رفيجتي عروس ومادري شهديها! ساعدوني بلييييييييز :**

[تفاخيه مبطوطه]

بنات .. وحده من رفيجاتي غاليه علي حيييييييل ومعاي من الطفوله..

وبعد إسبوعين عرسها ولما الحين مارسيت على هديه ! أبي شي مايتكرر عندها ومايخلص يعني مو عطر ويبقى معاها طول العمر تتذكرني فيه ..

أدري حيرتكم بس حدي محتاااااااااااااااااره

بليز أفكااااااار...

 

[bnt q8 in usa]

مشاركة: رفيجتي عروس ومادري شهديها! ساعدوني بلييييييييز :**

عندج خاتم الماس من الفارس تكتبين عليه حرفها بس بشكل حلو مو القديم مثلا

عندج طقم ذهب ابيض مثلا تقدر تلبسه في كل المناسبات

او ساعه ماركه


اخر شي جم طقم قميص نوم مثلا 3 مع كريمات للجسم

واضن الي قلتهم يصلحون

 

[تفاخيه مبطوطه]

مشاركة: رفيجتي عروس ومادري شهديها! ساعدوني بلييييييييز :**

تصدقين عاد مفكره بهالخاتم!!

أحط حرفها وحرف خطيبها

أوكي بثقل عليكم شوي .. غير الخاتم ودي أهديها شي بعد !

وأستحي الصراحه أشتريلها قمصان نوم

مولازم يكون غالي بس بعد يبت لها خاتم بذيك القيمه حلاو !!!

أبي شي بسيط وحلو ويبقى ذكرى

 

[جارة القمر]

مشاركة: رفيجتي عروس ومادري شهديها! ساعدوني بلييييييييز :**

مثلا

ساعة

مثلا جنطة ماركة من قصر الجلود

قميص النوم سالفة مكرره


الفلوس بعد مكرر


أو اي شي

لشقته

 

[.]

مشاركة: رفيجتي عروس ومادري شهديها! ساعدوني بلييييييييز :**

انا اقول ذهب ....

 

[حبنا الله عليه]

مشاركة: رفيجتي عروس ومادري شهديها! ساعدوني بلييييييييز :**

أروع شيء الجناط والساعات

اما الباجي مكرر .... فعلاً

 

[HASB_83]

مشاركة: رفيجتي عروس ومادري شهديها! ساعدوني بلييييييييز :**

انا رايي من راي حبنا الله علييه واحسن شي الساعات

 

[ريماس الحلوه]

مشاركة: رفيجتي عروس ومادري شهديها! ساعدوني بلييييييييز :**

انا اقول عطيها فلوس احسن لانه محتاجه اكثر شي للفلوس واذا ودج تشترين اشتري شنطه مع بوكها اتكون ماركه مع ساعه

 

[تفاخيه مبطوطه]

مشاركة: رفيجتي عروس ومادري شهديها! ساعدوني بلييييييييز :**

مشكوووووووورييييييييين وايد على التفاعل .. قدها والله بنات منتدانا

جارة القمر :

فكرة الجنطه حلوه بس أنا أعرفها ماشاء الله عليها ماتخلي على عمرها قاصر تلقين شاريه ولا 10 جناط !!! عاد أنا قلت لها أبي أشوف جهازج عشان ما أييب لها شي مكرر عندها منه!

بس تقول هنود أوريج جهازي

رونه :

بييب لها الخاتم أبو الأحرف وأبي شي معاه .. قاعده أفكر أعرف شنو الماركات اللي شاريتها لجناطها وأشتري لها جوتي نفس الماركه تكشخ فيهم مع بعض مو كشخه؟؟

حبنا الله عليه :

صاجه والله أروع شي عاد أنا غرامي الجناط والساعات .. بس لازم أعرف شنو إهي شاريه ! شسوي؟

HASB_83 :

من ناحية أروع فهي أروع !!

ريماس الحلوه :

لا يامعوده ماقدر أعطيها فلوس إبروحه ماكو سيوله !! على الأقل الهديه تتحكمين بسعرها بس الفلوس أكيد بيكون مبلغ محترم

أحس بتفلعوني هههههههههههههههههههههههههههه طراره وأتشرط كل وحده طلعت بفكرتها عذروب بدعت !! مايعجبني العجب !!

 

[OM 3ABOOD]

مشاركة: رفيجتي عروس ومادري شهديها! ساعدوني بلييييييييز :**

شرايج تشترين لها الطقم الكامل اللي فيها ارواب للحمام وفوط ونعل تكرمين للحمام لها ولريلها بعد ويصير تختارين بس لها والله حلو وبصراحه فيه قيمه خصوصا اذا كان في صندوق كبير من الخشب يعني ما ظنتي راح تستعمله يومين وتقطهم وصدقني العرايس يحتاجون الفوط والاروااااب وايد وانتي براحتج يا قلبي


تقدرين تشترين لها بعد صينية البخور اللي يكون فيها مبخرها وشغلها كله وحلوه بعد وتبقى معاها ذكري

او اشتري لها طقم فراش لون محايد ويكون معاه العددده كامله المفارش وكل شي



وعلى كيفج يا حلووووووووووووه

انشاء الله انج استفدتي شوي مني

 

[تفاخيه مبطوطه]

مشاركة: رفيجتي عروس ومادري شهديها! ساعدوني بلييييييييز :**

أم عبود أفكارج تينن !!!

عجبتني فكرة المبخر وعدته بس من وين؟؟ يعني في مكان معين ولا أنا وحظي

وحتى فكرة الروب والنعال

لا كشخه ماشاء الله عندج أفكار

الحين حطيت في بالي ثلاث هدايا غير الخاتم

1- الجوتي الماركه
2- المبخر وعدته
3- الروب

بسوي حذره بذره وأختار وأقولكم بالنتايج

مشكورين وايد كلكم وماقصرتو فعلاً أنقذتوني !!

 

[جارة القمر]

مشاركة: رفيجتي عروس ومادري شهديها! ساعدوني بلييييييييز :**

تفاخيه مبطوطه


ألطقم المبخر والبخور

روحي الشايع

ولا أجمل

عندهم سوالف



وأطقم الرواب

عندج القطان اللي بمجمع المثني

وإذا تبين غالي

عندج المحل اللي فوق بمجمع المهلب والفنار

الجواتي الماركة عندج محل فيرونا بسوق شرق ومجمع الكوت

ونيرو اللي بالمهلب


وعندج قصر الجلود

أيب سوالف


وروحي شوفي


روائع جنيف يايب ساعة فيرساتشي ب165 دينار جلد


بس روووووووووووووعه

يمكن غالييييييييييه

بس صج حلوه


وعنده سوالف ماركات

بس روحي فرعه اللي بمجمع بلازا اللي بالسالمية

وشكرا

 

[تفاخيه مبطوطه]

مشاركة: رفيجتي عروس ومادري شهديها! ساعدوني بلييييييييز :**

جارة القمر :

ماشاء الله عليج.. خبره

راح أختار من هالهدايا اللي قلتي عنهم وأقول لكم شنو شريت إن شاء الله

يارب تعجبها عاد

 

[جارة القمر]

مشاركة: رفيجتي عروس ومادري شهديها! ساعدوني بلييييييييز :**

تفاخيه مبطوطه

حياج الله

وأن شاء الله تعجبه يارب

 

[OM 3ABOOD]

مشاركة: رفيجتي عروس ومادري شهديها! ساعدوني بلييييييييز :**

انشاء الله تلاقين اللي بخاطرج والبنات ماقصروا ذكروا لج الاماكن اللي في بالي


وحاضرييييييييييييييييين للحلوين

 

[جكورة]

مشاركة: رفيجتي عروس ومادري شهديها! ساعدوني بلييييييييز :**

ماشاء الله البنات ماقصروا كل فكرة أحلى من الثانية........
أنتي شنو رسيتي عليه ؟؟؟؟

 

[under shadow]

مشاركة: رفيجتي عروس ومادري شهديها! ساعدوني بلييييييييز :**

خاتم ذهب
مي بي

 

[poneta]

حبيبتي انا انصحج تشترين لها خاتم او بروش او قلب افضل واذا تبين محل اسعاره زينه ( دي بيرز ) الي بالمباركيه
وسلامتج :eh_s(6):

 

[.]

ماقلتي لنا تفاخيه شنو شريتي لها؟؟؟؟؟؟

ولا عطيتها طاف

 

[تفاخيه مبطوطه]

وي رونه البنت حامل الحين ههههههههههههه عسى الله يتمم عليها قولي آمين

شريت لها مجموعة عطور عربيه من أجمل .. شسوي السالفه طالت ولاني عارفه شاخذ!! مردي على العطور ! بس الحمدلله عجبتها وايد:eh_s(15):