رفيجتي حللت طلعت حامل بس.....

[the note book]

قوه بنات شلوونكم

بدش بالموضوع

رفيجتي تأخرت عليها الدوره 10 ايام جان تحلل بالبيت و المختبر طلع انها حامل

بس من باجر نزل عليها دم خفيف بعدين شوي شوي قام يزيد راحت طوارئ قالولها ما يبين شي بالسونار

نسبة الحمل 55 قالتلها الدكتوره يعني توج اسبوعين حمل ما اقدر اقولج من شنو الدم بس عطتها مثبت

دوفاستون و ردت و تقوول لمن رديت كلساع يزيد الدم لمن صار نفس الدوره و تكرمون ينزل معاه قطع لزجه

و قالت خلاص الله مو كاتب له عمر و ما كملت عالحبوب

المهم الحين اللي بتعرفه البنت تحتاج تروح الطبيب تسوي تنظيفات و لا ماله داعي؟؟ و تقدر تشرب دارسين و لامايصير؟؟

واذا في وحده مجربه نفس الشي و عرفت شنو السبب تفيدنا الله يعافيكم

و شكرا

 

[قمر الكويتية]

رد : رفيجتي حللت طلعت حامل بس.....

حبيت أرفع الموضوع
الله يعينها و يسهل أمرها
بس أحسن تروح الطبيب

 

[باربي لكويت]

خل تروح الطبيب احسن لها وتتأكد الله يشافيها يارب

 

[مروووم]

حبيبتي قولي لها نطري شوي ولا تتسرعين وتشربين اي شي
وانشالله ماكو الله العافيه *

 

[مروووم]

حبيبتي قولي لها نطري شوي ولا تتسرعين وتشربين اي شي
وانشالله ماكو الله العافيه *

 

[تولاي الكويت]

أب أب

 

[بدويه 88]

رد : رفيجتي حللت طلعت حامل بس.....

لاتستعحل وتشرب شي خل تتاكد بالاول

 

[angel_soul_1989]

رد : رفيجتي حللت طلعت حامل بس.....

الله يرزقها بالطفل السليم خل تروح الطبيبه احسن شي

 

[أمـاسي]

رد : رفيجتي حللت طلعت حامل بس.....

لازم تروووح الطبييييب لان ساعتها بيحددون نسبت الحمل ولازم الدكتوره اتشوووف الجنيين فيه نبض ولا لا واذا طاااح الله لايقوووله لازم يشووفون في بقايا حمل ولا لا يعني لو في شي بيسون لهاا تنظيفاات وساااعتهاا تقدر تشرب داارسين بس حرااام خل تتاكد اول موتشرب ولازم تستمر ع الحبووب اللي عطتهاا الدكتوره ....

 

[kuwatiya]

لي 6 اسابيع من الحمل وصار اجهاض لاتسوي تنظيفات نصيحه الدم ينزل بروحه

انا صالي اجهاضين واحد 4 اسابيع والثاني 6 اسابيع لاتحاميل ولا تظيفات ولاشي

نزل بروحه صج عووار جايد بس تحملت


وحده اعرفها سوت تنظيفات خرب رحمها وماحملت سنتين

ويعين الله​

 

[سارووونه22]

الله يعينها بس انا اقول خل تنطر شوي

 

[شيخة الحلوة]

خليها تروح الطوارئ احسسسسسسسسسسسسن والله يحفظها من كل شر

قوليلها تروح حق د-مي بدار الشفا

 

[لوكي 22]

تتاكد بالاول احسن

 

[ام عفاف الكويت]

يمكن الرحم ينظف نفسه
لاتحاتي ولا شي كملي علاجها
وتروح تستشير اكثر من طبيب

 

[(أم نونو)]

رد : رفيجتي حللت طلعت حامل بس.....

خليها تروح للطبيب اهو يقول اذا تنظيفات ولا لأ يمكن يكون فيها بقايه هذي ماتنزل إلا في تنظيفات واذا قال الرحم نظيف خليها تاكل دويات

افضل سوي تحليل هروني وتعيده بعد يومين اذا زاد يكون الحمل موجود

 

[++The DuchesS++]

ماله داعي تنظيفات توه الحمل صغير
تشرب ادويه واشياء حاره
والله يعوضها

 

[بيتي بوب بس كويتيه]

لا تسوي شي الا لما تتاكد رفيجتي نزيف والياهل عاش
خلي تراجع الطبيب تتاكد

 

[the note book]

مشكوورين بنات على الردود

بيتي بوب شلوون رفيجتج نزيف؟؟ اهيا توها صارلها اسبوعين بس حامل حتى ما مداه الجنين يتكون و تقول ينزلمنها قطع لحم و انتوا بكرامه اهيا ما سوت شي بس ما كملت على الدوفاستون

 

[the note book]

مشكوورين بنات على الردود

بيتي بوب شلوون رفيجتج نزيف؟؟ اهيا توها صارلها اسبوعين بس حامل حتى ما مداه الجنين يتكون و تقول ينزلمنها قطع لحم و انتوا بكرامه اهيا ما سوت شي بس ما كملت على الدوفاستون

 

[يا عيون سمي]

لا حبيبتي لا تروح ولا شي خلاص انزلت عليها الدوره لانه نسبته حيييييييل ضعيفه وما يحتاج تنظيفات لان ما في جنين ما تكون
ولا يلعبون فيها الدكاتره