للي عندها حل تتفضل تطرحه وللي ماعندها ياريت ماتنسون اختكم من الدعاء ان يربط الله علي قلبها ويسخرلها زوجها ويحببه فيها ويؤلف بينهم ويمنع عنهم بنات ابليس لانها مسكينة من مدة تشتكيلي وانا مادري شقول المهم ان ريلها متغير عليها من سنة واهم زواجهم توه 4سنين بس مايابوا عيال والسبب مجهول يعني من الله المهم اهو كان يحبها وايد بس بدا يتغير عليها من فترة صار قاسي واهملها وايد بكل شي حتي بالعلاقة الخاصه واهي كان عندها احساس انه يخونها وانه بعد يشوف اشياء اباحية مع انه كان فيه دين وخايف الله بس. حاله تغير وايد وايد واهي شافت ادلة انه يشوف اشياء مو زينة وانه يحاجي بنات وواجهته بس انكر بشدة وقال اذا تشكين فيني خلاص روحي بيت اهلج واهي تحبه واعليا وايد وبعدين بيت اهلها حكرة وعسرين ماودها تعيش مطلقة عندهم ومؤخرا اكتشفت انه بدا يراسل بنات عالواتس وصار فيه مكالمات الريال استخف وقعد واهي بتموت من الحرة الريال يرفض يعترف بس اهي شافت بعينها وسمعت باذونها وبعدين قالتله انا كنت غلطانة اني ماوثقت فيك لانها اوهام بس اهي من داخلها عارفه انه خاين وامس شافته سهران بالليل يغازل وحدة بالتلفون بس سوت نفسها ماشافت شي بس مسكينة قاعده تتحلطم علي بالواتس من صباح الله خير وتبجي تقول قلبي معورني من القهر وانوثتي مجروحه شنو تسوي معاه؟
