رفيجتي وزوجها ,, والحل ؟؟؟

[شوق الوليف]

السلام عليكم بناات رفيجتي حيييييل غاليه علي ومعورره قلبي ماتستاهل :eh_s(2): تمووووت بزوجها بس اهو شايف نفسه ونفسيه كل كلمة والثانيه شيلي قشج وروحي بيت اهلج من ولا شي وهالمرة طقت جبدها وراحت وقالها نبي ننفصل وصارله شهر مو مكلمها ومحد يدري غيري ومادري بشنو انصحها
الي ابيه منكم انكم تساعدوني ودي انصحها واساعدها بس ماني عارفه شقولها اهي حيل تحبه
:yaaaaaarb:

 

[اسبانيه]

خل تدعي والله يسخر لها اياه يارب ويرجع احسن من قبل ...بس شنو الاسباب اللي مخليته شايف نفسه عليها!! واهو ماخذها زواج تقليدي والا عن حب وتغير؟؟؟

 

[مناير ...!]

اذا اهو مو كفو لاتنزل نفسها باجر مايطالعها بعين
المفروض اتقول لااهلها تخليهم يوقفون معاها ويعلمونه ان وراها ظهر
مو بكيفه كل يوم قاطها وتسكت له

 

[مييريآ]

خلها تدعي ربها وتقول لو فيه خير رجعه لي وحببه فيني وقربه مني ، وتكون راضيه باللي يكتبه الله ، بصراحة مو شي يشوف نفسه عليها ،

 

[زوجة عزيز]

اهي لازم اتعرف شنو السبب اللي خلاه يقول لها جذي ؟؟ يمكن اتحصل حل لمشكلتها واذا من نفسه مايبيها الله يصبرها ويعوضها خير

 

[(حكاية قلب )]

عشتووو ليش شايف نفسة
ماحب الريال المغرووور

ختعلم اهلها وهم يقررون

 

[فوفو22]

مو مني والطريج الزوج يقول لزوجته شيلي كشج

لانه كل فعل له رده فعل

ولكن اذا هي تحبه واجب ما تستفزه ولا تروح لاهلها

تزعل ببيتها

فوفو

 

[انا لحبيبي .]

معقول ببيت اهلها صرلها شهر واهلها ماحسو وين زوجها؟

ليش مو سأل عليها ؟

لازم اهلها يسالو ويشوفو ليش بنتهم عندهم صرلها شهر وزوجها مو سال فيها

 

[صعبه]

الله يهديه ويسخر لها

 

[متيمه فيه]

الله يهديه لها ويهدي كل زوج الزوجته

رددي هذي الايه((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))​

 

[عزيز قلبي]

قوليلها ما سويتي حق نفسج كرامه وشخصيه خليتيه لما وصل لهالمرحله
ريلي يطردني من بيتي وارجع له والله حاله علي الاقل اعلمه الادب قوليلها
خلي عندج كرامه وحقريه ولا تدز مسجات تتوسله ولا شي واذا اهو اللي دق
ما ترد خليه يحس ان شخصيتها تغيرت يا حرتي من هالحريم
واذا تم منفس قلعته الله يعوض عليها

 

[امـ خــزامـى]

^^^^
معاها

 

[شوق الوليف]

كانو يحبون بعض قبل الزواج ويا بنااات اهي ماقالت لاهلها وماشكوو فيها لانها قايلتلهم مسافر وماتبيهم يدرون عشان ماتكبر المشكله بس مثل ماقلتو لازم يدرون اللحين شلووون اقنعهااااا ؟؟؟؟

 

[شوق الوليف]

جزاااااكم الله خير ياللي رديتو علي واللي ماردو ردو علي محتاااجه كل كلمه وكل رد << حكيم طبعا

 

[Patcholli]

لازم تكلم اهلها
ونصيحه خل ابوها يدق على ريلها ويقوله شسالفه ليش مخلي البنيه شهر عندنا يا تردها بيتها معززه مكرمه ياتقول اذا ماتبيها
الصراحه يبط الجبد شايف نفسه وبعدين الريال طول هالفتره وينه عن مرته شقاعد يسوي ؟
ثاني شغله ارفيجتج هم تبط الجبد ليش منتحره عليه لي هالدرجه ؟ ترى هالشي يخليه يثقل عليها زياده ويشوف نفسه لازم تتحكم بمشاعرها وتكون معتدله

 

[al-musk]

من عافنا عفناه لو كان غالي ,, الوحده هي الي تعز نفسها واذا هو متسبب مايشوف شر وتبلغ اهلها ابرك لان مابيهون عليهم

 

[احلا المزايين]

واضح انه رفيجتج طيوبةبس الطيب ماينفع مع كل الرجاجيل
اذا اكرمت اللئيم تمرد
طالما الوحدة لا حامل ولاعتدها اعيال
فما عندها شي يذكرها فيه
ماعندها نقطة ضعف
خل تقعد وتريح عند اهلها
لا ابوها يدق ولا شي
ولا تدق عليه خليها اتحقره
وحتى اذا ردها لا ترد بسهوله
اهو متعمد شافها متعلقة فيه
حقرها يبيها اترجاه يردها
قوليلها خلج قوية
والحمداللله اهي مو بالشارع اهي عند اهلها معززة مكرمة
والمغفلة والساذة اهي اللي اتشيل هم رجال مو ساءل عنها
وعايش حياتهه بالطول والعرض ولا ناشد عنه
وقوليلها ترا الطلاق مو هين صعب علا الرجال
خاصة اللي توه متزوج
قوليلها اتشيل الافكار السوداوية واتحب نفسها
قوليلها شباب هالوقت يحبون البنت الانانية القوية اللي مااتبين حبها للزوج
ومايحبون اللي متعلقة فيهم ومتحطمة ومااتعيش بدونهم

 

[معزوفة عشق&]

هذا زوجها مايتعاشر ومغرور ,,..
بس معقوله كذا من دون سبب ما يبيها ,,؟؟
اتوقع حصل بينهم سووء فهم جاامد او الرجال فيه بلاء لاقدر الله ,,
الله يسخرها لزوجها ياارب

 

[ام الحلوااات]

اللـــــه يـــهـــديـــه ويـــســخـــره لــــهـــــا

 

[في قلب البحرين]

هاذي عن حب وكلمه والثانيه قال لها شيلي قشج
شالوه بشاقول

شهل اوادم الدفشين المب سنعين
بعضهم يعرف ان هالشي يعور ويسويه يجرح ويزيد فيه
يأذي ويتمادى به ..

استغفر الله بس
خل تكلم امه او ابوه اذا زينين وياه وينحل الموضوع بينها وبينه وبينهم
لان اذا وصل لاهلها وردت له

بعد بيتم الموضوع في بالهم ومابينسون هالموقف القبيييييييييح
لكن اذا انحل بالخش وبسرعه ممكن اتم صورته حلووه

لكن اذاعلاقتها مب ذاك الزود الله يعينها
فكل الاحوال الله يعينها عليه بس

​