ببيت بو عبد العزيز ..
زينب قاعده بالصاله تشوف تلفزيون و يمها عزوز ..
عزوز : زييينبوو اقوول يبي الريموووت لوعتي جبدي بهالفلم ..
زينب : مااابي شتبي انا قاعده قبلك و قاعده اتابع الفلم ..
(( و ينزل عبود تحت بشورت و فانيله داخليه و كشته واقفه ))
عبود : صبااح الخييييير ..
عزوز التفت عليه : كااااااااااااااااااااااااااك لا لا شووف شكلك انت منو بتتزوجك !! ..
عبود : عداااال يا المزيون و لا جنك توأمي هه هه هه سخييف ترا ما تضحك كلش ..
زينب : عبووود الله يعين زوجتك لو تشوفك جي بتتطلق ثاني يوم قوم غسل ويهك عالاقل هههههههههههههه ..
عزوز : اييي و الله زنوب قوليلي هذا شلون طلع توأمي !! شوفيني انا شلون كاشخ و يايلج ..
عبود : .................... (( حط راسه عالقنفه و نام ))
زينب : اقوول عزووز ترا انا اليوم بطلع البنات ..
عزوز : وييين بتروحون !! ..
زينب : مااكوو بوديهم الافنيو بنتمشى شوي و نتغدى و تالي نرجع ..
عزوز : اوكي لا تطولون برا ..
زينب : انشالله يا احلى اخو ..
(( تصعد زينب فوق عشان تدق عالبنات تقولهم انها بتطلعهم ))
تدق زينب على حنان جهازها مسكر استغربت و دقت على سمر اختها ..
زينب : قووووه ..
سمر : هلاا يقوويج ..
زينب : سموووور قوومي لبسي طياااره بطلعكم انتي و البنات ..
سمر : هاا !! لا ما عليه بس صايره سالفه ببيتنا ماقدر اطلع اخذي معاج دلال و فطوم ..
زينب : خيير سموور !! شصاااير قوليلي !! ..
سمر : لا ماكو شي بس اخلص من السالفه انشالله و اقولكم (( شقولها بالله )) ..
زينب : خلاص براحتكم عيل انا ادق على دلول و فطوم , يلا جاااو ..
سمر : باااي ..
و دقت على دلال و فطوم عشان يتجهزون و تمرهم ..
دلال كانت لابسه نفنوف ابيض لي الركبه مع حزام بني و كعب عالي لونه بني و رافعه شعرها كله و حاطه ماسكرا و حمرا خفيفه ..
انا فطوم كانت لابسه سكيني اسود مع تيشيرت ناعم و حلو لونه ابيض و فاله شعرهاا على جنب واحد و حاطه قلوس خفيف لمعه بس ..
اما زينب كانت لابسه تنوره لي تحت الركبه لونها بيج مع قميص ابيض و صديري بني مع فلات بني ناعم , و فاله شعرها اللي لي جتفها ..
بالافنيوز ..
دلال : امبيييييييه زنووووب من زمااااان ما طلعتيينااا ..
فطوم : اييي حده كله مالج خلق عيوووزه ..
زينب : اقووول جااب و لا تتحلطمون وايد و امشو نشوف هالمحل طااالعوو الكعووب اللي فيه ياااااااي ..
دلال متنحه بالكعوب : .....................
زينب : دلوووووووول امشي ندش نشوووف ..
دلال : هاا !! ايي ايييي الكعوووب عذاااااااااااب (( و ركض لي داخل المحل ))
اما فطوم تمت برا المحل تشوف الرايح و الراد لانها ما تحب الكعوب وايد ..
؟؟ : هلااا بالحلوووو ..
فطوم : ويييييييييييع ..
؟؟ : شدعووه عطينا ويه ..
فطوم : ما تروح تنتحر احسن !! ..
؟؟ : انتحر عشان خاطر عيونج الناعسه انا ..
فطوم هدتهم و دشت داخل انحاشت و قالت السالفه حق دلال ..
دلال : ههههههههههه يالخوافه في احد قالج ردي عليه !! و لمن قام يتمادى خفتي هههههههههه و الله انج فلم ..
فطوم : اقوول جب جب مادري عاد اذا كنتي مكاني شبتسوين !! بتسوينها بروحج من الخرعه ..
دلال : يالحيواانه جاااب اصلا انا ما راح ارد عليه اذا مكانج ..
فطوم : اكرمينا بسكوتج تكفيين ..
زينب : انتو بسكم بس سمعو توا عزوز دق علي قالي ناخذ عشى و نرجع البيت ..
دلال : ايي يلا لان انا عن نفسي انكسرت ريلي من الكعب ..
فطوم : احسن محد قالج لبسي كعب ..
زينب : اقوول شرايكم نتيمع بمكان واحد نتكلم بسالفه حنون شوي ..
دلال : يلا مو مشكله انا بقول حق امي انه احنا بننام بيت خالتي فريال ..
فطوم : هههههههه و انا ماله داعي امي تبي الفكه مني اروح بيتكم و اقولها ..
خلونا نرجع حق امس بليل ..
ام جاسم (( سلمى )) : ردت حنان البيت بدلت ملابسها و انسدحت بفراشها و تتكلم بالفون ..
حنان : حياااتي داايخه فيني نوومه ..
؟؟: ناامي حياتي بالعافيه ..
حنان : لا مابي بقعد معاك عمري (( فجاه تدخل ام حنان " سلمى" ))
سلمى : انتي مو تكلمييين هالحزه !!!!! و منو عمرج !! ..
حنان : هااا !!! لا شكو اصلا ما كنت اتكلم كنت اغني ..
سلمى : اشووف يبي الفون و انا اعلمج شغل الله ..
حنان : لا يماااا و اللي يسلمج خلاااص ..
سلمى : الوووو !!!! ..
؟؟ : الوووو ..
سلمى : اسمعني انت اباني وياك تقرب صوب بنتي تفهم !! و سكرت بويهه ..
ام جاسم (( سلمى )) : انتي ما تستحيين على ويهج !! شلوون تسمحيين حق روحج تكلميين صبي
حنان تبجي : يماااا مو قصدي و الله بس كنت بجرب ..
سلمى : اكلي تبن انتي قليله الادب و ما تستحيين على ويهج انا اعلمج انا اعرف شلون اربيج يا بنت الـ ......
حنان تبجي : يماااا خلاص الله يخليج ما اعييدهاا و الله ..
سلمى : اكلي تبن يالله و يبي فونج و اللاب و طلعه ماكو لو تموتين ريلي على ريلج تسمعيين و لا لأ !! ..
حنان تبجي : انشالله يماااا ..
بالمختصر حنون كانت تكلم جم صبي و اللي طاحو عليها انها تكلم واحد و عاقبوها انها ما تطلع و لا تروح مكان و انسحب منها الفون و اللاب بس بالاول و الاخير اهي اللي يابت هالشي لنفسها ..
نروح حق بيت عادل الله يرحمه (( بو عبد العزيز )) ..
زينب + دلال + فطوم : السلاااام ..
عزوز + فريال (( ام عزوز )) : و عليكم السلام ..
دلال تسلم على خالتها فريال : شلوونج خالتي !! شخباارج !! ..
فريال : الحمد الله حبيبتي انتي شلونج شلونا مج و الاهل !! ..
دلال : و الله الحمد الله خالتي كلهم بخير و يسلمون عليج ..
فطوم : يعني ما راح تخلصييين !! وخري منااك شوي بسلم !! ..
دلال : ههههههههه انزين عمتي كليتيني ..
فطوم : هلااا بخالتي حبيبتي هلا بفريال عمري ..
فريال : عياااره هالبنيه هلا فيييج ..
فطوم : خالتي ترا احنا اليوم بناام عندك ما عليج امر بس تفضين الغرف حقنا و ترتبينهم هههههههههههه ..
تحذفها فريال بالمخده : سكتي لا اخليج تنامين عند الخدم ..
فطوم : خلااص خلااص تووبه ..
زينب كانت واقفه سرحانه تفكر بـ حنان و شسالفتها !! و شنو صاير ببيتهم اللي سمر ما طلعت معاهم !! ..
زينب : دلووول فطووم امشوو فووق ..
دلال : اييي يلاااا ..
و صعدو فوق و لاحظوا لنظره الجديه بعيون زينب ..
فطوم : زنووب شفيييج !!! ..
زينب : خل نبدل ملابسنا و نتفاهم ..
بدلو ملابسهم و قعدو يسولفون ..
دلال : يلا زنووب قولي شفيييج !! ..
زينب : حنااان ..
دلال + فطوم : شفييهاا !! ..
زينب : حنون من امس جهازها مسكر و دقيت على سمور اليوم عساس يطلعون معانا قالتلي عندهم مشكله صايره بالبيت ..
دلال : تهقييين طااحوو علييهاا !!!!! ..
زينب : يمكن ليش لأ !! بس ويت بنزل انا اكلم امي اشووف اخر الاخبار منها ..
و نزلت زينب تحت حق امها و امها قالتلها عن حنان ان طاحو عليها تكلم صبي و اهي معاقبه و محد يدري بالسالفه الا فريال و ساره و مريم و سلمى و البنات ..
و صعدت زينب و قالت حق البنات اللي انصدمو ..
دلال : امبييييييييييييييه من صجج !!!!! شلووون !!!! امبييه امبييه تتوقعون شسوو !! طقووهاا زفووهاا !! واااي وييع فشله و الله لو انا ما اطل بويه احد يبوووووي ..
فطوم : بييييييه احسن محد قالها تكلم خل تحمد ربها انه طاحو على واحد لو يدرون اكثر جان ذبحوها ..
زينب : ايي و الله بعدين احنا وين قاعدين عشان تكلم شباب و جي و تقول فرندز و مادري شنو !! ترا احنا بالكويت ..
دلال : يا معووده انتي شايفه رفيجاتها !! كلهم يكلمون و يتفاخرون بهالشي ..
زينب : اهي محد مخربها الا رفيجتهااا , الا اقولكم شرايكم باجر نروح بيتهم و نقعد معاها نعرف اخر الاخبار !! ..
دلال : ايييييي يلااا ..
فطوم : لااا وييع احس الجو بيكون مكهرب مالي خلق نكد ..
زينب : جب فطووم و راح اتيين , امشو نناام الحين ..
دلال : انا ما فيني نووم بروح اشوفلي شي اشربه من تحت و اييي ..
راحت دلال تحت و لا تشوف عزوز بالصاله ..
دلال : عزووووووز بروح المطبخ تعال بطل الليت اخاااف هههههههه ..
عزوز : وييييييع دلووول مالي خلق كااني مني شنو بيطلعلج يعني قومي بطلييه ..
دلال : عزووز بلا سخاافه و قوووم ..
يقوم عزوز و يبطل الليت و يروح معاها المطبخ يقعد عالكرسي ..
راحت دلول و خذت لها حليب من الثلاجه و قعدت عالطاوله ..
دلول : تصدق عزووز !! ..
عزوز : شنووو !!! ..
دلوول : ملل ملل بصراااحه و هالبقر اللي فوق نااموو و انا مو يايني نووم ..
عزوز : قعدي معاي نشوف تلفزيون ..
دلوول : لا مشكوور بروح انام اصلا انا دخت هههههههههه ويهك يدوخ الواحد بصرااحه يلا جاااوز ..
و قامت راح فوق و نامت مع البنات ..
بيت بو جاسم ..
سمر بغرفتها تتكلم بالفون مع ليدتها ..
سمور : هلا قلب هلا حياتي ..
شيماء : هلا حبيبي فهوود قووم اقعد عمري مليت و انا بروحي ..
سمور (( فهود )) : حياتي انتي روحي انتي مو نايم عدل انا من مشكلة حنون التبن هاذي ..
شيماء : و انا شنو ذنبي عمري !! ..
سمور عصبت : شنو يعني شنو ذنبج !!! انا حبيبج و المفروض تتحمليني و تتحملين مشاكلي (( و سكرته بويها )) ..
و راحت سمور حق اختها حنان ..
سمور : احسن احسن تستاهلين منو قالج كلمي منو !!! ..
حنون : خلاص سموور ترا مالي خلق زييين ..
سمور : قلعه محد قالج جربي كا كل البنات ما سوو جي لييش انتي !! ..
حنون : خلاص سمر مالي خلق من صجي , سمور كلمي امي بطلع ترا ملييت ..
سمور : ههههههههااااي حلوه هاذي انتي معاقبه يا قلبي و امي مستحييل توافق ..
حنون : انزين سمور ابي فونج بكلم البنات خل ايوون عندي ..
سمور انكسر خاطرها على حنان : خلاص انا اقولهم ايوون عندج ..
عند البنات ..
دلال و فطوم و زنوب قاعدين يلبسون عشان بيروحون بيت خالتهم سلوى عند حنان ..
زينب : لبسو عدل بنات عشان خالتي سلمى ما تعصب و تعلق ..
دلال : يوووه ذكرتيني الحين لازم امسح الحمرا و البس طويل ..
فطوم : امبيييه انا مادري لي شاهي تعصب خو اهلنا راضين ..
زينب : يلا شنسوي بعد , خل نلبس عدل و نروح مالنا خلق ..
قامو البنات لبسوا و راحو بيت خالتهم سلمى ..
خلونا نروح شوي حق بيت عبد الوهاب ..
ساره (( ام حمد )) : حمووود قوووم يالله انا بطلع اليهال تعال معاي ..
حمد : يماااا مالي خلق سهران لي الصبح ..
ساره : عبد الوهاب تعال شوف ولدك ترا ينني طول الليل سهران عالنت و البلاي ستيشن و طول النهار نايم ترا ما قمت اشوفه ..
عبد الوهاب (( بو حمد )) : حمود قوم يالله بلا عناد ترا ما يصير ما نشوفك قوم يلا البس و اطلع معانا ..
حمد : انزين انزين الحين اقوم اوووف ..
عبد الوهاب : يلا بسرعه لا تطول ننطرك ..
و يقوم حمود يدق على دلال ..
حمد : دلاالوو ويينج !! ..
دلال : انا رايحه بيت خالتي سلمى ليش بغيت شي !! ..
حمد : يوووه يعني انا بطلع معاهم بروحي ..
دلال : مع منوو !! ..
حمد : امي و ابوي و اليهال ..
دلال : هههههههههه ابتلش فيهم , تعال صج شالطاري !! ..
حمد : هذا ابوج بس يزف و امج بس تتحلطم خل اقوم الحين لا يزف يلا باي ..
دلال : ههههههه الله يعينك باااي ..
