رفيجتي و زوجها العقيم

[كيكة الكرز]

ابي رايكم بنات ضروري
رفيجتي داقة علي و مسكينة حدها حيرانة و تبجي من قلبها كسرت خاطري
مشكلتها باختصار ان زوجها اكتشف انه عقيم بعد ما تزوجو لان قعدو سنتين و ما جابو عيال

زوجها زين وياها و مرتاحة معاه يعني مو اللي تحبه و تعشقه يعني بينهم موده و احترام بس اهي من النوع اللي تحب الاولاد و الخلفه و خايفة عمرها يروح جذي من غير اولاد و اذا استمرت معاه طار باجي عمرها للعلم عمرها 29 سنة

قاعده تفكر انها تنفصل عنه بس علشان الخلفه و لا الريال زين ما يتعيب و شاورتني

انا تفكيري انشل ما اقدر انصحها بشي ماني قادرة افكر صرت مثلها
اشرايكم ؟؟

 

[ام شووووق]

رد : رفيجتي و زوجها العقيم

مسكينه الله ياجرها بمصيبتها

 

[المرتاحة]

انا ما عندي حل لانه الشي هذا راجع لها بالدرجه الاولي

هل اقدر تتحمل فراق زوجها؟

هل تظمن انها راح تتزوج مره ثانيه اذا تطلقت؟؟ و اذا تزوجت مره ثانيه هل الريال بيكون تعامله زين وياها؟

او يمكن اذا تطلقت يتقدم لها ريال زين و تييب عيال و تعيش بسعاده

هذا كله بعلم الغيب

مادري شقول الصراحه بس خليها قبل ما تتخذ اي قرار تصلي استخاره

 

[غــلآ]

رد : رفيجتي و زوجها العقيم

الحمدلله والشكر

الحين لو العيب منها شنو بتسوي لو يتركها؟؟

انا رايي انها تترك الانانيه عنها والرزق والذريه من رب العالمين اذا اراد شيئاً يقول له كن فيكون

وماكو شي اسمه عقيم

النبي زكريا مرته كانت عقيم ورب العالمين رزقهم بيحيا وبشره بعد صبره

شهالتفكير اللي في بنات هالجيل

اترك الريال لان مافيه عيال

وانا شبي بالعيال اذا ريلي زين معاي ؟؟

اوكي احساس الامومه حلو بس هذا شي ربي مبتليه فيه مو ذنبه اهو


بصراحه رفيجتج وايد قاسيه ودام الريال زين معاها خلها تمسك ارضها وتقعد مكانها

وخلها تستغفر ربها الف مرة لا باجر يبيلها بواحد اقشر شراني ماينطاق ويعطيها عيال درازن ويطيحون بجبدها واخر شي ترجع بيت اهلها مطلقه
وتعرف شنو يعني .. ريال كفو
وريال مو كفو



بكل اختصار قولي لها العيال رزق من رب العالمين مو بيد البشر

مو معناه انريلج عقيم ان مستحيل ينجب لان هذا بيد رب العالمين

حتى اللي مو عقيم ومافيها اي شي يمنع بعد ماتنجب الا بعد اذنه سبحانه

وعفوا يعني رفيجتج حاطه ببالها انها بتعيش جم سنه جدام على خير ؟؟

يمكن باجر تموت .. يمكن الحين تموت

الاجل والارزاق بيد رب العالمين

عجبتني كلمتج تخاف يطير باقي عمرها

انا اقول تقضي باقي عمرها في طاعه زوجها وربها وايد احسن لها من هالتفكير

وقولي لها على فكره ان اللي ربي مايرزقه ذريه بالارض ترى ذريته تنطره بالسما



تفكيرها غريب حرتني

 

[عصير توووت]

يمكن اذا تزوجت واحد ثاني و يابت عيال عيالها بيكونون عاله مثلا و يمكن ترتاح القرار هني واااااااايد صعب لكن خل تتذكر ربها و ان لها اجر كبير اذا صبرت على هالبلاء و لا تغريها الدنيا مو كل شي بالدنيا عيال اهم شي تالي العمر شنو تحصل من اعمالها جدام رب العالمين و سبحان الله و حكمته في هالمسألة. اذا الريال زين تقدر تكمل معاه و اذا ماتبيه كيفها تتحمل القدر وين يقطها و ترا يقدر الريال يتزوج وحدة مطلقة عندها عيال عادي الدنيا تمشي

 

[بنت حلال]

الاستخاااااااااااارة
ما خاب من استخار ربه
الله يوفقها

 

[Blue_Eyes]

والله اذا تبين رايي بهزمن الطب تطور و وايد ناس خلفوا من بعد زواجهم بفتره بس المسأله يبيلها صبر ويتوكلون على الله عشان العلاج .. واذا السالفه راده على العيال انصحها انها تتبنى طفل وبجذي ماتخسر ريلها وتاخذ اجر من ريلها ومن التبني بس أولا لازم تقنع ريلها بالعلاج وصدقيني ترا الزوج ما بيده يسوي اي شي الا اذا هذه الفكره يت منها اهي لأنه حاس بأي وقت انها راح تطلب منه الطلاق وهذا حقها الشرعي لا الشرع ولا القانون راح يردها انا انصحها تقنع زوجها بالعلاج واذا ما اقتنع لأنه هذا الشي يحسسه انه ينقص من رجولته فسمحيلي اقولج انه اناني لأنه مو مهتم بمشاعرها ولا هو راضي بكتبة ربه ..

 

[*ماي الورد*]

رد : رفيجتي و زوجها العقيم

الطب تطور الحين
و الحمل يحتاج حيوان منوي واحد سليم
خل تجرب الحقن المجهري
بعدين تقرر

 

[منوة القلب]

بعد هو اناني عرف انه عقيم وعادي عنده ماقلها بننفصل عشان تشوفين مصلحتك وين عاجبه الوضع

والله لو هي العقيمه كان تزوج عليها خليكم واقعيين

قليل الرجال يضحي عشان زوجته حتى لو يحبها .. بس مهما كان يبي عيال

خليها تستخير وتشوف مصلحتها وين وتفائلي وان شاءالله خير

طيب هو عقيم مافيه امل او ضعف اذا كان ضعف محلوله يقدر يعالج حتى يقدرون يسووون تلقيح صناعي


ترى التبني مايجوز بالاسلام حتى اذا جت بتربي ولد اذا كبر مايحللها واذا بتربي بينت بعدين ماراح تحل لزوجها

 

[كيكه توفي]

واهي ضامنه تتزوج مره ثانيه بعد الطلاق عشان يصير عندها عيال .. ضامنه اذا تزوجت مره ثانيه يكون زين ويريحها مثل زوجها .. عمرها 29 مو صغيره .. انا لو مكانها أعيش معاه واقول الحمدلله الشي بيد رب العالمين مو بيد الريال .. تستغفر والله يرزقها ان شاء الله

 

[هيراس]

العيال بتجيبهم وبعدين بيكبرون وبيتزوجون وبتجلس في النهايه مع زوجها
واللي عندهم عيال متطلقين يعني جابت لهم السعاده وهم اللي تطلقت تزوجت وخلت العيال عند اهلها او رجلها
باختصار المراه بكل حالاتها محتاجه رجال يحبها ويحترمها تعيش معاه العمر كله والعيال زينه الحياه يعني مو اساس الحياه مثل الكيكه اذا زينتيها بيصير شكلها حلو واذا مازينتيها ماراح يتغير طعمها
اتمني تكون الرساله وصلت لك والله يرزقك ويرزق كل محروم ومحرومه

 

[مناير ...!]

رد : رفيجتي و زوجها العقيم

مااحد يقدر ينصحها
اهي تستخير اميه مره وتقرر
وعسى الله يكتب لها الي فيه الخير لها

 

[حلوه و أموره]

رد : رفيجتي و زوجها العقيم

خل تستخيييييييييييييييييييييير


و انا اقول خل تقعد عند ريلها ابرك لها ..مو صغيره اهي عشا تتزوج مره ثانيه

و الريال الزين نادر هالايام ..خل تقضب هالريال احسن لها

 

[noo7a]

اهي تضمن انها اذا انفصلت عنه بيتقدم لها واحد زين ?!
ترى العلم تطور
وكله رزق من رب العالمين

 

[tmtmt]

قرار يحدد حياته اهيا الي تقرره
مو الناس تقرر عنها !!

ويبيله تفكير بهدوء مو تقوم تسال
وتشوش على نفسها وتسمع كلمه اهني وكلمه هناك ويفتر مخها

كل واحد ونظرته للامر

بالنسبه لي معني جربت الحرمات 5 سنين
بس اقعد مع ريال ما ايب عيال
ولا اخذ واحد الله اعلم لا يطلع خرابط وعفسه
وما اضمن اني بحمل ولا لا !

 

[đeɱɛɼɑ™]

رد : رفيجتي و زوجها العقيم

إذَا تِحبَه مَارااااح ْ تخليِه وتحَاوِل مَعاه ليه آخر ثَانية بعُمِرهَا
وتَرى الاستغفَار سبحَان الله فيِه شِفاء حَق ريلها إن شَاء الله
قال الله تَعالى
" فقُلت استغفرُوا رَبكُم إنَه ُ كَان غَفارا يُنزل السَماء عَليكُم مِدرَارا و يُمددكُم بِاموال ٍ و بَنين ويَجعَل لكُم جَنات ٍ ويَجعل لُكُم انهَارا "

بَس بِالنهَاية القَرار الأوَل والأخييِر لَها ، خَل تِحط بعيِن الاعتبَار كِل الاحتِمالاَت ْ
ورَبي يرزِقهَا إذا راَد سبحَانه
​

 

[trakmia]

العلم كل يوم يتطور وكل شي بعلم الله وصبرها عليه في اجر وثواب كبير ماتدرين يمكن تنفصل وماينكتب لها تتزوج ولا تييب عيال
ليش الريال ممكن يصبر عالمرى اللي ماتييب عيال ويصبر ان تتعالج والعكس لا؟؟؟
ماتدرين يمكن يتعالج بالمستقبل واهي حرة

 

[violet*q8]

الذرية رزق من الله
انا اقول قوليلها لو لا سمح الله
اهي ماتقدر تييب عيال وقالها بطلقج---شنو شعورها؟؟؟
والرياييل السنعين نادرين هالايام
وشنو شعورها لما يوافق على الطلاق ويروح يتزوج والله يشفيه ويصير عنده توائم وعيال وبنات واولاد؟؟
واهي ناطرة العريس المنتظر؟؟؟ شنو شعورها بهالاوقات؟؟ اكيد بتتمنى ترجعله

 

[شمس 20]

الله يرزقها ان شالله

 

[ShaGRa NoiSya]

خل تقوله يتعالج واهي تدعي ان الله يرزقها عيال وتصبر على مابلاها

يعني لو العيب كان منها شنو راح يكون احساسها لو قالها انا بطلقج وبتزوج غيرج عشان العيال ماراج تنجرح؟؟

زين دام اهوا زين معاها ومحترمها ومدلعها ليش تجرحه

شدراها اذا تطلقت باجر راح تتزوج وتييب عيال يمكن تحوشها حوبه هالريال المسكين الي كسرت قلبه او الله يبليها فبلا ويمكن الله يشفيه باجر