ركن تراثي بمنزلي

[توباكو]

الله يحييكم جميعاً
بنات كويتيات المنتدى الرااائع اللي اعجز عن وصفه
وربي استفدت من خبراتكم
ما ابي اطول عليكم

بناااااات عندي ركن كبير بالمنزل وحسيته فاااضي
فخاطري اخليه ركن ترااااثي قد شفته بالمعهد اللي ادرس فيه بس مكلف حيييل
وابي با أفكاركم وروائعكم تفيدوووني يا خبيراات

ابي الوان متناسقه ومن مجاميعوه يعني من الالف الى الياء
وانا بالرياض يعني اذا فيه محلاات اقدر ارووح لها

الله يجزاها جنان النعيم ووالديها اللي بتساعدني لو بكلنه​

 

[شيــوخه]

ان شاءالله البنات يفيدونج

 

[توباكو]

شوشو يابعدهم يا الذووووق
يخليك ربي لعيناً ترجيك


وينكم بنات ابي مساعدتكم وخبرتكم وذووووقكم الراقي​

 

[بمبة المفترسة]

اشتري بساط سدو ممكن تشترين واحد كبير واثنين صغار شي تحطينه بالارض وشي تعلقينهم
وصندوق مبيت اذا عندج او اشتري
وعندج مثلاا اشتري بشتختة او رحى
وعندج الدوا او المنقلة واشتري دلة ومحماس ومنفاخ وغيرها من هالامور
ممكن اذا عندج من هالشغلات تستفيدين منها ممكن اذا اهلج ولا اهل زوجج عندهم مايبونهم تستفيدين منهم
تلاقينهم بمحلات القديمة او سوق الجمعة اذا عندكم
والطووفة سويها لون بيج مثل البيوت الطين قبل وممكن تحطين باب خشب

 

[توباكو]

بمبة وربي استفدت من
نصائحك الراائعه

يارب يخليلك اللي تتمنين
ويحقق لك امانيك


ونبي زيااااادة معلومات مثل خيتي بمبة المفترسة >> انتِ مو مفترسة انتِ حنووووونه وربي

 

[hneen2]

والله ودي افيدج حبيبتي بس كلش انا عليميه بهالسوالف سامحيني ان شالله تستفيدين من البنات

 

[توباكو]

الله يسعد قلبك ع الطيبه والرد الذوووق

 

[خلود للابد]

8
8
8
8

 

[خربوشة ملونة]

حطي صندوق صغير..تقريبا حجم الاب توب..ويكون خشبي اوفضي..وحطي فيه اكسسوارات فضيه..اكسسوارات الخرز القديمه..عادد انتي والي تحصلينه تفنني..طبعا سوي حشوة للطندوق من فلين مابس بقطيفه عنابيه مثلا..وحطيها داخل الصندوق..بعدين
حطي الاكسوسري...وبعد الصندوق الكبير خليه مفتوح ..وسوي نفس الحشوه الفلينيه..وحطي ملابس تراثيه..حتى لو لاطفال..
وقبعه مطرزه...وشال نازل من على باب الصندوق..بعد ممكن تجيبين ..صحون من سعف النخل باحجام..وهدي رخيه
وفي منها الوان واحد..ممكن تحطين فيه تمر او رطب صناعي شفته..يباع ورخيص..امممم
...اش بعد....ممكن تحطين منقل ..الي يحطون فيه الفحم..بس ما تخلينه كدا ساده زينيه بفصوص ..من الالوان الي بديكور

زي العنابي..والاسود..بس مو كرستالات كبار مو حلو..بدون فصوص بدون لمعه..ما ادري شلون اوضح
ممكن بالجدار تحطين صوره بدو رحل او جمال بالصحرا..او نخيل..علقي فانوس..ولو قدرتي زينيه شوي بنفس
فصوص المنقل..عشان تطقمين..هههه.وبعد مجمر..او مبخره..وبعد..ممكن تزينيها لو شكلها مو مره
لو فيه مساحه بالارض ممكن تسوين جلسه زاويه بس تفصلينها..وقماشها قماش نقشه السدو....وتحطين الاشيا
هدي قدامها..وحلو بهل المنطقه تخلين لها اضاء مختلفه...ممكن جايه على حمار شوي..بس ماتكون الاضاءه قويه
على المنطقه..تكون خافته ..حلاتها كدا..عشان يحس الواحد بالغموض..والعراقه..هههه...لا والله من جد
تعبت من الكتابه

 

[نور القمر]

اختي

اخذي حامل من حديد مطاوع حق زاوية

وخلي في الوسط يكون فراغ دائري

بهالفراغ حطي جذر هريس او جدور قديمة مال اول

او اوعية فخارية مثل الحب اللي يتركون فيه الماي اهل اول يبرد

مثل اللي بالصورة

وتقدري توفري مساحة وتعلقي الحامل في الجدار بالزاوية او تتركيه على الارض
بس فكرة تعليقه على الجدار فكرة وايد حلوة

تقدري تسوي تخت يعني السرير اللي هو عبارة عن صندوق طويل
وقوقه تحطي جلسة سدو

هذه هي افكاري انشاء الله تستفيدي منها

 

[توباكو]

افكاركم راااائعه جدأ وربي استفدت
منكم
الله يخلي لي ابداعكم

 

[bnt_kwt]

افكار حلوه والله