رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

[هولندية 93]

السلام عليكم ورحمة الله و بركاته..
اليوم في مشيئة الرحمن بنكمل معاكم في موضوع يديد..و بالروايه الثالثه ((وما بعدك يا ايها الورث؟؟..))..
لكل بنت معانا و حابه تقرى الروايه و تفهم الاحداث معانا اتمنى ترد لرواية اخوي الاولى( و سقطت الاقنعه عن الوجوه و..)الي اهيا كاتبها اخوي و و روايته الثانيه (و انبثق سائل الصدمات علينا )هم بنفس موضوع( وسقطت الاقنعه عن الوجوه و..)​

و الي قرت ال14 بارت معناها خلصت من الروايه الاولى و الثانيه..
و بعد فتره بتنزل هني الروايه الثالثه لآخوي اتمنى تحوووز على رضى الكل..و من ناحيتي روايته الثالثه افضل و احلى و تشوق اكثر من روايته الاولى و الثانيه..

مهم:بناااااااات ترى الثلاث روايات متصله احداثها مع بعض و الروايه الثالثه ما راح تفهمون شي لان بينكشف كل شي من اول بارت من الروايه الاولى ليمه اخر بارت من الروايه الثانيه..
و اسفه وايد على هالمقدمه و اتمنى القى حماااااااس كبير من حبيباتي بكويتيات
دمتم بود

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

يعطيج العاافيه انا متااااابعتج من اول شيييي يلا كملي بليز

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

مشكوووره حبيبتي طمني بس و مسجلتج انا مع المتابعين و انشالله ما نطول عليكم حياج الله

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

مهم جدا جدا يا بنات
بنات بعد الروايه هذي انشالله اخوي ناوي يكتب روايه يديده لكم و الي يبي يحجز له مكان بالروايه بس يعطيني اسمه و اقول حق اخوي سجلها و الروايه بتكون مؤثرة و حزينه و اثاره بس عطيني اسمج و بعد هالروايه تنزل الشخصيات لان اخوووي كتب الشخصيات و الافكار بس يبي يكتبها و الي يحجز راح يختار الشخصيه الي يبيها و كملوا معانا الروايه الثالثه و انا اسفه على القصووور و حياكم الله​

 

[warood]

Hanoood 7beebtii !! Me weyaaach il yoom ana garait o tefara'3t koliyam 7g rewaytiich il oula wethanya 5ala9t'huuum o nshallaaa na6ra ethaltha .. o ana abii akooon ib rewaayatkuum il ydeeda .. abi sha59eya maskeena 3afyaaa Abii akoon wa7da maskeena malha thanb Esmii Awraad (A) Na6reeeniich ;** ;D


:s142:
:friends:

 

[فوشيه عجيبه]

متااااااااااابعه :ggdw::ggdw:

 

[هولندية 93]

رد : رد: رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

باذن الله باجر بيكون البارت الأول للروايه الثالثه و البارت 15 بالنسبه لترتيبها من اول روايه باجر بيمر نص شهر على رحيل اخت الكل شهد و بنشوف شنو بيصير لهم و الاجواء و الاشياء الي تغيرت عليهم منو بيرد منو بيطلع منو بيعيش قصة حب منو بيلعب فيه القدر و شنو الاشياء اللي مختبئه في الاحداث من اول فصل من اول روايه و لم يظهر و محد بيلاحظه الا بعد مرور الايام القادمه و الجحيم القاهر الي ما حطوا له حساب من قبل ؟؟ تابعونا اخووي الكاتب المتواضع مبارك و الناشره اخته هند احييكم و ما قصرتوا حياكم حبيباتي​

 

[هولندية 93]

رد : رد: رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

حياااااج الله يا اوراد معانا و مسجلتج من المتابعين و حياج الله يا فوشيه عجيبه و سجلتج من المتابعين تابعونا باجر بأول بارت من بداية النهايه على عايلة ام عبدالله..و الشخصيات الي بالقصه تحييكم غدير و شهد و روان و هديل و يقولون لكم ما تقصرون على المتابعه خصوووصا روان الي ليمه اللحين عايشه تقول لكم شوفوا شنو بيصير فيني الاخت متشوقه لووول و اسفه على اي قصور طلع مني

 

[خطيبت حبيبي]

انــة من المتابعين سجليني

 

[هولندية 93]

رد : رد: رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

سجلتج حبيبتي معانا و حياج الله و اتمنى تكونين قريتي الروايتين الاولى و الثانيه عشان تفهمين الاحداث باجر انشالله

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

هولنديه : بليز نبي البارت :eh_s(3):

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

يلا البارت الاول من الروايه الثالثه اللحين انشالله متاااااااابعه شيقه للكل

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

بداية النهايه-و ما بعدك يا ايها الورث-البارت 15 تكملة الروايتين الاولى و الثانيه...متابعه شيقه للكل

الجزء 15 من اصل 21
(بطولة:ام عبدالله-عبدالله-روان-فرح-محمد-ساره-جاسم-شادن-هيا)

الله اكبر الله اكبر ..

الله اكبر الله اكبر ..

:يماااااه..

كم من الايام مرت و كم من الايام راحت..

ردوا لحياتهم الطبيعيه..

ردوا لاجواء الاسرة ..

انتقلوا لبيت آخر ..فخم..كبير..

بيت لأم عبدالله..

و عيالها و بما فيهم ساره..

آخر فتاة تنجوا من الصراع من بين اسرتها اللي راحت..

-----------------------------------------------------------------------

1-2-2015

دخلوا شهر 2 من هالعام..

روان:و كل هالمده وينه؟؟

ساره:مادري عنه والله مادري ..

روان:انا اقول قولي له احنا ما نعرفك و عطنا مقفاك وايد احسن لج وله..

ساره متوتره:بس بس..

روان بصرامه:ساره ..اظن قلتي لي ابي نصيحتج بالموضوع..و ما قصرت..يالله انا وراي مختبر اليوم خو المهندسه يبيلها جهد وتعب و لا ليش سموها مهندسه؟؟

ساره حزينه:الله يكون بعونج..

روان:و عونج..

-----------------

نرد للماضي القريب و نتعرف اكثر على حياتهم بعد غياب دام اشهر...

ام عبدالله:الام الصبوره القويه الجريئه .. اللي ما يهزها ريح..صامده ..في حماية عيالها لآخر جرعة دم في قلبها و جسمها..وبعد هالمدة و الفتره كلها ..قدرت تضبط حالها و تشوف نصيبها من الحياة.. و اللحين بمدرسة متوسطة تعلم و تعلم البنات اصول الدين الاسلامي الحنيف..و تعاليم القرآن الكريم .. ووصايا رسول العالمين سيدنا محمد صلى الله عليه و اله و سلم...

عبدالله:تخرج من المدرسه و صار عمره 18 و صار الليسن بأيده و شرى لكزس سوده جديده..و قدم اوراقه على الضباط .. و هاليومين فرحان باللكزس مالته و كل يوم فراره فيها بالشوارع..

روان:بنت ال23 سنه قدمت على الهندسه الكيميائيه و قبلوها..و الكل يدري انه هالهندسه و هالشغله بالذات تاخذ وقت و جهد و تعب كثير على من يشتغلها..نصحتها امها تكون معلمه مثلها او اي شي غير هالوظيفه لكنها رفضت و قاومت و دخلت و كاهيا بأول سنه .. و باقيلها بعد هالسنه 3 سنين تعب و جهد ..

فرح:بالصف 11 ادبي..طموحها علمي لكنها فضلت الادبي على العلمي..صار عمرها 16 سنه..بنت جميله ..اجتمعت فيها صفات الحسد ..و صفات الغرور و الدلع..فكانت مزيج متناقض من خواتها شهد الله يرحمها و روان..

محمد و ساره:صارت اعمارهم 15 سنه .. و امهم تظن انهم توأم من كثر ما تعلقوا في بعض..لكن محمد كبر و قام يطلع مع ربعه..و ساره كله بالبيت ..

------------------------------

مشت ساره بأرجاء البيت الكبير اللي بسلوى..

مشت و اهيا تفكر و تفكر ..

----

وبنفس الوقت كانت ام عبدالله تفكر و تفكر ..

كانت تفكر بحديث ساره امس الفجر..

و قالت و اهيا بغرفتها و بصوت مسموع:شلون بعد جم سنه ..يندم على كل اللي حصل و يقول و بكل برود انه بيرد..اصلا شدراه برقمي اليديد ..و شلون دق و شلون خليته يكلم اخته..

و خذت تنهيده و زفير قوي وكملت:بس..بس..انا ما راح ارضى اني ادخل واحد لبيتي..خان اهله..و تبرى منهم..و تخلى عنهم..ما راح اسمح لك يا جاسم بدخول بيتنا..اكيد وراك نوايا سوده من انك بترد لنا .. بس ما راح ارضى ..

-------------------------------

و بمختبر الابحاث العلميه في النادي العلمي الكويتي...

وضعت الزئبق على الزئبق ..

الهدوء واضح على الخمسة اشخاص..

(امجاد-ريم-هند-روان-عبدالرحمن)

الكل يركز على التجربه اللي تسويها روان...

و الساعه 11 بليل..

امجاد:انا بروح الحمام ..

هند:اي انا بعد ..

امجاد:عبدالرحمن..ممكن تيي معانا المكان ظلمه و الوضع يخوف..

عبدالرحمن:اي من عيوني ..المهم..روان خلصي من التجربه لآن تأخرنا..

هند:يلا بسرعه حسرااانه...

عبدالرحمن:يلا يلا..

و بعد ثلاث دقايق..

:وااااااااااااااااااع..

---------------------------------

ترررررن ترررررررن..

ركضت ساره تركض للتفلون اللي نادرا ما يدق و لكن هالمره دق الساعه 11بليل..

:الووووووو

-منو معاااي..

:انا ساره..انتي منو؟؟..

-ساره انتي اخت روان؟؟..

:اي ..بنت خالتها ..منو؟؟..

-انا رفيجتها امجاد...بسرعه تعالوا للمستشفى الصباح..قولي لخالتي ام روان بسرعه..الغرفه رقم 21..الدور الثاني..

:اوك اوك..اللحين اقول لها يلا..

-باي

:باي..

------------------------------------

دخلوا كلهم على الغرفه رقم 21...

الكل بحوسه ام عبدالله و عبدالله و ساره و محمد و فرح...

و لما دخلوا قالت لهم الدكتوره اللي داخل بهدوء:شوي شوي..ما نبي ازعاج..و ماكو خوف عليها .. حالتها مستقره و باجر يرخصونها...

ام عبدالله:اكيد؟؟..انزين شصار؟؟..منو سوى فيها جذي؟؟..

الدكتوره:اهيا بمركز الابحاث و التجارب العلميه و تصير هالحوادث و المشاكل..و باجر تترخص .. تجربتها اثرت عليها نفسيا ..ماكو خوف و لا توتر..

ام عبدالله:الحمدلله الحمدلله يا دكتوره !!..

الدكتوره:مرام ..دكتوره مرام..

ام عبدالله :و النعم والله..

الدكتوره مرام:تسلمين خالتي..

و طلعت..وبعد ساعه..

ردوا البيت الا ام عبدالله فضلت تقعد وتنام مع بنتها روان..

----------------------------------------

و ردوا للبيت..

و الفجر..

ساره:بتنووور الكويت والله بتنور..اي تعال سنين ما شفتك..

و بعد لحظات قالت للي تكلمه بتلفونها النقال:لا خالتي ام عبدالله بالمستشفى الصباح عند بنتها روان ..لانها تعبانه من تجربة يقولون مادري شنو ..المهم ..

و بعد اقل من 10 ثواني قالت له:مستشفى الصباح..غرفة 21..الدور الثاني..وباجر العصر تترخص..بس تعال هني العنوان اللي عطيتك تعال ياخوي بشوووفك.

-----------------------------------------

ام عبدالله تسولف مع بنتها روان بتمام الساعه 12 و 3 دقايق الظهر..

روان تقاوم:لا..لا..لا يا يماه..انا بكمل..و مثل ما قال عبدالرحمن هذي اشياء عاديه و تصير شبه يومي بالمختبرات و التجارب و الابحاث..

ام عبدالله بصرامه:و عبدالرحمن منو؟؟..انتي ما قلتي انه شغلج مافيه رياييل؟؟..

روان بتعب:اي ماكو ..واهوا يديد عالمختبر..و دخل معانا بهالشغله النادره..خصوصا ماكو احد و نادرا ما يدخلون للهندسه الكيميائيه..

ام عبدالله و تشوف تحت:والله يا اميتج..انا عادي اذا انتي مرتاحه..بس ما نبي نشوفج كل يوم طبيب و مشاكل....

-----------

و بهاللحظه انفتح باب الغرفه بهدوء..

صوت بنت صغيره تبجي بحزن..

ريحة عطر نسائي و رجالي اختلطوا مع بعض..

دخلت فتاة بعباية اسلاميه..

و لفت على ام عبدالله و روان..

بنت بملامح راقيه و نظرات مميزه الماسيه و شايلة بنت ذات عيون زرقاء

و ملامح روعه و جميله..و شعر اشقر..ووجه عريض..و عمرها سنه وشوي..

و بعدها.............................

------------------

وفي نفس الوقت...

وصل عبدالله للبيت..

و شافته فرح اللي كانت تشوف التلفزيون..

ودخل عبدالله غرفته..

فرح:هااه..شفيه هذا متضايق و لا يسلم..خو طوفه انا؟؟..

و راحت لمحمد اللي مندمج بلعبة ويي نايتندو..

و كان ينقز و يصارخ ..

فرح بصراخ:محمد ..قصر على التلفزيون و اسمعني..

محمد و اهوا ينقز و متحمس:لحظه يا فرح..المرحله قبل الاخيره لازم اركز..

فرح بصراخ و عصبيه:مو وقته..قوم وروح شوف عبدالله شفيه ..

محمد و كتبوا على التلفزيون قيم اوفر:اووووه .. انزين شفيه بعد؟؟..

فرح:مادري ..شكله متضايق من شغله ..روح شوفه..

قال:اهممم..اوك تعالي معاي..

فرح:يلا ..تعال..

وراحوا و بهدوء ..

دخلوا على عبدالله اللي كان....





يتبـــــــــــــــــــــــــــــــــ ع ـــــ الـــــــ بــــــــــــــ ا رـتـ ـ ـ اـــــلــــســــــــــــــ ا ــــــــدـس عـــشـــ ر ــ​

 

[MeeMeeYoo_2]

رد: رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

ناطرينج


وسجليني متابعه

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

حياج الله ميمييوو_2 و مسجلتج من المتابعين و ما قصرتي ؛)

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

نبي البارت عفيه ويعطيج العاافيه :lololoe:

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

حبيبتي طمني بس نزل اول بارت من الروايه و تكملتها باجر الفير انشالله و سامحيني عالقصور

 

[warood]

Wei Wei Weeeeii ..!! Allaaaaaaah yastrrrrrrr Mn Jasm o Mn el ademeya eli dashat 3alaihum il '3orfaa << Ana atwa8a3 enha tkoon murt Jasm ;/ Waaaaii Alllaaaaaaahh yastr a7s enii ra7 abchii akthr ib hal part mn erewaya :S

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

حبيبتي طمني بس نزل اول بارت من الروايه و تكملتها باجر الفير انشالله و سامحيني عالقصور

بعد جبدي والله اخذي رااحتج
ناطرينج :eh_s(8):

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

الباااااارت السااااادس عشر


بالغرفه 21..

الدور الثاني بمستشفى الصباح..

روان:يما منو هذول؟؟..

ام عبدالله وقفت و اهيا تشوفهم:هذول يا روان..

قال الرجال:انا اعرفكم على نفسي..

ام عبدالله:استريحوا يا جاسم و حرمتك..وبنتك..

روان و اهيا تقوم جسمها و راسها:شنووو..انت جاسم؟؟..ههههههههه مستحيل!!..

جاسم و اهوا يقعد مع زوجته:اي والله يا روان ..اول ما سمعت انكم بالمستشفى قلت لازم نزورج عسى ما شر ؟؟..

ام عبدالله بحقاره واضحه:والله ماا شر الحمدلله..تشتغل بالهندسه الكيميائيه و ما صار شي ..

جاسم و اهوا يبتسم:اي..خطاج السو يا روان...

روان بهدوء:خطاك اللاش..

ام عبدالله على عجاله:يا جاسم..اليوم بيرخصونه..ولازم نتكلم ..

و قالت بصرامه:بمكان غير بيتي..

جاسم و اهوا يشوف روان:اييييه ..ان شاء الله اليوم بليل بالفنار..

ام عبدالله:ان شاء الله و تكون بروحك..

شادن تضايقت..

ام عبدالله:انا اسفه يا مدام بس اسرار عائليه ما يصير تطلع..

شادن برقه و هدوء:لا عادي خالتي بس ناديني ام هيا او شادن..

ام عبدالله بنظره جاده:المهم طلعونا من المستشفى ..روان الحمدلله ما فيها شي..

جاسم و اهوا يطلع برا:اي الحمدلله على السلامه انا انادي الدكتور اللحين..

-------------------------------------------------

وفي بيت ام عبدالله...

وبالتحديد في غرفة عبدالله...

اللي كان...

فرح بعصبيه:عبدالله..ليش كل هذا؟؟..شفيك؟شصاير؟؟..

محمد:اي والله شصاير؟؟..

عبدالله و اهو منسدح على بطنه بالفراش و متغطي:كيفي..مو داري هذي؟؟..كيفي..

فرح و اهيا تشوف من حولها بالغرفه:وليش؟؟ليش كل هالعفيسه؟؟..الكبت طايح..كتب المدرسه اللي تخرجت منها متشققه؟؟..الزوليه مقلوبه؟؟..

عبدالله و اهوا يوقف و يروح لهم و بنفسيه:ما قبلوني بالضباط..يعني وين اروح اللحين؟؟..وين اروح؟؟..

و بعد فتره من النصايح الدره اللي قدمتها فرح..و كان معاهم محمد..

هدى الوضع و رتبوا الغرفه كلها مع الخدامتين ميري و كانتي..

--------------------------------------------------------------------

وفي الليل..

الاوضاع كانت كالآتي..

ام عبدالله مع جاسم بروحهم..

روان مع فرح و ساره بالصاله..

عبدالله و محمد مع بعض بالكزس اللي راحوا دوروا شغله و قبلوه مع اوراقه انه يكون مساعد مهندس..

وقبل الوضع و الشغله..

--------------------------------------

و بيت ام عبدالله..

و الكل يطالع التلفزيون..

ساره:ولييييه..وين جاسم؟؟..

روان و اهيا تشوف التلفزيون:ههههه..اصلا اهوا اللحين مع امي بالفنار..

بالمطعم..

و بنظره جاده من روان قالت:وما راح يدخل بيتنا ..

ساره و اهيا توقف:هههههههههااااي..طل بعيونكم كلكم ما يدخل..حبايبي اياً كان هذا اخوي من لحمي و دمي..و عمر الظفر ما يطلع من اللحم ..

روان وقفت و ووجها صار احمر:لا يا ساره الظفر يطلع و يتقطع بعد..ما نسيتي فعايله ..و سهراته برا..و المشاكل و انه تخلى عنكم بالعسر و ما فكر فيكم بعدها لا بالعسر و لا باليسر..و امي قالت اكيد بيرد لآنه يبي شي..

ساره و اهيا تروح للمطبخ:اووووووه خرا عالكل تفووو عليكم..

و تتتوووووت..

روان تصارخ:كانتي..ميري..كانتي شوفوا المنو يطق الجرس..

كانتي:زين مدام..

روان:آنسه مو مدام ..آآآنسه..

فرح و اهيا تقوم:غريبه منو ياي هالحزه لبيتنا بعد؟؟..

و طلعت فرح برا مع كانتي ..

شافوا وحده معاها بنت..

فرح بستغراب:هلا اختي..منو؟؟..

و بكل انوثتها الطاغيه و الحقيره قالت:انا شادن زوجة جاسم و بنعيش عندكم ..ليمه ناخذ حق ساره و زوجي منكم و من الورث..

دخلت فرح و دقت على امها و روان عندها و قالت امها بهدوء:اي اي..حياها الله خل تدخل...

فرح:تدخل جذي بكل بروووده؟؟

روان خذت التلفون و قالت بصراخ:يماااه شنو تدخل ؟؟..بكيف منو؟؟..

ام عبدالله :انا مشغوله دخلوها يالله مع السلامه ..

و سكرت الخط بويه روان..

فرح:اكيد اكيد اكيد في شي..لازم تدخل ..عاد ويها خايس ابليس احلى منها..

و بعد فتره دخلت..

و قعدت بالصاله و روان تتجسس على شادن زوجة جاسم بالصاله..و معاها فرح..

-----------------------------------------

و بعد مرور ايام..

مرت ايام على رجوع جاسم و شادن و بنتهم هيا..

و عاشوا بالبيت و كسرت حلفها ام عبدالله..

وساره تنام عندهم بالدار..

و بالليله الخامسه..

جاسم يقعد ساره:ساره ساره..قومي..

ساره و اهيا متضايقه:اووه شنو؟؟..

-روحي نامي بالصاله ولا دارج القديمه ..انتي تشاخرين و مزعجه اليوم حيل..

و قامت ساره و بدون اي ردة فعل راحت للصاله و نامت..

--------------

بكل رقه و دلاعه:ههههههه..

-المهم متى نشوفج..بشوف بنتي اشتقت للكل..

--والله مادري..يمكن بعد ما ناخذ حقنا و نفتك؟؟..

-امممممم..وشلون ماريا؟؟..

--الحمدلله الكل بخير..انتا شخبارك؟؟..

-تمام و الله الحمد لرب العالمين..

---------------------------------------------------------

تعودوا على الاوضاع..

روان ردت للمختبرات و الابحاث العلميه..

ام عبدالله تخدم جاسم و شادن بعيونها ..

جاسم لقى شغله مؤقته و كأنه بيرجع للندن مره ثانيه..

شادن و بنتها و الخيانه..

فرح و ساره بحولي بارك..

عبدالله بدى من اليوم عمله كمساعد مهندس..

-----------------------------------------------------------------

-يتبع الجزء السابع عشر-​