رواكتان معذب حبوب الشباب

[اسينات]

اخباركم بنات
استخدم رواكتان من مده اربع شهور ووزني كل ماله يزيد هل اللي استخدموه زاد وزنهم اي وبعد مشكله ثانيه دائما خشمي يااااابس وارعف بقوه ومصدعه ومالي خلق احد وفيني نوم اليهد شسوي؟؟؟؟؟؟؟؟؟؟؟؟؟؟؟؟؟:gr4uu:
واللي عندها معلومات عن مضره اونافعه عن رواكتان تفيدني
عفيه بنات لاتخلوني فديتكم:eh_s(17):

 

[Angel_store]

المعروف عنه علاج فعال حق حب الشباب بس له اثار جانيه وايد يسبب جفاف شديد للبشره و الشفايف و العيون و الصداع فيفضل استخدام مرطب دايم للجلد و خصوصا الشفايف و قطرات ترطيب للعين مثل natural tears

 

[المـــــها]

ممكن تكون في اعراض جانبية لكن ماله دخل بزيادة الوزن
و انا كاتبة موضوع شامل فيه
و هذا الرابط

http://www.q8yat.com/t659081.html

 

[عاشقة الدوحة]

حبوبة انا خذته وهذي الاعراض مؤقتة لين تخلصين الدوا وطبعا شدة الاعراض تختلف من شخص لاخر .. انا صار فيني مثلج ..

شوفي بعضهم ممكن يزيد وزنهم وفي دكاترة يقولون نادر انه يسبب اكتئاب ،، قالي الدكتور واحد من مليون << هذا كلامه ...
ويسبب سمنة اذا سبب اكتئاب ...
لا تحاتين باقي لج تقريبا شهرين وتفتكين وتنعمين ببشرة جميلة وصحية

 

[وحشني صوتك]

عاادي حبيبتي الاعراض هاذي طبيعيه كلنا مرينا بهذي الاعراض والحمدلله بعد انتهاء كورس العلاج ردينا مثل اول واحسن لاتحاتين
واذا علي زياده الوزن حاولي تسوين حميه تفيدج

 

[ميس هارودز]

اعتقد يصيب بدوخة واحيانا تساقط الشعر بس أنا ما أخذ الا علبة واحده كل ست اشهر فيمكن ما يسببلي ضرر علشان الكمية قليلة

 

[ام الدرر]

حبوبة
اهم شي للمتزوجه او المقبله عالزواج
تمنع الحمل واحيان ينصحون الدكاترة اعتماد وسيلتين مثل حبوب منع الحمل والعزل
لخطورته على الاجنه
ولازم تاخذ فترة منع من الحمل اقل شي 6 شهور بعد التوقف عن استعماله والله يحفظ الجميع ​