رقم بيت مخوفني

[ملامح اوروبيه]

قووووه كويتيااااات شلونكم شخباركم

الزززبده بنااات ابي منكم مساعده منكم بناات في رقم حيييل مزعجني ويدق علي بششكل مو طبيعي خصوصا الفير بنات حييل خايفه عاد انا مخقه بروحي بنات واذا ما رديت يدز مسجات ردي احسن لج ولاهلج وربي خاااايفه بناات يبدا الرقم ب2457 اي منطقه بالجهرا تابع لها هذا الرقم و لا بنات مرات من نقال يدق بس انا ماااااارد على ارقاااام غريبه امانه بنااااات ساعدوني ابي اي برنامج ولا موقع ولا اي شي يطلع برنت عن تلفونات البيت او النقااال واللي تساعدني بدعيلها من كل قلبيييي .....

 

[tbola]

رد : رقم بيت مخوفني

انشالله البنات يفيدونج احسن لج كلمي اهلج وقطعي خطج وشتري خط مو بسمج

وانشالله البنات يفيدونج

 

[غروري بطيبتي]

ليش ماتقولين حق امج وتخلينها تكلمه يمكن مخربط بالرقم
انتي يعني شاكه باحد
ما اظن فيه برنامج
قبل من رقم البيت تطلعين العنوان الحين لا مستحيل؟

 

[dr-faith]

رد : رقم بيت مخوفني

عندج حلين
اما تبلغين عن الرقم بالمخفر
او تخلين احد من اخوانج يرد عليه على اساس ان هو خطه

وغيري خطج اريح لج

 

[KOKO_284I]

رد : رقم بيت مخوفني

غيري خطج

او بلغي اهلج

 

[رآء يآء ميم]

خلي اخؤك يرد عليه

 

[Queenleo]

رد : رقم بيت مخوفني

جربي هالسااايت
اذا رقم بيت صارله مده مسجل راح تلقينه واذا توه يديد ماراح تحصلينه
ولج محاولتين باليوم
http://www.kwt101.com/index.php

 

[منيرة خالد]

رد: رد : رقم بيت مخوفني

اذا رقم بيت ليش ما تردين على المتصل ...؟؟؟وبعدين الرسايل اهي طبعا مو من رقم البيت صح من نقال شنو اللي خلاج تربطين بين رقم النقال والبيت ؟؟ وانهم من نفس الشخص ؟؟


اذا انتي واثقه من نفسج وما سويتي شي غلط >>> ردي على رقم البيت اللي يطلع لج ولا تخافين

والنقال عطيه واحد من اخوانج يأدبه لج

 

[Natasha]

مشكله المتطفلين

الله يعينج

انا يدق علي رقم خارجي من السعوديه ماعرفه لما ارد عليه يضحك ويصك الخط بطلت ارد على اي رقم خارجي

 

[*ريما*]

قولي لاهلك

 

[TOOTAH-2004]

قولي لامج احسن لج

 

[Sweet Brunette]

رد : رقم بيت مخوفني

انا جذي واحد بدوي عقيدي داق علي يستعبط و هزأته و رد دق بعد يوم جان اقوله لحظه ثواني و عطيته اخوي و اخوي زفه و هدده
و هاذا رقم الادله الجنائيه اذا تبين 25623888 بس انا اقولج السالفه لا تطلع بره خلي اهلج يكلمونه احسن و اذا نوع اهلج شكاكين لا تقولين لهم و لا تردين على ارقام غريبه

 

[& ام خالد &]

رد : رقم بيت مخوفني

إذا واثقه ماعندج شي ..بلغي امج وهي ترد وتشوف ..​

 

[فوشية...]

ليش خايفه ؟قولي لاخوانج وخل يتصرفون

 

[الزين 85]

اتبعي مثل لاتبوووق لاتخاف


عطي الرقم واحد من اخواانج وخليه يكلمه ويسنعه ويوريه ان الله حق ومايجوز يزعج الناس

 

[هواجيس الفجر]

عاادي عطي اي احد يكلمه

 

[ام بشبش]

مثل ماقالو البنات قولي حق اهلج او غيري خطج

 

[Diva-Q8]

رد : رقم بيت مخوفني

قطي الكرت بالزباله مكرمه واخذي خط يديد مو باسمج

او بلغي اهلج

 

[غادة الخبر]

بلغي اهلج احسسن ..

 

[ليلو جبريت]

رد : رقم بيت مخوفني

انا عندي طريقة بس تدعين لي ها

الطريقة مضمونه 100 بالمئة ولما كنت فالداخلية استخدمت هالطريقة عشان نطلع شخص كان يزعج وحده والرقم مو بأسمه
طبعا خذت الرقم ودقيت على مطعم للوجبات السريعه مثلا كنتاكي ، بيزا هت وهالسوالف الي تحفظ رقم تلفونج لما تطلبين
ولما سالوني عن الرقم عطيتهم رقم الشخص وعطوني اسمه والعنوان عشان يتاكدون مني اذا هو نفسه وانا كتبت العنوان وعطيت مسؤلي وطلعوه من بيتهم
​

يعني اذا كان هالشخص يستخدم الرقم بشكل دائم ويطلب من هالمطاعم راح تعرفينه من اهوه بها الطريقة ​