البارت آلآول / part 1
في فيلا ابو فهد
الصبح الساعه 8 ونص
الام ( هدى ) في غرفة ياسمين : يالله يا يمه قومي الساعه ثمان ونص قومي الحقي. ع محاضرتج
ياسمين : يالله كاني قمت
قامت ياسمين وحبت امها ع راسها : صباح الخير ي احلى ام
ابتسمت امها : صباح النور ي احلى بنت
وتجهزت ياسمين عشان تروح للجامعه
ولبست جينز ازرق حلو لونه وتيشيرت ابيض ومطرز بأزرق التطريز مثل لون الجينز ولبست اكسسواراتها
وحطت ميك اب خفيف شوية آيلاينير وماسكرا وحمره حمرا < ماكثرت من الميك اب
ولبست كعب موو عااالي حيل لونه ازرق وخذت شنطتها الشانيل الزرقا ( هديتها من ابوها )
و نزلت تحت تريقت ع السريع وراحت جامعتها < نسيت ماقلت لكم ياسمين الحين ثاني يوم لها بالجامعه
وفي جامعة الكويت
ياسمين كانت بتدخل الكلاس بس لقتهم حاطين ورقه ع الباب اعتذار من الدكتور انه راح يكنسل الشرح
ياسمين : افف الحين شسوي اقعد بروحي ( طبعا ياسمين توها جديده ع الجامعه وماتعرف فيها الا بنت عمها شيخه
وياسمين مالقت شيخه )
راحت ياسمين للكفتيريا تريح
جاتها بنت شكلها طييبه
البنت : السلام عليكم
ياسمين : وعليكم السلام
ابتسمت البنت : انتي جديده ع الجامعه ؟
ياسمين بادلتها الابتسامه : ايه ، تفضلي اقعدي
قعدت البنت : امم ممكن نكون رفيجات ؟
ياسمين ارتاحت للبنت : اوكي ليش لا شسمج ؟
البنت : شهد وانتي شسمج ؟
ياسمين : عاشت الاسامي ، ياسمين
شهد : عاشت الاسامي
ياسمين : عاشت ايامج ي عسل ، يالله حبيبتي تشرفت بمعرفتج مضطره اروح
شهد : وانا اكثر ي حياتي ، الله معاج
اكتفت ياسمين بإبتسامه وطلعت من الجامعه لسيارتها الـ كآمري
للافنيو عشان متواعده هي ورفيجتها ( مريم ) تعرفوا ع بعض من المتوسط
ياسمين وهي بالطريج جان يرن تلفونها وشافت اسم ( مريوووم ) ابتسمت وردت عليها
مريم : يسوووووم ويينج لي ساعه ناطرتج
ياسمين : يالله بالطريج
مريم : اوك ناطرتج في مطعم شيك شاك بقراند افنيو
ياسمين : اووكي باي
وسكرت منها ياسمين
وشغلت المسجل ع اغنية وش كنت ابا قول / شما حمدان
وش كنت باقول نستني عيونك
هذا على طول هو حال مجنونك
مجــــنونــــــــــك
لا لا لا لجيت اتكلم قدامك اتبلم
وفي كل موعد حب باحراجي اتألم
اقول وش كنت اباقول نستني عيونك
هذا على طول هو حال مجنونك
قبل اللقاء بيوم اجمع كلام الحب
وفي موعدك دوم ما القاك م تحب
لا لا لا لجيت اتكلم قدامك اتبلم
وفي كل موعد حب باحراجي اتألم
والقلب تنتابه رهبه مع احبايه
ينسى اللي حفظته تتوتر اعصابه
اقوول وش كنت اباقول نستني عيونك
هذا على طول هو حال مجنونك
في عيونك السود قلبي لقى حلمه
ولساني معقود والحل في كلمه
فــــي كــــلــــــمـــــــهــــ
لا لا لا لجيت ابتكلم قدامك اتبلم
وفي كل موعد حب باحراجي اتألم
ساعدني سو معروف حاول معاي وشوف
بقول احبك بس غمض شوي لاتشوف
وبعد جم دقيقه وصلت للقراند افنيو
نزلت وراحت لمطعم شيك شاك وشافت مريم
استااااااانست ياسمين بس مريم مادرت انها جات
راحت ياسمين لها من ورا وغطت عيون مريم
مريم خاااافت : منووو ؟؟؟
ياسمين : ههههههههههه يالخوافه
مريم استااانست وضموووووووا بعد حيييييل وفجأه بكوا هههههههههه
مريم وهي تمسح دموعها : اشتقققتلج يسوووم حيااتي
ياسمين نفس الشي وهي تمسح دموعها : مو كثري والله
اقعدوا وسولفوا واطلبوا لما خلصوا من المطعم راحوا يتمشون بالقراند وهم يمشون ومندمجين بالسوالف فجاه انكتت قهوه حاره ع ياسمين : اااااااااي
وهي منزله راسها تطالع جينزها اللي انكتت عليه القهوه
شهقت مريم
الرجال : اووه اسف اختي والله ماكان قصدي سامحيني كنت مستعجل
ياسمين رفعت راسها وابتسمت رغم المها : لا ماصار شي
الرجال انصدم ماتوقعها بهالجمال ابتسم وياسمين ومريم طلعوا من الافنيو
كل وحده بتروح بسيارتها
قبل لا تروح كل وحده لسيارتها
مريم : عما حتى عمماا مالت عليه حرقتج ولا لا ؟ < مريم عوووووبه ههههههههه بس طييبه
ياسمين : ههههههههه لا حراام ماكان يقصد ، يعني مو حيل < ترا حرقتها القهوه بس ماتبي تخوف رفيجتها عليها
مريم : يالله حبيبتي الحين لازم ارد البيت انتبهي ع نفسج
ياسمين : الله معاج ، ان شاءالله
كل وحده راحت سيارتها
ياسمين وهي بالطريق رن تلفونها
ردت ع امها
امها : ياسمين وينج يمه ؟ طولتي
ياسمين : هلا يمه كاني يايه ( جايه )
بالطريق
امها : اوكي يالله اخليج
ياسمين : يالله باي
سكرته ياسمين
ياسمين تفكر بذاك الرجال والتذكر نظراته لها شلون
وشافت الساعه لقتها 1:30م
ياسمين : اوووله تأخرت حيل بالسووق
وبعد جم دقيقه وصلت للبيت
ياسمين اول مادخلت لقت امها وابوها واخوانها
ياسمين : السلام عليكم
اهلها : وعليكم السلام
امها : هلا ياسمين علامج تأخرتي
ياسمين: لا بس تواعدت انا ورفيجتي مريم وخذانا الوقت وتوني انتبه للساعه
امها : اي مريم ي حليلها
ابتسمت ياسمين وصعدت لغرفتها
عشان تبدل وتذكرت مكان الحرقه شافتها ماكان فيها شي بس لونها احمر يعني ان شاءالله يروح
في فيلا ابو سعود
في غرفة شيخه
شيخه :هنييف خلينيي انام اطلعي براااااااا
هنوف : انا زهقانه طلعيني تكفين
شيخه : خلاص بطلعج بس خليني انام اول < ههههههههه طبعا جذب بس تبيها تطلع
هنوف : هياا اووك اول ماتقومين وديني
شيخه هزت راسها بايه
طلعت هنوف شيخه ماصدقت انها طلعت ع طول راحت قفلت الباب وهي مستانسه
ع طول نامت ( ع فكره شيخه بجامعة الكويت مثل جامعة ياسمين )
في الصاله
هنوف نزلت تحت لقت اخوها سعود قاعد تحت
هنوف : السلام عليكم
سعود ابتسم : وعليكم السلام
هنوف بادلته الابتسامه : شلونك ي احلى اخو ؟
سعود: هلا والله تمام وانتي ؟
هنوف : الحمدلله
ام سعود توها جايه من الجمعيه
هنوف: هلا ماماتي
امها : هلا حبيبتي
سعود جا لامه وحب راسها
امه: تحب الكعبه فديتك
ابتسم سعود
وغارت هنوف راحت حبت راس امها
امها : يممممممممه يالغييره ماكلتج ههههههههههههه
سعوود وهنوف : هههههههههههههه
بكمل البارت بعدين لاسباب :|
-
-
سووري ادري ان البارت حيييل قصير اليوم زواره وماقدرت اكتب اطول من هالبارت
وبنات بعدييييييين بنزل البارت اكثر من يومين تقريبا لان الحين فترة اختبارت
