رمضان قرب شنو فكرتو تشترون حق....

[om_nasser]

السلام
بنات
رمضان قرب
شنو فكرتو تشترون حق امهاتكم وخالاتكم في بداية رمضان؟

 

[العذوب]

السلام عليكم
واللله انا الرمضان اللي طاف شريت دراعه وملفع وعطورات حق امي والرمضان هذا ان شاء الله امي مشتهيه جدر الهريس اللي بمضرابة كهرب وبشتريه ان شاء الله هديه لهااا....

 

[سبائك]

آنا مره خذيت حق امي ويدتي وخالتي حلويات من محل هيل وزعفران الي بالجابريه

وايد استانسوا عليه لانه يسوي الحلويات الكويتيه القديمه بجميع انواعها

ويحطونهم ببستوق فيصير شكله تراثي وايد حلو

 

[New Mum]

مادري والله عيزت و انا افكر خلصت كل الأفكار بليز افيدونا !

 

[New Mum]

شوفو هالرابط مال العام يمكن يفيدكم
http://www.q8yat.net/showthread.php?t=10278&page=4&highlight=%D1%E3%D6%C7%E4

 

[مستقبلي احلى]

سبايك ممكن عنوان الهيل والزعفران

 

[سبائك]

فاتي ليدي الحين المحل غير اسمه والمشكله أسمه اليديد صعب نسيته

مكانه بالجابريه بجانب صالون آستر (آلاء دشتي) خلف الهاتف الاوربي

ترى اعلانه دايما يحطونه بجرايد الاعلانات

ان شاءالله أذا حصلته أقولكم أسمه ورقم تلفونه

 

[رفرف]

انا امي مو مشكلة اي شي يعجبها ياقلبي دراعة او مصحف او عطور وانا ماتقيد بمناسبة معاها متى ما شفت شي عجبني ويصلحلها ادري بيعجبها اخذه بأي وقت ...
بس خالتي احتار شوديلها ما عمري وديت شي واستعملته لا عطور لا دراريع لا ملافع لا اماعين قمت اسوي مثل سبائك اخذلها من هيل وزعفران قرص عقيلي وغريبه وسوالف جذي اتعجبها ..

 

[om_nasser]

مشكورين
وناطرين ردوود البنات

 

[nouriya]

والله مافكرنا بس انا ادخلهم دراعه لكل وحده فيهم امى وعمتى

 

[om_nasser]

مشكوره

 

[ام حمد]

يعطيكم العافية

 

[New Mum]

http://www.q8yat.net/showthread.php?t=477&page=5
هذا بعد رابط يمكن يفيدكم .. مخي يعورني افيدونا بأفكار يديده و نازكه بليز !

 

[ريماا]

انا ناوية اسويلها دراعة او ثنتين مع بخور
بس عيزت وانا ادور دراريع ناعمة مو لاقية ابى شى حلو وبسيط يمكن اشترى خامة غالية وافصلها لها
للحين جاااااااااااااااااارى البحث

 

[bambena]

هيل وزعفران اكو له فرع بالمطار بعد وبالفحيحيل

 

[ام طلال]

والله انا محتارة شنو اودي لأمي ؟

 

[om tooty]

أنا وديت الهدية من ألحين بصراحة أنا شريت من فناجين القهوة اللي جنها بسكوت(اللي تنوكل)واستانست امي عليها لانها فنتك وتصلح حق غبقات رمضان.

 

[كويتيه وافتخر]

والله عمري ما تقيدت بمناسبه

متى ماشفت شيء حلو ويصلح جبته لها

وخصوصا امي صغيره بعد عمري فاكثر شيء تحبه العطورات والملابس
هم تستانس لو جبت لها كفر جديد او طقم مواعين جديد

ببالي ها المره انا وخواتي نغيرلها صاله الاستقبال بس ناطرين المعاشات ونشوف

 

[QUMAR]

انا العام يبت لهم من هيل وزعفران كل لكل وحده 3 بساتيق حاطينهم بزبيل شئ تراثي عجيب ينفع لأول يوم برمضان

 

[bambena]

فكره حلوه قمر