رفيجتي ومعاناتي معها ؟؟ ابي مساعدتكم

[نجد الهيلا]

السسسلام علييكم ورحمه الله وبركاته

بصراحه بنات انا ترددت واجد قبل لا اكتب هالموضوع

ابي افضفض لكم عن مشكله اعاني منها
الا وهي
رفيجتي معاي بالدوام
انا اعزها ومابيني و بينها شي المهم
انا اكبر منها احسها دام تكسر من مجاديفي يعني مرات والله يابنات لو اقول اي سالفه عاديه تحبط فيني
مثل لو اقعد اعدل من كحلتي او ازيد على المسكره
اطالعني بنظره ناقده وتقول الله عاد يالرموش ولا العين يوم تعدلين فيها ووسوالف وااجد شقول ولا شخلي
وانا طااااااااف
يمر يوم ويوم وانا اطووف
وقسماا اعزها واغليها بسس زودتها وماودي تخرب علاقتنا بسبب تافه
قولولي شنو اسوي لاني احترت وياها
ماودي اخسرها عشان جذي اطوف لها

شتنصحوني فيه بس بدون ما هي تزعل

:eh_s(17):

 

[AL-DMERA]

إذا آنا مكاانج أرد عليهاآ والله من زود الحره بضحكه ,,
وخليج واثقه ,, وبعدين في ناس جذي شخصيتها تحب تنتقد
وماتسكت الا اذا رديتي عليها بس باسلوب حلو ,,
كل مانتقدتج انتقديها بنفس الوقت وردي عليها بعدين شوي شوي راح تسكت ’’
لأن مومعقوله تقط كلام واذا قطيتي عليها تزعل ,, مو على راسها ريشه اهي ,,
ولاتقولين مابيها تزعل اهي ماراعت مشاعرج لاتراعين مشاعرها وردي عليها اذا زعلت بهالكلام ,,
موفقه ,,

 

[نجد الهيلا]

فديتج يالدميره

بس انا طبعي ما احب اجرح احد

وبعدين لساني يربط دايم بهالمواقف

اتمنى ان اقدر وراح احاول

يسلموو على ردج قلبوو

 

[قسوة الزمن]

طاف ما عليج منها تلاقينها غيرانه منج

 

[AL-DMERA]

انتي ما راح تجرحينها انتي بس تردين لها الكلام كرفيجات وتمونون على بعض ,,
مناشب رفايج يعني ,, على ضحك ’’

الله يسلمج ماسويت شي حبيبتي ,,
موفقه ,,

 

[نجد الهيلا]

تسلمون لبى روحكم

 

[أنوثه ملكيه]

يمكن تغآر !!
عمومأ عطيها نظرآت إستحقار إن كآن لسآنج يربط
وقولي غيرآنه ؟؟

 

[كتالونيه]

اااااااااااااب

 

[الكوويت حره]

حبيبتي في ناس ثقيلين دم ويحبون ينتقدون ويتغشمرون دايما

انتي مبين عليج حيل حساسه وتنحرجين بسرعه وما تعرفين تردين بهالمواقف

ترى الموضوع عادي جدا ويحدث مع الكل وانتي مكبره الموضوع

دزيلها مسج أو كلميها وقولي لها انج ما تحبين أحد ينتقدج وبجذي تنحل المشكله

 

[امـ خــزامـى]

حبيبتي ياكثرهم هالنوعيه صرت اتعامل معهم واقول اي والله صادقه
عيوني ماينفع معها شي واضحكي وعقبها امدح فيها وارفففففففففففففففففففففع لين تنفقع من الوناسه

انا والله اسويها دايم ويفهمون حركتي اني فهمت انك غيرانه مني وحطيت عقلي بعقلك وسويت اللي تبينه


وربي صرت انبسط عليهم واعطيهم على قد عقلهم

 

[توتا الكتكوته]

يعني قصدج تقولين انها جايه من بيئه الله ويكلكم هذا قصدج ؟؟ شنو الله يالرموش​

خل تحترم نفسها معاج شوي وتلزم حدودها في ناس اهما جذي مساكين في بيئتهم​

يتعودون يتكلمون بطريقه بعيدة ابعد مايكون عن اللباقة وهالشيء يستمر معاهم​

الى الجامعه والعمل والعلاقات بين الصديقات ما يحسون عطيها جرس انذار​

بالاحرى اذا عادتها سكتي وبطرف عيني خزيها بصمت وقولي لها انتي شايفه ويهج ؟؟​

هههه عطيها قدرها وسوي روحج تتشغمرين او صارحيها قولي لها اسلوبج مو عاجبني​

امبيه هذي لو بيدي راحت فيها ههههههه انا شكثر بنات حاقدين علي لان مو عارفين​

ليش هديتهم كنت بين يوم وليله ييون لي ثاني يوم بيكلموني ارد عليهم وعليكم السلام​

هلا ههههههههه جنا وحده ما تعرفهم خير شر وللحين ميتين هذي ليش هدتنا​

والاسلوبهم كل ماله بالارض ناس اصلا معرفتهم خساااره عرفتي​

 

[توتا الكتكوته]

نسيت اضيف شغله بنات ترى ساعات يطلبون مع الوظيفه : موظفه لبقه وحسنة المظهر

يعني اللباقه مصدر رزق والله اعرف وحده لا تملك شيء من الجمال الشكل لكن من خلال اتصال


من احد الاشخاص شاف لباقتها وتعاملها بشركة اتصالات معرووفه قام وخلاهم يكرمونها والشخص

المتكلم مو انسان عادي شفتوا شلووون

نتسنع مع الناس

 

[فيونكه..~!]

.
.

أه يآكرهي للنآسسس هآذي !

ليه ة مآقلتي لهآ في ناس يعيبـون فـي خخلق الله ومآششآفوآ نفسسهم :$

كسسري مجآديفهآ وألعني خيييرهآ ليمآ تعدل لسسآأنهآ

الاششكال هآذي مآينفع معهآ الا السسان الطوويل

.
.

 

[Ameera 55]

انا من رأيي الشخصي ..

لا تحقررين بالعكس خذي الوضع فري كل ماتجررحك بشي بادليهاا بابتساامه خليهاا تفهم ان كلامهاا لايوودي ولايجيب ولايأأثر فيك واذا تنتقدك في اشياء كثيره خلي عندك ثقه واصري على الي انتي تسسووينه ..
وبماانهــاا عزيزه لااتحقرينهاا وتخسرينهاا علشاان شي بسيط
بس انتي خليك واااااثقـــــــــــــه من نفســـــــــك ..

وويسلمـــــووو..

 

[شهد ~]

ياكرهي لناس هذي

وواضح انها قيرانه
طالعيها نبضره ضحكه على نقده على اني اشوفج مو من مستواي بس مو تقلبينها هووششه
واذا قالتلج مره ثانيه قوليلها ترا زودتيها بس مو بعصبيه لاعادي

 

[القصيدة]

السلام عليكم و رحمة الله و بركاته

تصدقين نجد أنا عندي زميلة بالعمل تسوي لي نفس هالحركة ​

بس هي مو صديقتي ،، مجرد زميلة عمل ​

أي كلمة أقولها ،، لازم تعلق عليها و تحط بالها على كل حركة مني ​

و لما أتكلم عن شي يخصني مع الزميلات ،، تجلس تقارن بيني و بينها و تظهر انها أفضل مني ​

بس أنا فاهمتها انو تبغى تتقرب مني لكن بطريقة غلط و لأنها تحس انو معاملتي معها رسمية ،، تحاول تكسر الحاجز و تمون بشكل غير مقبول ​

أتوقع هذي نفس مشكلة زميلتك .. ردي عليها مرة بهدوء انو تعليقاتها ما لها داعي و إنها لو استمرت بهالتعليقات راح تخسرك ​

و إذا يهمها صداقتك راح تبطل أكيد و إذا ما يهمها فراقها أبرك ​

موفقـــــــة الغاليـــــــــة :eh_s(17):​

 

[NaYoob]

اذا رفيجتج صج قوليلها ولا تخلين شي بقلبج

واذا ما تبين هل سوالف خلي علاقتج عادي معها سطحيه

لانا في ناس تقط كلام وما تثمنه وما تدري انه هل حجي يتاثر على الناس

جربي معاها طريقتها وقطي عليها كلمه وشوفي شلون تتقبلها اذا مو عادي قوليلها حبيت اوضحلج مثل ما تضايقتي

ترى انا تضايقة وجذي

 

[نجد الهيلا]

يمكن تغآر !!
عمومأ عطيها نظرآت إستحقار إن كآن لسآنج يربط
وقولي غيرآنه ؟؟

بس يحز بخاطرج هي دايم معاي شلون تقطينها بوجهها

 

[نجد الهيلا]

حبيبتي في ناس ثقيلين دم ويحبون ينتقدون ويتغشمرون دايما

انتي مبين عليج حيل حساسه وتنحرجين بسرعه وما تعرفين تردين بهالمواقف

ترى الموضوع عادي جدا ويحدث مع الكل وانتي مكبره الموضوع

دزيلها مسج أو كلميها وقولي لها انج ما تحبين أحد ينتقدج وبجذي تنحل المشكله

بحاول اسوي جذي مع اني اشوفها صعبه علي ادز مسج بس بجرب


يسلموو على مشاركتج همي

 

[نجد الهيلا]

حبيبتي ياكثرهم هالنوعيه صرت اتعامل معهم واقول اي والله صادقه
عيوني ماينفع معها شي واضحكي وعقبها امدح فيها وارفففففففففففففففففففففع لين تنفقع من الوناسه

انا والله اسويها دايم ويفهمون حركتي اني فهمت انك غيرانه مني وحطيت عقلي بعقلك وسويت اللي تبينه


وربي صرت انبسط عليهم واعطيهم على قد عقلهم

حركه حلوه والله ههههههه
شكلي بجربها


يسلموو