;رهت الزواج والسبب ... هالكارثه

[soso-87]

السلام عليكم

بدخل بالموضوع على طول لان بس ما عاد فيني اسكت
بنات انا من عمري 15 وانا يخطبوني بس كنا نرفض لاني صغيره
لين وصل عمري 21 بديت استقبل الخطاب ، والحين وصلت 24 صارلي ثلاث سنين وانا انصدم
بالناس اللي يتقدمون ، في ناس والنعم فيهم خوش ناس وواضحين بكل شي بس ما صار نصيب لكن في ناس يجذبون ، يا ربي خطبه ليش تجذبون ، يعني بنات الناس فرجه لكم ولعيالكم والا شنو ،، تعبت والله من اللي اشوفه ، كوارث .. الام تقول شهاده ومركز ولما ايي يطلع ولا شي ومع هذا اطوف واقول الاخلاق والتفكير يطلع معقد ويبي بس اهو يتشرط وانا ما اقول شي

واليوم واااي والله اول مره احس جذي
حسيت اني حيل رخيصه

الام دقت وقالت ولدي حلو وعشان جذي نبي بنت حلوه ورشحوا بنتكم
يو زارونا .. شفت الام عادي وسوالف ذربه وشحليلها ، تالي قالوا لبسي حجابج خل يشوفج فلان
لبست وانا عند باب الدوانيه بس لمحت فلان
بغيت ابجي .. خنقتني العبره خلاااص مادري شصار فيني
الحمدلله والشكر مو جيكر
الا ابو الجكر وايد وايد جيكر مسكين .. قلت ميخالف
لكن الادهى والامر .. ان عمره تقريبا 30 سنه بس لما قعدت معاه مخه على قده شكله مو صاحي
وطول ما اهو قاعد يتبهلل
ابيه انصدمت

والله مو عن شي .. بس يا ناس اذا عيالكم فيهم شي ليش ما تكونون صريحين
موقفي اليوم والله خلاني اقول خلاص مابي اتزوج

لان مره من قبل نفس الشي الصبي كان مسوي حادث ومخه متاثر عقله عقل ياهل وما يشوف بالليل وما قالوا لنا اهله ليش جذي يا ربي ولما نسال عن الناس
يقولون زين
ليش محد صريح .. لو بنتهم يرضون ؟؟؟


والله من طلعوا وانا ابجي لي الحين مو قادره

حتى امي اول مره تعلق .. كل مره ساكته بس هالمره قالت الحمدلله والشكر جنج مو موافقه
من كثر ما انا مخنوقه اشرت بيدي لا وركضت غرفتي


ليش ما تكونون صريحين لما تخطبووون حرام عليكم


ادري وايد تكلمت وقرقت عليكم بس من حر ما بقلبي
:eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11):



​

 

[حايلية وافتخر]

مااقدر اقول غير الله يرزقك بالرجل الصالح والي يناسبك يارب

 

[Tom ♥ Jerry]

.,،



قهر صراحه .، الله يعينج !
بس يا قلبي صدقيني ليلحين مآ ييه نصيبج (=
النصيب يصيب .، الله يرزقج

 

[رهــKSAــــف]

نــــــاس بصــــراحهـ هيلـــــــق وماعندهمــ احترامــ..
نصيبــــكـ جاي بس اصبـــري
والله يوفقـــكـ

 

[جيرازksa]

حبيبتي نصيبك لسه ماجاه

والزواج سنه الحياه

اتفائلي ماتعرفي ربي مخبيلك شنو بعدين..

 

[الزين 85]

طيب ليش متضايقه؟؟؟

كل شي قسمة ونصيب واذا ماتبينه ارفضية بس صلي استخاره أول وأنا بنظري الرجال مخابر مو مناظر وانا شخصيا ماأدور على الزين لانه مامنه فايده

 

[كويتية222]

أختي ربي يعينج تحصل وانا اختج

لكن اول شرط لج ماكو شوفة شرعية الا لما تسألون عن اللي بسلامته متقدم لج

لا تعرضين نفسج لمواقف انتي بغنى عنها

هالشي من ابسط حقوقج يسألون عنه اهلج ولما يكون كل شي اوكي وتالي شوفة شرعية

ونتمنى ان ربي ينولج الانسان الصالح الفالح اللي يسعدج يااارب

وهالجيكر اللي تشوفه امه مزيون لو منج اخذت له منظرة اقوله شوووف فيسك ولي يعااافيك علشااان تعرف انك جيكر

وتفهم هالشي لامك لا تتشيحط بجمالك الاسطوري وتفشلك جدام الاوادم اللي يكتشفون جكرك بالشوفة الشرعية


​

 

[soso-87]

والله مو سالفة جيكر
بس بنات اهو مخه على قده .. مخه مخ ياهل
حتى تصرفاته

ولما نسال الناس ما يقولون الصج

انا مو مستعيله عالزواج والله عادي عندي ادري ان كل شي قسمة ونصيب

بس قهر ليش الناس يجذبون
ليش الام ما تقول الصج لما تدق .. يمكن في بنات يرضون بواحد مخه على قده

ماقدرت والله غصب علي بجيت وبجيت وبجيت
حسيت نفسي رخيصه
حتى امي بتكلمني ما كلمتها
قلت لها بعد خلاص لا تقولين خطاب مابي اتزوج

 

[نور مغليها]

ياي
يا قلبي حاسه فيج ... في ناس تجذب علشان تزوج ولدها لو قالوا الصج من الاول ما جو وشافوج
بس ماعليه حبيبتي تلاقين الله خاش لج وآحد أحسن من كل هالمواصفات اجل ليش كل شي قسمه ونصيب ؟

 

[فوق الثريا محلي]

الله يستر ان شاء الله و كل شي قسمة و نصيب

 

[نفهمها صح]

حرام
يعتبر غش وتدليس استغفرالله

 

[AL-7Oo0b]

لا المفروض الام ما ترفع ولدها السما السابعه ولو هو وزير المفروض انتوا اللي تشوفونه وتعرفونه عدل وتسالون عنه لانه هذا زواج مب لعب يهال

،، انا خطبني مطوع والحمدالله فرحت واااااااايد ويوم يت امه كانت قذله وشعر مصبوغ وسيارة اخر موديل وعباة على كيفج انصدمت قلت معقولة هذي امه وماشاء الله عليها كانت فرحانه فيني وتقول العروس والعروس وقالت لي شوفي يابنتي انا ولدي مطوع والحمدالله بس معقد وااااااايد يعني لو خذيته بتضايقين ما يروح مولات ولا يسافر دول اجنبية ولا تروحين عرس فيه اغاني حتى لو كان حد من اهلج ما تروحين معاي ولا تطلعين معاي لاني اسوق سيارة ،، امي قالت لها ليش تقولين جيه قالت عشان لا صار شي بينهم في يوم من الايام ما تقول ما قالوا لي يوم خطبني انه جيه ،، وسبحان الله ما صار نصييب لانه هو كان ما يبني اكمل دراستي بس عرفت كل شي عنه وامه ما قصرت

هذا اللي لازم يصير بس في هالزمن نادر ما تحصلين ام تقول ولدي فيه وولدي فيه لانها ما تبي تخلي ولدها شين مهما كااان

 

[أم توتو]

الله بهديهم بس هذولي الخطاب منهم الزين ومنهم الشين الله يعين بس

 

[نجمة الاسكا]

الله يسخرلك اللي يخاف الله فيك وكثير بنات صارت فيهم الحمد لله على كل حال

 

[جوانا2010]

الله يرزقك الزوج الصالح

 

[*((كـارينـا))*]

تكبرين و تنسين حبيبتي ..

الله بيرزقج ان شاء الله باللي يقدرج و يسعدج يا رب

و لا تتعقدين و لا شيء بسبت ناس ما عندهم مصداقيه !!

 

[لمسه ضياء]

الله يرزقج بالزوج الصالح​

 

[رواضي قطر]

الله يرزقك بالزووج الصالح

 

[اصيله بنت البدو]

شوفي كلامج صح ترى حتى اهما يعانون بهالشي وشوفي كل شي بهالدنيا مقدر ومكتوب
ولاتقولين ماابي اتزوج الزواج سنةالحياه لاتقطععين عليج فرصه بكره تندميين
اتوكلي على ربج اهم شي التوكل على الله وفوضي امرج له وصدقيني يسسره لج
والله يكتبلج اللي فيه الخير

 

[W A R D]

اي والله ناس غريبه وماتخاف الله وحده كانت تخطب وتمدح ولدها وان خوش واحد بالأخير طلع يشرب يعني لييييش بس بالنهايه هذي ام تبي ولدها يتزوج وتفرح فيه بعضهم مايفكرون أهم شي ان يتزوج ويعيل ،،

الله يرزقج حبيبتي بالزوج الصالح اللي يسعدج التزمي بصلاة الشفع والوتر وادعي ربج ربي سميع مجيب..