سلام عليكم بنات
شلونكم يا حلوات إن شاء الله بخير
الله يسلمكم المشكلة ما تخصني أنا لكن تخص وحدة من أعز رفيجاتي
هي ما شاء الله مؤدبة و خلوقة و بنت ناس و جامعية و مثقفة و كاملة من جميع النواحي لكن مشكلتها أنها متينة وايد مو مليانة و الا متروسة لا فيها سمنة و هذا الشي أتوقع اللي موقف نصيبها
وايد تكسر خاطري لما أشوفها تسولف عن أختها و الا بنات عمها اللي أصغر منها و تزوجوا و معيلين و حتى احنا رفيجتها لما نقعد معاها نحاول ما نتكلم عن حياتنا عشان ما نحرجها و هي دايما تاخذ الموضوع غشمرة و تقول لا أنا شلي بالزواج أنا مادري شنو أنا مرتاحة عند اهلي الخ
أنا ودي أقولها يا بنية روحي عابلي بنفسج شوفيلج نادي خفي أكل سوي شي بس حيييل أستحي أخاف أجرح مشاعرها مرة فكرت انا و البنات أن نسويلها اشتراك بنادي فلكس و الا تشامبيون هدية عيد ميلادها بس هم استحينا تفهمنا غلط و الا يكون ببالها ان هي مو عاجبتنا و الا شي
قولولي شنو ممكن أسوي وياها ؟؟
و مشكوريييين :eh_s(17):
شلونكم يا حلوات إن شاء الله بخير
الله يسلمكم المشكلة ما تخصني أنا لكن تخص وحدة من أعز رفيجاتي
هي ما شاء الله مؤدبة و خلوقة و بنت ناس و جامعية و مثقفة و كاملة من جميع النواحي لكن مشكلتها أنها متينة وايد مو مليانة و الا متروسة لا فيها سمنة و هذا الشي أتوقع اللي موقف نصيبها
وايد تكسر خاطري لما أشوفها تسولف عن أختها و الا بنات عمها اللي أصغر منها و تزوجوا و معيلين و حتى احنا رفيجتها لما نقعد معاها نحاول ما نتكلم عن حياتنا عشان ما نحرجها و هي دايما تاخذ الموضوع غشمرة و تقول لا أنا شلي بالزواج أنا مادري شنو أنا مرتاحة عند اهلي الخ
أنا ودي أقولها يا بنية روحي عابلي بنفسج شوفيلج نادي خفي أكل سوي شي بس حيييل أستحي أخاف أجرح مشاعرها مرة فكرت انا و البنات أن نسويلها اشتراك بنادي فلكس و الا تشامبيون هدية عيد ميلادها بس هم استحينا تفهمنا غلط و الا يكون ببالها ان هي مو عاجبتنا و الا شي
قولولي شنو ممكن أسوي وياها ؟؟
و مشكوريييين :eh_s(17):
