رواية البيت المسكون رعب بقلم سموره الكويتيه

[ام حمادي309]

السلام عليكم ورحمة الله وبركاته ​

اشلونكم يا عضوات احلى منتدى ​

طرح الروايه الاولى لى ​

اعرفكم على نفسي سموره من الكويت ​

الروايه حقيقيه وممزوجه بالخيال و اضافات منى ​

طبعا الروايه تخرررع يعنى رعب 100%100​

وراح تكون شبه مختصره ​

يعنى ماراح اقول بعض الاحداث الغير مهمه ​

وهي عباره عن 14 بارت ​

وقد تم طرح الروايه فى منتدى وحازة على نجاح كبير وقبول فحبيت ان اطرحها هنا حتى تكون بصمتى الثانيه فى رواياتى ​

وهي تعتبر الروايه الاولى لي
ولكن لم يتم طرحها هنا
والثانيه رواية
انت بحرى وانا اليم ​

​

 

[غـيوض]

رد : رواية البيت المسكون رعب بقلم سموره الكويتيه

يا سلام ,, بأنتظار الرواايه حيااتي ,,

و اموووت على سوااالف الرعب ,,,


نااطره و سجليني من المتاابعين ,,,

 

[taboolaaaa]

رد : رواية البيت المسكون رعب بقلم سموره الكويتيه

شكلها حيييل تشوق
بانتظارج حبيبتي

 

[ام حمادي309]

هلا والله فيكم حبيباااااااااااتي
منووووووورين الروااااااايه

تشرفت بتواااااااجدكم وين المتابعااااااااااات ........؟؟

بس 2 ..؟؟؟

 

[fato_kw]

احم احم متااااااااااااابعتج بكل خطه قلم :>:>:>

ويااااااااااااااااج ومن مشجعينج بقوة

وناااطره القصه >>> ترى انا عشت الرعب بالواقع مو بالقصص بس يعني ماراح اخاف عادي متعوده عالحقيقه مو الخيال :>

waiting

 

[ام حمادي309]

البارت الأول


فى شركة عبدالله ابو روان
(عبدالله متزوج وعنده بنت اسمها روان عمره 41 سنه والله منعم عليه بالخير وماعليه قاصر )

ابو روان : سرررحان يفكر
يدخل عليه ابو عبد المجيد (سكرتيره فى المكتب) طال عمرك اطق الباب ماترد خرعتنى اشفيك ؟؟
ابو روان: ساااكت يفكر....
ابو عبد المجيد : بو روان اكلمك شفيك ما ترد ؟؟؟
ابو روان : ها ها .. اسف والله ما انتبهت لك خذااااني التفكير
ابو عبد المجيد : عسى ما شر شكلك تفكر بموضوع وايد شاغل بالك ؟
ابو روان : والله يا بو عبد المجيد انت منت غريب ام روان شاغلتني شوي كل يوم تحن تبي بيت يم بيت ابوها بالشاميه
ابو عبد المجيد : طيب انت يا بو روان حالتك ميسورة وعندك خير ليش ما تشوف لها يم بيت ابوها احسن لكم تره الاهل عزوة
ابو روان : المشكله اني عيزت وانه ادور ماني لاقي
ابو عبد المجيد : انه راح اشوف لك واحط اسمك عند جم دلال وان شاء الله خير و تحصل البيت اللي تبيه وعسى مبارك مقدما هههههههههههههههه ايه بس مو تنسى الحلاوة
ابو روان : ايه افا عليك انت بس حصل لي مو بس حلاوه حلاوتين
ابو عبد المجيد : يلا طال عمرك ترى اللحين الساعه 2 الظهر وكل الموظفين ترخصوا
ابو روان : اوووه والله ما انتبهت يلا يلا خلنا نمشي


بيت ابو روان
ابو روان :السلام عليكم شلونج ام روان ؟
ام روان : (ام روان اسمها نوال وعمرها 38 سنه وشوي شديده وهي حامل بشهرها التاسع )وعلييكم السلام الحمدالله زينه
ابو روان : ها شطابخة لنا غده تراني ميت يوووووع
ام روان : قبل الغده شسويت على البيت ؟؟؟
ابو روان : انتي بس هاذه اللي يهمج
ام روان : ايه وشلون ما يهمني يعني افهم انك ما سويت شيء
ابو روان : لا يا بنت الناس سويت سويت ................
ام روان : صج سويت شريت البيت
ابو روان : بسم الله جذي على طول شريت البيت لا يبه ما شريت البيت كلمت ابو عبد المجيد ان شاء الله اليوم بيشوف لنا بيت ويدق علي يبلغني و بيحطه لنا عند جم دلال
ام روان : اوووه عاد انته ويا ابو عبد المجيد يعني ما راح اشوف البيت اللي بعد سنه دام دش فيها ابو عبد المجيد اقوول خلني اروح انجب لك الغده احسن (وهي رايحه المطبخ )




على سفرة الغده وهم يتغدون
ابو روان : وين روان ؟
ام روان : يات من المدرسه تقول تعبانه وتقول انها ماكله بالمدرسة وتبي تنام
ابو روان : لالالا دزي الخادمه تقعدها
ام روان : ميري روحي قعدي روان قولي لها بابا يبيج
ميري : ان شاء الله ماما


في غرفة روان
(روان بنت عبدالله الوحيدة عمرها17هي باخر سنه ثانويه ما شاء الله عليها شاطرة ومتفوقة هي حنطاويه و طويله و عيونه شوي وسيعه و شعرها اسود وطويل لين نص الظهر تقريبا وامها و ابوها وايد مدلعينها و هي دلوعة ابوها )
دخلت ميري الغرفه ولقت روان تتقلب على الفراش
ميري : روان بابا يقول تعالي تحت
روان : صج ابوي يه توني ما مداني انام قولي انزين كاني نازله
ام روان : اللحين انه اقولج قعدي ما تقعدين سمعتي اسم ابوج على طول نزلتي هاااا
روان وهي نازله على الدرج) ايه يمه خليني اخذ الحنان باجر ايي اللي بطنج ويصير الدلع كله حقه خليني الحق على اخررره
ابو روان : يضحك هههههههههههههههههههههه لا انتي الاولى و الغاليه محد ياخذ مكان دلوعة ابوها رووون
ام روان : هاهاها يعني مافي دلع حق نواف ؟؟؟؟
ابو روان : انه من لي غيركم كلكم على راسي يلا الحمدالله انتوا اكلوا انه بروح انام لي شوي
ام روان و روان : بالعافيه
ام روان : متى اقعدك؟
ابو روان : الساعه 5
يدق تلفون البيت
ام روان : الو
ام نوال: (ام نوال اسمها شريفه عمرها 57 سنه عندها 2 صبيان جاسم عمره 26 سنه وهو الكبير سالم عمره 24 سنه اثنينهم متزوجين و عندها بنتين نوال و مها متزوجه وعمرها 22 سنه عندها ولد عمره سنه ) هلا يمه شلونج بنيتي
ام روان : هلا وغلا هلا يمه مو زينه والله شقوولج
ام نوال : شفيج يا بنيتي عسى ريلج وبنتج ما فيهم شي
ام روان : لا ما فيهم شي عبدالله مادري متى بيبع هالبيت و يشتري لي بيت قريب يمكم
روان : اووووه امي بدت تتشكي خلني اروح انام احسن لي (وهي قايمه)
ام نوال : يا بنيتي لا تستعيلين نطري ترى العيله ماهي زينه
ام روان : يلا يلا يمه انزين تبون شي انه اليوم بمر عليكم ويا ابو روان
ام نوال : سلامتج يلا مع السلامه
ام روان : الله يسلمج مع السلامه



الساعه 5 قبل المغرب
ام روان : ابو روان يلا قوم انت واعدني اليوم توديني بيت ابوي وامي دقت وقلت لها ان بنمرهم اليوم

ابو روان : جم الساعه اللحين
ام روان : الساعه 5
ابو روان : يلا كاني قمت

وقام وخذ له شور على السريع و ام روان راحت قالت حق روان تقوم تلبس علشان
تاخذها وياهم و خلصو و هم بالسيارة يدق تلفون ابو روان
ابو روان : الو
ابو عبد المجيد : هلا عمي ابو روان مبرووك مبرووك لقيت لك البيت
ابو روان : الله يبشرك بالخير وشلون صاير موقعه وين ؟
ابو عبد المجيد : زوايه على 3 شوارع مساحه 750
ابو روان : زين هذا المطلوب
ابو عبد المجيد : بس ابو روان ترى مو نفس القطعه
ابو روان : اي ميخالف اهم شي انه بالشاميه متى نقدر نشوفه؟؟
ابو عبد المجيد : اي وقت بس بلغني علشان اكلم الدلال
ابو روان : انه رايح الشاميه اللحين اذا تكلم الدلال وتييني اللحين تمام خير البر عاجله
ابو عبد المجيد : خير ان شاء لله اكلمه اللحين وايي لك الشاميه مع السلامه
ابو روان : مع السلامه

ام روان : زين والله ما قصر ابو عبد المجيد زين طلع منه شي شلون شكله البيت ؟؟؟؟؟؟؟؟
ابو روان : انتي مو تقولين تبين تيين وياانه تعالي وشوفيه انت كل اللي يهمج انه يكون بالشاميه
ام روان : ..............
روان : يبه انه بعد بيي ابي اشوفه وياكم
ابو روان : خلاص كلنا بنروح ان شاء الله




في بيت شريفه ام نوال
(الموجودين شريفه وريلها احمد وولدهم سالم مع زوجته بدريه عمرها 21)
دخلووو( بو روان ومرته وبنته) : السلام عليكم
الكل : وعليكم السلام
ام روان : يمه باركي لي باركي لي
شريفه ام نوال : بالمبارك على شنوو ؟
ام روان : حصلنا البيت و شوي بيي الدلال و يدق علينا نطلع نشوفه
شريفه ام نوال : زين زين مبرووك عساه منزل مبارك
عبدالله ابو روان : شلونك عمي شلونج عمتي (وهو يبوس راسهم )
شريفة ام نوال وريلها : الحمد الله بخير
شريفه ام نوال : عساك ذخر ان شاء الله لهم
عبدالله ابو روان : ما عليج زود عمتي
سالم : شلونك يا النسيب عساك بخير( وهو ماد ايده)
عبدالله ابو روان : هلا هلا بخير دامك بخير ويسلم عليه
بدريه مرت سالم : شلونج ام روان ان شاء الله بخير
ام روان : هلا حبيبتي الحمد الله اسال عنج
وهم قاعدين يسولفون و يضحكون يدق تلفون ابو روان
ابو عبد المجيد : هلا عمي ابو روان احنا عند البيت مثل ما وصفت لك ق 3 شارع ............
وعطاه العنوان
ابو روان : يلا اللحين ياي مع السلامه
وسلمو وطلعوا علشان يروحون يشوفون البيت ووصلوا
شكل البيت مصبوغ من بره و شكله مجدد
ابو روان يقول للدلال : البيت شكله من زمان مهجور الشجر مو متقصص طايح ومسكر على البيبان
الدلال : ها ها اي هو من زمان مهجور لان مو لاقيين له شراي سعره شوي غالي
ابو روان : دام جذي يلا خلنا ندش نشوفه
فتحوا الباب
ميو ميو ميووو قطوتين سودانحاشوا اول ما افتحوا الباب
روان : وااااي يمه شنو هاذه
ابو روان : ماكو شي يبه لا تخافين قطاوة راحوا
فتحوا باب الصاله طاااااااااااااااااااااااااااااااااااخ صوت الباب
روان : يمه انه هونت مابي ادش
ام روان خلا ص يمه روحي نطرينا بالسيارة
روان :اى بروح السياره
روان وهي ماشية بالحووش





/
/
/
/
/
/
/
/
/
/
/
/
/
/
/
/
/
/
/
/
/
/

: صرخت يمـــــــــــــــــــــــــــــــــــــــــه ....................


نهاية البارت ​

 

[بنوتة عراد]

رد : رواية البيت المسكون رعب بقلم سموره الكويتيه

شوقتيني ناطرتج

 

[f6oum.]

رد : رواية البيت المسكون رعب بقلم سموره الكويتيه

up up up

 

[وش عـاد بـاقـي]

رووووووعه كمليهآآآ نآآطرييينج

 

[ام حمادي309]

هلا و غلا مشكوووورين على التشجيع
وان شا ءالله اللحين بنزل لكم بارت


بس ابي ردووووووووود اكثر ومتابعه و تعليق

 

[ام حمادي309]

البارت الثاني

ابو روان وام روان: يركضووووون

ابو روان : رونه اشفيج ؟

ام روان : يمــه بنتي

روان : طايحه بنص الحوش وعيونها شاخصه

ابو عبد المجيد : عسى ماشر اشفيها روان ؟؟

ابو روان : ما أدرى الظاهر طاحت تعرجبة فى هالظلمه بشي وطاحت

الدلال : تفضل ابو روان ماي صب على وجها

روان : هاا هاا منو ما ابي وخرووو اهيه اهيه

ام راون : يمه روان اشفيج ؟

روان : تبجي ولامه امها

ابو روان : ابو عبد المجيد خلك اهنى مع الدلال بوصلهم البيت وارجع

ابو عبد المجيد : اى اى طال عمرك وصلهم احنا فى انتظارك

ابو روان : بالسياره اشفيج ابنيتي رونه ؟؟

ام روان : انتى شنو اللى يايبج جذى ماخليتينا نشوف البيت

روان : ساكته مصدوووومه على وجها علامة استفهام ؟

ابو روان : حصل خير

ام روان : شوف عبدالله البيت حلو وقع العقد معاه اليوم قبل لايروح علينا لاترجع الا والعقد معاك

ابو روان : ان شاء الله ان شاء الله

ام روان وروان دخلو بيت ام نوال

ابو روان : اتفق مع الدلال على مشترى البيت ووقعوا العقد وتم شراء البيت

بعد شهر من شراء البيت

ام روان : ابو روان خلاص عاد خلصنا تأثيث البيت وصار جاهز لسكن سو حسابك الاسبوع الجاى راح نسكن فيه واجر بيتنا هذا اللى لاعت جبدى منه

ابو روان : الحين هذا البيت صار يلوع جبدج زين على يوم الخميس تكون رونه خلصت امتحانات ان شاء الله نكون ساكنين

روان خلصت امتحانات وانهت المرحله الثانويه بتميز وكانت نسبتها 98.6 علمي

ابو روان : اجر البيت واخذ مقدم 3 سنوات

اليوم الخميس اول يوم راح ينامون فى البيت الجديد

روان : كانت رافضه الفكره من الاول من بعد ماشافت شبح فى البيت والشبح كان لبنت لابسه عبايه وبدون حجاب وماسكه فى يدها طفل ميت

بس روان ماقالت حق احد اللى شافته خايفه انهم يضحكون عليها ومرات كانت تساورها الشكوك ان ما شافته مجرد خيال مو حقيقه وهى من ذاك اليوم اللى راحت فيه للبيت وطاحت مادخلته مره ثانيه ولا كانت تروح تختار اثاث لغرفتها وكل ما قال لها ابوها او امها كانت تتعذر وتقول ابي ادرس وكانو يعذرونها لان كان حزتها امتحانات اخر السنه

بالسياره فى الطريج الى البيت الجديد وكان حزتها الساعه تقريبا 3 العصر

ام روان : روان انتى اشفيج من صعدتى السياره وساكته مافتحتى حلجج بكلمه ولا سألتى حتى
على غرفتج ؟؟

روان : يمــه انا اعرف ذوق ابوى حلووو عشان جذى ماسألت على غرفتى ولا عن شى

ابو روان : يضحك هههههههههههه حبيتي والله انتى ابنيتي

ام روان : وشمعنى ذوق ابوج وانا ذوقى ما يعجيك ؟

روان : تتحلطم الله يستر من ذوقج وين راح يوصلنا

ام روان : شنو تقولين تتحلطمين

روان : لايمــه ماقول شى اقول ذوقج انتى بعد حلو

توهم واصلين عند البيت وبينزلون من السياره و روان كانت حدهااا خايفه

ام روان تصـــــــرخ )عبدالله شكلى بولد طلق قوووى اه بطنى اه

ابو روان : نوال مسكي روحك اشوى ذكرى الله دقايق نكون بالمستشفى

وصلو المستشفى على طول دخلوها الولاده وابو روان وروان والخادمه ناطرين
(بعد ساعه وربع )
السستر: مبروك يا حجى ياكم ولد يشابه الاموره هذى( تقصد روان)
(بعد 17 سنه من ولادة روان ابو روان فاضت عينه )
ابو روان : مشكوره يصير نشوفها؟
السستر: بعد ربع ساعه ان شاء الله على ما نحولها الجناح تقدرون تشوفونها

روان : يبه يتربى بعزك

ابو روان : ما قدر يرد على روان بس عبر عن فرحته انه لم روان

بعد ربع ساعه ادخلو شافوا ام روان وكانت تعبانه من الولاده

ابو روان : باس راس ام روان الحمد لله على السلامه يا عسل يا ام اعيالى

ام روان : وهى تعبانه تبتسم الله يخليك لهم

روان : تبوس امها الحمد لله على السلامه يمه

بعد نص ساعه

السستر : هذا احلا بيبي يقول وين ما ما وين بابا

ابو روان : على طول راح وشال نواف الطفل الجديد وحط يده فى جيبه وطلع افلوس وبدون لايعدهم يعطيهم لسستر

بعد 3 ايام من بعد الاستقبال فى المستشفى والفرحه بالمولود الجديد

وطبعا فى هذى الثلاث ايام ابو روان وروان كانو ينامون عند ابو نوال في بيتهم
عشان ابو روان كان مايبي يدخل البيت الجديد الا مع دخول ام روان

الساعه 10 الصبح بعد ثلاث ايام ترخصت ام روان مع الولد

بالسياره

ام روان : عبدالله وين بنروح لاتقول بروح اتنفس عند امي ما ابى ابي اتنفس فى بيتى

ابو روان : يامعوده لاحقه على البيت روحى قعدى عند عمتى شريفه تنفسج

ام روان : ابي اتنفس في بيتى ما صارت اطلعت عينى على ما اسكن فى البيت

ابو روان : يضحك ههههههههههه تأمرين امر يالغاليه

روان : يمه انا اقول تنفسى عند جدتى شريفه احسن لانها خايفه

ام روان : سكتى انتى

روان : يمه كله تجعمينى وشكل التجعم هذى الايام بيكثر من بعد نواف

ابو روان : يضحك ههههههههه لا انتى الغاليه

روان : صج يمه انا الغاليه ؟؟

ام روان : تسكت اشوى اي يمه كلكم غالين بس ابوج لو يخف الدلع عنج شوى احنا بخير

روان : اصلا لو ابوى يخف الدلع عنى ماتستانسون مايصير عندكم دلوعه بعدين

الكل يضحك هههههههههههههههههههه

الساعه 12 الظهر

وصلوا البيت الجديد

ابو روان : يفتح الباب منوره بيتج يا م روان

ام روان : بوجودكم

الساعه 4 العصر

الكل حاظر يبارك لهم على المولود الجديد والمسكن الجديد

الساعه 7.30

الكل مشى

روان : وناسه اليوم وايد من زمان ماتجمعنا هذى الجمعه

ابو روان : اى والله الله لايحرمنا الجمعه

الكل

اميييييين

روان : مستانسه وايد فى اثاث غرفتها بس للحين تذكر اللى شافته قبل فى الحوش

روان : انا بروح غرفتى تبون شى

ام روان: تو الناس اشعندج تقعدين بروحج

روان : تضحك بروح اشبك على الانترنت

ابو روان : اى بنيتى روحى وسعى صدرج

روان : اوكى (وهى صاعده )

روان : فى غرفتها شابكه وتنزل نغمات حق تلفونها

فصلت كهربة غرفتها ............

روان : تقوم بتروح تنزل خايفه وهى رايحه على باب الغرفه وهو كان مسكر
تشوف على الباب نفس اللى شافته المره اللي طافت

روان : تصاااااارخ يمـــــــــــــــــــــــــــــــاااا يمـــــــــــــــــــــــاااا
كل ماتصرخ تشوف جن البنت اللى لابسه عبايه وبدون حجاب وماسكه طفل ميت تقرررررررب منها روان موقادره توصل للباب عشان تطلع تصارخ انتى شنو تبين مني؟؟
الجن يمد لها يده وكان كأن يبي يعطيها الطفل الميت

روان طاحت على الارض وتسكر عيونها بايدها وتبجى وتصارخ وطبعا ما كان احد يسمعها
وفجأه تشيل روان يدها من على عيونها تشوف الطفل الميت في حظنها

/
/
/
/
/
/
/
/
/
/
/
/
/
/

/
/

/
/
/
/
/

نهاية البارت ​

 

[fato_kw]

رووووووووووووووووووووووعه وتينن وحلوووووووووووة

وتخوف بس عادي مووو واايد لاني عايشه الرعب حقيقي مو خيال هاهاهاهاااي @@

نذكرت باسمه حماده لما تقول يامامي بمسرحيه البيت المسكون1

روعه القصه وويتنغ البارتات اليايه :>

بس انا زعلانه شويه مو وايد ليش ما قلتيلي انج بتنزلين بارت انا ما احوس بالمنتدى وايد بس التابع قصصج واطلع بس الحمدلله اني لحقت على البارت من الاول


وييييتنغ البارت اليديد ومتابعه كل كتاباتج ان شاءالله

 

[P!NKia]

يااامااامى
كملى شسالفت هالجنيه وش تبي من روان
مسكينه كسرت خاطرى
كملى كملى

 

[دلوعة القادسية]

الللللله احب رواياتج
فديتج
راح اقراها لما تخلصينها

 

[ام حمادي309]

رد: رد : رواية البيت المسكون رعب بقلم سموره الكويتيه

شوقتيني ناطرتج

هلا والله حبيبتى بنوتة عراد

يسعدنى اشوفج بروايتى الثانيه


فديتج​

 

[ام حمادي309]

رووووووووووووووووووووووعه وتينن وحلوووووووووووة

وتخوف بس عادي مووو واايد لاني عايشه الرعب حقيقي مو خيال هاهاهاهاااي @@

نذكرت باسمه حماده لما تقول يامامي بمسرحيه البيت المسكون1

روعه القصه وويتنغ البارتات اليايه :>

بس انا زعلانه شويه مو وايد ليش ما قلتيلي انج بتنزلين بارت انا ما احوس بالمنتدى وايد بس التابع قصصج واطلع بس الحمدلله اني لحقت على البارت من الاول


وييييتنغ البارت اليديد ومتابعه كل كتاباتج ان شاءالله

الاروع من الروايه وجودك ومتابعتك بعد عمرى

واعتذر انى ما ذكرة لكم انى بنزل الروايه

الروايه هذى كاتبتها من زمان وهى مؤلفه من 14 بارت وكل البارتات جاهزه يعنى بس انسخ وحط
ووعدكم كل يوم راح انزل بارت

بس ابي منكم اكثر تشجيع وحماس فى المتابعه والتعليق

والروايه ترى احداثها وااااااااااااااااااااايد مثيره ان شاء الله راح تعجبكم​

 

[ام حمادي309]

يااامااامى
كملى شسالفت هالجنيه وش تبي من روان
مسكينه كسرت خاطرى
كملى كملى

كملى معانا البارتات القادمـــه راح تعرفين شنو
سالفة الجنيه مع روان

والاحداث المرعبه اللى راح تطرح فى كل بارت
شرفنى وجدودك وتعليقك ​

 

[ام حمادي309]

الللللله احب رواياتج
فديتج
راح اقراها لما تخلصينها

فديتج حبيبتى والله

مشكوره على التشجيع الجاد منج
وبانتظار متابعتج وتعليقج وبالاخر رأيج ​

 

[pinky berry]

رد : رواية البيت المسكون رعب بقلم سموره الكويتيه

أحب سوالف الرعب

كمليي بليييز

ناطريينج =)

 

[ام حمادي309]

رد: رد : رواية البيت المسكون رعب بقلم سموره الكويتيه

أحب سوالف الرعب

كمليي بليييز

ناطريينج =)

ولعيوووونكم احلا باااارت

بس هم للحين التشجيع ابي اقوووووووى​