رهاااااب زواج ?

[Kuwait_790]

السلام عليكم ،،

ما ادري و الله من وين ابدي مشكلتي بس ما اذري شنو يجيني لما اسمع طاري خطبة

واااااايد اتمنى اتزوج و ايب يهال و اربيهم و يكون عندي زوج يعوضني عن حياتي ويتمي

بس من اسمع طاري خطبة اتصرقع و اخاااااف واهون شنو الحل ؟

 

[غصون ق]

اب انشالله البنات يفيدونج

 

[ظبية بوظبي]

عادي عادي كلنا
انا احس اني انكتم
ولما تتفركش الخطبه اقوم ثاني يوم من نومي مستانسه لا وبعد اغني i'm single lady وحرك بصبعي البنصر >> اي البنصر ليكون مغلطه

احس اني حره
ههههه احس امي تنجلط ... زين شنسوي انا وخواتي متخوفات وحذرات في هالامر لان فيه وهقه العمر كله
ولان اهلي بيهتمون يسالون عنه بامور معينه تهمهم كرجال فقط
ما يفكرون بنظرتنا كنساء
ولان لو وصار وتم العقد وبعده قررت افسخ العقد اهيييييييي عدي اني دخلت معركه وممكن اطلع منها اسيره

 

[ظبية بوظبي]

مكرر

 

[عاشقه رويشد]

اب اب

 

[lonelya-w7danya]

شي طبيعي تخافين بس هذي سنه الحياة و مرج تاخذين نصيبج انتي بس توكلي على الله و كل شي تمام

 

[#laloo]

عادي حبيبتي /ساعات جذي تبين الزواج بس تخافين
لان الزواج مسؤلية اكبر وحياة غير يعني حياة مجهوله من جذي تخرعين
ههههه ظبية اختي نفسج بالضبط
اذا ياج نصيبج والله بدون شعور منج بتوافقين
والخوف والزعل والحزن شعور عادي بس انتي ريلاكس

 

[ديانا سبنسر]

اب اب

 

[Mrym]

السلام عليكم ورحمة الله وبركاته

اقري سورة البقرة .. داومي على قراءتها .. أخذها بركة وتركها حسرة ولا يستطيعها البطلة(السحرة)

مو إنه تقرينها بنية زواج .. لا خلي نيتج خالصة لوجه الله تعالى .. أجر سبحان الله

 

[ام لعيال]

عادي انا يوم عرسي وقبل لا انزل الصاله وكاشخه حدي هونت وادموع وحاله ايههههههه بس اخوي فديته عطاني نسكافيه وعاملني كاني طفله صغييييييره قالي نزلي وبعدين باشوف بنفسي الموضوع وعقبها ماشفت وجه الابعد شهر العسل بس الحمدلله الله قسملي احلى قسمه ف الكون

 

[عادت ذكرياتي]

سبحان الله الرهبة طبيعية لأنج مقبلة على حياة يديدة مو بس إنتي ^_^


وبعضهم تييهم حالة عكسية برود وجمود مو طبيعي لووووول

 

[dalo0oa121]

انا نفسج بس بعد حته لو خفتي
شتحسين وانتي عزوبية تحسين انج مب محظوظة
هاي الشعور ملازمني

 

[بريئه]

كلنا جذي

 

[كويتية$]

انا حدي متخوفة

 

[مرتبة]

اعتبري الزواج مغامره لطيفه وتغيير روتين
نجحتي فيها كمليها مانجحتي على الاقل جربتي شيء جديد بحياتج
ولاتخافين الرجال لما يشوف امراه امامه ينسى نفسه
والزواج مسؤوليات بس تغيير

الزمي الاستغفار واقري سوره البقره
وغامري بس اسالي عنه عدل مدل

 

[بعـــيد الشــوح]

عاااادي الأمر ..
كلنا كذى مافي وحده مو حلمها تلبس الأبيض بس اذا قعدت افكر في الأمر اتوتر وشعر جسمي يوقف ..لأن هالموضوع هو اكثر الأمور اهميه عند البنت بس ترى السالفه كذا بس وانا اختك مو كل من طق بابك رفظتي لا تسوين حلاتي تقدملي امير ورفظت بعدها تقدم لي طيار ورفضت بعدها تقدم لي تاجر ورفضت شي يقهر اذا قعدت افكر ...

 

[جوك احلى جو]

اذا ياج نصيبج ماراح ينقبض قلبج استخيري وتوكلي علي الله الخوف الغير مبرر ممكن يخليج تخسرين فرص حلوه بحياتج والي تزوجوا مو احسن منج

الله يوفق الجميع ان شاءالله ويرزقهم باحلى نصيب