:
:
:
:
شلونكم بنات وشخباركم
صارت لي امس سالفة
وايد تضايقت منها وكل وحده تحط نفسها بهالموقف اللي صار لي
شوفوا الله يسلمكم
عندي وحدة من رفيجاتي معاي بالمتوسطه والثانوية متزوجة من 6 سنوات ونص واهيه ما تسوق ولا عندها ليسن
من تخرجنا من الثانوية تزوجت على طول وخذت واحد دين اللي لا كملت
دراسة ولا طلعت ليسن وخلاها تلبس عباية راس ولا مكياج ولا شي
وماكو طلعات مني ومناك كله وياه او بس يوديها بيت اهلها وساكنه في بيت حمولتها
وشايفه الظيم والظلاليم مسكينه من اهله المهم هذي نبذة عنها
كنا نسولف مرة مع بعض جان تقول ودي اروح اقص شعري جان اقول لها اذا بتروحين
بروح معاج قالت اوكي خليني اقول حق ريلي واعطيج خبر
طبعا اهوه تحقيق متى واي يوم واي حزة ومع منو وشنو لسته شطولها شعرضها
عطتني خبر ان اوكي ريلها وافق ان نروح مع بعض واحنا مو مصدقين
يعني من انا طلعت ليسن ولا مرة ركبت سيارتي ولا طلعنا ولا رحنا
ولا حتى قلنا حق بعض بيوم خنطلع مع بعض او شي لان انا عارفه ريلها
ومابي احرجها او اسبب لها مشاكل بروحه اللي فيها مكفيها
صار الوقت اللي نبي نروح فيه الصالون قلت لها تنطرني عند بيت اهلها
لان ادله وكنت اروح لها ازورها وصلت عند البيت واللا تنزل من سيارة
ريلها وتقول لي فتحي الدريشة قلت لها شفيج ركبي جان تقولي
شفتي مسلسل زوارة خميس جان اقول لها لا ما شفتها انتي شفتيها جان تقول لا مو قصدي جذي
شفتي زوارة خميس مرزوق مع مرته قلت لها اي جان تقول انا بروح مع
ريلي وانتي لحقينا يقول لا تروحين معاها طبعا انا صكت فيني الدنيا
وانصدمت وتضايقت وخنقتني العبرة وحقدت على ريلها حدي اشدعوه يعني
اشايفني وحده حز بخاطري الموضوع وقلت ما ابي ابين حق رفيجتي اني
تضايقت بسوي روحي عادي لانها حرام والله تكسر الخاطر
وصلنا الصالون جان تقول لي طافج بعد كان يبي ينطرني عند الصالون
قلت له روح اذا خلصت ادق عليك
وشفت مثل مرزوق بالحقيقة
وطبعا كل شوي داق عليها ها خلصتي ها شصار ها متى تخلصين
عورت قلبي والله
اخر شي خلصنا جان اقول لها ريلج برا او انطر وياج على ما يوصل
جان تقول عادي توصليني لان اهوه بعيد وراح يتأخر قالتها واهيه متفشلة مني
ابتسمت لها وقلت اشدعوه عاد لا تقولين جذي اكيد عادي
واهيه قاعدة تلبس لفتها واللا يدق ها طلعتوا جان تقول لا كاني قاعده البس
تونا ركبنا السيارة واللا يدق ها طلعتوا قالت له ايي تونا الحين
اول ما وصلنا عن بيتهم جان يدق قال ها وين وصلتوا
جان تقول تونا الحين وصلنا البيت جان يقول يلا دشي ودقي من البيت
امبييه لا لا مستحيل ان في رياييل جذي
من كثر ما تألمت من المواقف نسيت الموقف الاول اللي ما خلاها تركب معاي اول شي
وحدي حبيت ريلي اكثر على عيوبه وقلت والله اللي يشوف مشاكل الناس تهون عليه
مشاكله
وطبعا ما قلت السالفة حق ريلي اخاف بعد ما يخليني ادق عليها او يمنعني منها
وبس كنت مهمومة حدي من السالفة وحبيت افضفض
:eh_s(17):
التعديل الأخير:
