني غسلتها من اوليه الصبح
امي.. وتهد سكانتها : ياملعونة الجدف مانتي برايحه
عهد.. وتبكي: أأأأأأأأأأأأأأأع ودي ارووح
امي: تمسك وجهها وتفركه بالنخله اللي شوهه وجهها فوق ماهو متشوهه ..
تصدقون توني اعرف ان ليش حنا يابنات امي جياكر والله من كثر ماتفرك وجيهنا بالقاع وتحذفنا باللي عندها بعكس أولادها المدللين ..
المهم .. وعهد الفطينه تبي تفتك من طق امي .. سوت نفسها ميته ..
وامي .. على كثرطقها لنا وهبدها لنا إلا انهاا تخاف علينا يعني ماترضى احد يهينا غيرها هي
وهي اللي ينمرج قلبها وتقعد تصيييييييح ..
امي: واا قر جيبي قررااه يابعيدي يابنتي ياويلي عليك
عهد.. ومطلعه لسانها .. يعنني ميته اكسر الخاطر
امي.. وتهزها مع كتوفهاا: قومي يا عهيد وتروحين معنا العرس
عهد: وهي اللي تفز : صحيح يمـــااه
امي: وتهبدها هاك الراشدي : نعنبوا ذا الزول مرجتي قلبي عليك
عهد.. وتحظن امي : لهدرجه تحبيني يا أميمتي
امي: وتكزها ألا هي والجدار عيال عم : وش عدوتي انتي بنيتي ورى ما احبك
عهد: تلملم ماتبقى من عصاقيلها وتنهج تروح فوق تبي تكشخ ولكن ما أمداها
فا قررت انا تروح متبرقعه ..؟..
انا يوم خلصت من شعري واروح لختي عنود تحط لي مكياج ..
انا: عنود الله يخليك حطي لي مكياج
عنود: اسفه مشغوله حييل
انا: الله يخليك
عنود: ماتشوفين جالسه احط لنفسي مايمديني احط لك
انا: من يحط لي مكياج
عنود: يعنني المكياج وش بيسوي فيك جيكره جيكره ..
انا: ألعن يوم التحبيط انا ما اصدق معنوياتي ترتفع وانتي بكل بساطه تحبطيني ..؟
ورحت اجر اذيال الخيبه .. وافكر من يحط لي مكياج قلت مافي غير اني اخبص بوجههي لا منة الناس.. مثل مايقول الشاعر ..
مانبــي من ورى الناس منه .. رزقناعلى منشي الغيوم
صح اللسانه اشهد انه جابها اخو بطحه
المراد .. واروح لكبت عذاري واصرق منها كم كحيله على حميره على فلاش (تقصد بلشر) المراد وتوني بسكر الكبت ألا وعذاري حاطه يدها على خصرها وتهز رجلها
عذاري: وش تسوين بكبتي
انا: ماسكه الاغراض : اعوذ بالله يا عذاري تظنين اني اصرقك
عذاري: اجل هذا شنو
انا: مكياجك بس كنت بحط منه وبضربه عليك
عذاري: بس عقاب لك رجعيه ومافي مكياج
انا.. واقلب وجههي لوجهه يكسر الخاطر : تفكــــــــين ماعاد بقى غير انتي
عذاري. بكل حقاره وتكبر : رجعيييه
انا: عناد فيها : أحذفهه بالارض واروح واخليهاا : ماعاد فيه مرجله تتناحس معي على شأفة كحيله على حميره ..
واروح أصرق كحل جدتي مافي غيرها واتكحل منه من غير لا شدو ولا كريم اساس ولا هم يحزنزن بس كحلت عيون حيل من فوق ومن تحت ومطيتها لي ورى .. ,
اروح ألبس ثوبي الاحمر اللي عباره عن كت احمر وقصته لتحت الخصر مع انه مامن خصر ومن تحت الخصر كله بليسيه ومنثر عليه كرستلات صغيره وفوقه جكيت قصير يوصل للصدر دانتيل ذهبي .. لان الوالده مثل ماقلت لكم ماتحبنا نتفصخ ... وفكيت شعري على طوله عقب ما أستشورته ووصل لي فوق الركب بشوي وكثافته اصراحه كان احلى مافي شعري واخذت من عنود ربطه حمرا وربطها فوق شعري ...
المهم كان شكلي يترقع شوي صحيح انها مو الكشخه اللي يبيها قلبك بس مافي باليد حيله ..
وعقبها لبست عباتي الراس وبوشيتي .. وامي كشخت في برقعها اصقر وملفعها الزري الشيفون ودراعتها التايقر وخطت لها خطه كحل مع شدور بردقاني والله يا انك لو تشوفني انا وامي انك تقول انا الام وامي البنت المهم وراحت معنا عنود وعهد . واما عذاري راحت مع اخوانها لبيت عمانهاا ...
اخذتها من زوجة اخوي
يعني بما معناة ان الرواية منقولة
بس في شي مو فاهمتة فيها اللي توصلة ابيها تفهمنياه
اللي مو فاهمتة هو السطح اللي في البيت الجديد
يا بنات سطحهم عجيب حاولت أفهمة ما قدرت
العرس حلم يراود كل فتاة .~.
السلام عليكم ورحمه الله وبركاتوا
المهم ماطولها عليكم اليوم بنزل لكم اخر روايه لي وانشالله تعجبكم مثل ما عجبتكم اختها قبل حظي المنسدح
وهي روايه كلها ضحك بضحك مو طويله حيل يالله اترككم مع الروايه ..؟..
..~.. الجزء الاول ..~..
ودي اتزوج .. اوف ملينا من حياة العزوبيه .. تعرفين فلانه خطبها واحد شيك
اوووف والله لو اتزوج خلاص ماعاد ابي شي من هالدنياا .. يوووه متى ألبس الثوب الابيض
.. والله عجزت وانا ماتزوجت
كلمات وجمل دايمن تتردد على اذني وطبعا مايقولها غير العزابيه ..؟..
كأن مافي هم بالدنيا غير الزواج والخطبه واللي يجي عمرهاا .. 20 ومانخطبت هذي كارثت
الكوارث وتنظم الى شلة العوانس اللي اعمارهن ماجت 26 .. مدري ليه هم كل بنت انها تتزوج واذا تزوجت تقول ليتني ماتزوجت ياحليل حياة العزوبيه .. وتجلس تكرهنا بالرياجيل .. والزواج بعد << بس حنا مانتعقد .. خلونا نعيش تجربتهم ونكره خواتنا الصغار يتجربتنا يعني هم يجربون وحنا لا .. نعيش روح المغامره
يؤؤ انا نسيت نفسي بديت ارغي وماعرفتكم بنفسي ..
اعرفكم بنفسي .. انا اسمي (عذبيه) عمري 19 سنه تخرجت من ثانويه وجلست بالبيت
لاني ماجبت نسبه وكل الابواب سكرت بوجهي .. فقررت لاول مره بحياتي اقرر قرار حطو تحتها خطين احمر وركزوا هذا قرار مش قريان عيال سيبتهم امهم يسرحوا بالشارع <<ياحليلك يا ابله سهير لابغت تفهمن شي لازم هالجمله ,,, المهم قررت قرار
وماعلي من احد اني اجلس وانطر النصيب يجي لحد بابي .؟. الله يالنصيب
&&&&&&&&&
عندي اخت اكبر مني بسنتين (عهد )عمرها 21 سنه تخرجت من المعهد وتنطر اسمها ينزل مع الموظفين .. يبأه أبليني حمار اللي يبي يوظفك
&&&&&&&&&
وعندي بعد اخت اسمها (عنود)عمرها 36 سنه مطلقه ربة منزل .. فتحت لها مشغل خياطه للملابس النسائيه < والحمدلله مدخل عليها فلوس واجد .. عندها بنتين وولدين ؟
• (عذاري) عمرها 18 متخرجه من ثانويه دلووعه حييل ..؟..
• (ود) عمرها 9 سنوات .. جت بعد عناء طويل هاديه
• اما الولد فهذا عالم ثاني (ماجد) عمره 7 سنوات ملقبينه براعي غنم مع القصه بتعرفون ليه
• (حمود) عمره 4 سنين << وانتقابل بالعيون طاط طاط
&&&&&&&&&&
ناصر عمره 27 سنه هالانسان ماقدر اصوفلكم ايه غير بكلمه وحده الغموض دكتور طوارئ
&&&&&&&&&&
واخووي الغالي (امحق كل هواش معاه ) مشاري عمره 23 سنه .. رقله على عبيط على نكته
وفوق هذا جميل حيل والبنات يتخبلون عليه لو انه مو اخوي كان من زمان متزوجته بس يحمد ربه اني اخته على اني اكرهه بس احبه بنفس الوقت .. داخل كلية ضباط وباقي له سنه وتخرج ومأذينا كل يوم بحركات وتدريبات الضباط
&&&&&&&&&&
واكيد البيت مايخلاا من امــي العزيزه ’’’ وفاكهة البيت الحلوه الاموره جدتي صيته << غصبتني امدحهاا ..
وأما الوالد الله يرحمووه .مات منذو مبطي تقريبا عقب ما انولدت بسنتين.؟.. يهب يالحظ
&&&&&&&&&&
من وين ابتدي لكم قصتي .. ايه صح ببتدي من يوم انتقلنا لبيتنا الجديد .. وبداية تعرفي على
شلتي شلة (الداشرات)
...........
الموقع: بيتنا القديم ..
الحدث : جالسين نشيل قشنا نبي نشد
المشهد : حوش البيت
...
الحوش في حوسه وصراخ واصوات وازعاج ومناطح والناس تتطايرمن فوق
وامي بالمطبخ تصيح ومعهاا جدور وصواني .. وبهدوء جدتي تشرب قهوتهاا
امي : ياااااااااااااو عهد عنووود عذبيه جعلي اخلا منكم وينكم تعالوا عاونني
عهد .. توها طالعه من الحمام تركض من الخوف والنعل ناشبه بثوبها اللي كله ماء : جيت جيت يمااا
ومن دون سابق انذار تزلق من باب الحمام الى تحت رجول الوالده وطبعا الوالده وجدورها كلهم فوق عهد ..
عهد : اهي اهي اهي اأأأأأأأأأأأي يما بمووووت
امي : فوق عهد .. موت جدي اللي مات تحت تريله ماي كبر طعس اللي كان راعينا يرعي الغنم عليه ثم تدرج من اولها لين تاليها وعقب طقت وانكسرت رقبته
عهد: لحظه يما وقفي الدعاء قومي بعدين كملي كيفك
امي : وتقوم .. أي اقول لك وعقب ما هذين طاحت من الجبل
عهد: بس بس واللي يعافيك يماا الله يرحم جدك ويرحم راعي الغنم ماصارت دعوه
جدتي: أي ابج يا ملحه ماكملتي وابو معزي يوم يدعم ناقه ويموت وولده طلع من الدريشه والقزاز بجسمه وو
عهد: يااااااااااااااو ماصارت دعوه اقول جده واللي يعافيك ويرحم امك تفكين انا طالبتك لتسكتين
جدتي: أأأيه ياحزم الضامي قلبتي علي المواجع
عهد: وش مواجعه
جدتي .. وتحط شيلتها اللي طلع من غبار على عيونها : ياحبيبي يا ابوي << ماجبنا طاري ابوها
انا .. جيت وجنطتي على ظهري وأغني : مفـــيد الوحش اللي قطع ذنب الجحش
جدتي .. وتصب قهوه وتشرب .. والله ماجيتي ماجاه مفيد يوم انه يشيل الاغراض حتى شال جدته
انا : ومن قال اني بصير اطيب منه خلي طيبه له
عهد: ابج يالخبله تبيك تصير نفسه وتسنعين اغراضهاا
انا : واغمز لهاا فاهمه : ايه ياجده وانتي ما سويتي نفس ام فتحي العجوز اللي شالت اغراض بنت اخيها وهي نايمه
جدتي..وتمسح رجولهاا : أه أه يارجيلاتي
الكل: هههههههههههههههههههههههههههههه
مشاري : توه داخل الحوش ولا يشوف جدتي فارشه فرشه وتقهوى عليها : السلام عليهم
انا: مشاريوه ماشفتني وانا اشيل الجنطه طافك
مشاري: لا لا عيديها عيديها تفكين
انا : واشيل الجنطه وادور فيهاا نفس الحركه اللي اوليه
مشاري: ينعنبو ذا الوجهه وموقفتني ساعه على هالحركه والله لو انك تنابحين ابرك من سالفتك هذي وانتي (يقصد جدتي) الناس معتفسه وجالسه تقهوين ابي مره وحده مره وحده جالسه من غير هالفنجال بس بس ذبحتي نفسك .. وياخذ لفنجال .. الله يهديك : ويصب لنفسه القهوه ويتقهوى
وجلس هو وجدتي يتناطحون على الدله الاثنين مدمنين قهوه
امي : عنوود الله يقطعك ويقطع ورعانك تعالي ضبي قشانك اخلصي عليناا
ماجد جاي يتمخطر وبيده عنزته ويهز راسه بنزعاج : الله يهدك ياجده روعتي درعان ماهو قادر ينام
امي: الله يقلع درعان اللي اروح واخنز في بيتناا رح عجل على امك
راح وجلس جنب مشاري : الله بس يهدي امك
مشاري .. يبي يشكي له : حسيت باللي انا حسيت فيه تصدق ان جاني مرض نفسي
ماجد: كذوب من عرفتك وانت فيك هالمرض بس انت يا حضك
مشاري: ليه ياولد
ماجد: انت ماتشوفها غير اربعه وخميس يومين بالاسبوع وانا كل هالاسبوع مقابلهاا الله يعين
مشاري: اصبر انا الله مع الصابرين الله يعوضك بالجنه
انا: وامسح على روسهم : من يمسح على روس هالمساكين
ماوعيت الا وبحركه بهلوانيه انا والطوفه واحد .. وشعري يسحب بالارض وعيوني ضربت حول.. وخشمي تقطر منه مواد لزجه
عذاري توها داخله : يؤؤ يا جدتي الصراصير واجد هنا
امي : متروعه وينهاا فيه
عذاري: هذا اللي بالطوفه
انا: واقوم من الارض وأللم شعري : لا لا لاتخافين كنت انا امسح الطوفه
عذاري": يمه على بالي صرصور
انا: لالا لايغرك سوادي ومتني تراي انا عذبيه
عذاري: خلي هرجك عني روحي جيبي الاغراض
انا: وانتي شتسوي
عذاري: انا شسوي انا جالس اكوي الملابس
امي .. تصيح خلصونااا نبي نشـــــــــــــد أد أد أد << صدى الصوت
الكل استنفر حتى جدتي ودلتهاا ..
بعد اقل من جزء من الثانيه الكل واقف وخلاص قشه وركبنا قشنا الدنه
ويوم خلصنا انتقلنا بيتنا الجديد بكل سعاده ووناسه ..؟..
اول مادخلنا البيت رحت اركض بحجز لي غرفه .. كنت اول من دخل البيت حتى دخلت برجلي اليسار رحت خذيت فوق تحت ودخلت باليمين ومع ذالك انا اول وحده.. كنت اركض وشكلي كأن عجوزتبي تلحق على معاش الشؤون .. وعباتي تكفخ وراي اصلن العبايه علي تقول عبايه على سيلانيه مضيعه أهلها .. أي وحده مو رزه الرزه بعيده عني بعد امريكي عن شرب حليب نياق .. كنت اركض واضحك بهستيريه وركضي بدون هدف بس بسبق اخواني .. المهم ماكملتي خطوتي لصعد الدرج إلا وانا اخبط انا والكاشي اصحاب .. واسمع خطوات فوج غنم يركض فوقي وسبحان الله صرت الاخيره رحت لغرفتي او بالأحرى غرفتناا وركزوا على ناا نون النسوه المعزبه << قاعده من اختراعي .. المهم وانفرش بالارض واحوس بأغراضي ..
بيتنا الجديد لله يابيتنا كان بيتنا عباره عن دوين الدور الاول يظم دوانيه رياجيل مع مقلط وحمام كان مفصول عن البيت واللي يربط بينا ممر يطل على الحوش واللي فيه باب هالباب يدخلك على غرفة المعيشه اليومه وكان في غرفه مخصصينها للضيوف الحريم يعني غرفه كشخه مانفتحها الا كل يوم جمعه نبخرها ثم نرد نقفلهاا وغرفه جانبهاغرفه جدتي وقدامها حمام وكان في باب يطل على ممر يدخلك على حوطه اللي فيها المطبخ كن مطبخنا خارجي وقدامه حوطه متوسطه فيها نخل وثيل يهبببببببببل المراد والدور العلوي الغرفه الرئيسيه للوالده حفضها الله ورعاها والغرفه اللي قدامها غرفتنا انا وعهد وعذاري النشبه واللي على اليسار غرفه العيال ناصر ومشاري ومجود واللي مقابلها غرفه اختي عنود هي وورعانها الباقين ويتوسط الغرف حمام
والسطح كان العجيب فيه انه مشترك مع سطوح جيرانا
نرجع لمشهد ..
احوس بغراضي اخيرا لقيت الشي اللي ابيه لقيت مذكراتي ..
انبطحت على كرشي ومسكت قلمي وافتح المذكره يعنني بنت ذربه بسوي نفس اللي بالافلام بكتب مذكرات فتشت باوراق المذكرات لقيت كلها ولد في مثل هذا اليوم او توفي في مثل هذا اليوم
واللي يحر قلبك اني مو كاتبه التاريخ مو اقول لكم قمه الدشاره مجتمعه في ذا المخلوق الله بس لا يكثر من امثالي ... << تهبين اي والله ..
المراد
جلست اكتب بالصفحه .. في مثل هذا اليوم اللي هو الاحد لحظه؟؟
انا: عذاري اليوم وشو
عذاري:وترتب ملابسهاا : اممم اليوم الثلاثاء
عهد: خخخخخ يالخبله اليوم السبت
انا: يؤؤؤ حددوا
عذاري: مدري
انا: يوم ماتدرين شهوله تتلاقفين وتجاوبين مالت على ذا الشوشه اللي تقول شوشه ام درعان
عذاري: عدال وجهك اللي يقول وجهه جدتي صيته لا قامت من النوم
عهد: ههههههههههههههههههههاي حط حيلهم بينهم وشيلني من دونهم
انا وعذاري: قمنا على عهد بنتوطى على راسهاا
عهد .. وتحاول انها تقاوم وتمد ايدها لقدام مع تحريكها كأنها تسبح في بحر
انا: بكل نذاله وخبث هديتها وقامت تتدحرج الا وهي داخله الكبت رجولها فوق وراسها تحت وعيونها طق حول ويدور على راسها عصافير ونجوم خخخخخ
قام بنت الحلال ودعستني تحتها وجلست تمشع شعري وانا كنت متميتلها في بكس بضربه في بطنها الا والبكس في بطني جلست اتلوى ساعه وشعري كشه << اصل هو خلقه كذا
من القهررحت وسدحتها وجلست فوقها بكل سمني وطولي قدرت اني افخصها وهي العصقوله زيتونة باباي ترفس تحتي الا ان لفظت انفاسها الاخيره
قمت ورحت للمذكراتي وكتبت
"اليوم والله مدري شنو وعناد فيك اني تهاوشت مع خواتي اليوم السبت ليلة الثلوث صباحية الخميس
المهم يامذكراتي العزيزه اليوم وصلنا بيتنا الجديد ويالله مت وناستي مع اني كنت احلم بغرفه مستقله لكنني نعمت اخيرا بسرير لي وحدي وكبت لي وحدي بعكس بيتنا القديم اللي كنت انام على الارض والكبت شراكه مع اختي المصونه عهد المهم وش اقول أي تذكرت اليوم ونحنوا متجهن لبيتنا ونحنوا بالشارع صادفت بنت بنفس عمري مدري ليه قلبي رف لها كانت تمشي بالشارع وعباتها تكفخ أأه كم ذكرني بصديقتي الغاليه خوله الله يرحمها اللي تزوجت وسافرت للسعوديه كانت عباتها تكفخ وراها وكم لكفخه العبايه من ذكرى طيبه في قلبي فحسيت انها بنفس طبعي
وو"
ماوعيت الا وامي ناطه فوقي بحركة مصارعين .. قومي يمال المرض رتبي المطبخ وسنعي لنا عشااء
انا : ومتروعه : نشالله
واركض من الدرج وتزحلق لين وصلت للدور السفلي وبعدها دخلت المطبخ وقمت ارتب المواعين بمكانها واسنع اثلاجه تو اخوي ناصر رايح للجمعيه وشاري اغراض الثلاجه وانا اتحلطم
كله انا كله انا الله يقلعك يا ورنيتي ليه يوم تسافرين وخلينا في وقت بدل ضايع ندور على غيرك
وكل ماجبنا وحده نحاشت مدري وش العله ..؟..
بعد م سويت العشاء وتقريبا بيتنا ترتب شوي لاننا قبلها بيومين شلنا الاثاث ورتبناه مثل الكنب وغرف النوم والمطبخ ..
فرشت سفره بالارض وحطيت عشي اللي اهلي يحلمون فيه عشاء فاخر جدا وانا اسويه كنت اغني < نسم عليا الهوا من نضرات الوادي ياهوا دخل الهوا خذني على بلادي >
وكان عباره عن زيتون وجبن وقيمر ومربي وبيض عيون وخبز صاج وشاهي حليب
الله كم هو لذيذ يا عشاي الفاخر
المهم وانا جالسه انطر الاهل يشرفون وما كان جالس على السفره غيري انا وجدتي صيته اللي كل ما مدت يدها على الخبزه بتقطع منهاا طقيت يدها واطالعها بحقد .. وانا اتحلطم أي بتخربين عشاي << والي يحرك اني اقطع من الخبز واكل خخخخخخ
المهم الاهل طولوا ما جو رحت اصوت عليهم دخلتي غرفتناا ومثل ماقلت ركزوا على ناا
وياليتني مادخلت الا كلهم متجمعين امي وعنود وعهد وعذاري ومجود ياكلون وجبات من مادقوناز << ادري انها بدليه بس ماعرف انطقها عدل
انا .. واشاهق : يمال الحريمه اللي تحرم كبدكم مسويه عشااء تحت وانتم هنا تاكلون وامي نطت على نطه خلت ضهري في سي دي مدري دسك وبالاخير جالسه تاكلين همنقرهناا
امي: انا سويت هالتمثليه عشان تنقلعين مانبيك تاكلين معنا
انا: ابي ابكي : لــــــــــــيـــــــــــش
عنود: عشان تنحفين عاجبك جسمك يمال الضعفه
انا" وقمت اناشق : لا لا انتهينا خلاص (وقمت اغني ) وش تبي فينا انتهنا روح لاتفكر تجيناا
(وعقبها قلبت ) انا انتهيت والله انهيت وش ظال بياا
وبالاخير غنيت)) صبوحه خطبها نصيب أأه خطبها نصيب
عذاري: الله ياخذك يالبطه شكو صبوحه
انا: وامسح خشمي بطرف ثوبي: مدري زعلانه والهم كاسيني
ورحت اركض على الدرج وانا صاكه فيني الدنياا . صحيح اني بطه ووزني 97 بس مو مشكله بيجي يوم واضعف تهي تهي الله يقلعكم جعلهم ما يحدرونه ابد
نزلت للأفسل (الاسفل) ولا ألاقي جدتي قضت على اخر نقطه من عشاي ..
انا: حتى انتي ياجده حتى انتي أهي اهي اهي اهي ماحبكم انا اكرهكم
طلعت للمطبخ وقمت اغسل الصحون واشطب على اخر الاعمال بالمطبخ ماهي الا نص ساعه الا انا خالصه .. كنت حزنانه حيل .. تهي تهي تهي
رحت لغرفه المعيشه وقمت ارتبها واضبط الاثاث واركب التلزيون عشان بسهر تحت ..
جدتي كانت تمارس عادتها اليوميه : وهي شرب القهوه ..
انا: جده جـــــــــــــــــده
جدتي: دججوك عشره عبيد وشتبين
انا: جده انا زعلانه
جدتي: ماترضين وليه زعلانه
انا: جوعانه ومامعي قروش اطلب مطعم تصدقين اهلي طالبين ولا طلبوا لي كني بنت البطه السوده
جدتي: كان الاكل قدامك من اليوم وشهوله ماكليتي يمال الحريمه
انا: لاتقعدين تصيرين لي مريم نور على غفله جده الزبده ابي فلوس
جدتي: ماعندي
انا: يانعنبوا ذا الوجهه جالسه اشكي لك الحال ولا تعاطفتي معي
جدتي: تلعنيني بعد .. وتمسك العصى وتقوم تلسبهاا فيني ورسمت احلا علامات في ظهري
رحت اركض بخف الريشه وانافي قمت السعاده من طقت جدي اللي بعثت فيني روح الامل من جديد وبكل قوه دخلت على اهلي مره ثانيه اخطف منهم الهمنقر والشبس والبيبسي ونحشت على طول للدوانيه وانا اضحك بهستريه وثوبي للبيت كان طويل بس سمنتي خلته يشمروشكلي وربي تقول خدامه وشعري منكوش صحيح انه طويل يوصل فوق الركب بشوي الا ان انه يخلو من النعومه كنت حاويه شعري قرنين يعني مجدلته ثنين قذلتي ماستها بماشات لورى ملونه يعني كاشخه مع هالوجهه هالكشخه ما اكشخها غير مرتين بالسنه صباحيه عيد الفطر والمره الثانيه لا كشتنا للبر ولا باقي الايام انا بوادي والمشط بوادي ..
أأه على طاري المشط ذكرتوني بأيام الخوالي يوم كانت جدتي صيته تطرحني وامي تتجود بشعري عشان تمشطه أأأأوووه كان الشارع كله يعرف اني جالسه امشط شعري مدري ليه احس ان نهايتي بتكون وانا امشط شعري
المهم نرجع للمحور
دخلت الدوانيه بعد ماضفرت بغنيمتي من البلعه وجلست اكل على رواق واكلم نفسي وميته ضحك
على الشكل الجميل والرائع .. انفتح باب الدوانيه دخل اخوي مشاري ومعااه رجال
أأأأه ياقلبي على هالرجال ..
شنو طول شنو وسامه شنو جسم رياضي ومعضل بحكم انه مع مشاري بالضباط والتدريبات شاده جسمه وفوق هذا قرعه .. أأأأه ياقرعته مخلته جميييييييل حيل العيون وساع وناعسه وسود
يعني 3 في 1 والخشم سل السيف ولا الفم شلون الشارب مرسوم فوق بدقه وفن وكان لابس دشداشه ضيقه عليه مطلعه جسمه وغتره وعقال وناسفها لي وره يوم شافني صد عني ورجع لي ورى << مالومه شااف جنيه مو بنت
اخوي مشاري يوم شاف شكلي قام يلطم من الفضيحه ولا لطم عجوز على ورعانها اللي ماتو
طبعا انا انسانه بديهيه شلت اكلي وقمت وقفت قدام مشاري في انتظار حصتي من الضرب
طبعا مسكني من علباي وكم طراق على كم شلوتي بعدها تعدلت ودخلت داخل ولا كأني انضربت
وانا داخله البيت ولا يصيح علي قهوه قهوه ,, انا زييين جعلكم للحريمه ..
كان صاحب القرعه البراقه يسمعني .. ضحك وبعدها سكت واخوي مشاري متفشل حيل منه
يحاول يرقع الموقف بس الموقف مايترقع ابد
المراد
دخلت للمطبخ وقمت اسوي القهوه وانا في قمة السعاده والفرح الله صاحب القرعه البراقه بيشرب من قهوتي واجلس اسويهاا وانا اغني..؟
<< بوصالح سرى ليله وهل الدمع من عينه
صبولي من الفنجال صافي من عسل الماخوذ << ناسيه الكلمات
تحسوون اني بنت قمة في الرقه والنعومه الله يا حلوي وانا ناعمه
عقب ما سويت القهوه والشاي رحت للحوش وطقيت على الدريشه ماهي الا دقيقه
الا واخوي مرتز قدامي ارتزوا عليه جنون الدنيا السبع<< تسمع بعجايب الدنيا السبع
المهم
مشاري:: متمسك بالصينيه : هديها يابنت
انا: اطالعه وشاقه الابتسامه ومبحلقه بعيونه ودي اعرف هذا منو بس الحياء ذابحني
مشاري: يابنت هدي الصينيه لا ألسبك بالعقال
انا: السالفه فيها عقال احترمت نفسي وهديت الصينيه
طبعا اخوي من الحره رفسني برجله وانا صابره لعيون صاحب القرعه البراقه
واودع اخوي واسوي له بيدي مع السلامه والابتسامه شاقه الحلج
اخوي: من بلاهتي .. قااام يضحك ويقول: ياناس غبااااااء
طبعا انا رحت عن اخوي ورفعت ثوبي الابيض المخطط باصفر واحمر ومكفسه اكمومه ولابسه تحته سروال طوويل لونه زيتي << عشان تعرفون اني ذويقه بس منتو مصدقين
ماقلت لكم قصه السروال الطويل هذا الله يسلمكم الوالد رحمة الله عليه
موصي الوالده وهو ينفض أنفاسه الاخيره
غبره يعني جالسه اتذكر الموقف ..
ابوي منسدح على الفراش ومتجود بيد امي : يا ملحه ماوصيك على عيالي والسروال الطويل
تكفين مابي بناتي يبان جسمهم عند العرب واخوانهم صونيهم يا ملحه
وبعدها طق مات
امي: لالالالالالالالالالالالالا غزاي لالالالالا .. وبعدها قامت تردد امي وراه ..طروال سويل
فلم مكسيكي مو ملحه وغزاي
وعقبها هالسروال لا يمكن ان نستغنى عنه حنا يبنات لو مالبسناه تقوم الوالده تدوس بخشومنا عيب البنت تمد ساقها وتطلع ساقها قدام اخوانها لازم سروال طويل والثوب يكون واسع حيل يعني اكبر من مقاسك مثال عهد مقاسها (s ) تلبس (l) والكم يكون طويل يعني املك اننا نلبس بناطيل او تنانير وبديات ضيقه والاحكام والقوانين علي انا وعهد اما عنود فاكيفها متزوجه واختي عنود بنت متفتحه وتخلي بنتها تلبس اللي تبيه يعني ان بغت بناطيل ان بغت قصير عادي الحياة حلوه وانا وعهد كل ماشفناها زاد الغيظ بقلوبنا نطالعها من تحت لي تحت ياحظها امها تسمح لها المهم عقب ماففضت لكم برجع لمحور الحديث ..؟..
رحت اركض وسروالي يسحب وراعي وانا اناقز بخفه الريشه ورجل قدام ورجل ورى واغني لاه لاه لا لالالاه وركضتي ولا هايدي راعية الغنم ..
رحت لغرفتنا . ناا ركزوا عليها المراد ويوم دخلت وانسدح فوق سريري الله واحط رجل على رجل وسرحانه واطالع بالسقف وجالسه ألعب بقرنيني وانا بقمة الهيام ..
ولا تجي اختي عهد الملقوفه وتحط راسها جنب راسي وتطالع وين اطالع ومستغربه اول مره تشوفني بالهلحاله وبنت الحلال فاتحه فمها على الاخر وتطالع بغباااء ..؟..
وتمسكني مع كتفي وتهزني: عذبيه عذبيه قومي قومي
انا .. وعصبت : يانعنبو ذ الوجهه الواحد مايسرح عندكم
وقمت وانا حدي معصبه .. ورحت طلعت مذكراتي اللي نص اوراقها مشقوقه حق طلبات المطاعم ولا البقاله والباقي مثل ماذكرت لكم توفي في مثل هذا اليوم وعاش في مثل هذا اليوم
كنت احوس ادور لي على ورقه اعبر عن مشاعري الجياشه ..
كنت احس في شي يقرقع في قلبي قلبي يبي يخرج للعلن مدري شي اول مره احس فيه لااستغفر الله حسيت فيه قبل هالمره يوم شفت الاول مره راجو سايقنا << كانت تحب السايق
لان محد عطاني وجهه غيره
عاد الله والوجه اللي عطاك ايااه بس مره ابتسم بوجهي يوم شافني جايه ومحمله معي اغراض راح ركض وشال الاغراض عني أأأه كم كان تصرف نبيل ومن عقبه وانا احبه بس ابن الحلال سافر لزوجته وانا انصدمت طلع متزوج الخاين تهي تهي المواجع تتقلب علي ..؟..
المهم لاعت كبدي ورحت جلست على الارض وطلعت مسجلتي اللي ورثتها عن خدامتنا ورنيتي
اللي مالها باب للكاسيت يعني لا بغيت تحط الكاسيت اصقعه اقوى ماعندك بالجدار وعيش حياتك وانت تسمع الصوت اللي متغير من قدم المسجله ولا وازين مافيها الوان تطلع من السماعه ممو اقول لكم سوالف هنود رحت فتحت الرادوا وحطيت على الاف ام وانا اسمع الاغنيه بكل حب واريحيه ..
وكانت الاغنيه ..
(( سواها قلبي ياحبيبي وحبك ماطعني وانا عن الحب ناهييه
الظاهر انه مايبقي غير قربك عاف الجميع واول الناس راعيه
...
عليه ماوصيك لا صار جنبك صبح عليه بحب وبحب مسيه
نبضه والوفاء ((مدري شنو)) لا يعجيك
صافي ولا لقى من يصافيه
...
وسواها قلبي))
الله والله وصرت رومانسيه عقب ماكنت اسمع بو شنان وخالد الملا وبو صالح سرى ليله وصبوحه خطبها نصيب وبنات المدارس ليتني عندكم سواق واغاني اسامريه والفرحيه
صرت اسمع لاصاله ونجوى وام الثوم واغاني الحب والفرح وقبل لا كشخت يعني بغيت اسمع اغنيه حب
يعني لا ضاقت علي الوسيعه رحت سمعت اغنيه
(( الله وكبر ياحمام من صلاة العصر نااح ))
مو اقول لكم قمة الرومانسيه ..
الجزء الثاني ..
عهد .. حاظنه المخده بخوف وتطالعني وعيونها تدمع : شنو فيك يا عذبيه
انا: أي والله اني عذبيه اني عذاب اني متعذبه
وقمت اقصد
(( ياعذابي منك ياموتي وياحرماني .. زابنك بالله تخفف عني اللي فيه
من عذابك وشهو اللي باقين ماجاني .. في عيوني من عذابك صايره ماريه
وانتي تدري كل ماتحتاجني تلقاني .. يشهد الله عنك ماتقدر تشح ايديه
بس تكفه لاتعذبني ولا تنساني .. ضمني يانور عيني في حشاك شويه
كل ماشفتك تدخلني في عالم ثاني .. عين تنظر لك بشر والثانيه حوريه))
**تركي الميزاني**
عهد.. وبدت تصيح : أأأأأأأأه ياويلي وخيتي تحب أأأأأأأأأ
انا: وش اللي احب بس وانا اختك تفجرت شيات في قلبي
عهد.. وتصيح : وبعد انفجاراات أأأأأأه
انا: ياليل البكي خلاص ماعاد ابي اعشق
عهد: وتصيح : اختي ماعندها احاسيس أأأأأأأأأأأأأأه
انا: وقمت اصيح معها : ليش ياربي كل شي حرام علي أأأأأأأأأأأأأأأه
عهد.. وتظمني ولي اول مره احد في حياته يخمني حسيت اني بنت مسكينه
بالعاده يا ترفس يا تخمش يا طق بس احد يظمني فاقد للهشعور وصلن انا نفسي عمري ماهتميت فيه المراد وانا اللي اشاخر بحظن اختي العزيزه . خ خ خ خ خ خ خ
عهد: يانعنو ذا الوجهه مو كفوا احد يخمك ...
وتقوم ترفسي وانا اللي اتدربح على الارض واكمل نومتي
...................
قمت من النوم على اشعة الشمس < انتبهتوا للتغير ماقلت قمت الصبح لا على اشعه الشمس شفيكم صرت رومنسيه ياحليلي حليلاه ..؟..
وانا اقوم من الارض بسعاده ولا اختي عهد منبطحه على سريرها وحاذفه فراشها بالارض وصوت شخيرها واصل لسابع جار ومتهاوشه هي وثوبها اللي وصل لي خصرهاا
توني افهم ليش الوالده تلزم علينا بالسروال الطويل عشان الفضايح اللي تطلع تالي الليل ..
وشفت بالجهه الثانيه الا عذاري نايمه بكل رقمه ونعومه ولابسه بجامه نوم قصيره لونها وردي ومخططه بأبيض وعليها رسمت دبدوب يجنن وكان الثوب علاق ومبطله شعرها اللي واصل لي كتوفها وهو مدرج وناعم وحاطه شباصه صغيره على جنب وريحه الفراوله طالعه منها والهدوء يعم منطقتهاا
لفيت على عهد مره ثانيه واللي انا وياها نفس الطبايع شفت الشعر منكوش وهو مجدول والجدله طويله وبنت الحلال ماعندهاا قذله يعني الصنديحه ياكبرها كبراه انا في يوم كنت نفسهاا بس الله ستر وطلعت لي قذله بعد معناة اترجي امي تقص لي قذله لان الوالده اكره ماعندها المقص يطب شعورناا << بحكمه انه الشعر الطويل يستر يوم القيامه يوم الناس كلهم سلطن ملطن
المراد
قمت ورحت للحمام وغسلت وجهي وطلعت ورحت للمطبخ اسوي الفطور وكانت الساعه في ذاك الوقت على ما اظن الساعه 6 لا استغفر الله 8 لان يوم قمت إلا جدتي قايمه من مبطي وجدتي ماتقوم الا لساعه 7 و43 دقيقه في انتظار قهوتها
المراد سنعت الفطور ودلة القهوه لجدتي عقب مافرشت الفرشه لها بالحوش تحت النخله جلست تتقهوى وانا اكمل ترتيب البيت والخم والكنس يوم خلصت الا جتني عهد تتمخطر تبي تفطر كذا بالساهل ..
انا: وامسكهاا : مافي فطور الا لما تغسلين الملابس
عهد: ابج قولي لا أله الله الله
انا: لا اله الا الله
عهد: محمد رسول اله
انا: محمد رسول الله
عهد: وتقلد الهنود : أشهدوا ان
انا: يبنت الحلال والله مسلمه وربي اخلصي علي
عهد: بغسلهاعقب الفطور
انا" لا هللحين
وتدخل علينا المطبخ عذاري عقب مالبست روبها الحرير الابيض ومرسوم عليه ورد جوري احمر وواصل لتحت الركب ولابسه نعول ريش
عذاري: هاااي
انا وعهد: هايات
عذاري: وتسحب لها كرسي وتجلس على الطاوله اللي بالمطبخ البلاستيك عقب ماسكبت لها عصير بردقان من الثلاجه
انا وعهد: نطالعها بستغراب : اخص يالذربه تشرب عصير على الصبح << لاتستغربون يعني ليش مانعرف طبايعها من تطلقت امها وهي عند ابوها الدكتور وماجتنا عاشت عندنا الاقبل شهرين لان ابوها يموت عليها حيل ..
عذاري: ابوي ما اتصل
انا: وش درانا عنه
عذاري: طيب انا طالعه اخذ لي شور لو اتصل بلغيني
انا: حاظر مو انا سكرتيره عندك
عذاري: بغرور : اكيد
انا: وكنت بقعد فوقهاا واحاول ألحقها بس مسكتني عهد اللي نفخت في بطني لين هديت
انا: ايتها الدلوعه الماصعه اجل حتى كوبها ماتغسله كوت لها كم ثوب وبغت تموت علينا هذا اللي ناقص نشتغل لهاا ..
عقب فطورنا الصباح رحت انا وخيتي العزيزه لغرفه المعيشه نشوف برنامجنا المعتاد تلفزيون الاطفال خخخخخ
المهم ولا يرن التليفون وكل وحده فينا تعزم الثانيه تشيل التلفون
انا: ياوخيتك ردي عليه
عهد: يابنت انت اخف
انا: أي اخف والله اني شحوم متراكمه
عهد: تفكين خففيها وروحي ردي عليه
انا: يابنت انتي حركي دمك وردي عليه
عهد: ياحول ورى كل انا وانتي وش وظيفتك
انا: وظيفتي اكنس واطبخ
عهد: يامسكينه كني انا ماعونك في الشغل
مادرينا ولا يوقف رن التلفون
انا: جت منه احسن
عهد: طقت كبده ومحد رد عليه
انا: لا يكون ابو المفعوصه
عهد: ليته
انا:هههههههههههههههههههههههههههههه
ويرن التلفون مره ثانيه ولا تدخل عذاري
عذاري: انتم ماتسمعون التلفون
انا: إلا نسمعه
عذاري: وليش ماتدردون
عهد: لعااانه
عذاري: تلعنك انتي وياها وترفع السماعه
عذاري: أأألو
هاي باباي
مشتاقه لك حيل حيل حيل
ههههههههههههههههههههههههه
حبيبي باباي والله
انا وعهد كنا فاتحين فمنا على الاخر ياحلو الدلع حلوااه
بباي الله يخليك جيب لنا خدامه
أي أي ماعندناا
ههههههههههههههههههه
الله يخليك لا تكسر فيني
بتمرنا اليوم
طيب زين الساعه كم
خلاص راح اقول لمجودي وودي طيب
باي باي
وباست السماعه وعقبها ردتهاا
وحنا شهقنا خوش شهقه .. يافضحي تبوس ابوها
مو انا وعهد ماعرفنا الوالد رحمة الله عليه ولا عمرنا بسنا رجال حتى اخواني
يااااااااو يافضحي اتخيل اني بس حبيت اخوي ...؟...
المراد
وتمسك عذاري الريموت وتقلب القنوات واللي مافيها غير كويت الاولى وكويت الثانيه وكويت الرياضيه وكويت الرابعه << شخباري شالوها من زماان
عذاري: ماعندكم ستلايت
انا: لا حرام
عذاري: طاع هذي شنو حرام في قنوات زينه مو كل الستلايت حرام
عهد: عيب جيرانا يشوفون عندنا دش وشيقولون اهل البيت مارجين
عذاري: واااي وااي شنو هذا
المهم
انا وعهد متعودين على القنوات ولانطالب باكثر الحمد لله مستوره رحت نزلت مسجلتي ام ليتات
وحطيت على الراديوا ولا تطلع اغنيه
لي ثامر حصني << مدري هو صح ولا خطأ
اللي اغنيته كلها يتارع
أأأع
<<كل مره بشوفك فيها يبأه نفسي أأأ أأه
اجيلك اقول لك انت عني بالحياه<<
ادري اني بدعت بالاغنيه بس ماعليه مشوها لعيوني ..
المراد وقامت عذاري تهز مصاري وترقص وانا وعهد منصدمات حنا غير ردح البدو مانردح حتى الدوسريات مانرقص
كان انتهيض انا وعهد على الاغنيه
قمت انا ألفح بشعري واردح بدوي
وعهد كنها عجوز تلعبني ناسفه العباة تلاعب
ادري ان شكالنا غلط بس حلو روح التجربه
يعني اغنيه مصريه وحنا ردح عجايز الله تخيلو معاي المنظر الحمد لله ماكان في هاك اليوم بلوتوثات كان تلقون المقطع منتشر بكل مكان << يادجه فيه بس انتي ماتعرفون شي
طبعا بنت اختنا الماقصه ميته ضحك علينا وتحاول تسوي نفسنا بس لو شنو ماتقدر تردح مثل ردحنا اللي يدك القاع اللي يزلزل الارض تحتنا اللي ردح يخلي كل مافيك يرقص
حتى اكثر (اذكر) جارنا بو حمود الحظري طلع يهاوش مع هالفره
بو حمود .. عيب عيب في ناس بتنام
ان: احد ينام القايله
بو حمود .. من الحره قام يردح هههههههههه
.....................
المراد
دخل علينا اخوي ناصر الدختر ويطالعنا وحده نااقد مو اول مره يشوف هالمنظر الغريب كل مادخل يشوفنا بشكل جديد .. وقف وهو مكتف ايدينه ولابس بنطرون اسوود فيه مخابي كبار على جنوبه وتي شيرت بيج عليه روسومات كريزي وشعره طويل يطير مع الهواا .
سبحان الله الوالده عيالهاا مزايين لكن سبحان البنات قمه في الجكر مدري ليه اللي يشوفنا انا وعهد ويشوف اخواني ناصر ومشاري ينصدم يقول تخسون هذولا اخوانكم يعني فرق حيل هم شرق وحنا غرب ..
ناصر: امنيتي ادخل البيت وألاقيكم منثبرين بالارض يانايمات يا منهبلات
انا: وانزل راسي السموحه ياطويل العمر
عهد: نرفه عن مافي انفسناا
عذاري: أهلين خالي .. وراحت تركض له تحبه ( حبة الصباح )
انا وعهد نطالعها . بستنكار وش هالمصاعه روحي تستري عقب حبي راس خالك مو تحظنينه جعلك الساحق الماحق والبلا المتلاحق
ناصر: اهلين عذاري كيفك
عذاري: بطلع (دلع) : بخير
انا .. بصوت واطي .. حسافه
عهد: ليه
انا: هي بخير
عهد: شناويه عليه يامعلمه
انا: واضحك ضحكه شريره نهااهاهاهاهاهي قهزي الميه السخنه
عهد .. وترقص : يختي عليها ويختي عليها شمعه منور وحنطفيهاا
انا: واللي معاها راحوا فيها يختي عليها ويختي عليهاا
ناصر.. بستغراب : ريا وسكينه مو عذبيه وعهد
عذاري:ههههههههههههههههه هم كل يوم جذي بس يضحكون ماعندهم هم غير الضحك
انا: ولا في هم العرس بعد
عهد: أي والله هم العرس
ناصر: استحوا على وجيهكم عيب انا قدامكم بنات اول مايقلون هالكلام صحيح ماعاد في بنات
وانا: افرقع بصابعي: بناااااات اول مو هاللحين
عهد: هللحين البنات يخطبون الرياجيل مادريت
ناصر: والله تسوونهاا
انا: هاه ماوصيك تجهز
ناصر: وليه
عهد: بنروح نخطب
ناصر: كانت معاه شنطه لحقنا فيهاا لين دخلنا غرفتنا كان بيضربنا لولا ربك ستر ...
..........................
انا: واجلس على السرير .. عهد
عهد: بخشونتها المعتاده : نعم << لا والله اكذب قالت بالحرف الواحد هااااااااااااااه
انا: وجعااه قولي نعم
عهد: نعم
انا: اخص يالذربه قولي هااه
عهد: هااااااااااااااااااه
انا: فجرتي اذني
عهد: تقوم وتوطي في كرشي .ان ماخلصتي لا اقوم اتوطى في بطنك ..
انا: خلاص بقول عهد ودي اصير ناعمه وحلوه
عهد.. تطالعني منصدمه وبعدها بدون سابق انذار:هههههههههههههههههههههههههههههاي
ناعمه قال ناعمه قال هههههههههههههه ياحليك يا عذبيه مو لايق وربي مو لايق هههههههه
تكفين بطني
انا: واضحك .. تخيلي عاد شكلي قاصه شعري وحاطه مصاصه واتدلع بطه وتتدلع هههههه
ههههههههههههههههههههه ياحليلي حليلاه
عهد: ههههههههههههههههههههههه يابنت تكفين غيري السيره
انا: وانتفض ..جتني نفضه
عهد: يهب مسكونه علامك
انا: تخيلت نفسي دلوعه وااااااااااااااااااااااااااااااااااع
عهد: أي والله اقول ورى ما نروح للسطح نتحرش بسطوح جيراناا
انا: يالله يام الفكر
ونروح للسطح ونطينا بسطح جيرانا الي يطل على حوشهم كان معانا بطل ماي بارد وخدامهم تغسل ملابس بسطل .. نثرنا عليهاا ماي بارد وقامت ترتجف هههههههههههاي
شكلها تحفه
ونروح للسطح الثاني ولا نشوف جدتي بحوشنا تشرب قهوه ونرش عليهاالماي
جدتي: ابك ابك مطر مطر امطرت
انا: يمال الدجه مطر بشهر 7 حنا صيف صيف
جدتي: جعلك ماتربحين عذيب انزلي لا اطلع عليك نويصر يلعن جدفك
انا: بعدين حرام عليك جده اعيش من غير جدف يرضيك هالشي ..
ورحنا نركض لاخر سطح سطح جارنا ابو نوير
وحنا ننقز وتونا بنرش المااي ولا ينفتح الباب وتطلع لنا هاك البنت المعصقله اللي معاهاا جدر وتصيح فينا انتم منو وشجابكم للسطح
انا وعهد : نصيح : أأأأأأأأأأأأأأ طاحوا علينا
وقمنا نغني ونصفق .. وطااااااحوا علينا وطاحووو علينا وياويلنا ويلاه ويلي ويلي ويلي
مادرينا ولا هالبنت تنزل الجدر وترفع ايدها وترقص .. وتشيشناا : أأطلع أأطلع ششيل رووح
روح عاشوا عااشو
انا وعهد قمنا نلاعبهاا ونشيشهاا كود انهاا تنسى انا طبينا في بيتهاا ..
انا : واقصد .. ياليتـــني من بنات اليوم .. وعندي سايق وهنديه
ولساعه وحده وانا ماقوم .. وغداي كيكه وبيبسيه
عهد.. يااااااااااااااااااااااااااااااااااااااااااو اردح اردح
اما البنت فهذي بنت الحلال زيرت وقامت ترقص بهستريا انا خفت لا تكون ملبوسه فا سكت
ولا تلتفت علي
هي: كثر الله خيركم انتم من جيرانا الجدد
انا.. وامس شعري : أي حنا الجدد انا عذبيه وهذي زيتونه يووه اقصد عهد
هي: ههه ياحليكم انا نوير الا وش تسوون
عهد: كنا نرفه عن نفسنا نتحرش بخلق الله
نوير: يالله مشينا نرفه عن نفسنا
وتمسك الجدر ونروح بيت جارنا الاخر
نوير: هذا بيت خويتي محيله لحظه اناديها تلعب معناا تراهاا داجه نفسنا ..
محــــــيله محــــــــيله
محيله تطل مع الحوش .. حلوا بطنك من البلعه وش تبين
نوير: تعالي تعرفي على بنات جيرانا الجدد
محيله: اللي اخوهم قرعه
انا: أي أي
محيله: لحظه اكشخ و اجيكم كود تخطبيني لخوك ..
انا وعهد ونوير: ههههههههههههههههههههههههههههههههههههه
جتنا محيله هي واختهاا وضحه رحنا معنا طياسنا نطينا للسطح جارنا اللي بعدوا
محيله .. لحظه انادي خويتنا جوزه ..
جــــــــــوزه جـــــــوزه
جوزه.. يانعم ..
محيله: تعالي معنا بنات جدد نبيك تتعرفين عليهم
جوزه.. تهي تهي اليوم يومي بغسيل المطبخ انطروني بعد ربع ساعه اجيكم بطرش اختي خزنه عليكم
محيله: عجلي عليناا
وماهي الا دقايق وجوزه وخزنه يوصلون لناا
ونسلم على بعض وكلنا اشكالنا دجهه من امه
جوزه تكفون خلونا ننط بيت خالي تلقين بنته مريم قايمه نمرها تتونس معنا
يالله طيب
ومرينا مريم واخاذناها بعد دقايق
انا: الحين نرش على منو اذا خلصنا كل البيوت ..
عهد : على بعض
وماكملت البنت كلمتها الا وكلنا نرطش من الماء عليهم سرعه بديهيه هالبناات ..؟..
ههههههههههههههههههههههاي
مريم: يالربع مشينا بيت شلشبيل نزعجها هي وخواتهاا
انا: من شلشبيل
نوير: ذي بنت جارنا بنت المصريه يانا نكرهها كرره دايم هواش
خزنه: هي اسمها كوثر بس حنا نسميهاا شلشبل لشده شرهاا ..؟..
والله ونروح البيت ونغرق حوشهم مااء
مادرينا ولا الركض على الدرج عرفناا انهاا جت تبي تطقناا
وحنا كل وحد تجودت في طرف ثوبها ونحشناا لبيتها وتواعدنا عقب صلاه العصر نجي فووق السطح
...................
انا انزل من الدرج وثوبي يرطش ماء واضحك بكل سخافه عهدتها بحياتي
الا بستقبالي اخوي ناصر توه طالع من الحمام ولابس شورت سماوي وفنيله علاق بيضه
انا .. انصدمت مو متعوده اشوف اخواني بهلمنظر وعقبها غضيت البصر وقلت : حج يا حاج تستروا تستروا
ماوعيت إلا وناصر يضرب بالارض من كثر الضحك هههههههههههههههههههه
كان يضحك بهستريه
انا اطالعه بكل تعجب شلي يضحكه .. وبعدها راح غرفته وهو ميت ميت ضحك ..؟..
المهم كملت نزلت الدرج وليتني مانزلت
أأه كل ما اتذكر هاك اليوم احس بعوار في ساقي تهي تهي الله يسامحك يمه شوهتيني دمرتي مسقبلي المهني .. كنت ناويه اطلع طقاقه شلون اصير طقاقه وانا رجلي مشووه
أأأه بقول لكم السالفه هذا الله يسلمكم ..
يوم نزلت من الدرج وبضحكتي السخيفه المعهوده تفاجأة بوجود امي بالصاله تتفطر يوم شافتني
والماء يرطش مني وشعري مبلل ولا مجنونه اهلها تاركينها تهيت بالشارع
المراد
امي.. تشهق .. يامقصوفه الرقبه هذا وشوو
انا: أأأ ههه ذ ذذا ممممااي
امي: اجل عسل اشوفه ماي قالوا لك عميه ومنين جالك
انا: كنننت أأأألعععب بالصصصصصطح << من الخرعه نسيت حرف السين
امي: وتمسك كوب الحليب عقب ما شربت منه الحليب وترميه علي وانا اللي انقز تفاديت
انا: ههههههههههههاي ماجاني هههههههههاي
ماوعيت ولا الصحن برجلي الي انشلخ شلخ كبير رحت اركض ركض ولا ركض بسه وراها كلب مسعور
الله ذكرني بالشاعر اللي يقول
<< يامرحبا ترحيبتن اسبق من الفار .. ياللي على دربها ثمنين بسه <<
الله يخلي له لسانه ويستر عليه اجل هذا ترحيب مالت على الفره بس ... بس والله انه شاعر ورجال
المراد
وامي تتجود فيني من ثوبي وياأله على متني ياعرب وسمني الا ان امي شالتني وحذفتني على الكنبه اللي انكسرت وامي يزيد فيهاا الغيض اللي خلها تخنفر وعيونها تقلب حمر ووجهها صار الوان الطيف السبعه حتى في لحظتها كنت اتمنى لو عندي كامره كان صورتها وارسلتها لمجله يحطونها ابحث عن الاخطاء السبعه ..
المهم نكمل محور حديثناا ..
وكانت تبي تكمل ظرب لكنني وقفت بشموخ وعزه وفخر اني مابكيت عند امي ومسكت امي
وانا اتعوذ من ابليس اللي راكبها ..
انا: يمه تعوذي من بليس ماصارت ماي تغرقت فيه
امي: يوم انك ورع خليتيني اعصب
انا: يمه قولي لا أله الا الله
امي: لا اله الا الله
انا: ماصار ش هلحين ببدل ملابسي وين الغلط
امي: الغلط الكنبه مكسوره قومي صلحيهاااا
انا: نجار الله يهديك مو عذبيه بس ولا يهمك اصير لك كنبه ولا تزعلين وهذي حبة راس
امي: ياااااحول اعوذ بالله منك يابليس روحي بدلي ملابسك يالله انهجي ..
واروح اركض لغرفتي ابدل ملابسي وألبس دراعه خضراء مشجره بازرق ولبست تحتها سروال طويل احمر < صارقته من جدتي .. بس لا تعلمونهاا ...
المهم وانا نازله امي .. عقاب لك تروحين هاللحين تغسلين الحوش
انا: بس الصبح كنسته
امي: انا وش قت اغسليه
انا: طيب
واروح اخذ المساحات .. واكفس ثوبي الاخضر واربطه حول خصري ويطلع سروالي الاحمر اللي شاريته بفلوس عدياتي .. ياكذوب توك صارقته من جدتك عادي مشوها السوالف واجد
. المهم وامسك الهوز واغرق الحوش بالماء ثم مسكت الصابون وغرقت الحوش به المهم واقعد ألعب لكم خمسات بالمساحه واقحص فيها والصابون يزلق وكانت اخر وناسه ومادرت الا وماجد يدخل مسرع ومعاه درعان وخلى الباب مفتوح وانا اصيح عليه يا رجال سكر الباب ماكملت جملتي الا والولد داخل البيت
المهم رحت بسكر الباب لانه انفتح صرت مكشوفه ماسكه المساحه وانا أركض بسكر الباب ومن كثر الصابون وانا اللي ازلق لكم من اول الحوش لين باب بيتنا ورجل فوق ورجل تحت واقوم وانا كلي الم بطه وطاحت شيقومني .. مادريت ولا سياره لكسزس قدام بيتنا كانت ليتاتها مفتوحه عقب طيحتي الليتات طفت ولا اشوف صاحب القرعه البراقه ميت ضحك حتى ان قام يضرب بيري (بوري) من كثر الضحك ..
كان ينطر اخوي مشاري بيروحون مع بعض للمعسكر معسكر الصمود
خلصت عطلتهم خخخخخخخخخخ
المراد
انا اقوم واسكر الباب بأقوى ماعندي ..
كرهته حسبي عليه بدل مايقول لي الحمدلله على السلامه اشوفه يضحك ..
ويضرب بيري مالت على هالقرعه ماعليه شرهه قرعه خخخخخخخخخخخ
اللهم لا شماته ..
عقب ماخلصت من الحوش رحت أركض داخل البيت بركض لغرفتي قبل ماتشوفني امي
مادريت وانا اصعد الدرج الا وشي يسحبني لي ورى
مدري ليه طرت على بالي بهذيك اللحظه جاذبيه لبتون << هو صح ولا خطأ ياعمي مشوها
المهم واحد اسمه على شاي نشربه مدري اسمه ريد بيبل ولا ربيع والله مخبرش
نرجع للقصه..؟؟..
وانا انسحب لي ورى ورفعت ايدي لسماء وانا ماده يدي بكل قوتي
انا .. يارب مو امي يارب مو امي ..ربي استر علي ربي امن روعاتي ..
امي: تعالي يا ملعونة الجدف ورع انتي جاهل ثوبك كله مااي ليه ليه ليييييه
انا.. واسوي نفسي ابكي واشاهق .. والله عظيم اني كنت ابي اسكر الباب ولا القرعه جالس يضحك وماجد يركض ويضرب بوري وانا زلقت كلي صابون وأأأأأأأأأأأأأأأأأأأأع
امي: كلمات متقاطعه هذي ولا شنو نعنبو دارك كم مره افهم فيك اذلفي معاد انتي مغيره ثوبك روحي عاوني اختك بالمطبخ ..
واروح اركض لختي عهد بالمطبخ وانا كلي ألم وحرقه ..؟..
الجزء الثالث ..
عهد.. علامك تلهثين
انا: امي طقتني
عهد: خخخخخخخخخخخخخ مسكينه انا نحشت وماقدرت تصيدني
انا: أي العصقوله تقدر تنحاش لكن وحده نفسي وش اللي يخليها تركض
عهد : فكينا من هرجك وروحي قصي البصل وسنعي لنا الزلطه
انا: زيييين مطرح مايسري يهري
عهد: تهبين أي والله كلش ولا غداي لا تدعين عليه غداك كيفك بس انا لا
امي.. وتجلس جنب جدتي: يؤؤ يا يمه هالبنات بيجلطني ياربي دخيلك ..
جدتي: ماعليه ادري انهم مهبل بس استحمليهم لين ربي يرزقهم عيال الحلال وربي يفكك من شرهم ..؟...
امي: وترفع ايدها : يارب يارب ياللي ماتخيب ظن من رجاك انك تزوجهم وافتك منهم يارب..
اناوعهد نطلع روسنا من المطبخ : امــــــــــــــــــــــــــين
مادرينا الا بالدله على روسناا
جدتي: تهبين مالقيتي الا دلتي
امي: يمه ذبحني كرفني جنني معاد استحمل غثاهم
جدتي: ياحول وغرتي عاد على دلالي جعلك ماتربحين
امي: والله اني ماربحت من هالدنيا شي من ورى دعاويك يمه زوجتوني شايب وجبت ورعاني الا هو ميت من 17 سنه وحط برقبتي 5 ورعان وانتي لاهلحين تدعين علي وين اربح يمه وين
جدتي: ياحول ماينضحك معك
وتقعد امي .. تطنها بكوه .. وتتحلطم على حالهاا ..؟
جدتي: ياحول هذ وش اللي يسكتها
وانا مطلعه راسي من ورى المطبخ واغني ..
)) لابوج يالعين بدموعك فضحتيني .. تبكين عند العرب والناس نقاده
تبكين يالعين لاهم ولا ديني .. ابوك يالعين خليتي البكي عاده((
امي .. ويزيد بكاها وتردد هالاغنيه وتلطم لطم والله ولا لطم ام خيبر على دجاجها اللي صرقنااه خخخخخخخخ
......................................
العصر
جونا جيرانا يقهوونا بسب نزول بيتنا الجديد ..؟..
جتنا ام نوير وام محيله وام مريم وام جوزه وكلن معه دلاله وانا اقهوي الحريم بفرح واسمع سوالفهم
بس طبعا عقب ماكشخت على سنقة عشره ..
لبست دراعه لونها فوشيا طويله وفيها حزام خصر واطي عليه احجار كرستال شوار فسكي ملون ومن تحته جايه كسرات الثوب طبعا هذا من مشغل اختي عنود ..؟.. ولافه شعري كبه وماحطيت مكياج مع اني وجهي يالله لك الحمد جكر ودك لو تضبطين فيه بس ياعيال الحلال ماعرف احط مكياج
واما عهد لبست دراعه بيضه وفيها قطع سوده مشكله من تحت ومن فوق عند الصدر مزمزم بشريط ستان اسود وعليه فراشه كرستال ابيض .. ورفعت شعرها نفسي .. ونفس الشي مو حاطه مكياج يبي لنا دورة مكياج ..
واما عذاري لبست بنطرون جنز سماوي برمودا وفوقه بدي لونه احمر كت ومركبه عليه كموم دانتيل سماوي ولابسه حزام جلد وعليه كرستال احمر وسماوي ولابسه شحطات ربط احمر
ولفت شعرها على صوب وحط ورده حمره ورسمت على جفونها شدو سماوي وداخل عيونها كحل اسود ومده لي بره كان شكله وااو وحط مسكرا وكثرتهاا حيل وحط بعد روج احمر
الصراحه كان شكلهاا يجنن حتى العجايز طاحت عيونهم وهم يطالعونها وانا وعهد مالت على اشكالنا يقال لنا كاشخات مع الفره احمد ربي ان الحريم ماشافوا شنو لابسه تحت الدراعه
كنت لابسه سروال طويل كاروهات اصفررر من اللي يحبه قلبك
لازم اسوي شي عشان الكشخه تكمل ..؟..
انا اصب القهوه وعهد توزع الحلا على الحريم ومرات نتبادل الادوار انا اوزع الحلا وهي
وتصب القهوه بس مع ذالك فشلنا في لفت انتباه الحريم
اللي حتى وانا اخذ منها الفنجال ماتطالعني تمده وعيونها على عذاري
اللي كانت جالسه وحاطه رجال على رجل وتبتسم بوجيه الحريم .. صحيح ان عذاري قلبها ابيض وانا متأكده انها مليون بالميه ما كانت تفكر باللي حنا نفكر فيه .. بس من يلومنا بنت في نفس عمرنا مسموح لها كل شي وحنا محروم علينا كل شي مو شي يمصع الكبد ..
المراد راحن الحريم لبيوتهن بعد ماعزموا امي بكرى على العشااء الذبيحه..
رحت انا قطيت كشختي خفت عليهاا .. ورحت انا وعهد للسطح بعد ماراحت معانا عذاري
البنات كانو متجمعات وحاطات فرشه بوسط السطوح ويسولفون وها القهوه وهالحليب وهالشاهي وهالكاكاوات والخرابيط ويوم جينا جلسنا معهم والبنات كل وحده شكلها ألعن من الثانيه
يوم شافوا عذاري وهم اللي يبطلون حلوقهم شالكشخه شازين
وجلسوا يمسحون عليها منبهرين كانت جميله بشكل يعور في البطن
جلسنا نسولف ..
محيله وعيونها بنتفقع .: ابج يا عذبيه هذي منهي
انا: يؤؤ نسيت اعرفكم في بنت اختي عذاري
خزنه: ياملحك ملحاااه
عذاري: تسلمين هذي عيونك الحلوه
نوير: ولا تتكلم حلو بعد
عهد: علامكم كليتوا البنت .. وتقوم تضم البنت في حظنهاا : تتفل على البنات
قل اعوذ برب الفلق
عذاري: ههههههههههههههههههههههههههه
مريم: اللي كانت شوي اذربنا ممشطه شعرهاا ولابسه دراعه نظيفه مفصله جسمهاا :ماشالله
عليك كشخه حيل
عذاري: أي مو امي عندها مشغل وتفصل لي اللي ابي
مريم: وتجلس جنبها وبدت رغي معاها وصاروا اصحاب
سبحان الله مريم ما ارتحت لها من شفتها تمشط شعرها وانا ناغزني قلبي
المراد ونجلس حنا نكملها سوالف وهبل وتعرفنا على بعض اكثر واكثر واكثر
انا: هههههههههههههههههههههههه الله يقلعك اجل يا محيله تطارحتي انتي والرجال
محيله: اجل يقول لي يا خالتي ملعون الجدف
الكل:هههههههههههههههههههههههههههههههههه
عهد: مالومه شاف عجوز مخثرقه تكلمه مو بنت عمرها 19 سنه
محيله: المراد علمته معاد ينطق كلمة خالتي
انا: ههههههه ياحليك يا محيله
محيله: ياحليلك انت
انا: لاتقلولين ياحليلك قل الله حلاك
نوير: خلووووهاااا
انا: هـــــــــــــــيه خليناهاا
نوير: لا خلاص ماعاد اني قايله
انا: والله لا تقولين
نوير: اقول بدال هالهرج ورى ماتقصدين لنا تخلينا نردح شوي
انا: واشمر عن ذاراعي وابد بالقصيد طبعا ملحنته .. محمد ابو نوير
يا محمد بيتكم مبني .. ومشيده مبانيه
ياعل البت مايخلى.. ولايدور العزا فيه
يا محمد ردي لي زملي.. من خليلن شرعت فيه
نطحني ناسف الغتره..يقول زملك اخليه
يامحمد ياجنين امه.. عسى ربي يخليه((
محيله: وانا وانا غني لي ..
انا: واخطفها بنظره خاطفه .. وكانت لابسه ثوب احمر واغني
)) هيض القلب لباس الحمر .. هيض القلب لباس الحمر
وألعبي وألعبي لاتستحين.. وألعبي وألعبي لا تستحين
لايهمك صغير ولا كبير.. لا يهمك صغير ولا كبير
جوزه . وانا دوري يعلك المرض .. وكانت جوزه عروس
انا: المرض اللي ياخذك قبل عرسك بيوم
جوزه.. تهباا
انا,, واغني
(( عروسنا بالحلا محدن يعذربها ..عزالله اللي خذاها ماخسر فيها
صفوا اهلها وصوا مع جماعتها .. والي حظر سطحنا كلن يهنيهاا))
كلولوووووووووووووووووووووووووش
وختمتهاا بقصيده محورفه شوي من تأليفي عن بيتنا ...
)) بيت غزاي معروف .. وبيت غزاي معروف << ابوي
وكل المطاعم تدله .. وكل المطاعم تدله
وريوقهن يطلبنه .. وريوقهن يطلبنه
وغداهن تال الليل .. وغداهن تالي اليل
والزين مايعرفنه .. الزين مايعرفنه
ادري بتقلون كلامات لا قافيه ولا شي بس وربي لما تسمعونها ملحنه بتعجبكم ..
المراد سلمنا على بعض ونزلناا وتوعدنا نشوف بعض المرات الجايه
..........................
يوم نزلت الا عذاري لابسه عباتها الكتف ولفت لفتها وطلعت قذلتها اكيد وراحت
انا: وين انشالله
عذاري: طالعه
انا: مع من انشالله
عذاري: وانتي شكو
انا: وشكو هذا شيطلع << على بوني صايده الحركه مال نعل تفرك وجهي
عذاري:ههههههههههههههههه وربي غبيه وتطلع وتخليني بحيرتي
شكو منو هذاا .. وكل من سألته يطالعني بستغراب شكو منو .. يقول انتي غبيه ولا تستغبين
عاد بالاخير عرفت ليش يربطون اسم شكو بغبيه طلعت زوجته وانا مادري
المهم..
ورحت غرفتي انسدحت وكان البيت فاضي امي وجدتي رايحين لعرس بنت عمة خالة امي .. يعني تعالوا حكوا ظهري .. وعنود رايحه السوق ومشاري بمعسكر الضباط وعذاري واخوانها طالعين مع ابوهم يمشيهم ..
انا انبطحت بغرفتي اتقلب وعهد ماسكه مجلة المختلف اللي من سنتين شرتها من عياديها وجالسه تقرى فيها لاهلحين مع اني عارفه ان مسكت المجله وسمعت لعهد وش مكتوب بالمجله بتقول على طول اجل سنتين وهي تقرى فيها ياحافظ ..
دخل ناصر علينا .: البيت ليش هدووء
عهد: كلن طالع
ناصر: وانتم
انا: وحنا شنو
ناصر: بس منثبرين بالبيت
انا: وين نطس
ناصر: تطلعون مع امي
عهد: امي تخلينا نطلع معهاا عشان تنجلط
ناصر : مالومها والله لانكم فضيحه
انا: طيب وش تبي
ناصر: بس زهقت وقلت اجي عندكم
عهد..وتتعدل في جلستها حياك الله ..
ناصر.. واستحى : الله يحيك
انا: ورى ماتروح لربعك
ناصر: مالي خلق اطلع من البيت
عهد: دام انك فاضي ياوخيتك انا مريضه
ناصر.. وينسدح ..وش فيك
عهد: والله ياوخيتك احس بمراره بحلقي دايم ونومي قل ماعد انام الارق ذبحني
وعيوني لا جت الساعه 8 بدت تصي حمراا
ناصر: طيب وين المرض
عهد:وهذ شنو
انا: يمكن ماعجبه مرضك مرضي بيعجبه اكيد يختك اسمعني انا والله صايره مغير اتحكك
جسمي بس يحكني وو
ناصر : تسبحي يالجربانه
انا: هااااه والله اني اتسبح
ناصر: انا وش مجلسني عند مهبولات اروح غرفتي ابرك لي ..
طلع ناصر وانا حطيت راسي وبسابع نووومه وعهد ماطولت خمس دقايق الا وهي تشاخر وبدت معاناتهاا مع الثوب ..؟..
.....................................
قمت من النوم وانا اتمغط ورجل في كرش عهد والرجل الثانيه مرفوعه بالسماء ياحلو الذرابه ياناس .. وقفت قدام سريري ابي اطير النوم قمت انتفظ ابي النوم يطير وعقبها طقيت ظهري وصحت بأعلى صوتي .. أصبحنـــــا واصبح الملك لله
عهد .. متروعه : هااااااه منهو جونا طرحووه
انا: وش تخربطين
عهد: الله بس يبيدك من البشريه مرجتي قلبي جعلك للمراج
انا: تهبين أي والله اصلن ان مت انا فقيده صج
عهد.. ووتعدل: وليه ياوخيتك
انا: لان ربي ماخلق مني فصيلتي غير بنتين وحده ماتت بزلزلال باكستان والثانيه انا حفظني الله ورعاني
عهد: الله يالمعمره يعني انتي لا متى يطلع تحتك نفط
انا: اجل نفسك غاز طبيعي
عهد: بس لامتي ورينا قبرك ياملعونة الجدف
انا: بصير نذله ولاني معلمتكم
عذاري: بس يا ازعاج في ناس نايمين
انا: والله احسبه بهايم
عهد.. خخخخخخخخخخخخخخخخخ
عذاري: مالت على الكشره بس بنام والله مانمت الا الفجر
انا: أي والله من الدوجه تالي الليل ..
عذاري: موتي حره كل يوم اطلع اتمشى وانتي ماتطلعين مسكينه
عهد: لا حنا نطلع ياقلبي
عذاري: متى
انا: صلاة العيدين ولا بغينا نشتري بدال العيد
عهد: اجل تحسبينا نفسك مغير تدوجين بالشوارع
انا: أي حنا راعياات بيت
عذاري: طيب ظفوا وجيهكم
انا .. وانسحب بكل كرامه وشموخ .. امحق كرامه اجل امك خلت فيك كرامه .. يالله خلوها على الله .. اصلن الكرامه مايمدحونها هالاياام ..
نزلت لدور السفلي وعهد راحت تغسل الملابس .. عقب كرفنا المعتاد في البيت رحنا ارتحناا انا وعهد عقب مافرشنا لنا فرشه بالحوش ماهي إلا خمس دقايق إلا جدتي صيته جلست ودلتها في يدها ..
صيته: عذيبب انهجي ظفي الملابس وحطيها بصندوقي
انا: جدها انا طالبتك مالي غير خمس دقايق من جلست اللله يرحم لك امك وابيك
خليها شوي
جدتي: لالالاع ابيها هلحين
انا: ياجده تفكين خليها بعد شوي
جدتي.. لالالالا مابي هاللحين هاللحين
عاد جدتي لا تنحت وش يفككم منها والله ينها تتنيحت صعيدي متريق فول مطمس
انا: زييييييين < واهد فنجالي مسويه ويا ذا الفيس زعلانه وانا وجهي محدن درى عني
والله وادخل الغرفه واصفط الملابس وانا الهم كاسيني كل انا كل انا والله لو اني جحش حموني على الاقل اعطفوا عليه << والله يذا الجده لا حقوق الانسان نافع فيها ولاشي مافي غير اجيب حقوق الشغالات كود يعتقوني من مطالبها اللي يجيب صداع بالركب ..؟..
عقب هالترتيب وانا اطلع من الغرفه واتجهه للحوش اكنسه وانا اغني وطربانه ..؟..
** يالله انك اتهون كل ماجاني.. تحسن الخاتمه وتزين النيه**
**اشهد ان الشباب اقفى وخلاني.. راح وماعاد له بالوجهه ماريه**
**عزتي لج وان جاك ماجاني.. أتقلب ولا ادري وش جرى ليه**
**صرت ماعاد أسير يم جيراني .. لطري البر والروحات والجيه **
ماوعيت ولا على صوت صيحه واحدن متهيض .. يااااااااااااااااااااااااااااااااو
رفعت راسي للسماء ماهو غرور << يختك الهبال واجد .. رفعت راسي للسماء ولا اشوف زول
ورعن هاه تعطونة حروت 15 مدري 14 لا استخفر الله 13 المراد ورعن داجن مدججته امه
انا: ياعلك وش اللي اقول كيف تطل على حوش جيرانكم جعلك ما تفلح
هو: بدال هالمطالب روحي تستري وجهك غبر
وقام يقصد ..
< مسكين ياعقدن على عنق شينه .. وجهن غبر خرب وهج الالماس
منهو الهبيل اللي تبين تفتينيه.. والله يالولا العقد لقول عباس >
وانا اللي ينصفق وجهي .. ياصباح التحطيماات .. قلت : حسبي عليك سبعت تحاسيب
الاوله جعلك على هالقصيده تنطرم والثانيه جعلك ماتكمل خطاك والثالثه ثكلتك امك
الرابعه
هو: بس بس السموحه ولا يهمك بنقصد فيك
انا: قل
هو:
< مية هلا باللي يكحل ثناياه .. اللي يحط الديرمه في عيونه
اللي حدا نهديه من خلف علباه .. والنهد الاخر روحوا يطردونه>
انا: يكون مرقعها مع هالوجههاصبر علي اطلع لي كم بيت وارد عليك ايها الورع المورنع
هو: ههههههههههههههههههههههه
رحت للبيت وانا اتفكر بقصيده ارد على هالورع الشاعر ..
امي.. ابج ياعذبيه وش رايتس تروحين معاي العرس عنود تقول ماهي رايحه
انا.. سرحانه اركب بيتن على بيت
امي: ياعذيب وش رايتس
انا: ولاني يمهاا
امي.. والعداد ظرب حده والدخان يتصاعد من نافوخها بصراخ : عــــــــــذااااب
وانا .. اللي ينمرج قلبي من التفكير وصحيت من الروعه << حتى الجمل قلبتها من الروعه ياو
لاتشفون امي تصيح .. اصلن مفروض اتعود على عصبيه امي بس بنت الحلال كل يوم لها صيحه غير وعصبيه غير يعني مايمداك تالف على وحده الا الثانيه جايه طردي وراهاا
ولا هلحين الوالده لها 6 عصبيات وصرخات
الاولى: لا قامت من النوم والبيت عفيسه
الثانيه: لا دعت عليها جدتي
والثالثه: لا كانت جوعانه
الرابعه: لا درت ان جونا ظيوف فجأه وهي ما استعدت
الخامسه: علي انا وعهد لا جلسنا مع بعض نسولف ونضحك ولا ردينا عليهاا
السادسه: لا انتثر شي او انكسر شي بفعلهاا هي .
على طاري لا انكسر شي افتكر مره امي طلبت مني اودي دولكة فيمتو< حيخلصوه
للدوانيه عشان الفطور المراد وانا اللي انطلق بالدولكه كد المذن اذن وبلحق افطر ألا وانا اللي ازلق والفيمتو كله علي والدولكه انكسرت منو اللي سمع صوت الانفجار
صح قلتو الوالده .. ولا تجيني طايره انا من الروعه خفت لا تشوفه الدولكه انكسرت رحت جلست فوق القزاز خوف انهاا تشوفها وهي اللي تلعن جدفي ليش كبتي الفيمتو وانا اللي بقوم انحاش ولا تشوف القزاز متكسر وهي اللي تنفجر انفجار خلى ام بخيت جارتنا تسخن خبيزاتها على النيران اللي طالعه من البيت ..
طبعا انا عضيت على ثوبي وطيراان لغرفتنا .. ناا
وامي من الحره تمسك عهد وتمسح الفيتو بوجهها .. والحمدلله مشت على امي .. بس الله يسامحهاا جلست اسبوع وانا اطلع القزاز ..
المهم نرجع لمحور حديثنا اللي هو عن ويش ياطويلين العمر أي تفكرت يوم امي تصيح ..
انا: موافقه موافقه
امي:وتحسبيني باخذ رايك قومي ألبسي وسنعي شعرك ..؟
رحت لغرفتي .. وجلست استشور شعري الطويل .. اللي انكسرت ايدي وانا استشوره
والله يالربع من الساعه 2 الظهر إلى 6 المغرب وانا ماسكتهاا استشور
بس تخللها غسيل المواعين .. وتصفيط الفرش .. وكنس السطح .. وحنيت راس جدتي..
وتصليح أريل البيت والقائمه تطول ..؟..
المراد
وانتي ياعهد تفرك كبدها تبي تروح معنا راحت ريحها أي والله .. وراحت تزن على راس امي تبي تروح معناا
عهد .. وتفرك ايدهاا : تفكين يا يمه ودي اروح معكم
امي: لا بس وحده
عهد: الله يخيك يمه ودي اتونس من زمان ماطلعت من البيت
امي: لا عندك شغل روحي كملي شغلك
عهد: والله والله اني خلصت كل شي
امي: اكنسي السطح
عهد: كنسته وخلصت << الكذوب والله اني انا اللي كنسته وهي ظلت تسولف مع جوزه
امي: اغسلي الفرش
عهد: والله اني غسلتها من اوليه الصبح
امي.. وتهد سكانتها : ياملعونة الجدف مانتي برايحه
عهد.. وتبكي: أأأأأأأأأأأأأأأع ودي ارووح
امي: تمسك وجهها وتفركه بالنخله اللي شوهه وجهها فوق ماهو متشوهه ..
تصدقون توني اعرف ان ليش حنا يابنات امي جياكر والله من كثر ماتفرك وجيهنا بالقاع وتحذفنا باللي عندها بعكس أولادها المدللين ..
المهم .. وعهد الفطينه تبي تفتك من طق امي .. سوت نفسها ميته ..
وامي .. على كثرطقها لنا وهبدها لنا إلا انهاا تخاف علينا يعني ماترضى احد يهينا غيرها هي
وهي اللي ينمرج قلبها وتقعد تصيييييييح ..
امي: واا قر جيبي قررااه يابعيدي يابنتي ياويلي عليك
عهد.. ومطلعه لسانها .. يعنني ميته اكسر الخاطر
امي.. وتهزها مع كتوفهاا: قومي يا عهيد وتروحين معنا العرس
عهد: وهي اللي تفز : صحيح يمـــااه
امي: وتهبدها هاك الراشدي : نعنبوا ذا الزول مرجتي قلبي عليك
عهد.. وتحظن امي : لهدرجه تحبيني يا أميمتي
امي: وتكزها ألا هي والجدار عيال عم : وش عدوتي انتي بنيتي ورى ما احبك
عهد: تلملم ماتبقى من عصاقيلها وتنهج تروح فوق تبي تكشخ ولكن ما أمداها
فا قررت انا تروح متبرقعه ..؟..
انا يوم خلصت من شعري واروح لختي عنود تحط لي مكياج ..
انا: عنود الله يخليك حطي لي مكياج
عنود: اسفه مشغوله حييل
انا: الله يخليك
عنود: ماتشوفين جالسه احط لنفسي مايمديني احط لك
انا: من يحط لي مكياج
عنود: يعنني المكياج وش بيسوي فيك جيكره جيكره ..
انا: ألعن يوم التحبيط انا ما اصدق معنوياتي ترتفع وانتي بكل بساطه تحبطيني ..؟
ورحت اجر اذيال الخيبه .. وافكر من يحط لي مكياج قلت مافي غير اني اخبص بوجههي لا منة الناس.. مثل مايقول الشاعر ..
مانبــي من ورى الناس منه .. رزقناعلى منشي الغيوم
صح اللسانه اشهد انه جابها اخو بطحه
المراد .. واروح لكبت عذاري واصرق منها كم كحيله على حميره على فلاش (تقصد بلشر) المراد وتوني بسكر الكبت ألا وعذاري حاطه يدها على خصرها وتهز رجلها
عذاري: وش تسوين بكبتي
انا: ماسكه الاغراض : اعوذ بالله يا عذاري تظنين اني اصرقك
عذاري: اجل هذا شنو
انا: مكياجك بس كنت بحط منه وبضربه عليك
عذاري: بس عقاب لك رجعيه ومافي مكياج
انا.. واقلب وجههي لوجهه يكسر الخاطر : تفكــــــــين ماعاد بقى غير انتي
عذاري. بكل حقاره وتكبر : رجعيييه
انا: عناد فيها : أحذفهه بالارض واروح واخليهاا : ماعاد فيه مرجله تتناحس معي على شأفة كحيله على حميره ..
واروح أصرق كحل جدتي مافي غيرها واتكحل منه من غير لا شدو ولا كريم اساس ولا هم يحزنزن بس كحلت عيون حيل من فوق ومن تحت ومطيتها لي ورى .. ,
اروح ألبس ثوبي الاحمر اللي عباره عن كت احمر وقصته لتحت الخصر مع انه مامن خصر ومن تحت الخصر كله بليسيه ومنثر عليه كرستلات صغيره وفوقه جكيت قصير يوصل للصدر دانتيل ذهبي .. لان الوالده مثل ماقلت لكم ماتحبنا نتفصخ ... وفكيت شعري على طوله عقب ما أستشورته ووصل لي فوق الركب بشوي وكثافته اصراحه كان احلى مافي شعري واخذت من عنود ربطه حمرا وربطها فوق شعري ...
المهم كان شكلي يترقع شوي صحيح انها مو الكشخه اللي يبيها قلبك بس مافي باليد حيله ..
وعقبها لبست عباتي الراس وبوشيتي .. وامي كشخت في برقعها اصقر وملفعها الزري الشيفون ودراعتها التايقر وخطت لها خطه كحل مع شدور بردقاني والله يا انك لو تشوفني انا وامي انك تقول انا الام وامي البنت المهم وراحت معنا عنود وعهد . واما عذاري راحت مع اخوانها لبيت عمانهاا ...
