رفيجتي عروس متهوقه تبي مساعدتكم وبتدعي لكم

[7elwa&3soola]

السلام عليكم ​

شلوونكم بنات رفيجتي تسلم عليكم وتستنجد فيكم وتطلب المسااعده لانها حدها متوهقه ونفسيتها تعبانه وتبجي واعلياااا​

اهي توها املجه وزوجها اخوه توه متوفي وقالو ماراح نسوي عرس واهي اكبر وحده بأخوانها وامها تبي تفرح فيها ​

قالت امها انا اسوي عرس حق بنتي لان اهما عندهم عذر وعندهم حالة وفاة ​

وصالة بيتهم صغيره ماتكفي تبي تسويه بصاله وتبي منكم ارقااام الصالات مع الاسعار وشغلات البوفيه والكوشه بس تبي الرخيص ماتبي الغالي لان مهرها قليل ​

عاد اهي موناقصها شي جميله وانيقه بمعنى الكلمه وماتحب الا انها تكون انيقه ومتوهقه بعرسها ​

عرسها شهر 7 وتبي تسوي ليزر وتتفخ وتهتم بنفسها ماكو مجال ونفس الشي حجز الصالات اعتقد انها فلل والله يعينها المكسينه متووهقه ومرتبكه حيل​

بما انها اكبر اخوانها وماعندها خبره​

ياليت كل وحده منكم تساعدها لو بكلمه اهي محتاجه ارقام الصالات وتبي رخيص لان ماعندها​

وتبي اي برامج عناية الليزر وهالسوالف بس رخيصه تخيلو للحين ماجهزت ولا شي ومابقى لها شي​

ونفستها تعبااانه حيل واتمنى منكم مساعدتها مع العلم ان مهرها 4000 دينار​

ونسيت اقولكم اهي حابه العرس يكون بالجهراء

ياليت من بنات الجهراء يساعدونها اذا عندهم خبره

من صالة تكون حلوه ونظيفة ورخيصة وبوفيه حلو وراقي وسعره معقول وكوشة


واي شي يخص تجهيز العروس تكتبه ​

وبتدعي لكم ان شالله بظهر الغيب​

وجزاااكم الله الف خير​

 

[هــنــوف]

حبيبتي مهرها 4 العرس يكلف من 1500 وفووق ونفنوفها ومكياجها ولبسها للعرس 1500 الا 2000 يعني مابقا لها شي للتجهيز من رايي خل تسوي حفله ببيتهم اذا عندهم حوووش تحط صيوان ودي جي وكوشه وعشا بسيط حق الي يقربون لها ورفيجاتها ع الاقل تقدير لأهل زوجها تو اخوه متوفي وترا ماهان تبااارك وعسى الله يوفقها

 

[الذربه توتو]

والله ماعندي علم

 

[OM-TURKY]

اول شي اخو زوجها توه متوفي اصلا مو حلوه اتسوي حفله او بصاله بعد؟؟ ترى والله فشله. بس مو مشكله تبي تستانس اتسوي بالبيت حفله محفوفه تعزم اهلها محد غريييب وتستانس او اتصور وخلاص او اتوفر فلوسها. كافي انه المهر قليل الليزر يبي واللبس يبي والنفنوووف والمكياج والعطورات . خليها تعيد التفكير وصدقيني كلامي هذا عين العقل لانه هذي الاصول. والله يوفقها انشالله​

 

[بريانكا تشوبرا]

وييي الله يعينها
اكيد اهلها بيزودون لها لو الف عالاقل
والله ماعرف بالجهرا
بس اهم شي لا تتكلف بالصاله وايد
لان بس اهلها بيون مو اهل زوجها
يا حياتي
والله ما عرف شي
عسى الله يوفقها ان شاء الله

 

[حكآية قلب]

لاااااااااااااا تسسوي حفله فشششله !!

حمااهاا متوفي !!


تحط فلوس الصاله ببوفيه و تخليه بالبيت ..


و الليزر يبي له وقت لا تسوي الحين ..

ششهر ماايمدي بس جلسه وحده وماايبين اثر كللش ..

يبي لها 5 اشهر اقل شئ

عشان يبين الليزر

 

[eng.meema]

امبييي عييب شنو بتسوي حفله !!!!

مايصير ادش على بيت الناس بهالطريقه

حماها متوفي واهي بتسوي حفله ودقدقه واغاني

اوكي صج اهي ماتعرفه بس عالاقل تقدر الحالة النفسيه حق البيت اللي بتدخل عليه

انا من رايي تسوي حفله بسيطه ابيتهم ومحفوفه بلا صاله بلا اغاني

وحتى لو يسمعون انها قدرتهم وماسوت حفله راح تكبر بعينهم

موداشه عليهم عقب الطق والاغاني والناس توه متوفي ولدهم

لا ترا حيل عيب وفشله ومن الذوق انها تقدرهم وما ادور وناستها مايصير من اولها جذي

وبالنسبه حق الليزر مايمدي لازم اتسوي جلسات والحين ما يمديها اتسوي الا جلسه او جلستين

 

[eng.meema]

امبييي عييب شنو بتسوي حفله !!!!

مايصير ادش على بيت الناس بهالطريقه

حماها متوفي واهي بتسوي حفله ودقدقه واغاني

اوكي صج اهي ماتعرفه بس عالاقل تقدر الحالة النفسيه حق البيت اللي بتدخل عليه

انا من رايي تسوي حفله بسيطه ابيتهم ومحفوفه بلا صاله بلا اغاني

وحتى لو يسمعون انها قدرتهم وماسوت حفله راح تكبر بعينهم

موداشه عليهم عقب الطق والاغاني والناس توه متوفي ولدهم

لا ترا حيل عيب وفشله ومن الذوق انها تقدرهم وما ادور وناستها مايصير من اولها جذي

وبالنسبه حق الليزر مايمدي لازم اتسوي جلسات والحين ما يمديها اتسوي الا جلسه او جلستين

 

[BoxCouture]

من الاحسن تسويها محفوفه في بيتهم وايد احسن عشان تفرح مع اهلا وإلي يعز عليها وجذي بتكون ماشيه عالاصول ومحد يتكلم عليها . والفرحه مو بالبهرجه وبجذي تكون اكسبت حفله صغيره مع حبايبها وهم راعت اهل الزوج. و ال4000 ما يسوف شي ...بتجهز ولا تقط على شي اهي معذوره فيه

 

[جــــود]

انا من راي فشله توه الريال متوفي وبعدين هذا اخوه ومو واحد من العايله اوبعيد
صدقيني تسويها بالبيت احسن وتحط كوشه ناعمه وذربه وتقديم كشخه وبس
وعسى الله يهنيها

 

[aloooya]

ماعندي فكرة

 

[7elwa&3soola]

جزاااكم الله خير بس يابنات اهي بيتهم صغير والصالة ماتكفي معازيم واهلها واايد والناس لازم تعزمهم ولا بيزعلون

وثاني شي اخوه متوفي صار له 8 شهور تقريبا ومشكلتها انها ماعندها مانع بالبيت بس بيتهم صغير وتبي تسويها بصالة وبوفيه بس بسيط مو شي غالي يعني

لوووول والله لو بتقرى ردوودكم بتبجي اكثر خليني ساكته احسن

وانا من رايي تشتري اشيا بالمعقول لان بعد الزواج السوق مو مقطوع وتقدر تشتري

 

[7elwa&3soola]

اللي عندها فكرة عن الصالات الي تابعه للجمعيات او جذي بالجهرا ياليت تقولنا وبالنسبة للحجز

اعتقد ان في صالات تدفعين 100 وتأمين 100 مع بوفيه بسيط مايكلف اعتقد وايد

 

[عزوتي طنايا]

اولا الف مبروك عرسها


خل تصلي الليل وتدعي ان الله يبارك لها في مهرها


لان 4000 ما يسوون شي بصراحه


ماتبي ذهب؟

خل تشيل من بالها الليزر لان اتوقع ما يمدي كلشش


انزين اذا عالصالات خل تاخذ من الفيصل الكوشه والتصوير والتلبيس اذا تبي او خل تشيله كيفها

لان الفيصل دايما عروضهم حلوه واتوقع بيعطونها الدي جي هديه كلشش خل تاخذ الدي جي منهم بينزلزن من سعره اخبرهم يراعون حييل بالسعر الا اذا الحين تغير:bbbiu:



البوفيه خل تشوف جم المعازيم وتفتح المجلات الاعلانيه الله ما كثرهم عندنا بالجهرا


وفي دايما مراكز البوفيه تسوي عروض


التقديم خل تاحذه من نفس مكان البوفيه لان بيراعوون لها بالسعر بعد


نجي عند الصالات اممم ما ادري اذا بتلقى حجز اصلا لانه بشهر سبعه يمكن صعبه


بس خل تشوف صالة عبدالله المبارك( مجكنمه) او صاله نادي الجهرا هذولي اتوقع بتلقى حجز + انهم ارخص شي اتوقع


لاتساليني عن ارقام بصراحه ما اعرف


احس اذا دبرت نفسها عدل بالحفله


يعني الصاله 100 اجار

البوفيه مع التقديم 300 واكثر طبعا حسب المعازيم

والتصوير والدي جي (ترى تصوير الفيصل زين) نقول 300

المجموع 700 >>حسبه سريعه



اتوقع احسن من جذي ما تلقى


وخل اهلها يساعدوونها الله يوفقها


اتمنى ان افدتكم بشي اذا تبون اي شي راسلوني عالخاص>>صدقت نفسها

 

[7elwa&3soola]

اولا الف مبروك عرسها


خل تصلي الليل وتدعي ان الله يبارك لها في مهرها


لان 4000 ما يسوون شي بصراحه


ماتبي ذهب؟

خل تشيل من بالها الليزر لان اتوقع ما يمدي كلشش


انزين اذا عالصالات خل تاخذ من الفيصل الكوشه والتصوير والتلبيس اذا تبي او خل تشيله كيفها

لان الفيصل دايما عروضهم حلوه واتوقع بيعطونها الدي جي هديه كلشش خل تاخذ الدي جي منهم بينزلزن من سعره اخبرهم يراعون حييل بالسعر الا اذا الحين تغير:bbbiu:



البوفيه خل تشوف جم المعازيم وتفتح المجلات الاعلانيه الله ما كثرهم عندنا بالجهرا


وفي دايما مراكز البوفيه تسوي عروض


التقديم خل تاحذه من نفس مكان البوفيه لان بيراعوون لها بالسعر بعد


نجي عند الصالات اممم ما ادري اذا بتلقى حجز اصلا لانه بشهر سبعه يمكن صعبه


بس خل تشوف صالة عبدالله المبارك( مجكنمه) او صاله نادي الجهرا هذولي اتوقع بتلقى حجز + انهم ارخص شي اتوقع


لاتساليني عن ارقام بصراحه ما اعرف


احس اذا دبرت نفسها عدل بالحفله


يعني الصاله 100 اجار

البوفيه مع التقديم 300 واكثر طبعا حسب المعازيم

والتصوير والدي جي (ترى تصوير الفيصل زين) نقول 300

المجموع 700 >>حسبه سريعه



اتوقع احسن من جذي ما تلقى:d


وخل اهلها يساعدوونها الله يوفقها


اتمنى ان افدتكم بشي اذا تبون اي شي راسلوني عالخاص>>صدقت نفسها:d

الله يجزاااج الف خير يالطيبه ماقصرتي بقولها عن كلامج اللي قلتيه

بطمنها شوي ​

 

[$حليب ككاو$]

الله يعينها
اب اب اب

 

[حبج يا يمه بدمي]

صاله ام صباح تآمين ٥٠ على ما اعتقد
والباجي ماعندي اي فكره وبسأل اللي يعرفون

وسهاااالات ان شاءالله

الله يوفقهااا ويرزقها

 

[عزوتي طنايا]

ولو الناس للناس والكل بالله ما سويت شي


انا حااااضر باي شي

 

[مجاريح $]

اذا مطرة تبي صاله تاخذ صالات التنميه ماتدفع الا التامين مثل صاله تنميه عبدالله مبارك جديده وتاخذ الوسيط وتتصل على الشركات وتشوف الارخص وتحجز كراسي وتلبيس وكوشه صغيره وفيه ديجيهات رخيصه علي 40 دينار و50 اذكر عرس عند جيرانا بالبيت حاجزين دي جي كان روعه بس لما سالنا عنه قالت 40 دك والبوفيه فتوش رخيص ومركز العالميه تسال عن سعره وتحجز لكم شخص ويعطونها عليه كم شخص مجانا وتحجز الحلو والخدمة تطلب من البوفيه زياده فلبينيات للتوزيع وانا من راي مولازم معجنات لان فيه بوفيه بس تاخذ حلو للقهوه والعصاير من البوفيه وهنيه خلصت من الصاله وبعدين اول شي تبلش فيه تشتري شيكه ذهب مع ان الذهب غالي بس فيه محل اسمه الميزان يحسب المصنعيه ارخص والحين هابين بالفضه مثل الذهب وارخص تاخذلها اسوارين مع خاتمهم وتراجيهم واحد فضي واحد ذهبي مايطلعون عليها 250 وتشتري حاليا ساعتين وحدة فضيه وذهبيه الركن السويسري يجيب ساعات حلوة ورخيصه اما عن البدله تاخذ لبسه ثانيه تطلع ارخص وتحجز صالون اللي تبي وهنيه خلصت من الاساسي والليزر تنسى الحين تخليه بعد الزواج لانه راح ياكل فلوسها وبعدين تروح العربيد وتفصلها6 دراريع مايطلعون عليها 100دك وتروح ماكس وفاشن مل وتاخذ البيجامات والبديات وملابس داخليه اسعارهم حلوه وسرداب الشايع المكياج والشناط وتفصلها كم بدله استقبال وتنتهز الفرصه قبل لا يرفعن الاسعار خص مشاغل المعارض الحين ارخص مثل اللي بفندق الرقعي وهذا اللي خاطر ببالي علي قد ميزانيتها وتحاول تمسك لان السوق مغري والافضل تستعمل طريقه الظروف كل تكلفه تحطها بظرف مثلا البوفيه اقصي حد 200 تحطهم بظرف وتكتب عليه البوفيه وفلوس الكراسي بظرف وهكذا حتى تعرف كم تصرف وتسجل كل شي اصرفته حتى ماتستغرب وين راحت الفلوس واهم شي التوفيق وعسى الله يوفقها

 

[7elwa&3soola]

اذا مطرة تبي صاله تاخذ صالات التنميه ماتدفع الا التامين مثل صاله تنميه عبدالله مبارك جديده وتاخذ الوسيط وتتصل على الشركات وتشوف الارخص وتحجز كراسي وتلبيس وكوشه صغيره وفيه ديجيهات رخيصه علي 40 دينار و50 اذكر عرس عند جيرانا بالبيت حاجزين دي جي كان روعه بس لما سالنا عنه قالت 40 دك والبوفيه فتوش رخيص ومركز العالميه تسال عن سعره وتحجز لكم شخص ويعطونها عليه كم شخص مجانا وتحجز الحلو والخدمة تطلب من البوفيه زياده فلبينيات للتوزيع وانا من راي مولازم معجنات لان فيه بوفيه بس تاخذ حلو للقهوه والعصاير من البوفيه وهنيه خلصت من الصاله وبعدين اول شي تبلش فيه تشتري شيكه ذهب مع ان الذهب غالي بس فيه محل اسمه الميزان يحسب المصنعيه ارخص والحين هابين بالفضه مثل الذهب وارخص تاخذلها اسوارين مع خاتمهم وتراجيهم واحد فضي واحد ذهبي مايطلعون عليها 250 وتشتري حاليا ساعتين وحدة فضيه وذهبيه الركن السويسري يجيب ساعات حلوة ورخيصه اما عن البدله تاخذ لبسه ثانيه تطلع ارخص وتحجز صالون اللي تبي وهنيه خلصت من الاساسي والليزر تنسى الحين تخليه بعد الزواج لانه راح ياكل فلوسها وبعدين تروح العربيد وتفصلها6 دراريع مايطلعون عليها 100دك وتروح ماكس وفاشن مل وتاخذ البيجامات والبديات وملابس داخليه اسعارهم حلوه وسرداب الشايع المكياج والشناط وتفصلها كم بدله استقبال وتنتهز الفرصه قبل لا يرفعن الاسعار خص مشاغل المعارض الحين ارخص مثل اللي بفندق الرقعي وهذا اللي خاطر ببالي علي قد ميزانيتها وتحاول تمسك لان السوق مغري والافضل تستعمل طريقه الظروف كل تكلفه تحطها بظرف مثلا البوفيه اقصي حد 200 تحطهم بظرف وتكتب عليه البوفيه وفلوس الكراسي بظرف وهكذا حتى تعرف كم تصرف وتسجل كل شي اصرفته حتى ماتستغرب وين راحت الفلوس واهم شي التوفيق وعسى الله يوفقها

الله يجزاااج الجنه قولي امين ماقصرتي هالموضوع الكل بيستفيد منه موبس رفيجتي ومشكوره يالغالية وموفقه يارب