- إنضم
- 27 ديسمبر 2004
- المشاركات
- 2,927
- مستوى التفاعل
- 0
- النقاط
- 0
السلااااام عليكم
جبت لكم هالطبق يصلح وجبه سريعه حق سد الجوع
او لتقديم السريع لانه ماياخذ وقت بالتجهيز
المقادير :
رقائق عجينة السبرنق رول "جاهزه"
بصل مقطع جوانح
3 فصوص ثوم مهروس
صدر دجاجه مقطع بالطول
ربع حبة ملفوف مقطعه بالطول
بهارات "كركم ,فلفل اسود,كمون,باربيكا,بهار دجاج,ملح,اجو نو موتو "
ملعقتين صوص باربيكيو
3 ملاعق جبن سائل
ملعقة مايونيز لايت
نص كوب جبن مبشور
الطريقه:
نحط مقلاة ع النار ونحط فيها شوية زيت او زبده وبعدين نضيف البصل لين يتشقر
ونضيف عليه الدجاج بعد مانغسله ونشفه من الماي ونضيف له الثوم
لين يتغير لونه ونضيف له البهارات مع التقليب وبس يقرب ع الاستواء نضيف عليه الملفوف وصوص الباربيكيو
ونقلبه ع النار لين يذبل الملفوف ونطفي عليه
ونضيف له الجبن السائل والمايونيز
وبعدين نجيب صينية الكب كيك ونحط فيها شريحتين من عجينة السبرنق رول بكل فتحه
ونحشيها من حشوة الدجاج
مثل هالصوره ....
ونرش فوقها جبن مبشور
ونكمل الكميه كلها وعقب ندخلها بفرن حار لمدة ربع ساعه او اقل
وهذا شكلها بعد ماخلصت
عــــــــــــــااافيه عليـــــــكـــم
