رمضاااان + بيت الحموله = ؟؟

[عطاء أنثى]

السلام عليكم
حبيباتي كويتيات المتزوجات واللي عندكم حموات او حريم حموين







شلون تضبطون اموركم برمضان
اول رمضان اقضيه عند اهل زوجي وصراااااحه ماابي اضيع وقت الصلاه والعباده بالمجاكرررر بالطبااخ




اللي عندها خبره ترد علي

وخصوصا ماابي احتك باحد واضيع صياااااااااااامي

 

[صمت اللـ ي ـالي]

اب اب اب

 

[أغلى حبيبه]

روحي حزت الفطور مع اطباقج

ومن ياذن العشا طلعي حق الصلاة

وجذي ماراح يصير في وقت تحتكين باحد

 

[عنزروته]

حبوبة ماقلتي انتي يشقة بروحج معاهم بغرفة ببيت مستقل بعيد عنهم بس عاداتهم تفطرين عندهم ما حددتي بظبط ........علشان نفيدج اكثر
ابجاوب بحالة لماتكوننين ساكنة بغرفة او شقة عندهم ولازم من كل بد تدشين مطبخهههههههممممم الله يعينج راح تكونيين تحت المجهر ولازم تسمعين مني كلمة مني نقطة مني استفهاام <<< اذا كانو من عرب لا يعجبهم العجب ولا صيام في رجب

 

[فلافل وبطاط]

والله على حسب وضعج ..

انا كنت ساكنه معاهم بس خالتي ماتدش المطبخ وعندها طباخه الا وقت الفطور تشرف عالنجاب
وانا انزل قبل الاذان وادش معاها .. واتفطر واصعد فوق بعد اذان العشا ..

هذا اول رمضان لي طالعه منهم .. وعلى حسب ريلي متى ما قال يالله رحنا عندهم قبل الفطور اخذ معاي طبق
وارد بعد الصلاة انا امفكره جذي ...

 

[عطاء أنثى]

انا بشقه عندهم
بس بصراحه مالي خلق مداحر على الطيخ والمهاااااااااايط

 

[PuPa^^SWeeT]

مادري نزلي قبل ساعتين من الفطور و سويلج طبق سريع حلوو

ولا صينية حمسة فوقها كريما

حسب

 

[حبيبة26]

حبيبتي ليش تحطين ابالج انه مهايط ومداحر ترى مثل ما الصلاة فيها اجر والصيام وبعد اخذج لطبق لبيت حمولتج احتسبي نية افطار صائم او تدخلين السرور لقب ريلج وتخلينا يفتخر فيج وهذا كله فيه اجر وحبيبتي بالنية الطيبة حياتنا بتصير كلها اجر

 

[توتاتوتا]

حبيبتي ليش تحطين ابالج انه مهايط ومداحر ترى مثل ما الصلاة فيها اجر والصيام وبعد اخذج لطبق لبيت حمولتج احتسبي نية افطار صائم او تدخلين السرور لقب ريلج وتخلينا يفتخر فيج وهذا كله فيه اجر وحبيبتي بالنية الطيبة حياتنا بتصير كلها اجر

كلمات من ذهب جزاش الله خير

 

[يالله الجنه]

والله خوووووووووووش كلام كلامج حبيبة 26 جان زين كل الحريم نفسج وجزاج الله خير حبيبتي اختي عطاء انثى اسمعي كلامها

وتوكلي على الله سبحانة

وعساكم تعودونة وكل سنة تصومونة​

 

[ورده عنابيه]

نفس كلام حبيبه

 

[عطاء أنثى]

الله يجزاكم خيييييييييييييييييييييييييييييير كلكم
بس انا اقصد من ناحيه العيال ينزلون متى شلون نظامهم بالنومه والقعده
انا متى اقوم وابلش بفطوري

 

[روحي زوجي]

لا تصعبينها سوي لج طبق رئيسي وجانبي والحين الوفت بين العصر والمغرب طويل يمديج تخلصين وتذكرين ربج كل شي سهالات*

 

[الباسمه]

الله يبلغنا صيام وقيام الشهر الفضيل
حبيبتي حاولي تسوين ما تيسر من أطباق يعني سلطه ... حلو ... صينيه
مو شرط كلها لو صنف واحد
حاولي تنوعين لان برمضان الناس يملون من تكرار نفس الأكل
وبالنسبه للعيال أنا الكبير بحاول ألزقه بأبوه هههههههه والصغير بضبط نومته قبل المغرب بشويه عشان يمديني أنزل وأتفطر معاهم
وعموما لاتنسون تحتسبون الأجر وتوسعون صدوركم عشان ما يظيع أجرنا​

 

[درر2008]

انتي تقولين عيال يعني انتي عندج عيال وجم سنه عندهم ليش تسالين عن النظام انتي تعرفين

 

[درر2008]

مستغربه منج الرمضان مافي تفكير ونظام عباده ووناسه بالجمعه ليش مداحر الله يهداج وحلاته تسوين طبق خفيف او حلو وتساعدين بالنجاب ليش تعزلين نفسج والكل يهبيج ساعدي ربعج
صفي نيتج ترا الحموله وناسه وجمعه بس انتي اظاهر ولاتزعلين نيتج شينه
بداحرين الناس

 

[عطاء أنثى]

حبيبتي لانيتي شينه ولا شي
كل السالفه ان عيالي كبروا شوي وصاروا مشاغبين ومابي انزلهم عند الصايمين
والطبخ ان شالله طابخه ومحتسبه الاجر مثل كل سنه
بس كل سنه اطبخ تخيلوا الحق فلان صاح وفلانه طاحت واتشتت
بس كنت بعرف نظامكم بالترتيب مع عيالكم عشان مثل ماقالت وحده من الخوات انومهم وقت الفطور
لان كل سنه حالتنا حاله مع اليهال اللي يكت الفيمتو واللي يكت الشوربه ولويه هذا قصدي

 

[روحي زوجي]

لا تنومينهم بحزه الفطور قبل الفطور بنص ساعه حطي لهم عشا وخليهم ياكلون بشقتج مع الخدامه بس اهم شي انهم يكونون ماكلين قبل الفطور الله يعينج الواحد صايم ويبي يفطر وماوده يسمع كلام يغثه ترا نومة المغرب موزينه

 

[عطاء أنثى]

اخيراااااااااااااااااا
احد فهم اللي اقصده ههههههه
والله لويه صيام وحوسه اليهال

 

[مشغوله و محتاسه]

ما عليه اليهال شوي شوي يتعودون ... لازم يكونون معاكم ترا اونس لهم و لكم


اشتري لهم مواعين يديده خاصة فيهم

و وصيهم قبل لا تنزلون عالهدوء و القعده الحلوه مثل الكبار ..

و كافئيهم اذا كانو مؤدبين

لو بالحجي بس و التشجيع ..


و طبخي اطباق ما تبي وقت طويل او مجابل وايد عشان لا تتشتتين بين العيال و المطبخ


و مبارك عليج الشهر