روائع أمل الكويت وأجمل

[آنسة منشن]

السلام عليكم ورحمة الله



تقبل الله صيامكم وقيامكم والله يسعدكم









بغيت منكم خدمه لاني ناويه بعد باجر اروح لامل لكويت واجمل واشتري منهم المخلطات والعطور الشرقيه

فا حبيت اسألكم لان ادري ما بيساعدني غيركم الله يسعدكم :eh_s(22):

فا شنو اللي عندهم حلو وقوي يناسب للعرايس

انا اللي اعرفه عند اجمل " خلاب .. وشمس "

وعند امل لكويت " فاطمة وشيوخ "

وابي غيرهم من مخلطات




واذا في مراكز احلى غيرهم ياليت تذكرون عشان الكل يستفيد

انا بالنسبة لي القرشي وايد حلو بس لان خواتي جهزوا من عنده وصرات ريحتهم مو غريبه

واللي عندهم حلو الاميره نوف .. والاميره الجوهره

واتمنى اشوف الرد


اختكم .. منشن

 

[شيهانه]

شوفي مثل ما قلتي انا احب من امل الكويت مجموعو فاطمة هذي عجيبة .. في سيت العطر والدهن والبودره والكريم

آخذ منهم بخوري على طوول وهم يهبل وجيد ..

خذيت منهم البخور المعطر الي 16.5 بعلبه هذا معمول وووايد زين شميه حلو للاستخدام اليومي للبيت

خذيت منهم الدهن البورمي 1/4 التوله ب 30 بس ممتاز

عندهم عطر السفير ايينن انا وااايد احبه شميه بعد ( 12 دينار )

وخذيت عطر الديره بس للحين ما فتحته شاريته من زمان وما اذكر ريحته والله..( 12 دينار )

في عندهم البتول شميه هذا ب 28 دينار حلوة ريحنه اهو جزء من مجموعه بس اغلا واحد فيهم الاباقي ب 15 دينار
عندي وجدان .. هذا امووووووووووووت عليه ب 20 دينار انصحك فيه

وطبعا المراشيش انواع واشكال جربي مثبت البخور وذكريات والديوانية و المقام يعني شوفي الي يعجبك واهو ينصحك بعد بالاحسن .وفي اطقم اشتريها احسن خمس عطور مشكله على 6 وعلى 12 من المراشيش

وفي ماي الغسيل الي على لافندر ..

وبس سلامتك هذي خبرتي عند امل الكويت

 

[آنسة منشن]

مشكووووووووووووووره يالغاليه وربي يسعدج ويهنيج

والله يحقق اللي في بالج ويفرج همومج ويجعل كل خير في دربج<<== طراره هههههههههاااي

بس صج ما قصرتي ياقلبي

لا خلا ولا عدم

 

[شيهانه]

يا حبيتي انتي والله ما قصرتي على هل الدعوة الطيبه صج صج صج محتاجتها الله يسمع منك

يزاك الله خير يا اختي

 

[مولاتي سميه]

حبيبتي انا ماجربت عطور فاطمه

اخذت من امل الكويت بخور المعاريس لشقتيييييييييييي

واخذ مثبت البخور يهبببببببببببل وانهار عجييييييييييييييييييييييييب لي ولشقتي ككل

اجمل يمدحون عندهم مسك الروز ناعم وحلو

والله انا عطوراتي اغلبها فرنسيه فمااخذ من هالمحلات عطور لي شخصيا

خذيت حروف من الشايع ماعجبني مع انه الكل يمدحه

بخور البورمي من المرشود ب12 يهبببببببببل

 

[آنسة منشن]

شيهانه وربي تستاهلين اكثر لا خلا ولا عدم


مولاتي سميه تسلمين ياقلبي الله يسعدج في هاليوم لمبارك ويحقق امانيج يارب ويصلح ذريتج

تسلمين على الاضافه


الله لا يهينكم ويطول عمرك بصالح الاعمال

 

[@ دهن العود @]

امل الكويت

فاطمه + بخور المعاريس

اجمل

عطر شمس

 

[آنسة منشن]

تسلمين اختي دهن

اله يوفقج يارب

لاخلا ولاعدم

 

[&& قيثاره &&]

حبيبتى امل الكويت عندج بخور المعاريس للشقه حلو والسفيره وروح البخور يهبلوون مع البخور مايحتاج عطر فرنسى لانهم ثابتين ويلوقون مع البخور واجمل عندج ريدنربوس لايطوفج مثل كوكو شانيل ووصال يمدحونه بس ماجربته للامانه وموفقه ان شاء الله

 

[لــــين]

ما قط جربت شي من أمل الكويت .. بس أجمل احبه

تعجبني الف ليله و ليله <=== اخذي الرشاش اخف و احلاا
عود معتق هم رشاش .. يهببببببببل
و طبعاً العود المبخر حق البيت و الغرف حلوووووو

توني من مده اسبوع كنت بالافنيوز و قاعدين ننطر دور عند شوكلت بار فقلت خليني اطل على أجمل على ما أيي دورنا
اول ما دخلت المحل قلت له شممني شنو اليديد .. شميت كذا شغله بس اللي أكثر شي عجبوني مهجه و اللجين وااااااي حلوين ، عاد حطيتهم بكرت و حطيتهم بمخباتي ما رديت البيت الا ريحة جنطتي فااايحه
ليما بردو حبيت مهجه اكثررر حتى اللجين مش بطاااال


جربي عطورات النعمه
جربت منهم جوى و عايشه وااااااااااي حلو حلو حلو
ناويه امرهم بالايام اليايه و اسكتشف لان هالمحل عجيب
اذا ما تعرفين مكان بجمعيه الضاحيه ورا الكاشير و في كولكشن فوق عند الميكب و اظنه موجود بفافافووم !


و بعد محلات الجزيره اللي بالرايه و مارينا عندهم تشكيله و شغلات حلوووه

 

[dana777]

عطورات الجزيرة :روز مسك - بلاك عود - مسك اند مسك - دسمان - دوحه - سلفر

عطورات ابن الوليد : عطر ابن عبدالعزيز ونفسه على دهن عود اسمه مريم